Home

Lajme

Klubet VIP në jug të vendit mbulohen me gjak nga sherret

No Comments Aktualitet Lajme

Njerëzit më të pasur, këngëtarët më të njohur, personazhet VIP të ekranit, vajzat më të përfolura të showbizit, por edhe politikanët; si çdo verë spostohen në plazhet më të bukura në jug të vendit, duke formuar një “bllok” të përkohshëm, si ai i Tiranës, ku njerëzit e zakonshëm të këtij vendi nuk futen dot.

Bashkë me luksin e shfrenuar dhe çmimet e kripura, shpesh pa kupon tatimor, festat e çmenduara pasohen me sherre të dhunshme dhe përplasje me armë, si ai i dy ditëve më parë, në plazhin e Jalit.

Sherri nisi pas mesnate mes dy grupe të rinjsh, të cilët mësohet se kishin konsumuar alkool. Konflikti degjeneroi në përdorimin e armëve, ku u raportuan të shtëna, ndërsa klientët që ndodheshin aty, të terrorizuar, u fshehën poshtë tavolinave, në zonën “Vip” të lokalit Folie Marine. Ngjarja mbetet ende e mbuluar me mister, ndërsa nga përplasja mbeti e lënduar një vajzë.

‘Lufta’ në disko ‘Havana’ në Dhërmi një vit më parë

Përplasjet me armë në lokalet e natës në jug të vendit janë të përvitshme. Edhe më herët, në lokalet e natës në plazhe kanë ndodhur ngjarje të ngjashme, kjo për shkak se ato janë jashtë kontrollit të plotë të Policisë. Një skenë e tillë ndodhi një vit më parë në Dhermi, në një prej diskove më të njohura, ku pas një sherri mes të rinjve u përdoren armët. Shishe, gota e karrige të thyera. Kjo ishte panorama që mbeti. Sherri brenda diskos ka qenë masiv dhe ka kthyer përmbys gjithçka brenda ambienteve të diskos. Klientët kanë parë tmerr me sy dhe u larguan të alarmuar për t’u shpëtuar plumbave. Autori, i cili më pas u arrestua nga policia, qëlloi 4 herë me armë, por fatmirësisht nuk pati të plagosur

Plagosja e bodigardit të disko Mango një vit më parë

Ngjarja në disko “Havana” në Dhërmi vjen pas plagosjes me armë zjarri në disko “Mango” në Sarandë në fillim të muajit qershor 2018, ku u qëllua me armë zjarri truproja, Ardian Rako, 31-vjeç. Edhe aty, protagonistë ishin disa të rinj, të cilin u përfshinë në një sherr me njëri-tjetrin dhe për rrjedhojë pati të shtëna me armë zjarri.

Siguria në plazhe në pikëpyetje

Ngjarje të tilla, që regjistrohen më mesin e sezonit turistik, vënë seriozisht në pikëpyetje sigurinë në plazhe dhe imazhin e turizmit shqiptar. Shumë nga lokalet VIP që ndodhen në jug të vendit, janë jashtë kontrollit të policisë. Pas festave të çmendura me alkool, por edhe seks, ku çmimet e pijeve kapin shifra marramendëse, “të fortët” nxjerrin edhe armët. Si gjithmonë, vajzat e showbizit janë “molla e sherrit”.

Policia duhet të marrë masa të forta, për të vënë në kontroll të plotë zonat VIP në plazhe, ku shpesh raportohet edhe për shpërndarje droge. Ngjarje të tilla në pikun e sezonit turistik, e dëmtojnë seriozisht imazhin e vendit, por mbi të gjitha kërcënojnë sigurinë e pushuesve.

©Copyright Gazeta SHQIP

Gazetarët e mafias!

No Comments Lajme Opinion

Nga Vehap KOLA

“Gazetarët e mafias e shohin përballjen ndërmjet të Mirës dhe të Keqes si një ndeshje futbolli. Nuk ka asgjë nga gazetari si rojtar i të vërtetës apo si raportues i drejtë tek gazetari i mafias. Ai nuk është i interesuar që e Mira të triumfojë dhe as ndjen se ka përgjegjësinë morale të gjurmojë të Keqen që i kanoset një shoqërie. Sapo përballja ndërmjet këtyre dy forcave morale themelore përfundon në mënyrë tragjike, gazetari i mafias nis të komentojë me cinizëm pikat e dobëta të të Mirës.

Gazetarët e mafias e mbyllin raportimin apo analizën e tyre me shprehje si “viktima njihet si person me precedent,” apo “viktima kishte një të shkuar kriminale,” apo “vrasja dyshohet të jetë kryer për larje hesapesh.” Qershinë mbi tortën e frazeologjive të gazetarisë së mafias e ka ofruar udhëheqësi shpirtëror i saj dhe i vetë mafias, Edi Rama: “hëngshin kokat e njëri-tjetrit!”

Në Shqipëri gazetarët e mafias janë të shumtë. Ata nuk kanë asgjë për të thënë për Habilajt, Avdylajt, Bajrajt, Çapjet, Berishët e Shullazët. Ata nuk kanë gojë të përmendin, Zamirin, Salillarin, Sandrin, Beson e Taivanit apo Vilma Nushin.

Asnjë fjalë për be nuk thonë ata për Ardit Gjoklajn, paratë e drogës që bëhen kulla me lejet e Erion Velisë dhe Vangjush Dakos. Ata heshtin si vdekja për rrugën 10 milion euro për kilometër në zemër të Tiranës, për kosto 20 milion euro për kilometër të Unazës së Re apo për rrugën fushore Milot–Balldren me kosto sa trefishi i kostos së Rrugës së Kombit.

Në kulmin e skandalit të një firme fantazëm që fallsifikon firmat e shtetarëve amerikanë dhe merr një tender abuziv, gazetari i mafias zbulon se opozita, jo streha mbi kokë, qëndron pas protestave të banorëve të Astirit.

Ata i shohin Edi Ramën, Saimir Tahirin, Fatmir Xhafën, Vangjush Dakon, Damian Gjiknurin, Pjerin Ndreun dhe Arben Keshin si viktima të smirës së njerëzve të paaftë të opozitës ndaj çunave të shkathët që të zgjidhin hall për çdo situatë.

Ditmir Bushati që koordinon Edi Ramën me Bajrajt dhe bën një fushatë edhe më kriminale se Tom Doshi apo Mark Frroku, për gazetarët e mafias është një politikan vizionar dhe patriot. Madje ai është shpresë edhe për të korrigjuar Ramën, kurdo që ky i fundit mund të mbytet nga arroganca dhe vetëpëlqimi e të mos i qasë as vetë këta gazetarë.

Për gazetarët e mafias nuk ekziston asnjë problem moral me kapjen e shtetit dhe kontrollin e zgjedhjeve nga grupet kriminale dhe familjet mafioze.

Problemi i vërtetë është në fakt opozita e cila është e frikësuar nga reforma në drejtësi. Madje ajo nuk frymëzon mjaftueshëm sa njerëzit të votojnë për të edhe pse të kërcënuar me jetën apo vendin e punës. Opozita nuk bën fare. Ajo duhet ndryshuar. Ajo duhet shkrirë për të bërë një opozitë të tjetër, si ajo opozita e re që voton njëzëri me Ramën konçesionin e rrugës Milot-Balldren 15 milion euro për kilometër.

Kur përgjimet e dosjes 184 dhe 339 publikohen nga gazeta Bild, gazetari i mafias nuk pyet prokurorinë nëse ka filluar hetimet për politikanët e bërë njësh me grupet kriminale për të manipuluar zgjedhjet.

Për të nuk përbën asnjë problem fakti që prokuroria ka 3 vjet që fle mbi dosjet e kërcënimit të zgjedhësve nga familjet mafioze. As politikanët që furnizojnë bandat me listat e njerëzve që duhen shantazhuar nuk duhen bezdisur me pyetje. Këtë e bëjnë të gjithë politikanët dhe kjo ka ndodhur sa herë ka patur zgjedhje në Shqipëri, thotë gazetari i mafias.

Nga ana tjetër, gazetari i mafias është i shqetësuar se si do ta pengojë prokuroria rrjedhjen e ‘sekreteve hetimore’ në media. Ai pyet prokurorinë nëse ka filluar hetimin për të zbuluar cili prokuror i ka nxjerrë ato përgjime jashtë. Për më tepër, ai është përvëluar të dijë edhe sa vjet burg do të marrë ai që nxori ‘sekretin hetimor’.

Ndaj opozitës, gazetari i mafias s’ka mëshirë. Opozita është një klub të paaftësh, që as nuk di si merret pushteti, as nuk e kupton se problemi është tek ajo, jo tek mafia që ka kapur çdo zyrë të shtetit.

Ai pyet zyrtarin amerikan se çfarë masash do të merren ndaj opozitës nëse ajo pengon votimet njëpartiake. Ai ndjen se zyrtari amerikan thellë-thellë nënkupton se opozita do të shpallet organizatë terroriste. Njësoj si PKK-ja kurde, si Hezbollahu në Liban dhe IRA në Irlandë. Nëse zyrtari amerikan nuk e thotë këtë drejtpërdrejtë, është detyrë e gazetarit të mafias që ta interpretojë deklaratën diplomatike për popullin e thjeshtë që i do gjërat copë në sy.

Nëse votimet njëpartiake nën kontrollin e plotë të grupeve kriminale janë në interesin publik apo jo, kjo nuk përbën asnjë merak për gazetarin e mafias. Ai i referohet KQZ-së për të shpallur si antikushtetues dekretin e Presidentit. Dhe pyet me ngulm deputetin e pushtetit: kur do të shkarkohet Presidenti që shkeli kushtetutën?

Kur një oficer policie denoncon shkrirjen e policisë me rrjetin e mbjelljes dhe trafikimit të kanabisit nën patronazhin e Ministrit të Brendshëm, gazetari i mafias shpreh dyshim se oficeri kërkon të fitojë azil me këtë akuzë. Gazetari i mafias nuk pranon asnjë arsye përse duhet të hulumtojë nëse ka ndonjë të vërtetë në dëshmi të tilla. Përkundrazi, ai vrapon të zbulojë se çfarë njeriu i lig, mashtrues, madje vetë i implikuar në çështje droge ishte ky oficer.

Kur gazetari i mafias është zëvendës, ai është i bindur se në aerodromin e Gjadrrit nuk ulen dot avionët e vegjël për të ngarkuar drogë sepse guriçkat në pistë u çajnë rrotat.

Sfida kryesore e vendit, sipas tij, nuk është kapja e shtetit nga krimi i organizuar, por ajo marrëdhënia e neveritshme e inçestit në Lezhë. Fundja, kjo tregon se sa të pështirë janë shqiptarët dhe sa të zgjedhur e kanë qeverinë.

Ai e quan shpopullimin e Shqipërisë një etapë emancipuese, ndërsa ikjen e rinisë në azil e sheh si turizëm kulturor.

Nga vila e tij luksoze, gazetari i mafias i çon selam Presidentit të Republikës për t’u paraqitur në emisionin e tij në ora 5 të mëngjesit. Nga ishujt ekzotikë ku ai kalon pushimet mijëraeuroshe me fëmijët që ka me ish-gruan e tij ministre, gazetari i mafias i kthen xhevap kryetarit të opozitës.

Sepse gazetari i mafias nuk humb kohë me vogëlsira si puna në terren, shqyrtimi i dokumentave, zbulimi i skandaleve. Gazetari i mafias është gazetar i madh: ai debaton me udhëheqësin e opozitës, me Presidentin, me ish-Kryeministrin.

Për gazetarët e mafias, ky kryetar i opozitës s’është gjë. Nevojitet një figurë tjetër, si Rudina Hajdari ose Astrit Patozi, që i vënë gjoksin Ilir Metës që kërkon të lerë shqiptarët pa votime.

Nëse demokratëve nuk u pëlqejnë Rudina dhe Astriti sepse janë shumë vanitozë, kemi Jozefinën. Ajo është mbretëresha e opozitarizmit. Flet gegninsht, si shumica e demokratëve dhe sulmon Bashën për mungesë alternative saherë që Rama është në pozitë të vështirë.

Gazetarët e mafias janë të sigurt se Shqipëria do të hapë negociatat me BE-në në tetor. Do të ishin hapur në qershor po të mos ishte për problemet e brendshme të vetë BE-së. Shto këtu edhe lobimin e një shoqeje të klasës së Lulit në parlamentin hollandez për të rikthyer vizat me Shqipërinë.

Opozita sipas gazetarëve të mafias është e lidhur këmbë e krye me Rusinë dhe protestat e saj synojnë të pengojnë rrugën europiane të Shqipërisë. Kapja e sektorëve strategjikë të ekonomisë shqiptare nga grupet ruse dhe kineze nuk është fare dëshmi e lidhjeve të qeverisë me rusët.

Argumenti më i qartë për këtë është heshtja e Ambasadës së ShBA-së. Edhe disa shqetësime të ngritura nga senati amerikan për kapjen nga rusët të sektorëve strategjikë në Shqipëri, Serbi, Mal të Zi, Maqedoni dhe Bosnje janë paranoja të qafëkuqve të Trampit që nuk marrin vesh nga Europa as nga Ballkani.

Kur gazetari i mafias është drejtor televizioni, ai nuk e përmend në asnjë lajm blerjen nga kinezët të aeroportit të Rinasit dhe Bankers-it, apo privatizimin e bankave nga grupe bankare ruse. Sa për këtë punë, paratë ruse i gjen nën jastëkun e opozitës.

Gazetarëve të mafias u duket dhunë grumbullimi i njerëzve përpara KZAZ-së në Tropojë, madje dhunë më e madhe se kërcënimi i mësuesve dhe mjekëve të Dibrës që nëse nuk votojnë PS-në, të hënën janë pa punë.

Gazetarët e mafias nuk janë të brengosur për shuarjen e pluralizmit, për fundin e ekonomisë së tregut, për sundimin e grupeve kriminale, shpopullimin biblik të vendit apo krizën e gjithanshme morale. Shqiptarët këtë kokë kanë. E ka thënë edhe Konica i madh. Shqiptarët nuk bëjnë dot shtet pa një çikë diktaturë.

Edhe në qoftë kaq keq sa pretendon opozita dhe leckamanët që e ndjekin, gazetari i mafias është i bindur se fajtore për këtë është opozita e cila është e dobët dhe nuk fiton dot asnjë palë zgjedhje. Ai vetë si gazetar, si njeri, si shqiptar nuk ka asnjë përgjegjësi. Ai është aty për t’i shërbyer atij që i hedh kockën. Në fund të fundit, çfarë qari ka ai nga mbrojtja e interesit publik?!

Këta gazetarë kanë bërë zgjedhjen imorale të talljes cinike me opozitën dhe normalizimit të të keqes.

Kanë zgjedhur të censurojnë debatin real: atë të kërcënimit të demokracisë nga grupet kriminale me pushtet politik, oligarkia mafioze që vë traun në rrugë për të vjelur haraçin nga publiku dhe nga politikanët që përdorin organizatat kriminale dhe paratë e pista për të fituar pushtet.

Këta nuk janë gazetarë të të majtës. Janë rojtarë të portave të mafias.

Burimi /gazeta-shqip.com

Nga erdhi emri celular?

No Comments Lajme Teknologji

E keni vrarë mendjen nga erdhi emri celular dhe kush e bëri bisedën e parë me një telefon të tillë?
E keni vrarë mendjen nga erdhi emri celular dhe kush e bëri bisedën e parë me një telefon të tillë?
Deri në vitet 70 fjala celular nuk kishte fare të bënte me elektronikën apo telefoninë.
Mes përdorimeve të zakonshme, përveç atyre referuar qelizave (biologjike), ishte ai i furgonit të policisë për transportin e të burgosurve.
Fjala filloi të përdorej për telefonin e lëvizshëm në 1979, kur “The Bell System Technical Journal”, një revistë që shkruante për zhvillimet teknologjike, publikoi një artikull të titulluar “Koncepti i celularit” nga V.H. MacDonald. MacDonald.
Aty përshkruhet skema e një rrjeti telefonik të lëvizshëm që përbëhet nga qeliza, me mekanizmat elektronikë të vendosur në një distancë precize nga njëri-tjetri.
Në këtë mënyrë sinjali qëndronte konstant edhe kur telefoni lëvizte.
Por shpikja e skemës kishte ndodhur më parë.
Që në 1947 Douglas H. Ring dhe W. Rae Young, inxhinierë në “Bell Labs” dizajnuan një rrjetë me mekanizma elektronikë që e quajtën “skema celular”, sepse çdo mekanizëm elektronik me zonën e vet të mbulimit i ngjante një qelize biologjike.
Një rrjet i konceptuar kaq mirë, në praktikë, lejonte që telefonatat të zhvendoseshin nga një qelizë të tjetra, duke ndenjur në të njëjtin kanal.
Kjo është arsyeja se përse në fund, telefonat e lëvizshëm që përdorin rrjetë pa tela, u quajtën celularë.
Telefonata e parë me celular u bë në rrugët e Nju Jorkut më 3 prill të 1973-it, nga Martin Cooper (në foto), shpikësi i telefonit të lëvizshëm “AT & T”.
Fjalët e para të asaj bisede ishin: “Joel, po të telefonoj nga një telefon celular, një telefon i vërtetë celular, një pajisje e lëvizshme që mbahet në dorë, një telefon celular prej vërteti”.
Për të bërë atë telefonatë që hyri në histori përdori një aparat “Dyna-Tac” të peshës 1,3 kg, i pajisur me një bateri që mbante vetëm 30 minuta.

“U velëm me demagogji”

No Comments Lajme Opinion

“Sa i lumtur është ai që njeh shkakun e ndodhive…” / VIRGJILI
Mendova të jap disa mendime për gazetën “DITA”, e cila na bën ftesë për çështjet ë mëposhtme: a duhet vijuar me këtë klasë(shtresë) politike? Më tej: A e meritojmë varfërinë, padijen, arrogancën e sotme? A duhet të prodhojë Shqipëria pasuri për një grup sharlatanësh politikë, të cilët bëjnë ç’është e mundur të sigurojnë një vend në Parlament, në Qeveri,dikaster qendror e kështu më radhë…Madje përpjekjet në këtë drejtim bëhen shpesh me çdo çmim…
Shqipëria,siç e dimë, nuk vuan për parti politike( e as për qindra shoqata), të cilat populli i mban mbi kurriz.Po atëherë pse u dashka të shtojmë partitë, që edhe me kaq jemi ca si shumë të politikanizuar.Ato thonë se i binden dhe mendojnë për sovranin popull!Është ky “sovran”që rropatet e rropatet jo rrallë lugëzbrazët e zorrëthatë në mjerimin e vet migjenian, ndërsa ata voclakët në numër, politikanët, majmen e majmen me miliardat e tyre, si dhe duke pronarizuar gjithçka, kurse burimet e tyre financiare apo pronësore nuk kanë për t’i treguar kurrë.
“Pushteti të korrupton”- thotë një filozof, por jo në këto përmasa stratosferike si tek ne.Dhe ja të shtojmë edhe ca parti të reja që kinse do bëjnë më të mirën,por me ç’bazë,askush nuk e thotë nga këta llafeshitës.Nuk dihet se njeriu e prish sistemin ekonomiko-shoqëror apo e kundërta?Tërëçka ndodh, veç të tjerave, nga pandëshkueshmëria e disa “trimoshave”,të cilët mund të bëjnë çdo veprim antiligjor apo korrupsion e për dekada me radhë s’kanë marrë gjemb në këmbë dhe ndaj trimërohen ata…
Dhe të shumojmë partitë,gjë që është sikur me që p.sh.juristët po ngelin në rrjetën e vettingut, të shtojmë ca fakultete të rinj drejtësie? Pse kështu do të ecim ne si gaforrja? Ai profesionist e politikan i cili shkel ligjet, t’u nënshtrohet gjykatoreve, se ka plot të tjerë që presin për një vend pune! Demokracia,ka theksuar Xh.Kenedi,”kërkon cilësi të larta, vetëdisiplinë, vullnet për të sakrifikuar për interesin e përgjithshëm dhe gjithashtu kërkon njohje, dituri”.
Le të theksojmë meqënëse shkalla e të ndëshkuarit është e pakët,pse mos të shtojmë partitë politike se ato do të na premtojnë për të bërë paskëtaj më të mirën! Është një melodi e refren i njohur, që veç përbetohen sa herë bëhen zgjedhje.E si mund t’i besojë këto parrulla dalëboje,ky popull i shumë vuajtuar, i cili nuk e meriton këtë gjendje(derexhe) ku sot ka arritur. Pse të pjellorojmë vendin me parti të reja, pa bukë e bereqet?!
Pra “ndal” dhe zbatim të ligjit nga më i madhi tek më i vogli, mendoj unë.Po inshallah,s’na zënë rrugën parti dhe politikanë të tjerë se jemi të velur me ta…
Mëse një shekull më parë, Lev N.Tolstoi ka shkruar:”Cilado parti që të fitojë, për të ruajtur fuqinë e vet, do të përdorë jo vetëm të gjitha mjetet e dhunës që ka në dispozicion,por do të sajojë edhe të reja.”
Desh na demagogjizuan të gjithëve, por nuk ia kanë arritur…
Izet S. Çulli

Burimi/podiumi.com

Si të keni shumë ndjekës në rrjete sociale

No Comments Lajme Teknologji

Të gjithë e dimë sa e fuqishme është loja e Instagramit – për një LIKE më shumë. Po si mund të kesh më shumë ndjekës? Mund të kesh dëgjuar edhe nga kushëriri i vogël 12-vjeҫar që njerëzit paguajnë për të pasur më shumë ndjekës në rrjetet sociale. Por nuk është kjo ajo që do të bësh. Në varësi të faqes së Instagramit që ke për të menaxhuar, ka disa hapa që të sigurosh më shumë ndjekës – falas.
Bëhu një pëlqyes besnik
Kjo është një pikë shumë e rëndësishme – një fillim i mirë. Jo vetëm të pëlqesh fotot apo komentet e fotove që ke postuar në profilin tënd, por të ndash dashuri edhe me njerëzit që jo domosdoshmërish janë ndjekësit e tu. Po ashtu mund të pëlqesh edhe fotot apo postimet e miqve që nuk i njeh edhe aq mirë. Thjeshtë shiko dhe shumë shpejt, gjithҫka do të të kthehet mbrapsht.
Zgjidhi hashtag-ët me menҫuri
Në profilet sociale, është shumë e rëndësishme edhe zgjedhja e hashtag-ëve. Një zgjedhje e mirë e tyre përkthehet në më shumë pëlqime në mediat sociale dhe rrjedhimisht edhe më shumë ndjekës. Kështu, ndërsa zgjedh të përdorësh një hashtag, merr parasysh që të ketë një lloj “kodi”për të tërhequr fansa. (#FF + Follow Friday, #LB = like back, #l4l = like for like), por edhe më populloret (#love, #instagood), të cilat përdoren më shumë në Instagram (do të shihen nga shumë njerëz që e përdorin Instagramin).

Historia interesante e kishës-xhami në muzeun e Kalasë së Ulqinit

No Comments Argëtim Histori

Gjatë sundimit të Venedikasve,në Kala me 1510 u ndërtu kisha e Shën Mërisë, e cila menjëherë pas rënies së Ulqinit nën Perandorinë Osmane u shndërrua në xhamin e Sulltan Selimit të II-të, shkruan Gazeta Metro.

Ishte ajo e ashtuquajtur xhamia e mbretit, sepse nuk kishte vakëf nga sigurohej ekzistenca, por shërbyesit e saj paguheshin nga buxheti i shtetit. Haxhi Halil Skura me 1693 ndërtoi minaren prej guri të latuar, në pjesën e poshtme në një bazament kuadrati, që ngushtohet nga pjesa e epërme. Funksionin e vet fetar kjo xhami e ndërpret me 1878 gjegjësisht prej ardhjes së parë të malazezëve në Ulqin.

Në kuadër të këtij objekti fetar ka ekzistuar edhe mejtepi. Ku mblidheshin rejzit e Ulqinit, kur merrnin vendime të rëndësishme.

Ky objekt është përmendorja më e mirë e bashkëjetesës së perëndimit dhe lindjes në arkitekturën e Ulqinit. Në të gjendet muzeu i qytetit./gazetametro.net

Kalaja e Ulqinit: Nga sheshet e luftës në hotele me pamje mbreslënëse

No Comments Uncategorized

Kalaja e Ulqinit e njohur edhe si Qyteti i vjetër i Ulqinit është një kala e lashtë në të cilën janë zhvilluar shumë luftra, por sot ajo ka një pamje mahnitëse pranë detit. E ndërtuar mbi një ujdhesë të vogël në bregdetit e Adriatikut, sot aty sheh shumë hotele, të cilat ofrojnë komoditet dhe qetësi, shkruan Gazeta Metro.

Ulqini është një nga qytete që ka një histori interesante në vete, duke filluar nga qyteti i vjetër që u fundos mijëra vite më parë nga një tërmet e deri te kalaja e famshmë e gurit, që tërheq miliona turistë brenda vitit. Kjo kala tash është transformuar në vend shumë të bukur, madje shumë i kërkuar. Kahas historisë pamja është ajo që të mos e mendosh dyherë akomodimim aty.

Gjurmët më të hershme të kalasë i takojnë periudhës parahistorike, kur Ulqini i përkiste ilirëve, popull me origjinë indo-evropiane.

Për shkak të pozitës së mirë relievit dhe klimës së butë kalaja ka qenë gjithmonë pre e pushtuesve të mëdhenj. Ulqini është një qytet, muret e të cilit janë shkatërruar shpesh në luftëra, por u rinërtuan edhe nga të gjithë ata që, për shkak të bukurisë së këtij qyteti të lashtë gjetën paqe, duke ndërtuar për vete fortifikime dhe rezidenca. Perandori bizantin Justiniani përmendet të ketë bërë rindërtime, i cili u ndjek nga nemanjiqët, balshajt, venedikasit dhe osmanët./gazetametro.net



Thaçi: Vendimi i GJND’së, fitorja më e madhe ndërkombëtare e Kosovës

No Comments Aktualitet Lajme

Presidenti i Kosovës, Hashim Thaçi, ka deklaruar se vendimi i Gjykatës Ndërkombëtare të Drejtësisë për shpalljen e pavarësisë ishte fitorja më e madhe ndërkombëtare e Kosovës, shkruan Gazeta Metro.

Thaçi në nëntë vjetorin e vendimit të Gjykatës Ndërkombëtare të Drejtësisë, tha se kjo ishte fitore shumë e madhe e Kosovës.

Ky vendim sipas tij i hapi rrugë forcimit të subjektivitetit ndërkombëtar dhe vulosi përjetësisht të drejtën e Kosovës për vetëvendosje.
Postimi i plotë i Thaçit:

U bënë nëntë vjet nga vendimi i Gjykatës Ndërkombëtare të Drejtësisë, e cila konfirmoi të drejtën tonë për shpalljen e pavarësisë së Kosovës. Kjo ishte fitorja më e madhe ndërkombëtare e Republikës së Kosovës, e cila i hapi rrugë forcimit të subjektivitetit ndërkombëtar dhe vulosi përjetësisht të drejtën tonë për vetëvendosje. Ky vendim ka trasuar rrugën për anëtarësimin e Kosovës në NATO, BE dhe OKB../gazetametro.net

Shqiptarët e Luginës dalin dhe u japin ujë mërgimtarëve që po presin në kufirin Serbi-Kosovë

No Comments Aktualitet Lajme

Sot aktivistë të Alternativës për Ndryshim në Bujanoc, përmes një aksioni simbolik, duke i dhuruar ujë të ftohtë, i kanë dëshiruar mirëseardhje bashkatdhetarëve shqiptarë që jetojnë në vendet e perëndimit, të cilët po presin në pikën kufitare Dheu i Bardhë.

Qytetarë të shumtë të cilët po udhëtojnë në temperatura të larta, falënderuan dhe u shprehën mirënjohës ndaj aktivistëve të cilët sadopak i freskuan me ujë.

Kujtojmë se kolona të gjata po krijohen në kufijtë e Serbisë me Kroacinë dhe Kosovën.
Më poshtë keni disa foto./gazetametro.net





Leonora Jakupi e pranon që është në lidhje dashurie: Tregon se kur do të martohet

No Comments Argëtim Thashetheme

Leonora Jakupi është njëra ndër këngëtaret më të dashura në estradën tonë. Ajo së fundi ka folur për jetën e saj private, transmeton Gazeta Metro.

Duke qenë e rezervuar çdo herë në këtë aspekt ajo ka zbuluar gjëra të reja. Leonora Jakupi ka pranuar se është në lidhje dashurie.

Në të ardhmen ajo e sheh veten si nënë, “nëse jonë edhe 5-6 s’ka problem” Këngëtarja e mirënjohur kosovare, Leonora Jakupi është ndër këngëtaret më të pëlqyera anë e mbanë trojeve shqiptare.

Pavarësisht që është e komentuar në mediat rozë, këngëtarja nga Drenica e mbyllur ka qenë sa i përket jetës së saj private. Ndërsa, së fundmi, gjatë një interviste, këngëtarja mjaft e pëlqyer ka treguar se ka një kohë që është në lidhje dashurie.

Në emisionin “Mirage”, Leonora ka thënë se për momentin nuk ka ndonjë plan të dasmës. Ajo është shprehur që dasmat asnjëherë nuk i kanë pëlqyer, sepse sipas saj, në dasmë çifti kënaqet më së paku. “Nuk e di nashta nuk bëj dasmë fare”, ka thënë ajo, duke shtuar që nuk e di se kur do të bëhet martesa.

“Ndoshta ndodh këtë vit, ndoshta vitin tjetër, nuk e di”, ka thënë këngëtarja. Ndërsa, sa i përket së ardhmes, këngëtarja Jakupi e sheh veten si nënë me shumë fëmijë.
“Sa ka thanë Zoti, nëse jonë edhe 5-6 s’ka problem, aq sa ka thanë Zoti, aq sa thotë ai”, ka shtuar më tutje Leonora, duke potencuar që fëmijët i do shumë.

Burimi/gazetametro.net