Warning: Use of undefined constant REQUEST_URI - assumed 'REQUEST_URI' (this will throw an Error in a future version of PHP) in /customers/4/8/1/radioprojekt.dk/httpd.www/wp-content/themes/remix/functions.php on line 73 Stresi: cilat janë pasojat më të tmerrshme që ai sjell? – Radio projekt 21

Stresi: cilat janë pasojat më të tmerrshme që ai sjell?

SHËNDET – PËR ATA QË ENDE S’E DINË APO QË NUK U KA INTERESUAR NDONJËHERË, MUND TË THEMI SE STRESI REZERVON PLOT “SHAKA” TË PAKËNDSHME. NË FAKT, NËSE NIVELET E TENSIONIT DHE TË ANKTHIT NUK MBAHEN NËN KONTROLL, RREZIQET QË I KANOSEN SHËNDETIT PREJ TIJ JANË TEPËR TË MËDHA. NJIHUNI ME DISA NGA PASOJAT QË AI SJELL, TË CILAT DUHET T’I MERRNI NË KONSIDERATË

Stresi shkakton:

Lodhje
Stresi shkakton lodhje, dhe shumë madje. Pas adrenalinës së momenteve të para të stresit, trupi kërkon të mbajë një ekuilibër të duhur, pra të vetëkontrollohet, por në këtë mënyrë, ai lodhet shumë duke qenë se kundërvepron ndaj trurit dhe mendjes.

Probleme me dëshirën seksuale
Truri impenjohet që të zgjidhë arsyen e shkakut të stresit, ndërsa emocionet janë konfuze. Por, mbi të gjitha, në kushtet e një stresi të fortë, rrezikohet të humbisni disa aspekte të jetës, personale ose në çift. Dëshira seksuale ka të ngjarë që të ndikojë negativisht në jetën intime.

Probleme me tretjen
Janë të shumtë personat që e vuajnë stresin në mënyrë të bezdisshme, me probleme në sistemin tretës, dhembje barku dhe vështirësi të tilla si përzierje, vjellje e deri aciditet në stomak e gastrit.

Shenja në lëkurë
Tensioni nuk i bën mirë as lëkurës. Ngjyra e saj zbehet, shkëlqimi venitet dhe në sipërfaqe dalin puçrra, por edhe rrudha.

Humbje të kujtesës
Kur njeriu kalon një ngarkesë të fortë me stres ose një periudhë ankthi të tejzgjatur, truri mund të humbasë disa nga funksionet e tij, e sidomos atë të kujtesës.

Shëndoshje
Duke u stresuar, duke i kushtuar pak vëmendje vetvetes, duke ngrënë në mënyrë jo të rregullt, duke bërë pak aktivitet fizik, ka shumë mundësi që të shëndosheni si kurrë më parë.

Net pa gjumë
Shqetësimet dhe tensioni, streset dhe ankthi janë pa dyshim elemente të dëmshme për çlodhjen, armiq të betuar të një gjumi të mirë.

Rënie të flokëve
Edhe lëkura e kokës e ndien shumë stresin. Tensioni dhe shqetësimet i “dobësojnë” flokët, duke u hequr atyre shkëlqimin, ndërsa ata fillojnë të bien shumë.

Dhembje shpine
Akumulimi i tensionit i bën keq shëndetit dhe veçanërisht shpinës. Tensionet emotive dhe psikologjike mund të përkthehen edhe në tensione muskulore.

Dhembje koke
Një nga pasojat më të shpeshta të stresit, është dhembja e kokës, e cila mund të manifestohet në disa versione të mundshme, por migrena është më dominuesja.

Mund të ju pëlqej ...

0

Leave a Reply

Your email address will not be published. Required fields are marked *