Home

Lajme

Nga Keze Kozeta Zylo – Komuniteti shqiptaro Amerikan në Staten Island mblodhi fonde për Marko Kepin dhe ish Kongresistin Amerikan Vito Fosella

No Comments Intervista Lajme

Gazeta “Dielli”
Në zyrën e Marko Kepit, Shqiptaro Amerikanët vinin grupe grupe për të mbështetur kandidaturën e Marko Kepit për Këshilltar në Bashkine e Nju Jorkut si dhe për ish Kongresistin Amerikan Vito Fosellën, kandidat per president në Staten Island, New York.

Åbn billede


Marko Kepi ka qenë me dekada në krye të organizatës së mirënjohur “Rrënjët shqiptare” dhe pikerisht me këtë organizatë kanë dalë në pah tiparet e një lideri të vërtetë. Marko Kepi në fjalën e tij përshëndetëse tha midis të tjerash se: “Ne duhet ta mbështesim kandidaturën e ish kongresistit Vito Fosella, pasi ai e ka mbrojtur shumë kauzën tonë kombëtare. Ai është një lider i vërtetë dhe në se ne fitojmë do të punojme fort së bashku për Staten Island ku jetojmë dhe punojmë si dhe për Nju Jorkun për një vend më të mirë dhe më të sigurtë”.
Marko Kepi ka ardhur në moshë shumë të re, por ai nuk ka harruar rrënjët nga vjen si dhe shpreh një mirenjohje të pakufishme për Amerikën që e priti. Për këto arsye ai u regjistrua në Marine Corp të Shteteve të Bashkuara të Amerikës për të demonstruar dashurinë dhe vlerësimin e tij për një vend që i dha atij dhe familjes kaq shumë Liri dhe mundësi.
Ai është diplomuar nga John Jay, Kolegji i Drejtësisë Penale, drejtimi në Shkenca Politike dhe Histori, dhe fitoi per Master Ekzekutiv i Administrimit të Biznesit (EMBA) nga Kolegji Wagner.
Marko Kepi së bashku me ekipin e tij mblodhi më shumë se çdo organizatë tjetër në Diasporë fonde për t’ju ardhur në ndihmë familjeve shqiptare që u dëmtuan rëndë nga tërmeti i 26 nëntorit të 2019-ës. Ai mblodhi 1.6 milionë dollarë për të pa strehët.


Kongresisti Amerikan Vito Fosella në fjalën e tij përshëndetëse shprehu mirënjohjen e pakufishme për të gjithë komunitetin shqiptar të cilët janë një forcë aktive dhe e konsiderueshme në Staten Island dhe Amerikë. Unë kam shumë miq shqiptarë dhe ndihem krenar pasi shoh çdo vit se si komuniteti juaj po rritet veçanërisht intelektualisht, pasi midis jush ka disa avokat, doktor, mesues, inxhinier, profesor, sportist, artist, politikan, biznesmenë të cilët e bëjnë qytetin tonë dhe më të bukur dhe më me vlerë, do të shprehej ish kongresisti Fosella para kamerave për TV “Alba Life”.

Kan være et billede af 2 njerëz dhe E brendshme

Z.Fosella tha se gjithmonë e dënoj genocidin serb ndaj shqiptarëve të Kosovës., kur ishja në Kongres e kam ngritur me force zërin kundër genocidit serb, por për ta njohur më mirë situatën më duhej të shkoja dhe t’i takoja direkt popullin e Kosovës. Unë shkova dy herë në kampet e refugjatëve gjatë luftës në Kosovë dhe pashë me dhimbje njerëzit e vuajtur, torturat që kishin ushtruar serbët ndaj popullit të pafajshëm të Kosovës, fëmijët me lot në sy, pleqtë të shpërngulur nga trojet e tyre. Këto takime në kampin e refugjatëve do të ngelen përgjithmonë në memorjen time. Populli shqiptar ka një vend të veçantë në zemrën time.
Vito John Fossella Jr. ka lindur më 9 mars 1965 dhe është një politikan republikan amerikan nga shteti i New York-ut i cili më parë përfaqësonte rajonin e 13-të të Kongresit të shtetit në Dhomën e Përfaqësuesve të SH.B.A.-së për gjashtë mandate, nga 1997 në 2009 duke shërbyer si republikan i vetem nga New York City. Z. Fossella ka lindur në Staten Island, në një familje që përfshinte disa politikanë. Z.Fossella fillimisht mori detyrën në 1997, pasi fitoi një zgjedhje speciale të mbajtur për të zëvendësuar Susan Molinarin në dorëheqje.
Plot shqiptarë dhe aktivistë të njohur si z.Mundija, Jasin Gjoka, Agron Damzi etj të cilët kishin ardhur për të mbështetur Marko Kepin dhe kongresistin Vito Fosella u shprehën me fjalë miradie dhe po punojnë që të fitojnë, që siç tha studenti i shkëlqyer Gjoka po shkojmë derë me derë për të siguruar votat.
Z.Mundija dhe Gjoka janë në ekipin e z.Marko Kepi që po kandidon si këshilltar për në Bashkinë e Nju Jorkut.
Ata u shprehën optimist për fitoren e tyre!
Vëllezër dhe motra shqiptarë ju ftoj të votoni Marko Kepin këtë bir të Kombit dhe le të bëjmë histori si shqiptarë në Staten Island!
29 Maj, 2021
Staten Island, New York

Burimi/Facebook

Skënder Karaçica – Shtresime të politikës shqiptare karshi Kosovës

No Comments Lajme Opinion

Historia dhe Politika
Shtresime të politikës shqiptare karshi Kosovës
Qysh nga viti 1918-1999,shqiptarët në tokën e vet të Kosovës ishin në luftë me regjimet e Serbisë.Në dritën e kronikave historike dhe të ngjarjeve të përgjakura të shekullit të kaluar,shqiptarët e Kosovës asnjëherë nuk e njohen për shtet të vetin Jugosllavinë dhe Serbinë,kështu shkruajnë analet historisë.
Për kohën shtresime të politike shqiptare karshi Kosovës,do të duhej që historia më e re të hedh dritë në disa nga çështjet,që,për kohën tonë kanë mbetur në margjinat paksa si harresë dhe paksa jashtë dyerve të historisë se çfarë ndodhi,kush ishin disa nga protogonistët politikë të kohës shqiptare karshi Kosovës.
Do të ishte me interes kombëtar që të hedhet dritë për takimin e Fatos Nano me kryekriminelin e Serbisë fashiste Slobodan Millosheviq në Kretë të Greqisë dhe çështja e Kosovës.Në këtë kohë kryeminstri shqiptar Fatos Nano,kishte marrë me veti projektët e tradhëtisë kombëtarer të,,shkollës politike,,të mbretit Ahmet Zogu dhe të sharllatanit më kompleks Esat Pashë Toptani,që,në vija e trasha të ,,diplomacisë së hollë,,(sic!)të takohet sy me sy më kryekriminelin dhe kasapin e Ballkanit,kur e kur shqiptarët digjeshin e vriteshin me skenarët e shfarosjes në substancë deri në shkallë të gjenocidit nga Serbia e Slobodan Millosheviq(sic!).
Për kohën e shtresimeve politike,kanë mbetur ende në margjinat e ,,arkivës,,rasti i Sali Berishës për thyerjen e embargos ndaj regjimit të Serbisë në luftën e Kosovës.Po në këto shtresime mbetët ende pyetja se a kishte afruar informacione në zyrat EULEX-it për djelmeninë e pushkëve të zjarreve për lirinë e Kosovës (UÇK)përkitazi me raportin antishqiptar të Dik Martit për të ashtuquajturën ,,Shtëpia e Verdhë,,ish-zyrtari Lulzim Basha në kornizën EULEX-it në Prishtinë?
Për këto shtresime politike të kohës,po i referohem Hasan Prishtina,i cili thoshte kujdes ndaj mallkimit të historisë se ajo na vjen mbrapa me gjykimin e rreptë të saj!
Çikago,29 maj 2021

Burimi/Facebook

Perparim Rama, nga Gollaku i Prishtinës!

No Comments Aktualitet Lajme

CV-ja e arkitektit Përparim Rama
𝗘𝗺𝗿𝗶: Përparim Rama BA (Hons) DipArch, MSc (Distinction)
𝐏𝐫𝐨𝐟𝐞𝐬𝐢𝐨𝐧𝐢: Master në Arkitekturë
𝐏𝐨𝐳𝐢𝐭𝐚: Drejtor – 4M GROUP
𝐃𝐚𝐭𝐚 𝐞 𝐥𝐢𝐧𝐝𝐣𝐞𝐬: 20/01/1976
𝐍𝐚𝐜𝐢𝐨𝐧𝐚𝐥𝐢𝐭𝐞𝐭𝐢: Kosovar / Britanez
𝐆𝐣𝐮𝐡𝐞𝐭: Shqipe, Angleze, Serbo/Kroate
𝐊𝐮𝐚𝐥𝐢𝐟𝐢𝐤𝐢𝐦𝐞𝐭 𝐚𝐤𝐚𝐝𝐞𝐦𝐢𝐤𝐞 𝐝𝐡𝐞 𝐩𝐫𝐨𝐟𝐞𝐬𝐢𝐨𝐧𝐚𝐥𝐞
𝐑𝐈𝐁𝐀 – Associate Member (Instituti Mbreteror i Arkitekteve Britanik ) 2003
𝐒𝐌𝐀𝐑𝐓𝐥𝐚𝐛 – Mbikëqyrës – Media Instituti SMARTlab Programi Master dhe Doktoraturë 2007
𝐂𝐄𝐂𝐀- Member – Centre for Evolutionary Computing in Architecture) 2003
MSc Master i dalluar
Qendra për Kompjutim Evolutiv në Arkitekturë
(University of East London) 2003
DipArch (University of East London)
Shkolla e Arkitekturës
Instituti Mbreteror i Arkitekteve Britanik Pjesa II 2001-03
BA (Hons) SBU London South Bank University
Instituti Mbreteror i Arkitekteve Britanik Pjesa I 1995-98
Përvoja kyçe: Si drejtor themelues i 4M Group, Rama eshte përgjegjës për planifikim të menaxhimit dhe zhvillimit të përgjithshëm të byrosë, projektet e tij përfshijnë nga ato të banimit deri tek ato komerciale, nga hotelet deri tek ndërtimet mikse, aeroport dhe planifikim urban.
Rama konsulton Fondin e hulumtimeve Kombëtare të Shtetit te Katarit në projektet urbane dhe arkitekturale aktuale dhe të së ardhmes në Katar. Ai poashtu është edhe udhëheqës i ekipit të projektit të master planit per zhvillimin e fshatit të qëndrueshëm “Dhërmi”në 10ha në jug të Shqipërisë, në detin Jon.
Ai ishte udhëheqës i konzorciumit ndërkombëtar të projektimit, udhëhequr nga 4M GROUP deri në lejen urbanistike të Kompleksit me te madh ne Ballkan me zhvillim miks në Prishtinë. Ai ishte këshilltar specialist në zhvillimin e veglave për planifikim hapësinor dhe arkitekturë për Newham Council dhe Tower Hamlets në Londër, në përgatitjet për Lojërat Olimpike Londra 2012. Ai ishte udhëheqës në projektim të planit rregullativ.

Burimi/Facebook

“Bardhyl Mahmuti, megjithatë, Hashim Thaçi ishte marionetë e DGSE-së franceze, ti je Bardhyl Berisha”

No Comments Aktualitet Lajme

“Për ta lehtësuar debatin po e rrëfej një ndodhi. Mund që do të gjurmosh “prova” në internet për ta demantuar.
Baca Cenë (kështu e thërrisnim xhaxhanë, babën e Muhametit, kryeplakun e familjes) ka shkuar bashkë me shumë bashkëfshatarë për ngushëllim në një fshat të largët (ndoshta të miqtë në Dobordol të Pejës!). Kështu praktikohej atëherë. Sapo hyjnë xhaxhai, si kryeplak, duhej zë të ngushëllon në emër të tij dhe të bashkëfshatarëve:
“Metë, u mërzitet për Dautin?” (Emrat janë gjetje rasti, për të mos e ngarkuar rrëfimin).
Meta: “Dauti qe ku asht, nuk ka dekë”.
Xhaxhai: “Pardon, a u mërzitet për Avdylin?”.
Meta: “Ky asht Avdyli, nuk ka dekë”.
Xhaxhai, nga nervozizmi aksidental: “Mor dikujt, me ner me thanë, iu ka q… nana e ka dekë, cok nuk jemi ardhë këtu kot! Ju shnosh…”.
Megjithatë, dikush ishte marionetë e DGSE-së famoze, serbofile, franceze, ndërsa mua me rezulton: Hashim Thaçi!
Të kuptoj, si argat i Hashimit, respektivisht si vartës i ish-drejtorit Tënd, ngjan tani në pataten që u ishte ankuar patateve pranë, kur kishte zënë të valonte kusia: “Shtyjuni tutje, se po më vjen valë!”.
Ti, edhe pse ke sqarimin tënd përse e ke ndryshuar mbiemrin dhe tashmë “bota” të njeh për Bardhyl Mahmut, megjithatë Bardhyl Berisha je.
Pra, bëj “fizkultura” sa të duash, por Hashimi, megjithatë, ishte marionetë e DGSE-së dhe ti Bardhyl Berisha je!
Ndërsa denoncimin që ia kam bërë ish-drejtorit tënd, gjegjësisht gjarprit “tonë”, te ZPS, e kuptoj si obligim patriotik, demokratik e qytetar. Ata që frikësohen t’i denoncojnë krimet dhe kriminelët, shteti ynë ka ligj që ua garanton anonimitetin dhe mbrojtjen. Që do të thotë, kot spekulon me “kartën e tradhtisë” së shokëve, sepse shtetin e dua më shumë se hashimat!
1.
Ke shkruar: “Ibrahim Kelmendi! Më vjen keq për ty, ku e ke katandisur veten! Nuk të pranojnë as për dëshmitar!”
Meqë nuk e zotëroj drejtshkrimin, do të lutesha të më sqarosh, përse pikë-çuditësen (!) pas emrit e mbiemrit tim. Po të shkruaja unë, aty do vija presjen (,).
Tani, nga e di që nuk më pranojnë as për dëshmitar? Sepse më ke besuar mua, apo ke edhe ti lidhje “të shkurtër” me “ndërkombëtarët”, siç shpërdoron Milaim Zeka, një koleg Yti në shërbim të “shtabit të rognerit”. Nëse më ke besuar mua, të falënderoj, sepse tashmë e dimë se ka edhe “dëshmitarë të mbrojtur” (që ua fshehin identitetin). Por, duhet të jesh konsekuent, ose më beso përherë, ose asnjëherë, e jo vetëm kur ke favor në taktikën tënde të boksimit.
2.
Më ke cituar: “Presidenti Hashim Thaçi nuk ishte udhëheqës politik i UÇK-së, por marionetë e shërbimit francez dhe se ka qenë i komanduar prej saj për ato që duhet bërë”.
Vazhdoj të kem të njëjtin qëndrim, edhe për hir apo për inat Tëndin, pavarësisht këtij reagimi që ke bërë. Ti dhe askush nuk mund të ofroni provë që ndonjë institucion kompetent e ka zgjedhur, caktuar, emëruar, GJARPRIN “tonë” udhëheqës politik të UÇK-së dhe as drejtor! Zgjedhjet dhe emërimet që ia kanë bërë njëri-tjetrit komplotistët nuk i kam njohur dhe nuk i njoh.
3.
Ke shkruar: “Për t’i mbështetur pretendimet tua, ti përmend takimin që keni pasur më 8 qershor 1999, në Hotel Maritim në Köln (Gjermani) ku përveç teje, Hashim Thaçit dhe Bilall Sherifit na paskësh qenë edhe “shef i drejtorisë për Ballkanin pranë DGSE-së franceze, Arnaud Danjean”.”
Megjithatë ajo njohje dhe ai “takim” (po e vë tani në thonjëza, sepse takim përdorim edhe kur paraplanifikohet një takim për të shqyrtuar diçka), me atë, pa nder me thënë, mutin e DGSE-së franceze ka ndodhur pikërisht në Hotel “Maritim” në Këln, në qershor 1999, kur u mbajt Samiti “botëror” për Kosovën. Nëse do të kisha gënjyer, moti do kishin reaguar Bilalli (Sherifi), Hashimi (Thaçi), por edhe Sabri Kiçmari, edhe pse nuk është në foto, por ishte andej pari.
4.
Ke shkruar: “Madje, për të qenë sa më bindës në ato që thua, letrës tënde ia ke bashkëngjitur “foton si dëshmi konkrete për takimin”.”
Tashmë, “fizkulturat” e tua për foton po më krijojnë dilema. Por, për sqarim konkretizues, tani pashë komunikimin privat që kemi me Metat Elshanin, djalin e bashkëveprimtarit veteran Isa Elshani (nga Krajkova e Drenasit, imigrant në Siegburg, Gjermani). Më rezulton që këtë foto ma ka dërguar ai me 8 janar 2016. Nuk e dija që ekzistonte dhe, thënë të drejtën, as që e kam lodhur kujtesën për ta verifikuar nëse është e saktë. Tani, është apo nuk është i njëjti mut serbofil Arnaudi, – shef i Drejtorisë për Ballakanin i shërbimit DGSE, atëherë më serbofil se BIA e Serbisë, – nuk vë dorën në zjarr, meqë edhe ai mund të ketë shatiratur flokët që të mos dihet se ka mbiemër të vërtetë Berisha por Mahmuti. Metatin nuk e kam pyetur, nga e ka atë foto. Por, cok nuk është as siç ke shkrua Ti: “Në bazë të të dhënave në internet, kjo fotografi e Arnaud Danjeanit është bërë në vitin 2014, pra 15 vjet më vonë sesa takimi që pretendon ti.” Në fillim të vitit 2014 kam riemigruar në Gjermani për hir të mjekimit dhe nuk jam kthyer më në Kosovën e hashimitëve, prandaj nuk ka mundësi të ketë bërë ndokush foto në këtë vit, në tavolinë të përbashkët me Bilallin, mutin francez dhe marionetën Thaçi. Tjetra, edhe Thaçi, edhe unë, ngjajmë të jemi në foton e shkrepur në vitit 1999 dhe jo në vitin 2014. Bilalli, si tullac, nuk ka ndryshuar shumë pamjen. [Do të lutesha të ma dërgon linkun e portalit, ku e paske gjet Ti këtë foto.]
5.
Reagimin që paske pas bërë, më 22 shkurt 2016, nuk po e komentoj, sepse nuk është pjesë e letrës publike që unë ia kam dërguar ZPS. Do të kem durim të pres si do t’i (dis)kualifikojë Gjykata e Kosovës /Dhomat speciale/ ato shpifje të Beogradit (që paskan volum 27 mijë faqe!). Uroj t’i DISKULIFIKOJË si shpifje. Megjithatë, do të kisha dëshiruar të kishte qenë ish-drejtori yt, gjarpni “ynë”, paksa “terrorist” – të kishte vra bile një kriminel serb në gjithë biografinë e tij të “lavdishme”, që t’ia falja edhe vrasjet e mundshme të Ali Ukës dhe Behajdin Allaqit, siç jam duke dyshuar edhe tani. Ndërsa për krimet tjera që e akuzoj unë, siç janë komplotet e sabotimet kundër UÇK-së dhe luftës së saj titanike çlirimtare, “ndërkombëtarët” nuk janë të interesuar ta hetojnë e gjykojnë atë, ndërkohë që vendorët vazhdon t’i ketë të kapur. Uroj, jo edhe për shumë kohë.
6.
Ke shkruar: “Ajo që më shtyri të reagoj duke rikujtuar shpifjet dhe akuzat që u sajuan nga Shërbimi Sekret Serb ka të bëj me një fushatë histerike që përpiqet ta paraqes Hashim Thaçin si “spiun të Francës…”
Më histerik po më ngjan ky reagim yti, – ndoshta sepse të ka përfshirë vala si pataten në kusi, – se sa dyshimet dhe akuzimet e mia.
Më vjen keq që nuk pate ardhur në Rambuje, edhe pse në mbledhje të Kryesisë që vendosur të ishe Ti e Sabri Kiçmari. Mosardhja jote, për ata që ende nuk e dinë, bazohej vetëm në hidhërimin Tënd të arsyeshëm, që nuk ishe caktuar anëtar në delegacion. Nëse do të kishe qenë në Rambuje, brenda apo jashtë delegacionit, do të ishte informuar për komplotet e ish-drejtorit tënd (Hashimit), i cili gjatë gjithë konferencës komandohej nga ai muti serbofil francez (ndoshta edhe mercenari, pos që ishte dhëndri). Dhe pasi u mor vesh që DGSE-ja nuk e lejonte Hashimin të firmoste “marrëveshjen” në Rambuje, – i cili poshtërsisht, si gjarpen që ishte, arsyetohej se po u frikësohej komandantëve të UÇK-së se do ta vrasin si tradhtar kur të kthehej në Kosovë, – duhet të kenë ndërhyrë USA, Anglia, Gjermania te presidenti i Francës që ai të urdhëronte tashmë DGSE-në të mos e detyronte gjarpnin të refuzonte nënshkrimin (duke na barazuar në faj me Serbinë). Prandaj nënshkroi në Paris, duke i dhënë afat ushtrisë fashistoide millosheviqiane të kryente me intensitet të shtuar masakra në Kosovë.
7.
Ke shkruar: “Për dallim nga periudha paraprake kur ish-udhëheqësit e UÇK-së kishin një minimum solidariteti përballë padrejtësive që u kanoseshin, përkundër divergjencave që kishin mes tyre në fusha të ndryshme, tani kemi një situatë ku divergjencat rrezikojnë të shndërrohen në armiqësi ‘brenda llojit’.”
E para, UÇK-ja nuk ishte organizatë politike, që të kishte udhëheqës (politikë), por Ushtri Çlirimtare me komandantë, pavarësisht komplotit të “shtabit të rognerit” që provoi ta politizonte, tjetërsonte e privatizonte dhe pavarësisht që edhe ti ua ke mbajtur ison. Atëherë e tani, kam bindjen se ishe i dezinformuar dhe i manipuluar, si besimtar idealist, se vërtet kUmandantët e “shtabit të rognerit” ishin udhëheqësit e UÇK-së.
E dyta, as atëherë, as tani nuk jam solidar në komplote e krim të organizuar me askë, as me shokë e bashkëveprimtarë, pos nëse shpërdorohem në mungesë të informimit, siç edhe ka ndodhur.
E treta, nuk kam divergjenca e armiqësi me kUmandantë e “shtabit të rognerit” si të “brenda llojit”, por divergjenca dhe armiqësi jashtë llojit, meqë unë nuk ndihem të jem i të njëjtit lloj me ata.
8.
Ke shkruar: “Nuk ka turp më të madh ku shpifjet e një ish-Zëvendës drejtori teknik të njërit nga Shërbimet Sekrete të Francës (Shërbimit të Jashtëm) të përhapen në mediet shqiptare me tituj bombastikë se gjoja “ – sipas ish –shefit të shërbimit francez Pierre Siramy, Hashim Thaçi është agjent i Francës!” Poshtërsia është edhe më e madhe kur të njëjtën dezinformatë e shpërndajnë njerëzit me të cilët kemi vepruar bashkë.”
Kemi pas dikur një komunikim të gjatë në privat lidhur me mutin francez, Arnaudin, kur po përpiqesha për të gjetur sa më shumë informacion. Dhe ti më pate ndihmuar goxha shumë me ca vjegëza në internet, që përmbanin informacion për “shokun” e Hashimit. Atëherë patëm kujtuar edhe grindjen tënde me Arnaudin, pranë banakut në hollin e Hotelit Grand, në vitin 1999, kur ai po të terrorizonte, ndoshta që Partinë e Progresit Demokratik, Kryetar i së cilës ishe, t’ia dorëzoja ish-drejtorit tënd, gjarpnit “tonë”, që ta tjetërsonte e privatizonte në PDK (në “kongres”, më 10 maj 200). Në mesin e atyre vjegëzave duhet të ketë qenë edhe ky farë Pierre Siramy. Por, mua, tashmë më ishte pjekur bindja nga përjetimet, intuita dhe përvoja ime në Rambuje dhe Këln, dhe nuk më duheshin shumë as deklaratat e Pierre Siramys, funksionet e të cilit nuk i di as tani, meqë informacionin në gjuhën frënge nuk e kuptoja.
Uroj, kur t’u fiket prushi nën prapanicë, të na informosh, si Arnaudi realizoi pushtimin e Kosovës “veriore”, sepse synonte ta grabiste TREPÇËN, për çka kishin simuluar një kontratë shit-blerje mes qeverisë serbe dhe një firme franceze…]
9.
Ke shkruar: “Kujt i shkon përshtat që në kohën kur pritet që të themelohet Gjykata Speciale të futë thika të tilla me qëllim që divergjencat e ish shokëve tanë të shndërrohen në armiqësi.”
Sqarova më parë, isha bashkëveprimtar dhe shok me kUmandantët e “shtabit të rognerit”, derisa i njoha se ishin sabotues, komplotues, marioneta, profiterë lufte. Nga momenti që i kam identifikuar, nuk i konsideroja as shokë, as bashkëveprimtarë. Vazhdoj të shpresoj se Ti nuk ishe argat i tyre, për t’i bërë bashkërisht, me vetëdije, ato komplote, për hir të përfitimeve personale, prandaj vazhdoj të të çmoj SHOK, por, nga momenti që do të kem prova se nuk ishe argat i tyre për shkak të mashtrimit, siç isha edhe unë, do përmbyllet shoqërimi mes nesh. Kështu, ngaqë të vërtetën, të drejtën dhe Kosovën i dua më shumë se cilindo shok që në kohë e hapësirë të caktuar mund të më kenë mashtruar e shpërdoruar, siç ka ndodhur shumë herë, fatkeqësisht!
Ndërsa për avokatinë që ia bën ish-drejtorit tënd në vazhdim të kësaj fletë-rrufeje, nuk kam nevojë të reagoj, sepse ajo është liri jotja personale. Por, për hir të gjarpnit “tonë”, më mirë do të ishte që ai të mbrohej në Hagë, se ishte i komanduar, ta zëmë, ta shkallmonte dajak edhe Gjergj Dedajn, nga DGSE-ja, sesa të gjykohet për krime që ka bërë për “motive patriotike”, siç po broçkullis ai e siç mund të keqkuptohet kjo avokatia Jote.

10.
Në përmbyllje të reagimit ke konstatuar: “Por të gjithë e dimë se Hashim Thaçi nuk është spiun, as i Francës e as i ndonjë shteti tjetër.”
Më korrekte do të ishte të shkruaje “dëshmoj unë” se sa “të gjithë e dimë”, meqë keqkuptohesh si mashtrues i porositur. Ja, që unë kam mendim tjetër: se gjarpni “ynë” duhet të jetë bërë “shok” me mutit francez, serbofilit Arnaud, gjoja rastësisht në kursin e gjuhës gjermane në Cyrih të Zvicrës, siç gënjenin ai dhe gjarpni.
Kot e ke me “fizkulturat”, sikur unë jam i ndikuar nga “propagandat e sajuara në Beograd”! Mendimet i kam nga përjetimet e përvoja ime. Prandaj apeli yt, që të tërhiqem, sepse pa vetëdije kam rënë në grackë të asaj propagande, nuk më bën përshtypje. Tani po pres shqyrtimet e Drejtësisë së Kosovës në Hagë. Uroj të dalë i pafajshëm edhe gjarpni “ynë”, edhe pse kam ndrojtjen, që DGSE-ja dhe Serbia do t’i ofrojnë alibi, sepse u duhet, pos atyre, edhe të tjerëve serbofilë, tashmë edhe në Uashington e Bruksel, për t’i realizuar komplotet e radhës kundër Republikë së Kosovës!

Përmbyllje:
Këshilloj të mos mendosh se mund ta mbrojmë apo dëmtojmë tani ish-drejtorin Tënd, gjegjësisht gjarpnin “tonë”, sepse aktakuza është ngritur, gjarpni u mor në pyetje dhe tani presim, çfarë do të vendosë gjyqtari francez (çfarë koincidence…!!).
Por, e ndershme është, të themi tani të vërtetën, se kriminelët e luftës, Xhavit Haliti, Azem Syla, Hashim Thaçi dhe Rexhep Selimi, nuk ishin udhëheqës të UÇK-së, prandaj tani nuk duhet të mbrohen si të tillë, meqë mbrojtja e tyre rrit komprometimin e UÇK-së, të luftës sonë titanike, por rrit edhe komprometimin e Republikës së Kosovës!

Reflektim, shëndet, mbarësi!

Ibrahim Kelmendi
03.082020

PS.:
Je dakort edhe Ti, si gjarpri “ynë”, t’ia kthejmë Serbisë tokat serbe që Aleksandër Rankoviçi ia paskësh dhuruar Kosovës (siç shpifi njëfarë historiani, me emër e mbiemër Hashim Thaçi)?”.

Burimi/a-news24.com/

Demokratët duhet ta rizgjedhin Lulzim Bashën Kryetar të PD-së

No Comments Lajme Opinion

Nga Skënder Sadri KAPITI

Demokratët ose me të vjetrën, ose me SHBA-të, me demokracinë, integrimin, me VETING-un e me antikorrupsionin

Tashmë me ndëshkimin dërrmues që mori Lëvizja Socialiste për Integrim me 25 Prill 2021, dhe kryesisht këtë ndëshkim e mori prej ndërhyrjes në zgjedhje të ishkryetarit dhe kryetarit faktik të saj , të Presidentit politiko-lsist Ilir Meta, si dhe me shpalljen “non grata” të Sali Berishës nga Shtetet e Bashkuara të Amerikës, demokratët duhet të maten e të peshojnë mirë zgjedhjet që do të zhvillojë për Kryetar të saj,Partia Demokratike.

Antarët e Partisë Demokratike duhet të reagojnë e të reflektojnë drejt dhe mendueshëm se cilat janë arsyet se përse Partia Demokratike nuk i fitoi zgjedhjet.

Nuk është faji i Lulzim Bashës por që me siguri po e them se me Lulzim Bashën kryetar, Partia Demokratike mori një rezultat të paarritshëm nga kushdo po të kishte qenë Kryetar i Partisë Demokratike dikush tjetër.

Rezultati i zgjedhjeve dhe atë që arriti Partia Demokratike është meritë e Lulzim Bashës pavarësisht batërdisë që bëri pushteti me blerjen e votës.Lulzim Basha ka meritën se ai e hapi PD-ne duke ftuar dhe dhënë Partisë Demokratike karakterin gjithpërfshirës, edhe themeluesve dhe të “vjetërve” ajo që njihet si e djathta tradicionale, por edhe brezit të ri dhe pakënaqësisë e zhgënjimit gjithpopullor.

Kundër Lulzim Bashës punuan ata të cilët ishin të degraduar e të konsumuar, kundër Lulzim Bashës ishin dhe vepruan hapur si dhe shumë të tjerë me indiferentizëm tinzar e djallëzor.

Kundër Bashes dhe Partisë Demokratike punuan ata të cilët e volën dhe e shfrytëzuan Partinë Demokratike për interesa personale e familjare kur ajo ishte në pushtet , e ku më të shquarit e tipikët janë Ridvan Bode, Majlinda Bregu, Topalli, Murrizi, Hajdari, Patozi, Rusmajli, Imami, Ristani etj., si dhe sidomos ish Presidenti Bujar Nishani, ku ky i fundit një egoist i pacipë që si askush tjetër, ai me farefis përfitoi poste e detyra shtetërore te larta kur PD ishte në pushtet, dhe ky ishPresidenti i Berishës kurrë nuk përdori një agresivitet dhe as angazhim politik në fushatë kundër Partisë Socialiste në zgjedhjet e 25 Prillit 2021 se sa tani kundër Lulzim Bashës.

AntiBashët mezi paskan pritur që t’i turren Bashës me lloj-lloj shpikjesh e akuzash shpifarake. Dhe nuk është e vështirë për t’i lexuar ata pasi humbjen e zgjedhjeve të Partisë Demokratike ata ia faturojnë Lulzim Bashës dhe jo fakteve e realiteteve të mësipërme.

Lulzim Basha i duhet PD-së si kryetar i saj për ta përmbushur vizionin dhe misionin historik e që janë tansformimi dhe ringritja e Partisë Demokratike, kthimi i saj në pushtet, kthimi i demokracisë në Shqipëri, lufta kunder krimit e korrupsionit të lartë shtetëror, ngritja dhe funksionimi i shtetit ligjor, ndarja me tranzicionin dhe integrimin e Shqipërisë.

Kjo realizohet nga PD me kryetar Lulzim Bashën sepse me misionin dhe me vizionin e Lulzim Bashës për Demokracinë, për VETING-un dhe për ndëshkimin e korrupsionit dhe për integrimin e Shqipërisë Basha ka mbështetjen e SHBA-ve.

E them se shumë më mirë për Partinë Demokratike dhe për Shqipërinë do të ishte edhe një bashkëqeverisje drejtpërdrejt te saj me Partinë Socialiste se sa një qeverisje kualicioni të PD-së me LSI-në dhe me Fatmir Mediun, Nard Ndokën, Shpëtim Idrizin e Agron Dukën e me ndonjë tjetër, pra me ato hjena korrupsioni e përfituesish të cilët dhe prej të cilëve dhe pa pasur nevojë për ta, Partia Demokratike do të korrë fitore të thellë.

PD-ja më së shumti e ka pësuar nga alenca me të tjerët dhe me LSI-në pasi kushtëzimi i pushtetit të PD – së prej aleatëve e ka detyruar Qeverinë Berisha që t’u jape atyre “lejen” dhe miratimin për vjedhje e korrupsion.

Lulzim Basha nuk ka përgjegjsi për “non grata”-n amerikane për Berishën dhe as për këto që citova më lart, ashtu sikurse edhe nuk ka përgjegjsi për atë se Sali Berisha, Ilir Meta, Presidentët Topi e Nishani, Kreshnik Spahiu, ish kryeprokurori Llalla ishin ata të cilët montuan një sistem gjyqësor politik e korruptiv ,sistem i cili kishte marrë peng zhvillimin, drejtësinë, korrupsionin , integrimin , shtetin dhe demokracinë sistem që u shërbeu atyre dhe interesave të tyre.

Dhe prandaj edhe janë pikërisht këta që e pengojnë demokracinë dhe që e sabotuan miratimin e VETING-ut dhe që ankohen edhe sot për SPAK-un.

Prandaj duhet votuar Basha për kryetar që të lirohet, të demokratizohet e të cpengohet Partia Demokratike nga interesaxhinjtë e xhambazët që e shohin PD-në vetëm si strehë, si mjet, si avokati politike dhe si mundësi përfitimesh e favoresh personale.

Ja pse Partisë Socialiste i intereson që kryetar i PD-së të mos rizgjidhet Lulzim Basha

No Comments Lajme Opinion

Nga Skënder Sadri KAPITI

Së pari nëse nuk do të zgjidhej Lulzim Basha kryetar i Partisë Demokratike me 13 Qershor 2021,këtë do ta dëshironte Partia Socialiste , pasi një kryetar tjetër nuk do ta vazhdonte betejën si Basha për të vënë në vënd demaskimin, kundërshtinë dhe drejtësinë kunder regjimit të Ramës për blerjen e votave.

Së dyti, kryetari i ri nëse zgjidhet i preferuari i Berishës, e ndonjë tjetër dhe jo Basha, ai do ta pranojë fitoren e Partisë Socialiste duke akuzuar për humbjen e zgjedhjeve të 25 Prillit 2021 Bashën dhe jo regjimin, kur në fakt Lulzim Basha arriti një rezultat të madh në këto zgjedhje pavarësisht asgresivitetit dhe blerjes së votës nga regjimi, dhe pavarësisht sabotimit që atij i bënë edhe nga brënda Partisë Demokratike nga këta tipat si Nishani të cilët tashmë i kanë nxjerrë puplat.

Lulzim Bashën sot po e akuzojnë për humbje dështakët dhe mjeranët brënda Partisë Demokratike, ashtu sikurse bëri edhe lukunia e dështakëve të Lidhjes Demokratike të Kosovës kunder Vjosa Osmanit pas zgjedhjeve të 6 Tetorit 2019 , të cilët e akuzonin atë se prej saj humbi LDK-ja, kur në të vëretetë LDK-ja në ato zgjedhje shënoi rezultatin historik prej saj , prej kandidaturës së saj për Kryeministre emëruar nga LDK-ja, por që më pastaj pa Vjosa Osmanin LDK-ja pësoi humnbjen më të thellë ne historikun e saj në zgjedhjet e parakohshme të vitit 2021.

Nëse do të zgjidhej një tjetër kryetar i Partisë Demokratike dhe jo Basha atëhere ai do të fillojë të propagandojë për fitore në 2025 dhe jo për zgjidhje apo zgjedhje të reja parakohe gjë e cila do i shkonte shumë për shtati Edi Ramës.

Dhe ajo më kryesorja është fakti se nëse do të zgjidhej një kryetar i PD ai që dëshiron Berisha, atëhere Partia Demokratike do të merrej e do vepronte si repart politik mbrojtës e avokatie kundër SHBA-ve për të mbrojtur Sali Berishën kundër shpalljes “non grata” që i kanë bënë atij SHBA-të.

Dhe tjetra nëse PD nuk zgjedh Lulzim Bashën për kryetar të saj, i cili është një politikan modern dhe i besueshëm nga BE dhe si proSHBA, atëhere ky do të ishte një shërbim për Partinë Socialiste e cila do të qeveriste e vetme e qetësisht edhe për 4 vite të tjera e pa “shqetësuar” nga ndërkombëtarët, pasi ndërkombëtarët BE e SHBA e duan VETING-un, shtetin ligjor dhe antikorruptiv si dhe pra ndryshimin në Shqipëri, por që ndryshimin nuk e bëejnë fanatikët, as besnikët dhe as “legjendarët e as historikët” e kohës së ikur, dhe as të ata që habiten dhe nuk besojnë te SHBA për “non grata”-t ndaj atyre të akuzuarve për korrupsion dhe për pengim të demokracisë dhe te drejtësisë në Shqipëri.

ALUMNI Liceu Artistik – Prof. Kristofor Qorri – korno

No Comments Kulture

Krisofor Qorri Lindi me 02.08.1939 ne qytetin e Permetit. Qysh ne femijeri pati kontaktet e para me muziken duke u aktivizuar ne shkollen shtate vjecare te Kelcyres. Me 15 09 1954 fillon studimet per korno prane liceut artistik “Jordan Misja” Tirane nga ku mori studimet me Profesor Kristo Kote, I cili ishte pedagog I klases se tunxhit prane kesaj shkolle. Pas studimeve ne vitin 1958 te Liceut artistik, Kristoforit iu atribua nje burse studimi tre vjecare ne konservatorin ushtarak “Vitta Needleho” ne Ceko-Sllovaki. Pas mbarimit te studimeve, behet pjese e Orkestres Frymore te Ushtrise si kornist i pare per vetem 8 muaj dhe me krijimin e Orkestres Simfonike te RTSH me 1962 luan si kornist i pare deri me 1987. Kristofor Qorri eshte nje nder kontribuesit themeltar te kesaj Orkestre dhe gjithashtu edhe te orkestrave frymore te asaj kohe sic ishte Banda Frymore e TIranes (Orkestra Frymore e Kmitetit Ekzzekutiv). Ne Orkestrene RTSH, Kristofori kontribuoi per me shume se 27 vite, duke pasuruar repertorin e muzikes klasike ne Shqiperi, duke qene pjese e Premierave te repertorit Simfonik boteror. Njekohesishte ka qene korni i pare ne te gjitha regjistrimet dhe incizimet qe orchestra ka kryer ne funksion ne muzikes SHqiptare, e te filmit Shqiptar ne vecanti. Z. Krisofor ka qene aktiv edhe si solist ne skenen shqiptare duke performuar vepra te ndryshme si Sonata L.V. Beethoven per korno e piano, Rondo Koncert per korno dhe piano te W.A Mozart etj, por edhe vepra te dedikuara enkas per te si: Koncertino per Korno dhe Okrester nga Ferdinand Deda, Teme me Variacione te Aleksander Peci etj. Keto vepra jane te regjistruara dhe jane pjese e arkivit te RTSH. Ai ka qene themelues ne krijimin e ansambleve te para te Muzikes se Dhomes me kuintet tunxhi dhe kuintet fryme me artiste te tjere si; Viktor Shiroka, Gjovalin Shestani, Remzi File, Haki Katroshi etj. Nje vend te vecant e ze edhe aktiviteti I tij I lire me institucionet te tjera kulturore si Orkestra Simfonike e TKOB, Filarmonia e Tiranes, Orkestra e Institutit te Lartet e Arteve, ku petvec lojes se tij ne instrument, ka ndihmuar ne pasurimin e bibliotekave te institucioneve artistike ne vend si Kopist i shume veprave Shqiptare e te Huaja, e duke bere te mundur pajisjen me parte per instrumentistet te cilet I trashegojne ato deri ne ditet e sotme. Nje kontribut te vecante ze dhe ngritja e kapaciteteve te reja artistike ne procesin Pedagogjik. Qysh prej vitit 1962 dha mesim prane liceut artistic “Jordan Misja” Tirane, Pallati I Pionerve ne Tirane dhe prej 1970 – 1987 udhehoqi klasen e kornos ne Konservatorin Shteteror te Shqiperise (Universiteti i Arteve). Qysh prej vitit 1987 e deri me 1994 ishte Pedagog me kohe te plote prane ketij institucioni. Karriera e tij artistike dhe pedagogjike vazhdoi edhe pas daljes ne pension si pedagog I ftuar prane Universitetit te Arteve dhe gjithashtu instrumentist edhe prane Orkestres se RTSH, Orkestres se TKOB dhe Bandes Frymore te TIranes. Karriera e Profesor Kristoforit shtrihet ne pese dekada duke numeruar mijera koncerte, incizime dhe dhjetra nxenes, e student te diplomuar te cilet me pas u bene koleget dhe miqt e tij.

Burimi/Facebook

ALUMNI/ Liceu Artistik – Prof. Dr.Ilirjana Dema – violinë/pedagoge

No Comments Kulture

Prof. Dr. Ilirjana Dema, një ndër emrat me talent të spikatur në fushën pedagogjike-akademike i nisi studimet në Liceun Artistik “Jordan Misja” në vitin 1960 dhe u diplomua në instrumentin e Violinës më 1972. Pas një viti pune si mësuese violine në shkollën e muzikës në Elbasan, në vitin 1973 nis studimet universitare në Institutin e Lartë të Arteve, sot Universiteti i Arteve ku përfundon me vlerësime maksimale degën e “Teoritikut” asokohe, sot “Muzikologji”. Në vitin 1979 përzgjidhet në grupin përfaqësues të Bërthamës Shkencore, çelur po atë vit pranë I.L.A. Në këtë stad rritja e thelluar profesionale merr prioritet. Kështu, në 1987 përfundon me shumë sukses kualifikimin post-universitar. Në 1996, specializohet në Konservatorin rajonal “Rueil Malmaison” dhe Konservatorin Superior, Paris, Francë. Përvoja pedagogjike në disiplinën e solfezhit, e fituar në shumë vite pune, krijoi në vitin 2000, mundësinë e përgjithësimit origjinal didaktik në mbrojtjen e gradës shkencore “doktor” me temë “Metodologjia e Edukimit Ritmik”, vlerësuar maksimalisht. Në vitin 2001 shkëmbim eksperience në Konservatorin e Barit, Itali.
Pas një aktiviteti të gjerë shkencor, me pjesëmarrje në Sesione Shkencore, me referime dhe artikuj të botuar në revista dhe shtypin periodik, brenda dhe jashtë vendit, Komisioni i Kualifikimit Shkencor në vitin (2004) i jep titullin “Profesore e Asociuar” dhe në vitin (2012) titullin “Profesor”.
Në bazë të punës shumë të suksesshme pedagogjike dhe kontributit shkencor asaj i besohet përgjegjësia për 9 vjet Shefe e Seksionit të muzikologjisë në Akademinë e Arteve dhe 2008-2012 Përgjegjëse e Departamentit të Kompozicionit, Muzikologjisë, Dirigjimit dhe Pedagogjisë muzikore në A.A me zgjedhje.
Në faqet e ngjeshura të biografisë profesionale të znj. Dema përmendim disa nga aktivitetet shkencore si; pjesëmarrrje në sesione shkencore dhe konferenca kombëtare; 1972 -Raporti hero-masë në Operan shqiptare”, 1979 “Disa tipare në demokratizimin e muzikës simfonike-Instrumentale”, 2002 “Formimi teorik dhe estetik i muzikantëve të rinj” mbajtur në sesionet shkencore A.A Tiranë, 2013 “Roli i muzikës si faktor zhvillimi tek fëmijët me nevoja të veçanta”, 2014 “Transition and Society, an interdisciplinary approach”, (2018)“Rëndësia e edukimit të vazhduar në fushën e pedagogjisë së specializuar”, mbajtur në Universitete të ndryshme.
Në konferenca ndërkombëtare, (1992) “First Balcan Congress of music” tema “Disa tipare të muzikës së kultivuar shqiptare dhe roli i Akademisë së Arteve” Arahova Greqi. (2012) në Universitetin Aristotel Selanik me temë bosht : “Muzika , Terapia, Shoqëria, ku referon temën “Muzika, faktor i rëndësishëm për terapinë mendore dhe fizike tek fëmijët me sindromën down”; (2017) Në Universitetin Evropian të Qipros me temë bosht “Modus, Modi, Modality”, “Risitë teorike dhe didaktike në edukimin ritmik”, studim që u përgëzua nga profesor të ardhur nga Londra, Selanik etj; (2011) Kumton temën “Për një qëndrim racional në interpretimin e figurave irracionale”, mbajtur në konferencën shkencore të Institutit Alb-Shkenca Prishtinë, Kosovë. (2012) Shkup, Maqedoni, referon temën “ Gjergj Antoniu artist me vlera poliedrike”, mbjatur në takimin e VII-të ndërkombëtar Alb-shkenca. (2011) në Itali, Cesena, referon “La ritmica nella musica balcanica ed Albanese” në Konservatorin Statale di Musica Bruno Maderna, Instituti superior di Studi Musicali.
Prof. Dr. Ilirjana Dema ka qenë e ftuar disa here për të mbajtur leksione të hapura, Seminare dhe Masterclasse kryesisht me tema “Metodika e Solfezhit dhe zgjerimi i objektit të lëndës në pështatje me kërkesat bashkëkohore”, “Mikrokosmos Di B. Bartok”, në Universitetin e Shkupit, Tetovës, Kosovë, Perugia Itali si dhe cikël të plotë leskionesh në Prishtinë, Kosovë. Si muzikologe mban nën autorësinë e saj 38 emisione të përjavshme në ciklin “Jetë e gdhendur në këngë” në Radio Tirana dhe gjithashtu e ftuar për diskutime në median vizive.
Ndër dhjetra artikuj që numëron në revistat shkencore kombëtare dhe ndërkombëtare përmenden, “Ein Virtuose der albanischen cellokunst” “Një virtuoz i artit violonçelistik shqiptar” Gjermani, “For a rational approach to the interpretation of irrational rhythmic figures” Kosovë , “Veprimtaria artistike e një muzikanti shqiptar në dy kohë” Journal of Saint Peterburg State Conservatory Rimsky Korsakov etj.
Në kontributin e saj muzikologjik shkencor, renditen dy monografi. “Teoria dhe praktika e solfezhit ritmik”(2003) vlerësuar nga Viktor Fell Yellin professor muzike në Universitetin e New York, Departamenti i Muzikës. “ Kam lexuar librin tuaj Teoria dhe praktika e solfezhit ritmik ‘ dhe e kam cilësuar atë si një nga më të përsosurat dhe pedagogjikisht me interes nga një numër tekstesh me këtë subjekt. Nuk gjej fjalë të shpreh sa jam i kënaqur, që shoh një liber kaq të shkelqyer”
Studimi monografik “Gjergj Antoniu një jetë me Violonçel” botuar nga shtëpia botuese Flesh (2010). Vlerësuar nga personalitete të fushës si një punë shumë serioze, me analiza të thelluara shterruese për violonçelistin Gjergj Antoniu.
Gjithashtu kontribut të veçantë jep edhe në përgatitjen e leksioneve të shkruara për të parën herë në Shqipëri të disiplinës “Historia e mendimit teorik muzikor”. Znj. Dema në planin shkencor ka kontribuar si anëtare e Bordit Shkencor në revistën akademike, kulturore dhe letrare “Humanus”, si dhe ka realizuar me dhjetra Oponenca të nivelit Bachelor, Master dhe Doktoratura të studimeve muzikore
Pedagoge për 41vjet, Ilirjana Dema ka lënë gjurmë në breza të tërë studentësh jo vetëm në aspektin profesional, ku ndërlidheshin gjatë orës së mësimit të gjitha disiplinat muzikore për formimin e tyre artistik , por edhe në etikën humane të komunikimit. Kur kthen vështrimin pas, është një jetë e tërë plot pasion, vullnet dhe këmbëngulje në shërbim të profesionit.

Burimi/Facebook

RUDI BERISHA – LETËR TË SHKRUAJ NË NATËN PA DRITË

No Comments Argëtim Letersi

-Ku është Ukshin Hoti ?

Këmishën e bardhë të ruajmë për dasmë
Muret e kanë qëndisur fytyrën tënde
Brigjet çdo ditë digjen nga malli për ty
Dritë diell për atdhe Profesor Ukshin Hoti.

Në ndriçimin e natës më je fanari i diturisë
Në fletën e bardhë më je gjaku i lirisë
Në zemrën e plagosur ende të ruaj
Me kockat e tua tempuj kam për të ndërtuar.

Jeta të dhuroi zgjuarsinë e shpirtit dhe mendjes
Ti i fal çdo gjë nga jeta jote e dritës së diellit
Hënën na e fale neve o flakadani i lirisë
O tempulli i dijes o Ukshin Hoti
O pishtari i ndriçuar në errësirën e kohës.

Letër të shkruaj në natën pa dritë
Në dhomën e ftohtë të kërkoja lirinë
Në muret e qelisë të shkruar liri për atdhe
Sa të harruan mendjet e harresës së korbit
Por sonte të kujton pena ime o vigan i diturisë.

Dua të ndez një qiri për ty sonte në mesnatë
Kisha dashur më shumë për ty të ndez
Të ndez të gjithë qirinjtë në të gjithë Shqipërinë
Por Ukshin Hoti më fal nuk kam më shumë
Se të gjithë lufta të mirët m’i bëri dëshmorë
E këta të gjallët karriga m’i bëri varrë të pavlerë.

© RUDI BERISHA
Dardani Antike, 27 prill 2021

Mardena Kelmendi – The Balkanista

No Comments Kulture

Në artikullin e kësaj faqeje, ndër të tjera shkruhet për promovimin e turizmit, vlerave, apo kulturës sonë, por me mjaft mjeshtëri edhe ironizon disa fenomene tipike shqiptare The Balkanista”, faqja e njohur angleze: Ju njoh me shqiptarët, zinxhirë floriri, gëzofë rozë, makina të shtrenjta, 15 kafe… mos u çudisni!
U bë kohë që nuk kam shkruar për jetën në Shqipëri. Më poshtë kam renditur, me pak ironi, disa nga zakonet dashamirëse të shqiptarëve.
1—Gjithmonë merr një shqiptar me vete nëse do të mbarosh punë në zyrat e shtetit, të zgjidhësh ndonjë problem ligjor, ose kur shkon në postë. Edhe nëse flet shqip, prapë të duhet një shqiptar, se kanë mënyrën e tyre se si i zgjidhin gjërat. Kjo mënyrë përfshin të flasësh me zë të lartë dhe shpejt, të flasësh me këmbë e me duar, të dukesh sikur je me nerva—në daçi besojeni, po këto të zgjidhin vërtet hallin.
2—Përgatitu të dëgjosh komente si: “u, qenke shëndoshur”, “i kishe më mirë ashtu flokët”, “si e sëmurë më dukesh” — vdesin të komentojnë mbi gjëra të ndjeshme, pa e menduar dy herë.
3—Mos u lodh të mbash radhë. Nëse je në postë, nëse je duke pritur në autobus, nëse po përdor bankomatin, ose po blen në market, dhe nëse je në radhë diku, je i dënuar të presësh gjithë ditën. Vëri në punë brrylat, tregohu i vendosur dhe bëj sikur nuk i sheh të tjerët që janë aty, vetëm kështu mund t’ia dalësh.
4—Sinjalistika është vetëm për dekor. Mos Parko, Ndalohet Duhani, Ndalohet për moshën nën 18 vjeç etj, shenja si këto kanë vetëm funksion estetik, sepse askush nuk i respekton. Ndonjëherë mund të shohësh tavlla plot me bishta çigaresh edhe pse në derën e lokalit shkruhet “Ndalohet Duhani”. Vini Re! Kjo vlen edhe për sinjalistikën e qarkullimit rrugor.
5—Bëni kujdes me kafen. Kafja shqiptare nuk është kafja evropian. Jo vetëm që është shumë, shumë herë më e mirë, por edhe shumë herë më e lirë se kafja evropiane, dhe të lë pa mend. Këshilla ime është ta pini ngadalë dhe jo me shpejtësi, siç do të bënit në ndonjë vend tjetër, sepse mund të filloni të dridheni dhe të mos jeni në gjendje të përfundoni dot një fjali.
6—Të marrësh pako nga jashtë vendit është si ruleta ruse. Të marrësh pako nga miq, të afërm, nga Amazon, është si të luash kumar. Ato mund të vonohen me javë, deri në një vit, mund të mos paguash fare taksë doganore, ose mund të të duhet të marrësh kredi për ta paguar taksën. Një gjë e sigurtë në të gjitha rastet është se pakoja nuk të vjen në shtëpi dhe duhet të paraqitesh në postë për ta tërhequr. Mund të merresh tre orë vetëm për të arritur të tërheqësh nëj libër nga posta.
7—Ato gotat e vogla nuk janë me ujë. Nëse del për kafen e mëngjesit dhe sheh njerëz duke pirë kafe dhe një pijë transparete, si ujë, në gota të vogla, dije se nuk është ujë, por raki.
8—Buka është vetë jeta. Nëse je duke ngrënë me shqiptarë, bëhu gati të hash shumë bukë. Makarona për darkë? Duhet pak bukë me to. Pizza për darkë? Duhet prapë pak bukë. Bukë për darkë? Duhet prapë pak bukë. Shqipëria, përfundimisht, nuk është një vend për ata që kanë intolerancë ndaj grurit.
9—Djathi është jeta vetë. Sërisht, kur je duke ngrënë me shqiptarë, përgatitu të hash shumë djath. Mund të hash 2 deri në 4 lloje të ndryshme djathi në çdo vakt, përfshirë mëngjesin. Djath të bardhë, djath kaçkavall, djath të fortë, djath pa kripë, djath të pjekur, djath lope, djath dele, djath pikant, djath shtëpie… për tavolinat shqiptare djathi asnjëherë nuk është i mjaftueshëm.
10—Të merresh vesh me njerëzit në rrugë është si mbijetesa e më të fortit. Nëse je duke i dhënë makinës ose je duke ecur në rrugë si këmbësor, përgatitu të të ngrihet adrenalina. Ai burri jeshil në semafor nuk do të thotë kalo, por do të thotë vrapo, dhe mënyra më e mirë për t’ia dalë kur nget makinë është thënia “fitoftë më i miri”.
11—Stereotipet, pastaj, janë gallatë fare. Nëse jeton në Bllok ose e frekuenton këtë zonë në Tiranë, do të kuptosh shumë shpejt që aty sheh të njëjtët lloje njerëzish. Italianë me skalpin e gjakosur dhe me fasho (pas operacionit për mbjelljen e flokëve), trafikantë droge me Land Rover, bluza Guçi me xixa, gra që kombinojnë ngjyrën e buzëkuqit, të gishtave, të këpucëve, të çantave dhe me syze të mëdha, edhe pse bie shi. Yjet e Instagramit me tuta sporti marke dhe me buzë super super të mëdhaja, dhe disa komunistë me kapele republike. Rri nja një orë në Bllok dhe ke për ta parë sa shumë do të shohësh.
12–Bëhu gati t’u përgjigjesh pyetjeve seri. Sapo e marrin vesh që je e huaj, bëhu gati t’u përgjigjesh pyetjeve si: Nga vjen? Je e martuar me shqiptar? Pse je këtu? Të pëlqen Shqipëria? Cila pjesë e Shqipërisë të pëlqen më shumë? (merr pikë bonus, nëse thua qytetin nga vjen personi). Këto janë sa për të filluar.
13—Bëhu gati të debatosh. Shqiptarët vdesin të debatojnë, por në një mënyrë të mirë. Çfarëdo të thuash, kujtdo t’ia thuash, edhe pse mund të mos e kesh seriozisht, dhe pse ata mund të jenë dakord me ty apo të kenë të njëjtin mendim, shqiptarët mbaojnë për çikë debat dhe shpejt mund ta gjesh veten në mes të një të tilli. Nëse gjërat ndizen, qerasi me një gotë raki dhe gjithçka rregullohet.
14—Shqiptarët nuk të lënë të paguash. Mikpritja shqiptare është e klasit botëror dhe ata këmbëngulin të të qerasin nëse je i ftuar, veçanërisht me kafe ose pije. Një këmbëngulje e tillë në vende të tjera mund të quhet e pasjellshme, por rregulli është (nga aq sa kam kuptuar unë) kushdo që fton tjetrin, zakonisht paguan. Pas dy vjet e gjysmë në Shqipëri, më në fund e kam mësuar se si të fitoj unë— u them “boll tani, nuk jam më mysafire”.

Burimi/Facebook