Home

Lajme

A duhet të tremben shqiptarët nga i ashtuquajturi “minishengen”?

No Comments Lajme Opinion

Ka një proçes që po shkon përpara në Ballkanin Përendimor, ndonëse ngadalë dhe pa dinamizmin e dëshirueshëm. Ai është proçesi i Berlinit, i iniciuar nga Gjermania në gusht të vitit 2014 dhe mbështetur fuqishëm nga vendet kryesore të BE-së si Franca, Austria, Italia, Anglia, Polonia, etj, përfshirë edhe strukturat e Bashkimit Europian. Tashmë ka një numër marrëveshjesh të nënshkruara nëpër samitet e organizuara në këto vende, dhe mbi të gjitha ka një filozofi të përbashkët: të ndihmohet rajoni të dalë nga mosmarrveshjet e mprehta politike, vështirësitë ekonomike dhe të parapërgatitet për të hyrë në Bashkimin Europian.

Disa nga gjashtë vendet e BP tashmë janë në një shkallë të avancuar të proçesit të integrimit, si Mali i Zi dhe Serbia. Mbetet e fundit Kosova, e cila megjithëse ka nënshkruar MSA-në, ka si barrierë përpara njohjen e pesë vendeve, mirëpo derisa ky problem të zgjidhet, duhet të plotësohen standartet e kërkuara dhe për këtë nuk e pengon askush.

Tashmë janë dhënë edhe miliona euro për të mbështetur disa projekte infrastrukturore që do të lidhin vendet e rajonit, për të lehtësuar kështu edhe shkëmbimet tregtare dhe për ta bërë një vend më tërheqës për investime; ka edhe institucione rajonale që janë hapur për të vënë në jetë projektet e proçesit të Berlinit.

Pa dashur të zgjatem, do të theksoj një argument që është me rëndësi për t’i dhënë përgjigje pyetjes që shtrohet në titull, e që lidhet me nxehjen e gjakrave në rajon për një iniciativë që rrënjët i ka në proçesin e Berlinit.

Në korrik të vitit 2017 në Trieste u mbajt Samiti i radhës, ku morën pjesë përfaqësuesit e gjashtë vendeve të BE-së (Italia, Franca, Gjermania, Anglia, Austria dhe Kroacia) dhe përfaqësuesit e gjashtë vendeve të Ballkanit Përendimor. Disa javë përpara këtij Samiti, u diskutua për nënshkrimin e një marrëveshjeje, e cila do të krijonte një treg të përbashkët rajonal sipas modelit të BE-së.

Ashtu sikurse tani, edhe atëherë u shfaq në horizont frika nga fantazma e Jugosllavisë dhe më shumë sesa një projekt që bashkonte rajonin, përfaqësuesit e BE-së e kuptuan se ishte si një iniciativë që i hidhte benzin zjarrit të pashuar ballkanik. Kosova kundërshtoi fuqishëm këtë iniciativë me argumentin e mosnjohjes nga Serbia dhe Bosnja, si dhe vështirësitë që këto dy shtete po i krijonin edhe në kuadër të marrëveshjes për tregti të lirë CEFTA. Si përfundim, vendet e BE-së nuk u tërhoqën plotësisht nga iniciativa, por e modifikuan atë dhe në një marrëveshje për bashkëpunim ekonomik për zhvillimin e një Zone Ekonomike Rajonale, bazuar në rregullat e CEFTA-s dhe BE-së dhe parimeve që reflektohen në MSA-të e që mundësojnë rritjen progresive të qarkullimit të lirë të mallrave, shërbimeve, investimeve, punëtorëve të specilizuar, në përputhje të plotë me agjendën e secilit vend.

Kjo zonë e përbashkët do të krijonte mundësinë e krijimit të një tregu të përbashkët prej 20 milion banorësh, gjë që do të ndikonte edhe në tërheqjen e investimeve direkte nga jashtë. Në përfundim të Samitit theksohej se kjo nuk do të ishte as një alternativë e integrimit europian, e as një strukturë paralele, por do të shërbente për të forcuar kapacitetet ekonomike të vendeve të Ballkanit Përendimor për të përmbushur kriteret ekonomike europiane, dhe të implementonin legjislacionin europian në nivel rajonal, përpara se t’i bashkoheshin BE-së. Përfaqësuesi i Kosovës, atëherë kryeministër, z. Isa Mustafa e nënshkroi këtë marrëveshje, ashtu sikurse të gjithë përfaqësusit e vendeve të tjera të rajonit, me përjashtim të Bosnjës.

Pra heqja e barrierave dhe lehtësimi i lëvizjes se njerëzve dhe mallrave në kalimet kufitare ishte thelbi i marrëveshjes, gjë që është edhe thelbi i iniciativës së të ashtuquajturit “minishengen” por që për shkak të pjesëmarrjes së vetëm tre vendeve, më mirë të quhet Trojka ballkanike. Kjo iniciativë siç edhe pritej është përkrahur si nga BE-ja ashtu edhe nga SHBA, siç pritet të përkrahet çdo iniciativë bashkëpunimi që vjen nga vetë rajoni, të cilin prej dekadash të vetmit që mund ta bëjnë bashkë dhe ta ulin në bisedime janë ndërmjetësuesit ndërkombëtarë. Me pak fjalë, të shohësh bashkë presidentin e Serbisë Vuçiç, Kryeministrin e Shqipërisë Rama dhe kryeministrin e Maqedonisë së Veriut, Zaev, duke lëvizur drejt bashkëpunimit rajonal pa ndërmjetësim, dhe duke u mbështetur në proçesin e Berlinit, është një pamje shumë pozitive.
Por ku qëndron problemi?

Duke pasur parasysh proçesin e shpjeguar më lart, lehtësimi i qarkullimit të njerëzve dhe mallrave, punëtorëve dhe studentëve siç u përmend në deklaratën pas Samitit të Ohrit nuk mund të jetë një gjë e keqe në vetvete. E keqja e këtij proçesi është se Trojka vetëm sa e ka vërtetuar edhe një herë tjetër se liderët ballkanikë nuk mund të ulen në një tryezë pa ndërmjetësim nga përfaqësuesit BE-së. Tre vende të tjera të rajonit, Mali I Zi, Bosnja dhe Kosova refuzuan pjesëmarrjen. Por themra e Akilit në të gjithë këtë debat është Kosova dhe raportet e saj me Serbinë.

Kryeministri i Shqipërisë Edi Rama, po kritikohet ashpër në opinion publik, me akuzën për anashkalim të Kosovës, por ajo që po anshkalohet në këtë debat, në të vërtetë është dialogu që ka ndodhur ndëmjet Kosovës dhe Serbisë prej vitit 2011 dhe 32 marrëveshjet që i kanë nënshkruar, disa prej të cilave kanë të bëjnë pikërisht me qarkullimin e njerëzve dhe të mallrave.

Qyetarët e Kosovës dhe të Serbisë mund të lëvizin me karta identiteti, ndërmjet këtyre dy shteteve, por në bazë të marrëveshjes së vitit 2011 për lirinë e lëvizjes (http://www.kryeministri-ks.net/…/Konkluzionet_perfundimtare…) në kufi ata duhet të pajisen me dokumenta hyrëse-dalëse, një proçedurë absurde që lidhet me mosnjohjen e shtetit të Kosovës. Ndërsa një shtetas i Shqipërisë apo i ndonjë vend tjetër, nuk mund të hyjë në Serbi nga kufiri me Kosovën por duhet të shkojë nga Maqedonia, pasi Serbia nuk e njeh kufirin e Kosovës me Serbinë, ndërsa në kufirin Kosovë-Shqipëri nuk kanë akses. Procedura e dokumenteve hyrëse e dalëse është e detyrushme edhe për mallrat që transportohen , targat e makinave të Kosovës etj.

Kosova pra, që ka barriera të shumëfishta, është e para që duhet të zgjidhë njëherë e mirë, problemin e lirisë së lëvizjes në raport me Serbinë. A është i gatshëm Vuçiç, që ta ofrojë këtë mundësi, nëpërmjet marrëveshjes së “minishengenit”? Po shqiptarët e Shqipërisë a mund të shkojnë në Serbi nëpërmjet Kosovës, pas kësaj marrwveshjeje? Po mallrat, makinat, kontrollet sanitare? Nëse përgjigjet janë po, kjo do të ishte një arritje historike, nëse janë jo, kjo është edhe një farsë tjetër ballkanike.

Deri tani kemi parë përfaqësues të Kosovës që kanë refuzuar pjesëmarrjen në këtë iniciativë; kemi dëgjuar nga deputetë e ministra deklarata që hedhin baltë mbi qeverinë shqiptare, duke harruar se proçesi që ka dëmtuar në mënyrë të pakthyeshme integritetin e Kosovës, nuk është “minishengeni”, por projekti i ndarjes së Kosovës ndërmjet Thaçit dhe Vuçiçit, që u përgadit në takime sekrete, siç e kanë pranuar edhe vetë, e u elaborua në forume ndërkombëtare. Kjo iniciativë, i bëri të prekshëm kufijtë e Kosovës, një gjë e përjashtuar në mënyrë kategorike dhe vulosur me shpalljen e pavarësisë. Ky është një gabim i pafalshëm historik, për të cilin ende askush nuk ka dhënë llogari.

Të kthehemi tek “minishengeni”. Me refuzimin e kësaj iniciative Kosova ka gabuar. Përfaqësuesit e saj është dashur të vënë në provë Serbinë, për këtë ndërmarrje. Nëse ajo do të refuzonte, iniciativa do të kompromentohej automatikisht. Edhe Vucic do të pësonte fiasco në tentativën e tij të vazhdueshme për tu shituar lider i moderuar përpara BE-së, ndërkohë që luan paralelisht edhe me kartën ruse. Në këtë mënyrë Kosova nuk do të shihej si refuzuese e bashkëpunimit, siç po shihet nga faktori ndërkombëtar që prej vendosjes së taksës 100%. Kosova ka shumë nevojë për mbështetjen e vendeve të BE-së, ndryshe nga Serbia.

Kosova pra, në bashkëpunim me Shqipërinë do të duhej të ndërtonin një strategji për të shkuar me një qëndrim në iniciativën rajonale që në vetvete është pozitive. Mirëpo raportet e acaruara nga amatorizmi politik, tashmë kanë pamundësuar një gjë të tillë. Mendoj se kryeministri shqiptar duhet të presë krijimin e qeverisë së re, përpara se të organizojë samitin e ardhshëm, dhe të shoshiten njëherë e mirë pozicionet, avantazhet dhe disavantazhet e kësaj iniciative. Kosova vendos vetë për të ardhmen e saj, dhe ankesat që u panë nëpërmjet disa reagimeve, dëshmojnë se ndjen pasiguri në mënyrë të panevojshme. E sa për gogolin e Jugosllavisë, është një frikë e pabazë që nuk ndihmon kthimin në racionalitet.

Burimi/botasot.info

7 pyetjet që duhet t’ia bësh vetes përpara se të bësh 30 vjeç

No Comments Lajme Opinion

Ne nuk po flasim për frazat e tipit: “Cili është kuptimi i jetës” apo “Çfarë dua të arrij në jetën time”! Janë disa pyetje të tjera më esenciale, që ndonjëherë mund të jenë edhe të vështira për t’ju gjetur përgjigjet, por e rëndësishme është që t’ja bëni vetes përpara se të fikni 30 qirinjtë në tortën tuaj të ditëlindjes.

Këto shtatë pyetje që ne kemi veçuar për ju do t’ju ndihmojnë që nga sot të “filtroni” me qetësi llojet e punëve, marrëdhënieve dhe ëndrrave që duhet të ndiqni në jetë. Shpresojmë të jenë sadopak të vlefshme për ju!

Nëse do të vdisja nesër, a do të isha i/e kënaqur me jetën time?

Në këtë pikë të jetës suaj, mund të supozoni se keni kaluar dekada përpara. Shpresojmë, keni të drejtë. Ende, kjo nuk është arsye për të hequr dorë nga përmbushja personale. Bëni ndryshimet e nevojshme sot. Nëse jeni të pakënaqur me jetën tuaj tani, është koha të rivlerësoni dhe menaxhoni gjithçka rrotull jush. Nuk ka siguri në jetë dhe mund të mos ketë një nesër, kështu që përcaktimi i qëllimeve afatgjata dhe planifikimi i të ardhmes është shumë e rëndësishme për të gjithë ju.

Kush më frymëzon më shumë?

Mendoni për një person që dëshironi të imitoni. Kush është? Tani, çfarë është në lidhje me historinë apo karakterin e tyre që ju tërheq tek ai? Shkruajini fjalët që ju vijnë në mendje. Personi që dëshironi të jeni më shumë, ju tregon shumë se kush do të bëheni ju në të ardhmen.

Pse ngrihem në mëngjes?

Kjo pyetje, e parashtruar nga Ariel Banayan, është një mënyrë tjetër për të pyetur: Cili është qëllimi juaj? Ju mund të mos keni një përgjigje të lehtë, por ju patjetër që keni një qëllim dhe sa më shpejt ta gjeni atë, aq më shpejt mund të filloni t’i kushtoni tërë energjinë tuaj drejt përmbushjes së tij.

Sa mësova sot?

“Kur jeni në të 20-ta, kurba juaj e të mësuarit duhet të jetë e lartë,” shkruan Raja Reddy Poreddy. Mësoni shumë çdo ditë. Sigurohuni që të shkruani një ditar të asaj që keni mësuar çdo ditë. Ky zakon i përditshëm është një i mirë për tu mbajtur, edhe kur afroheni drejt të 30-tave dhe më gjerë. Qëllimi juaj duhet të jetë të mësoni diçka të re çdo ditë, në mënyrë që këndvështrimi juaj për botën të ndryshojë vazhdimisht.

Cila është gjëja që më mban mbrapa?

Mos supozoni se miqtë dhe familja juaj e dinë se si ndiheni! Flisni me ta! Interesohuni për ta! Është veçanërisht e rëndësishme të dini sipas një studimi të Harvardit se marrëdhënie te ngushta janë thelbësore për lumturinë dhe jetëgjatësinë.

Cili është përkufizimi im i suksesit?

Ne të gjithë kemi paragjykuar nocione suksesi: fuqi, famë, para. Por suksesi nuk është i kufizuar në këto gjëra. Suksesi mund të thotë të keni paqe mendore, ose të jesh në një mjedis që ushqen talentet e tua. Duhet të përcaktoni se çfarë do të thotë suksesi për ju. Bërja e kësaj mund të jetë udhëzuesi juaj kur merrni vendime.

Ku do të jem në pesë vitet e ardhshme nëse vazhdoj rrugën time aktuale?
Në kontrast me një “vizion pesëvjeçar të pritshëm”, Sim Campbell rekomandon diçka më realiste. Shumë njerëz kanë këtë ide se gjërat do të përmirësohen. Gjërat nuk do të përmirësohen nëse nuk bëni asgjë për t’i ndryshuar ato. Nëse jeni mirë tani, shkëlqyeshëm. Vazhdoni! Nëse jeni në një vend të keq, ridrejtoni anijen. Ju jeni ai që e drejtoni atë.

Burimi/botasot.info

Loredana flet pas ndarjes me Mozzik: S’më ka ndihmuar në karrierë

No Comments Argëtim Thashetheme

Është e pamundur të mos keni lexuar të paktën një lajm për ndarjen e Loredanës dhe Mozzik. Dyshja i kanë dhënë fund marrëdhënies, rreth një vit pas ardhjes në jetë të vajzës së tyre, Hanës. Gjithsesi, mund të ketë shpresa për ribashkim. Të ardhmes nuk i dihet asnjëherë. Mirëpo, derisa ai moment të vijë (ose mund edhe të mos vijë asnjëherë), lexoni se si shprehet reperja për ish-partnerin e saj.

Ajo ka treguar gjatë një interviste në një radio zviceriane se Mozzik nuk e ka ndihmuar në karrierë. Pra, ajo praktikisht ia ka dalë vetëm me bashkëpunëtoret e saj.

“Ai nuk është se bën ndryshim në jetën time, ne shumë rrallë bënim gjëra së bashku, turneu ishte ai që na bashkonte. Njerëzit që më kanë ndihmuar ende bashkëpunojnë me mua, ata që e bëjnë punën e vërtetë. I dashuri im ishte atje me mua vetëm se ne ishim bashkë. Ai nuk punoi me të vërtetë në biznes, ai ishte vetëm atje, sepse është babai i vajzës sime dhe kjo gjë nuk do të ndryshojë asnjëherë, është burri im ose ishte kjo nuk ka rëndësi, ai do të jetë gjithmonë pjesë e jetës sime“,-është shprehur reperja.

Mozzik, ndërkohë nga ana tjetër nuk ka reaguar rreth kësaj deklarate, por përflitet se kënga e tij e fundit “Dhelpër dinake”, i dedikohet Loredanës.

Burimi/botasot.info

Shuma marramendëse, zbulohet sa paguhen nga 1 koncert artistët shqiptarë (Lista)

No Comments Argëtim Kuriozitet

Kategoria me fitimet më të mëdha në fushën e artit e të kulturës pa dyshim janë këngëtarët, mirëpo përkundër kësaj ata vazhdimisht po iu ikin obligimeve të shtetit, siç është tatimi. Por, fitimet e tyre për një koncert kapin shifra të mëdha; nga 3 mijë deri në 12 mijë euro.

Njëri nga ish-menaxherët e disa këngëtarëve, Drin Zatriqi ka dalë hapur me një status në rrjetin e tij social, Facebook, duke thënë se me qeverinë e re duhet të rregullohet edhe tatimi i estradës, pasi sipas tij tani industria e muzikës është milionëshe dhe të njëjtit duhet të paguajnë tatime ose në të kundërtën të dënohen me gjoba të majme.

Ai ka treguar se një artist mesatarisht brenda një viti fitoni mbi 500 mijë euro.

“Mesatarisht artistët me të paguar fitojnë mbi 500.000 euro në vit ! Numri i koncerteve nxirret lehtë pasi posterat publikohen edhe nga klubet por edhe nga vetë artistët, kurse nëpër dasma duhet metodë tjetër me i identifiku performancat”.

Ky është njoftimi i plotë i Zatriqit:

Me qeverine e re duhet të rregullohet edhe tatimi i estradës, tashmë industria e muzikës është milioneshe, dhe çmimet nga 100 deri ne 10.000 e 15.000 euro e me shumë për koncert duhet të paguajnë tatime, në të kundertën duhet të denohen me dënime të majme, dhe konfiskim të pasaportave, nese ju ikin atyre si deri me tani! Si nëpër klube të natës po ashtu edhe në dasma dhe çdo paraqitje tjetër me pagesë!

Çmimet për disa artistë për koncert:

Tayna 8.000 – 12.000 euro

Ledri Vula 8.000- 10.000 euro

Capital T 6.000 – 8.000 euro

Ghetto Geasy 6.000 – 8.000 euro

Butrint Imeri – 6.000 – 7.000 euro

Dhurata Dora 6.000-7.000 euro

Noizy 6.000 – 8.000 euro

Dafina Zeqiri 4.000 – 6.000 euro

PINT 4.000 – 6.000 euro

Meda 6.000 – 7.000 euro

Labi 5.000 euro

Sinani 5.000 euro

Dani 5.000 euro

Fero 3.000 – 4.000 euro

Rina 3.000 – 4.000 euro Gjiko 3.000 – 4.000 euro

Ai sqaron se çmimet janë edhe më të larta tek disa prej artisteve, por ato janë pasqyruar me mesatare./Monitor.al

Burimi/shekulli.com.al/

“Më mirë single dhe flemë rehat”/ Hygerta Sako i befason të gjithë me veprimin e saj

No Comments Argëtim Thashetheme

Moderatorja bukuroshe shqiptare Hygerta Sako, rreth 2 javë më parë deklaroi në emisionin “Rudina”, se ishte beqare duke thënë se :

“Jam beqare.Më mirë vetëm se sa e keqshoqëruar. Derisa të vijë personi special në mirë ‘single’ sepse flemë rehat dhe nuk kemi probleme”.

Por së fundmi ,moderatorja sportive i ka habitur të gjithë me një postim në ‘Facebook’, përmes të cilit ka deklaruar se është në një marrëdhënie. Ajo nuk ka dhënë asnjë detaj më shumë për personin që i ka rrëmbyer zemrën, por duket se këtë lajm e kanë pritur mirë të gjithë miqtë e saj.

Madje në këtë postim është vënë re komenti i mbrojtësit të “Bylisit”, Ditmar Bicaj. “Urime shoqe Hygerta! Mos harro llokumet”, i ka shkruar ai me shaka.

Kujtojmë se Hygerta prej kohësh është e divorcuar dhe nga martesa që ka pasur ka ardhur në jetë një vajzë e quajtur Ana.

shkoder.info

S’mbaj njeri me sufllaqe”/ I dolën mesazhet me “Darën” e Krujës, por çfarë thoshte Kejvina 2 javë më parë

No Comments Argëtim Thashetheme

Partneri ideal i Kejvina Kthellës, modeles që sot doli para grupit hetimor pasi emri i saj doli në mesazhet e Redjan Rrajës, të arrestuarin si autor të atentatit ndaj prokurorit Arjan Ndoja, është një person që të ketë më shumë lekë se ajo.

E ftuar në emisionin “Mos i fol shoferit”, para dy javësh ish-velina tregoi se si duhet të ishte një mashkull që të rrinte në krahët e saj. Ndër të tjera Kejvina theksoi se s’ka shanse të mbajë njeri me sufllaqe por që partneri i saj ideal duhet të ishte një djalë në karrierë e që të ketë më shumë lekë se ajo.

Në bisedë e sipër ish-velina bëri edhe një gafë teksa ngatërroi profesionin e një bankieri, me atë të banakierit.

Biseda në studio

Rudina Dembacaj: A është e rëndësishme që partneri jot të ketë më shumë lekë se sa ty, apo do e mbash ti? Ta mbash me sufllaqe e kshu…

Kejvina Kthella: Jo, jo e pra… ç;e dua ta mbaj unë….Do të doja që të ishte në karrierë dhe automatikisht, nëse do jetë në karrierë, ka lekë.

Rudina Dembacaj: A quhet karrierë kur merresh me kështu (drogë)?

Kejvina Kthella: Jo, ajo nuk është karrierë.

Rudina Dembacaj: Ok, iku një, ata që merren me kshu s’kanë shanse me Kejvinën….Psh, do martoheshe me një bankier?

Kejvina Kthella: Kush, ai që bën koktejle?

Rudina Dembacaj: Jooo, ai është banakier, bankier është ai që punon në bankë..

Kejvina Kthella: Po, super…Shiko të tregohem më e qartë, mirë do ishte që ai të ketë lekun e vet, un timin….por më mirë do ishte të kishte më shumë lekë sesa unë, e kupton? Do jetojmë të lumtu gjithë jetën….

Modelja dhe ish-velina e “Xing me Ermalin” përfundoi në prokurori ditën e sotme dhe iu sekuestrua telefoni pasi në tabulatet e marra nga celulari i Rrajës, Kthella ishte një ndër personat me të cilën 34-vjeçari me pseudonimin “Dara” komunikonte më shpesh.

Gjithashtu burime nga grupi hetimor e Policia e Shtetit i thanë Dosja.al se modeles 24-vjeçare i është sekuestruar telefoni dhe pritet që nga ‘zbërthimi’ i tij të merren vesh të dhëna të tjera, në lidhje me lëvizjet që mund të ketë kryer 34-vjeçari Rraja ditët para atentatit, në momentin e ngjarjes dhe pas tij.

Mes Kejvinës dhe Redjanit të njohur ndryshe si “Dara” i Krujës ka patur komunikime të shpeshta, por nuk bëhet e qartë marrëdhënia që i lidh bashkë.

shkoder.info/

Dua Lipa thotë se rrjetet sociale janë vend i urrejtjes

No Comments Argëtim Thashetheme

Ylli i muzikës pop thotë se rrjetet sociale janë vend për “urrejtje dhe ankth”.

Duke folur në një intervistë për “BBC”, Dua Lipa u kërkoi përdoruesve të internetit, të jenë “më të mirë ndaj njëri-tjetrit”, për të mirën e përgjithshme, shkruan BBC, transmeton lajmi.net.

24-vjeçarja i tha nikoqires Louise Minchin “Disa ditë nuk i lexoj fare komentet”.

“Disa ditë ndoshta ndihem më me vullnet dhe pëfundoj pothuajse duke shikuar gjëra që nuk dua t’i shoh”, shtoi ajo.

Edhe yjet e njohur si Selena Gomez, së fundi kanë shprehur shqetësimet e tyre për sjelljet në rrjete sociale, duke i përshkruar si “të tmerrshme” për gjeneratën e saj, këtë vit në Festivalin e Filmit në Kanë.

Muajin e kaluar, Dua, emri i së cilës në gjuhën e saj amtare (shqipe) do të thotë dashuri, bëri thirrje për një kujdes më të shtuar për shëndetin mendor në industritë krijuese.

Këngëtarja ka pranuar se janë argëtuese dhe të dobishme përdorimi i platformave Twitter dhe Instagram, por thotë se largohet menjëherë sapo sheh komente që bëjnë të ndihet në ankth.

“Rrjetet sociale mund të jenë një mjet shumë i mirë e mund të jenë shumë argëtuese për të ndarë gjëra por në të njëjtën kohë është një vend i urrejtjes e ankthit”, ka thënë ajo.

Dua shtoi se njerëzit ndjehen se pasi fshihen pas një ekrani të kompjuterit mund të thonë gjëra të ndryshme,

Autorja e hitit “One Kiss” deklaroi se duhet të jetë misioni i çdonjërit në internet që të “shpërndajë pozitivitet dhe të inkurajojë mirësinë”.

Dua Lipa së fundi ka performuar në “MTV EMA” në Seville, Spanjë, ndërsa së shpejti lanson albumin e ri. /Lajmi.net/

“Jeni shumë fundërrina”, Stresi ‘shpërthen’ ndaj medieve rozë

No Comments Argëtim Thashetheme

Stresi ka reaguar ashpër pas një artikulli që është shkruar në mediet rozë në lidhje me të dhe ish-partneren e tij.

Stresi është shumë aktiv në rrjete sociale, në të cilat vazhdimisht publikon imazhe të reja, shkruan lajmi.net.

Por, postimi i tij i fundit ishte shumë më ndryshe nga të zakonshmit, kjo ngase kësaj radhe ai ka reaguar ashpër ndaj medieve rozë.

Pasi pa një artikull të shkruar për të dhe ish-partneren e tij, ai i quajti “fundërrina” mediet rozë.

“Jeni shum fundrrina ju media roze ju q… listen e dasmes sguxo robi me Dal prej shpie”, ka shkruar ai. /Lajmi.net/

Ftesa nga Specialja për Veselin, reagon Sami Lushtaku

No Comments Aktualitet Lajme

Sami Lushtaku përmes një postimi në Facebook ka komentuar ftesën e Gjykatës Speciale për bashkëluftëtarin e tij, Kadri Veseli.

Ai ka thënë se është i bindur se Veseli dhe të gjithë luftëtarët e ftuar do të dalin me dinjitetin më të lartë njerëzor dhe do ta mbrojnë luftën e pastër të UÇK-së.

Postimi i plotë i Sami Lushtakut:

Kanë kaluar më shumë se 20 vite që nga përfundimi i luftës së lavdishme të Ushtrisë Çlirimtare të Kosovës, e cila i solli lirinë popullit të Kosovës. Ndonëse ka kaluar një kohë e gjatë, themeluesit dhe luftëtarët më të mirë të saj, po vazhdojnë të hetohen nga organe të drejtësisë vendore e ndërkombëtare.

Ftesave të shumta të bëra nga prokuroria e dhomave të specializuara të Gjykatës Speciale, i është shtuar edhe njeri ndër themeluesit e UÇK-së, miku e bashkëluftëtari im, Kadri Veseli.

Duke e njohur për 30 vite me radhë, ai për mua ka qenë dhe mbetet njeri i ndershëm e i drejtë, strateg e luftëtar i denjë i UÇK-së, lider i ndërtimit të paqes dhe shtetit.

Jam i bindur që Kadri Veseli dhe të gjithë luftëtarët që janë ftuar nga këto dhoma të specializuara, me dinjitetin më të lartë njerëzor, do ta mbrojnë luftën e pastër dhe të drejtë të Ushtrisë Çlirimtare të Kosovës.

lajmi.net

Ia morën këngën pa leje, Adelina Ismaili reagon ashpër

No Comments Argëtim Thashetheme

Adelina Ismaili ka reaguar ashpër përmes një postimi në Instagram.

Adelina Ismaili është artiste që për vite me radhë ka krijuar hite, të cilat dëgjohen ende, shkruan lajmi.net.

Së fundi, ajo ka parë në rrjete sociale një pjesë të shkëputur të një potpurie të kënduar për festat e fundvitit, ku po këndohej edhe një pjesë e këngës së saj, “Shko n’rrs”.

Ato vargje po i këndonte Albina Kelmendi, e që këngëtaren e bëri të reagojë pasi ia ka kënduar pa leje.

“Nese ka nje arsye pse po i gezohem krijimit së qeverisjës së re në Kosovëë, është besimi im që vërtet do të fitoj gjyqet kundër hajnave që me dekada vjedhin, bastardojnë dhe shkatërrojnë idetë dhe krijimtarinë time”, ka shkruar Adelina. /Lajmi.net/