Vizita e Xhaxhit në familjen e dëshmorit të Atdheut “Komandant Teli”

Te nderuar degjues dhe lexues te web faqes se Radio Projekt-it. Ju shkruaj kesaj radhe nga vendlindja – Tetova, me pershendetjet me te ngrohta per ju.

Me date 19.01.12 isha ne vizite tek familja e deshmorit Lefter Koxhaj I njohur si Komandant Teli per ta cuar ne vend amanetin e juaj dhe per te cilin ju deshmoj se e kam kryer me korektesine dhe pergjegjesine me te madhe.

Me lejoni fillimisht t’u sjell pershendetjet e znj. Rabie dhe dy femijeve te saj Rexhines e Letjanit. Falemenderime e shume perqafime per te gjithe ata qe ndane nga vetja mjete dhe per t’ju gjendur prane ne castet me te veshtira te jetes se tyre, me uraten me te madhe “Zoti ju shperbleft”.

Takimi im ne familjen e Komandant Telit u prit me shume gezim, ne shoqeri me mua ishin edhe disa miq, vec tjerash edhe Besnik Sinani, vellau I Komandant Tahir Sinani nga Tropoja qe gjithashtu eshte i mirenjohur per ju. Vlen te theksoj qe ketu nuk ishte e mangur as mediumi publik i Radio Televizionit te Kosoves (RTK) ku mbetem me shprese se nje numer I bashkeatedhetareve tane te kete patur rastin edhe ta kishin ndjekur kroniken ne kuader te edicionit te lajmeve ora 19:30 te dates 22.01.12.

Shume te respektuar lexues dhe ju degjues te Radio Projektit, ne aktivitete te ndryshme e vecmas ne ato Flaka e Janarit 2012 ku une kam marur pjese jo per t’u eksponuar por ballelarte e kam shpalosur para publikut mundin dhe djersen tuaj sic ishte ajo ne manifestimin e mbajtur ne Kercove me 21 Janar per kontributin dhe ndihmen drejtuar familjes se Komandant Telit ku te pranishmit ne salle me duartrokitje frenetike e kane pershendetur rastin ne fjale.

Qellimi I ketij shkrimi te shkurter dua te meret vetem si transparence ndaj juve qe kontribuat dhe ndihmuat familjen e Komandat Telit, e ndjeja si obligim moral andaj dhe njeher theksoj dhe potencoj se me pergjegjesine me te madhe e me nje sinqeritet te paster jam munduar qe amanetin dhe porosine tuaj t’a coj ne vend te duhur ku dhe ju betohem qe edhe ashtu ka ndodhur.

Andaj per fund ju bej me dije qe familjes ne fjale I kame dorezuar 34.000 Euro (tridhjete e kater mije Euro) ne shenje respekti e solidarizimi ne emrin e juaj. Dhe njekohesisht, ketu shfrytezoj rastin t’u falemenderoj edhe per besimin e dhene si mua ashtu edhe tere stafit realizues te Radio Projektit. Nderkaq se bashku me mjetet e dorezuara familjes i’a dedikova edhe nje leter pershendetese te cilen u’a postoj ta ndiqni me poshte.

E nderuara motër Rabije!

E nderuara bashkëshorte e dëshmorit të Kombit, Komandant Teli!

Me anë të kësaj letre ju përshendesim juve dhe dy pëllumbat tuaj të cilet janë pëllumbat e Atdheut tonë, e mbi të gjitha trashëgimtarët e të pavdekshmit vëllaut të gjakut tonë dhe dëshmorit të Kombit, Komandat Teli. Dhimbja juaj është edhe e jona, prandaj kjo ishte më e pakta që mund të bënim për ju, ne bashkëkombasit tuaj. Aksionit në fjalë i janë përgjegjur shumica e mërgimtarëve nga Danimarka si dhe pjesërisht Suedia, Zvicra, Gjermania, Anglia, Kanada , Amerika e largët, etj. Kemi mbledhur këtë shumë të parave jo si lëmoshë por t’ju themi fëmijeve tuaj dhe juve se ju nuk jeni të vetëm!

E kuptojmë vuajtjen tuaj shpirtërore dhe mungesën që e ndjeni në shpirtë për me të dashurin tuaj, por njëherit të jeni krenarë që e patët një bashkëshortë dhe baba të tillë që luftoi pa iu trembur qerpiku me serbo-sllavët e sllavo-maqedonasit. Gjaku I tyre nuk ka shkuar huq, por ai gjak Kosovës iu bë kurorë e Pavarsisë! Ju urojmë nga zemra shëndet, mbarësi, e suskese në çdo hap të jetës suaj, ndërsa Komandant Telit I lehtë I qoftë dheu I Atdheut.

Qoftë I përjetshem kujtimi I tij!

Lavdi jetës dhe veprës së tij!

Ne do të jemi me ju dhe pranë juve në të mira dhe në të këqija, sa herë që të jetë nevoja ne do të ndodhemi pranë juve. Nëse Komandant Teli u’a la amanet fëmijeve “Duajeni Atdheun sepse ai është prindi juaj” atëherë ne u themi fëmijeve të tij se ne jemi Atdheu juaj prandaj na duani se edhe ne ju duam, ju vlersojmë dhe ju çmojmë.

Me nderime dhe respekt për ju dhe me shumë dashuri,

Radio Porjekt 21, Danimarkë.

Redaktor Pergjegjës – Havzi Sulejmani

Tel: 004539161822

E-Mail: projekt21@radioprojekt.dk