Home

Lajme

Zelensky u rrit rrogën ushtarëve ukrainas në 3 mijë euro, ndërsa vetë paguhet 832 euro

No Comments Aktualitet Lajme

Presidenti i Ukrianës, Volodymir Zelensky, ka njoftuar se do ua rrisë rrogat ushtarëve ukrainas në 3 mijë euro në muaj, duke thënë se po e bën këtë për t’ua bërë me dije se sa populli ukrainas u janë mirënjohës atyre.

“Duhet ta kuptojmë se për momentin gjëja më e rëndësishme është të jesh një ushtar, që të mbrojmë shtetin, dhe për këtë dua që ata të paguhen siç duhet për këtë punë”, tha presidenti ukrainas në adresimin e tij.

“Ne do të paguajmë ushtarët tanë të armatosur deri në 3 mijë euro në muaj. Nuk po e bëj këtë që të dëgjoj falënderime nga ata, por që t’ua bëj me dije se kombi u është mirënjohës atyre”, u shpreh tutje ai.

“Dhe kështu do të jetë deri në fund të luftës. Rroftë Ukraina!”.

Presidenti i Ukrainë: Volodymyr Zelens’kyj

Lindur: 1978 Ukrainë

Vjetore: 11,264,00 dollarë
Mujore: 938,67 dollarë
Javore: 216,62 dollarë
Ditore: 43,32 dollarë

Burimi/epokaere.com/

Skender Lazaj – KOMEDIANI QE U BE PRESIDENT DHE PRESIDENTI QE U BE HERO

No Comments Argëtim Letersi

Një komedian u ngrit në skenë
Luajti rolin e presidentit
Si president doli në arenë
Dhe shpresë i dha krejt planetit!

‘Më duhen armë e municion
Të lufojë me popullin trim
Jo taksi për në Uashigton
Dhe të braktis Atdheun tim’

U çudit bota krejt
Dhe vetë car-i Rusisë
Sa e luajti fare mendsh
Ariun barbar të Azisë.

Ndaj i xhindosur zë e klith
si një bishë e zë-në çark
Kërkon botën krejt ta dridh
Dhe kërkon të pijë gjak!

Skender Lazaj Trebeshina

Burimi/Facebook

Spiro Urumi ( 1928 – 1997 )

No Comments Kulture

Spiro Urumi u lind në Durrës me 28 shkurt të vitit 1928. Mbaron shkollën e lartë për aktorë “Aleksandër Moisiu” dhe emërohet në teatrin “A. Moisiu” derisa doli në pension.
🎭 Në galerinë prej 90 rolesh në teatër veçojmë: Selimin te “Familja e peshkatarit” (1955) , Koçkariovi te “Martesa” (1955), Ivanovi te “Çështja Ivanov” (1959), Arnolfi te “Shkolla e grave” (1957), Shmidi te “Ndalesa e fundit” (1962), Njeriu me mantel te “Dashuri e tillë” (1963) etj.
🎬 Spiro Urumi ka realizuar disa role dhe në kinematografi ku përmendim, Kuestori te “Oshëtimë në bregdet” (1966), Markalleshi te “Njësiti Guerril” (1969), Babai i Artës te “Ndërgjegja” (1972), Dago te “Mysafiri” (1979), Xhaferr Bej Kadena te “Nëntori i Dytë” (1982), Ligur Bashi te “Balada e Kurbinit” (1989) etj.
Në vitin 1992 dekorohet me titullin “Artist i Merituar”
Një pasion tjetër i madh i Pipit, siç e thirrnin bashkëmoshatarët, ka qenë sporti. Ai ka nisur të merret me sport në moshë shumë të re, që në vitin 1945 kur ai u aktivizua në ekipet e volejbollit dhe basketbollit në Durrës, duke fituar titullin e kampionit për të rinj në vitet 1946-1947. Në moshën 18-vjeçare, Urumi përfshihet në ekipin kombëtar të notit, duke përfaqësuar Shqipërinë në Ballkaniadën e notit dhe vaterpolit në Split e më vonë edhe në Hungari. Së bashku me shokët e tij Goga, Berberolli, Vokopola, Njala, etj. për afro 15 vite ai bëhet një nga shtyllat e skuadrave të Durrësit dhe Partizanit në sportet e notit, vaterpolit, volejbollit, basketbollit, hendbollit, futbollit, atletikës, etj. Spiro Urumi u largua nga fushat e stërvitjes në vitin 1962, duke u nderuar me titullin “Mjeshtër sporti”.
Ndërron jetë në dhjetor të vitit 1997 🕯
“Në jetën time më shumë kam notuar se sa kam vrapuar”. Këto fjalë janë shkëputur nga fletët e fundit të ditarit të Spiro Urumit, njeriut të cilin bashkëqytetarët e tij vazhdojnë ta kujtojnë edhe sot për pasionin e pafund për detin e notin.
*𝘔𝘢𝘵𝘦𝘳𝘪𝘢𝘭𝘪 𝘮𝘢𝘳𝘳𝘦̈ 𝘮𝘦 𝘳𝘦𝘥𝘢𝘬𝘵𝘪𝘮𝘦 𝘯𝘨𝘢 𝘉.𝘘𝘦𝘴𝘫𝘢 & 𝘎.𝘒𝘢𝘣𝘢𝘴𝘩𝘪.

Mund të jetë një imazh i 1 person dhe mjekër
Mund të jetë një imazh i 2 persona

Burimi/Facebook/Teatri Aleksander Moisiu Durres

Ndue Shabaku – Edhe një djep i vogël …

No Comments Argëtim Letersi

Fusha e sportit ishte poshtë. Në pjesën e sipërme të saj ngrihej një mur që mbante oborrin e shkollës. Në fushë ishin nxënësit që merrnin pjesë në një veprimtari artistike, ndërsa të tjerët ishin spektatorë bashkë me ne. Një nxënës i klasës së parë vuri në pozicion lart në gjoks çiftelinë dhe nisi t’i bjerë. Një kolege që po e shikonte, më tërhoqi vemendjen të shikoja djalin gjashtëvjeçar, Arbenin, i cili është kushëri i afërt i yni. Edhe pse kanë kaluar më shumë se tre dekada, kam parasysh qëndrimin e djalit të vogël. Mbante kokën lart dhe gjithë fytyra bashkë me sytë shprehnin një shndritje dhe i binte instrumentit si i madh, sikur dëshironte të transmetonte me çiltërsinë e tij pasionin. Sot ai është i rritur e baba familjeje, por pasioni mbetet i njëjti. Indirekt mësova se të shtunën, më 26 shkurt 2022, kishim pikëtakimin në të njëjtin event dhe kështu ndodhi.
Vendtakimi ishte në Lecco, në qytetin verior të Italisë mes spektaklit natyror buzë liqenit e në gji të maleve thikë të mprehta. Të rrallë janë edhe miqtë tanë që jetojnë prej vitesh në këtë qytet. Grupi i Valleve Shqiponjat dhe Sofra Nikaj-Mertur ishin organizatorët, por përsëri ishin familja Qokaj nga Tropoja që përgatitën eventin e radhës. Kishin menduar e organizuar dy festa bashkë; përkujtimi i ditës së Pavarësisë së Kosovës dhe evokimi i vlerave të zonës Nikaj-Mertur.
Eventin e hapën Anton Mirditori dhe Ndue Pal Qokaj, të cilët kënduan Himnin Flamurit. Këta të dy rezultuan të ishin dhe kolonat e gjithë mbrëmjes artistike. Eventi ishte ideuar dhe u realizua në formë spektakli. Në skenë u sistemua grupi i instrumentistëve i përbërë nga Gjon Uka, Arben Marku, Arben Prenga, Gëzim Pepa, Zef Margjoni, Maksim Prenga, Emanuel Uka dhe i kryesuar nga mjeshtër Antoni. Ky grup ishte pjesë, thuajse, e çdo numri që u prezantua në skenë, qoftë si protagonistë, qoftë si sfond muzikor. Siparin e hapi një valle me tonalitet të lartë, me sens marrshi dhe e shoqërur me një interpretim vargjesh si ushtimë malesh, që të bëjmë kullat istikame. Më pas u interpretuan shumë valle nga shumë vallëtarë, ku protagoniste kryesore ishin tre vajza të reja. Spikatën koreaografitë e Stelës.
Në mbrëmjen festive ishin, domosdo, të pranishem disa këngë e disa këngëtarë. Me shumë pasion e mjeshtri kënduan disa herë pjesëtarët e orkestrës së instrumentistëve, Anton Mirditori e Gëzim Pepa. Edhe një nga vallëtaret e reja, Ana Uka, këndoi një këngë vetëm e më vonë një këngë me babain e saj Emanuelin. Nga Viareggio kishte ardhur këngëtarja Mariana Daçi dhe këndoi një këngë për heroin Adem Jashari. Befasoi kur në petkun e këngëtares u prezantuar vallëtarja e sa e sa skenave zonja e shtëpisë, e palodhura Drita Gega, që kondoi solo e në duet. Tepër prekëse fjalët e Presidentit të shoqatës Vëllezërit Arbëresh, njëkohësisht artist, Mimmo Imbrogno. Duke folur për vlerat e artit arbëresh, na tha që kënga “O e bukura More” është një këngë që të çan zemrën, apo qani, trima, se iku dielli, për vdekjen e Skënderbeut. Ai interpretoi sa me dashuri, aq me mjeshtri, të shoqëruara me kitarën e tij, dy këngë. Përgjithësisht, në këngët e sjella u evokua heroizmi i popullit tonë, në përgjithësi, e i popullit shqiptar në Kosovë, në veçanti. Tepër të bukura e tepër tërheqëse ishin meloditë me instrumenta idiofonë, të cilat ishin koordinuar me shumë përkujdesje.
Prezantimi në skenë i veshjeve popullore ishte tregues i larmisë së vlerave të etnografisë sonë. Vallëtarët, këngëtarët, instrumentistët krijuan një spektakël ngjyrash e kostumesh ku prezente ishte shqiponja. Shqiponja që ishte stoli edhe e disa shisheve e realizuar nga artizani i talentur Gazmend Meçe e prezantuar direkt në skenë.
Në trojet tona festa e Karnevaleve është shumë pak e përhapur. Ndërsa në disa vende me kulturë latine, festa e Kanevaleve është shumë e përhapur dhe tepër e ndjeshme, pasi është shprehja më popullore e alegorisë. Organizatorët kishin ftuar një grup nga Kolumbia që u shfaqen para nesh me një vallëzim tango ku kavalieri kishte simuluar një Sivia Perez. Më pas një stuhi shpërthimesh e lëvizjesh e me një dekor piroteknik e ekstavagant ngjyrash e kostumesh, që me efekte pushtoi skenën e rëmbyen duartrokitjet.
Një pjesë të rëndësishme të mbrëmjes festive zunë edhe oratorët. Mësuesi Ndue Shabaku foli për etnogjenezën e popullit shqiptar dhe padrejtësitë historike që u bënë me aneksimin e Kosovës autoktone tek shteti serb me popullsi të ardhur. Veprimtari Petrit Aliaj foli për gjendjen e krijuar me vërshimin e detyruar të popullsisë kosovare vetëm me shpresën se nëna do të zgjasë dorën. Ai solli disa statistika dhe evidencoi humanizmin e popullit tonë që i priti të dëbuarit nga represioni e gjenocidi serb. Më pas, poetja Trandafile Molla recitoi siç di ajo, dy poezi me tituj “Shqipërisë i bëre nder” dhe “Liria ka një emër”. Toni i interpretimit i ngjante kushtrimit të heroit. Imprenditori i suksesshëm dhe veprimtari i hershëm Klodian Cami përshëndeti të pranishmit dhe mikpritësit në emër të dy organizimeve shoqërore nga Reggio Emilia. Ai vlerësoi shumë angazhimin e shumë aktivistëve në veprimtaritë vullnetare dhe tërhoqi vëmendjen në një mentalitet të komunitetit tonë. Ai tha që më të ndjeshëm janë, po të kishte muzikë tallava e nuk do të gjendeshin bileta, ndërsa në shpalosjen e kultivimin e vlerave kulturore, nuk vijnë falas. Orator patëm rastin të kemi gjatë gjithë mbrëmjes festive drejtuesin Ndue Qokaj. Në ndërhyrjet e tij dhe prezantimet, tërhoqi vëmendjen në disa drejtime. Së pari, me shumë repsekt foli për shqiptarët që në emigracion punojnë dhe shprehin vlerat e tyre përmes punës. Me konsideratë foli për punën që bëjnë intelektualët të cilëve u ka rënë shorti të jenë larg vendlindjes, por nuk e ndalin asnjëherë veprimtarinë e tyre në dobi të komunitetit e të mbarë kombit. Ai vlerësoi shumë punën vullnetare e humane që bëhet në shumë zona të Italisë nga organizimet shoqërore. Me zë të fortë kërkoi që të ngulmojmë t’u mësojmë e kultivojmë vlerat tona kulturore e traditat tona brezit të ri, me qëllim që ato të mos humbasin në vitet e mëpasme.
Me shumë pasion e me shumë dashuri foli për vlerat e dy fiseve që kanë bashkëjetuar në vëllazëri prej më se 600 vitesh në zonën e Nikaj-Mërturit. Përmendi edhe Currajt e Epërm, amfiteatrin natyror, ku është bash vendlindja e tij. Me emocion përmendi faktin që bash prej aty ka prejardhen Plaku Ii Maleve, Heroi Bajram Curri. Përmendi dy data, 1910 dhe 1915, ku u dallua heroizimi i burrave dhe, krah tyre, i grave të Nikaj-Merturit. Dhe një copë Nikaj-Mërtur e kishin sjellë bash në mes të skenës. Simulimi i traditës më të ndjeshme, i vetë jetës, ishte sjellë përmes sofrës së rrumbullakët. Rreth saj ishin vënë ata që në zonat e Veriut i themi shkam dhe shërbenin për t’u ulur rreth sofrës. Një katrovë me raki e gotat janë simboli i mikpritjes. Aty pranë ishte një qilim i lashtë she dy shtrosa si atëherë. Në një kënd, një djep me shkrola …
Vështirë të përllogariten sa kilometra rrugëtime kanë bërë komplet për vite me radhë familja artiste Qokaj, për të marrë pjesë e për të qenë protagonistë në evetntet e shqiptarëve në disa zona e qytete të Italisë e disa shtete të Europës. Nuk mund të llogariten sa shpenzime janë bërë, për të hyrë këto në fondin e investimeve në dobi të komunitetit. Nuk përshkruhen sa gëzim kanë sjellë tek publiku e spektarorët me lojën e bukur të tyre në vallet tona burimore, të inskenuara në natyrë e të vëna skenat tona me pasion e me dashuri. Është e pamundur të gjendet një familje si kjo, që të ketë dhënë kaq shumë për kulturën, për traditat, për trashëgiminë etnografike e folklorike. Me siguri, nuk mund të marr hiret e gjithë komunitetit, por jam i bindur se shumica e mendojnë si unë. Ne do t’u jemi mirënjohës e do të përulemi me shumë respekt për familjen tuaj, duke filluar nga më i vogli, Endri, vallëtar e prezantues kostumesh tradicionale. Po ashtu, për Stelën, valëtaren si flutur e koreografen me talent. Ne do të falënderojmë djalin energjik, vallëtar e sportist, Florianin, përherë i pranishëm në grupin e valleve. Ne do të kujtojmë e nderojmë prijësen e valles Erionën. Me siguri, do të çmojmë shumë punën mbështetëse të bijës suaj stiliste, dr. Sandrina. E si të mos ngazëllehemi për faktin që mamaja e familjes, e palodhura Drita Gega Qokaj ka ngritur më këmbë me punë vetëmohuese veprimtari kaq të vlefshme shoqërore e artistike! E si të mos ekzaltohemi për babain e familjes Ndue Qokaj, që ka mbushur shtëpinë me instrumenta muzikore dhe ka kultivuar tek familja kaq vlera njerëzore, ka ngritur më këmbë organizime shoqërore e ka dhënë kontribut kaq të vlefshëm për të mbajtur gjallë e transmetuar tek brezat kulturën e traditat tona!
Ai djep, pa tjetër, do t’i përkundë ato ëndrra …

Burimi/Facebook/Autori

RUDI BERISHA – ËSHTË KOHA T’I MBYLLIM VARRET DUAM TË JETOJMË PËRJETËSISHT NË PAQE

No Comments Argëtim Letersi

1.
Mos vepro për të vrarë…

Kur dielli ka humbur ngrohtësi e tij
Nata tani është bërë më e errët se teri
Kur ditët janë bërë të frikshme për njerëzimin
Ne lutemi për paqe dhe vetëm për paqe.

Çdo ditë qe po vie për ne në këtë jetë
Është bërë me e përgjakshme se dita qe iku
Jemi ne njerëzit duke jetuar në mes vdekjes
Vdekjet po vinë nga ca koka të çmendura.

Laboratorët po i kthejnë për të vrarë njerëz
Toka po ujitet me gjakun e fëmijëve dhe grave
Pallatet rrënohen nga artileritë e rënda qe përdoren
Të arsimuarit vrasin me dijen e tyre të pafajshmit.

Qytetet po kthehen në gërmadha e trishtim
Lodrat e fëmijëve po kthehen në lojëra të luftës
Të gjithë po luftojnë për pushtim e pak për mbrojtje
E rënd jeta është bë në tokën e ditët qe ne po jetojmë.

A thua dhe sa duhet të vdesin njerëzit e pambrojtur ?
Pse tokat i pushtojnë kur të gjithë janë të vdekshëm ?
Pse nuk lejojnë njerëzimin të jetoj krejt i lirë në Gjithësi ?
Ca udhëheqës në botë janë veshur më rroba të krimit.

E gjithë toka po digjet nga veset dhe çmendurit njerëzore
Fëmijët me fytyra të përgjakura janë duke vajtur më zë
Kur tokës i mungon buzëqeshja e fëmijëve të bekuar
Atëherë e gjithë tokës do i vie fundi i shkatërrimit të saj.

2.

Ndalo o njeri i çmendur…

Ndalo o njeri dhe mendo pak më kokën e ftohur
Mos u bë armë qe vret dhe merrë shpirtra të njerëzve
Mos i përlyej duar e tua me gjak të pafajësisë
Një ditë do bie mallkimi mbi kokën tënde o i pashpirt.

Kur toka të qahet dhe ty të kërkon me dhunë aty brenda
Do futesh në errësirë dhe do dënohesh për krime
Atëherë do jesh vetëm dhe i mbyllur në terrin e zi
Do digjesh në zjarr e nuk do shpëtoj askush ty.

Kur mbi trupin tënd të hidhet dheu i përjetësisë
Aty do jesh krejt vetëm dhe trupin tënd e ke të ngrirë
Aty nuk mund të lëvizesh je vetëm i mbyllur në dhé ti
Aty do përjetosh torturat për vrasjet qe bëre në Gjithësi.

Është koha qe të kthejmë qetësinë në gjithë Universin
T’i kthejmë buzëqeshjet e humbura e të munguar fëmijëve
Nënat mos t’i bëjmë të qajnë duke i vrarë fëmijët e tyre
Është koha t’i mbyllim varre të jetojmë përjetësisht në paqe.

@ rudi berisha
Dardani Antike ( Kosovë), 28 shkurt 2022

bURIMI/fACEBOOK

Sekretari i mbrojtjes i Mbretërisë së Bashkuar: Duhet të përgatitemi për atë që mund të vijë më pas

No Comments Aktualitet Lajme

Sekretari i mbrojtjes i Mbretërisë së Bashkuar, Ben Ëallace ka thënë se forcat ruse janë nën presion në Ukrainë dhe do të bëhen më të dhunshme.

“Ukrainasit po bëjnë një luftë shumë të fortë”, tha Ëallace.

Ai thotë se presidenti rus Vladimir Putin ka bërë një “llogaritje të gabuar” duke u bindur se populli ukrainas po priste të çlirohej, raporton BBC, transmeton Klankosova.tv.

Kjo do të thotë se rusët duhet të rivendosin planin e tyre, të ngadalësojnë ose edhe të luajnë me kohë.

“Një nga frika që të gjithë duhet të kenë është a e di ai se çfarë po ndodh në Ukrainë? A po i thonë njerëzit të vërtetën?”, u shpreh ai.

Burimi/klankosova.tv/

Hoxha nga Shkupi e quan presidentin ukrainas ‘’dreq’’: Zullumqarët aspak s’duhet me na u dhimbsë

No Comments Aktualitet Lajme

Një imam nga Shkupi, hoxhë Muharrem Ismaili, ka komentuar luftën mes Rusisë dhe Ukrainës, në një paraqitje të tij.

Ai gjatë fjalimit e ka quajtur ”dreq’’ dhe ”zullumqar”, presidentin ukrainas, madje sulmin rus ndaj tyre e quajti të parastësishëm, përcjell Klankosova.tv.

”Sot dje pardje, muhabetin kryesor jemi duke e bo për luftën Ukrainë-Rusi, tema kryesore a unë ju thomë se rastësisht ju ka plasur sherri Ukrainës në oborr? Nuk është rastësisht, se para pak kohe kur Izraeli e luftojke Palestinën, kryetari i Ukrainës, qaj dreqi që del sot dhe rrin për gjynah aty, ai dilke dhe qajke për mediume për jahuditë”. ka thënë hoxha Muharem.

”Ky i qajke jahudit, zullimqaret nuk duhet me na u dhimt, se atij zullumqarit ia qon alluhu një zullumqar ma të madh, ne kemi thonë në hutbe, o Allah zullumqarit të vogel qoja një zullumqar të madh, e qitash i ka ardh një zullumqar me emrin Rusi, e tash din qysh me e trajtu zullumqarin se ka lotë krokodili”, tha ai.

Madje ai thotë se në këtë përballje ku përfshin edhe NATO-n, Rusia do dalë fitimtare.

”Asgjë nuk kanë me mujt me i bo Rusisë, se ata janë zullumqarë, se zullumqaret le te kapen ne s’kemi pse mërzitemi për ta. Europa nuk e ndali zullumin në Siri, e shkatërrun atë vend të bekum, e tash zullumi i ka ardh në derë”.

Siç vërehet në këtë video, kjo paraqitje e imamit nga Shkupi, ndodhi të enjten që e lëmë pas.

Burimi/klankosova.tv/

Vullnet Mato – DELIRI I MADHËSHTISË SË SHOKUT

No Comments Argëtim Letersi

Unë dhe Tomi, ishim profesorë,
lidhur herët në shpirt, si shokë.
Sapo ai u ngrit në post superior,
më pa si miush, u krekos si maçok.

Kështu një ditë, krejt pa kuptuar,
si Tomin me Xherin dielli na gjeti.
Ai frynte pendët, duke u shndërruar,
herë si pallua, herë si gjel deti…

Lëvdatat e miqve servilë, përqark,
e shndërruan, në një qenie tjetër,
sikur i derdhën te damarët në gjak.
lëngun magjik, të frynte pendët.

Këshillat e mia, për vetëkorrigjim,
Tomi i quante frikësim, miushi.
Para fuqisë së tij, fryrë me pompim,
unë i dukesha, Xherri askushi.

Lexova të di, diagnozën e mjekësisë,
pse i kish hyrë aq në qejf, vetja e vet?
Thuhej: Simptoma, delir i madhështisë,
të bën, sikur mbi skllevër je bërë mbret.

Sikur ai ishte përcaktuar nga vet zoti,
të drejtonte gjithë kombin, etnikisht.
Kurse unë i dukesha, një dhaskal koti,
destinuar të jem, inferior përjetësisht…

Zbrazte kudo, vetëm fjalë bombastike,
rrokje të forta, si krisma shpërthimi,
duke përhapur gjithandej, tone frike,
nëpër shpirtra, me bindje nënshtrimi.

Dëgjuesit e thjeshtë, heshtnin të ndrojtur,
të mençurit, mbledhin supet me habi:
ç’ishte ky birbo, me paraqitje të lojtur,
që donte si Neroni, të mbetej në histori?…

Sot, kur njerëzimi ka flakur prej kohësh,
diktatorët, që ngjiten si gjelat mbi pleh
zgjidhet në krye njeriu i fjalës së ngrohtë,
kurrsesi, tipi i bastardit, që fillon e leh…

Pres me keqardhje ditën e shpuplimit,
kur Tomit t’i bien pendët krejt përtokë.
Dhe siç ndodh zakonisht, pas rrënimit,
të vijë të më lutet, ta pranoj për shok!…

Burimi/Facebook/Autori

Pse është kaq e vështirë për t’u bërë drejtësia në Shqipëri e Kosovë?

No Comments Lajme Opinion

Nga Skënder Sadri KAPITI

Drejtësia është shumë e vështirë te shqiptarët sepse janë shumë të forta padrejtësia, hajdutëria, korrupsioni dhe mungesa e nje kulture e trashëgimie historike juridiko-shtetërore.Këto janë arsyet dhe nuk besoj se ka nevojë për shumë komente ndaj këtyre shkaqeve që e bëjnë të vështirë vënien në funksionim të drejtësisë, të sundimit të ligjit dhe të ndërtimit të shtetit ligjor.

Në shoqërinë shqiptare jo se nuk dihet ligji dhe se cilat janë të drejtat e detyrat qytetare e njerzore, jo se nuk dihet se cfarë është perendimi demokratik dhe demokracia pasi pothuajse të gjithë filozofojnë e japin leksione për to,por mungon respekti, vullneti dhe dëshira për t’i zbatuar ato , sepse dominojnë veset të tilla si: padrejtësia, e drejta për të marrë e grabitur gjënë e shtetit dhe atë të të tjerëve, lakmija për para e për pasurim të shpejtë e të paligjshëm me politike, me korrupsion ,me drogë e me ryshfete etj.

Drejtësia është e vështirë kur atë e drejtojnë dhe e kanë të drejtë ligjore për të bërë e dhënë atë paraja dhe pushteti i hajdutit, korrupsionit dhe politikës.Po kush janë hajdutët, të korruptuarit dhe të kriminalizuarit që janë të pandëshkueshëm ?

Ose kush apo cilët nuk janë hajdutët dhe të korruptuarit?

Nuk janë hajdutë dhe të korruptuar shumica e njerezve, sepse populli dhe demokracia e vërtetë nuk janë të korruptuara. Nuk janë të korruptuar të varfërit sepse ata nuk kanë mundësi dhe as para për të paguar drejtësinë e korruptuar; nuk janë hajdutë dhe të korruptuar as ata të cilët nuk kanë shansin, as mundësinë dhe as paranë për t’u bërë politikanë, shtetarë, administrator e qeveritarë e as kuvendarë parlamenti e këshillash bashkiakë, pasi a nuk shikohen se keta të tillët sapo blejnë dhe kapin poste pushteti vjedhin e behen milionere shume lehte e shumë shpejt.

Nuk janë hajdutë dhe as të korruptuar as ata të cilët nuk kanë mundësi karriere as në drejtësi sepse edhe këtu ashtu si në politikë e pushtet të drejtën e kanë miku, miku i mikut, e kanë ata me lidhje politike, hajnije, paraje e korrupsioni.

Hajdutët, të korruptuarit dhe të pandëshkueshmit janë pakicë, por ama ata kur kapin shtetin, pushtetin dhe ekonominë ata bëjnë dhe kapin edhe politikën e drejtësinë prej së cilës ata sigurojnë mbrojtjen dhe pandëshkueshmërinë

Pra, drejtësia shqiptare është e vështirë për t’u bërë sepse është i kapur dhe i korruptuar i gjithë sistemi.Dhe prandaj shpresa e shumicës së shqiptarëve që e duan Shqipërinë, Kosovën, drejtësinë dhe shtetin ligjor është vetëm te VETTING-u, jo vetëm juridik e politik por gjithpërfshirës që të behet i mundur cmontimi i sistemit të korrupsionit, padrejtësisë e të hajnisë.

Refuzon evakuimin nga SHBA, presidenti Ukrainës: Do mbrojmë atdheun

No Comments Aktualitet Lajme

Një video e re është publikuar nga presidenti ukrainas Volodymyr Zelensky, në të cilën ai duket të jetë në Kiev, ku vazhdojnë luftimet e ashpra me trupat ruse.

Në video, Zelensky shfaqet jashtë Pallatit Presidencial ku dërgon mesazhin se ukrainasit nuk do të heqin dorë nga armët, duke u bërë thirrje njerëzve të mos besojnë “lajmet e rreme që dëgjohen”.

“Ka shumë informacione të rreme që qarkullojnë në internet se unë po u kërkoj ushtarëve tanë të dorëzojnë armët dhe se ka një evakuim. Unë jam këtu. Ne nuk do të heqim dorë nga armët tona. Ne do të mbrojmë atdheun tonë. “tha ai.

Më herët Presidenti ukrainas Volodymyr Zelensky refuzoi një ofertë të Uashingtonit për të ndihmuar në evakuimin e tij nga Ukraina, thonë mediat amerikane. Zelensky tha se “lufta është këtu. Unë kam nevojë për municion, jo një udhëtim,” raportoi “Associated Press,” duke cituar një zyrtar të lartë të inteligjencës me njohuri të drejtpërdrejta të bisedës.

Burimi/stop.tvklan.al/