Home

Lajme

Rudi Berisha – SOT MALLI ME KA PËRQAFUAR

No Comments Argëtim Letersi

Ditën kur jam shumë i mërzitu
Dua të rri vetëm
E te vuaj ditët e pikëllimit
Dua të shoqërohem më valët e deti të kaltër
Dua të vështroja valët se si lëvizin nga era

Sot malli me ka përqafuar
Nuk di pse kam dhimbje në këtë ditë vjeshte
Jam një udhëtar qe eci në kërkim të dritës
Me mendje e shpirt çdo kujt i dua të mirën
Jam një rrugëtar i pafajshëm në këtë tokë
Pse sot pikëllohem për ditën e djeshme ?

I ulur rri afër detit atje ne tokën mëmë
Në drurin e thatë të shtrirë për dhé
Aty me duar e mia të lidhur grusht
Aty i ndjej rrezet e diellit
Sa dua kjo dhimbje të ishte valë deti…

Dua të ngritëm po forcë nuk kam
Dhimbja fort me ka rënduar trupin
Lutem o Zot me dhuro forcë qe te eci
Me zbardhë rrugët me dritën tënde
Dua të jem ngjyrë e te shkruaj në letrën e bardhë
Aty të la gjurmë në udhë para vdekjes

Duke u thelluar në imagjinatën e jetës
Fillova të notoja në ujin e detit të bukur
Po udhëtoj bashkë me valët qe trazohen nga stuhia
Atje ngritëm si një heroi ne shpëtim anijesh
Qe përballët në mes valëve për mos përmbytje

I veshur sot më rroba të leckosura
E disa në bregun e detit duke buzëqeshur
Me dhimbjet dhe rrobat e mia të grisura nga furtunat
Unë peshë të rënd kam mbajtur mbi supe
Po të ishin ju qe buzëqeshni (Njeri) atje në tokë afër detit
Ju qe beso moti ju kishit dorëzuar vetvetes

Sa peshë të madhe kam mbajtur mbi shpinë
Sa keq shpirti më është rënduar gjatë udhës
Por këmbët më janë forcuar e shpirti i bëri ballë
Nga çdo stuhi kam rilindur e kam dalë faqe bardhë

Jam trupi i shpuar nga mundi nëpër kohë
E gjithë trupin e kam me plagë të mbushur gjak
Shpirtin e kam t’ thyer nga rëndesa e padrejtë
Por sytë e mi të kaltër shikuan te vërtetën përtej
Sot serish jam këtu Nënë Shqipëri
Duke kujtuar lotët dhe dashurinë e Nanës
Por jam i përqafuar më mallin e tokës
Dua të vështroj valët e detit të harrimit
Një ditë të gjithë nuk do shkelim këtë tokë
Do jemi pluhur qe era me forcë do e tretë

Andaj ju qe jeni me mua dhimbjet do i ndjeni
Do mendoni me thellë për mallin e shpirtit tim
Por unë jam i fortë se jam rritur në mjerim
Do zgjohem dhe nga varri pas vdekjes
Për tokën e dashtne po të vendit tim
Do bëhem rrënje e do lindi lule mbi dhé
Për këtë vend të bukur të Nënës Shqipëri

© AUTOR, RUDI BERISHA
Dardani Antike ( Prishtinë)

Leave a Reply

Your email address will not be published. Required fields are marked *