Home

Lajme

Rudi Berisha – VARRIN TIM QË DONI MA PËSHTYNI PO DHIMBJET MOS M’I PREKNI

No Comments Argëtim Letersi

Ju lutem tek varri lule mos me bini
Nëse doni mua me shani e varrin ma pështyni
Eshtrat dhe pas vdekjes m’i copëtoni

Unë isha në tokën qe po e shkelim të gjithë bashkë
Isha sot në këtë tokë qe ju disa po e mohoni
Isha këtu në mes jush dhe jetova për vdekjen

Jetova për vdekjen qe të shijoj ditët e ndërrimit të kohës
Ndërrimit te motit dhe ndërrimit të jetës
Në këtë tokë qe doni varrin ma pështyni
Unë do shkoj n’ atë jetë qe kurrë nuk do me shikoni
Atje do jem unë përjetësisht duke kënduar

Do vie dita ku do bëhem ushqim
Trupi im do jetë në tryezën e krimbave të dheut
Aty do me shkrin dhe kockat e mia të forta
Qe sot i kam në trupin kalimtar nëpër udhë

Gjethet do bien nga degët e lisave qe do rrëzohen
Ne nën hijen e tyre do qëndrojmë përgjithmonë
Do bëhemi dhe e tek koka do na rri një gur varri
Do jemi të shtrirë e me shikim nga rrezet e diellit

Por ju nëse vërtetë keni qejf të me silli ca lule tek varri
Në vend të luleve me lekë blini një abetare
Atë abetare e dërgoni në Preshevë, Bujanoc e Medvegjë
Po një e çoni në Ulqin, Çamëri në Plavë e Guci, në Tivar
Por mos harroni një abetare të çoni në Anadoll
Atje kam më miliona shqiptar të të parëve të mi

Ju lutem tek varri im mos fyeni shqiptarët e mi
Unë në heshtje do ju dëgjoj po nuk mund t’u përgjigjem
E kam të ndaluar fjalën e kam të shkruar fjalën time
Në mes raftit të librave e gjeni fjalën e shkruar nga unë
Aty në librin tim ‘’ Malli i pa shuar për dashuri atdheu’’
Aty në atë libër në faqe njëzetë do lexoni Dashuri për Shqipëri

Varrin të dashurit e mi qe doni ma pështyni
Por dhimbjet mos m’i prekin
Se ato dhimbje dhe sot më kullojnë gjak

Janë dhimbje qe m’i hapi vdekje në udhëtim
Por në faqe kam dhe disa pika lot për vdekjen
Për vdekjen nënës time qe përjetësisht iku nga kjo botë
Po në atë ditë të kthyer në dhimbje
Në atë ditë prilli i mbylli aty dy sy ngjyrë qielli

@ RUDI BERISHA

Leave a Reply

Your email address will not be published. Required fields are marked *