Home

Lajme

Fexhrije Ilazi – DY KRENA SHQIPESH NËNA LINDI

No Comments Argëtim Letersi

(Kushtuar dy vëllezërve, Heronjve të Kombit, Gursel dhe Bajram Sylejmani, Jezerc, Ferizaj)

Bjeshkës Jezercit kur u nisët
me shtatë t’gjatë e kokat lart,
për tokat arbëreshe të luftoni
vepra juaj kurrë s’u mposht

Bjeshka Jezercit bubullonte
nga pushka e tytave vlonte zjarr,
vëllezërit Sylejmani, trima skifterë,
flakosët shkaun e shndrrut në ferr

I dhatë frymë bjeshkëve t’larta
lirinë skalitët me shkronja t’arta,
rrezja e diellit aty ngroh
lulebozhuret lulëzojnë mbi tokë

Gjaku i vëllezërve aty u derdh
fara e Arbërit aty u mbjell,
nga ajo farë lulëzojnë me mijëra
lindin trima përmbi trima

Veprës suaj edukohen
për Atdhe ata betohen,
kurrë armik aty mos t’shkelë
folenë e shqipes ta ngrohë një diell

Vepra juaj krenar na bëri
s’do të vdesë me shekuj t’tërë,
dy krena shqipesh Nëna lindi
falë Kosovës i qofshin t’dytë

Dy shtatore lart u ngritën
dy vëllezër, dy heronj,
Lavdi ju qoftë për jetë e mot
Lapidarë të pandarë!

Fexhrije Ilazi
SHBA

Leave a Reply

Your email address will not be published. Required fields are marked *