Home

Lajme

Rei tenton të puthë me forcë konkurrenten e Love Story

No Comments Argëtim Humor

Takimi i Danielës dhe Reit nuk ka shkuar ashtu siç pritej.

Protagonistët e emisionit “Love Story” në Tv Klan” e kanë nisur takimin e tyre me pyetje ku është zbuluar më shumë përsa i përket jetës personale së tyre.

Mirëpo, në momentin që duket se gjithçka po shkonte më së miri, Rei ka tentuar ta puthë me forcë Danielën, ndërsa kjo e fundit e ka refuzuar menjëherë.

Daniela: Sot të ftova të të luftoj dhe të të tregoj se edhe unë dominoj.

Rei: Domethënë jemi të dy njësoj?

Daniela: Jo, nuk jemi. Sot të kam lënë 3 plumba dhe je i detyruar që të më japësh 3 përgjigje. Dua të di pse je puthur fshehurazi me Dean.

Rei: Ajo ndodhi pas xhirimeve, ishte thjesht një “baby kiss”.

Daniela: “Baby kiss” apo “French Kiss” sepse mesa di unë Dea nuk jep “baby kiss”?

Rei: “Baby kiss”.

Daniela: Mendon se ishte e tepërt që u largove për një puthje?

Rei: Unë e pashë takimin tënd, ai ta vodhi puthjen dhe kur pashë se ti shkove dhe ja dhe, u ndjeva keq dhe u çova.

Daniela: Domethënë ti je xheloz dhe më do vetëm për vete?

Rei: Po.

Daniela: Rei, nëse ndodh ndonjë puthje tjetër në studio apo në takim me djemtë e tjerë, si do të veprosh?

Rei: Kush tha se do të ndodhë?

Daniela: Mendon se mund të më fitosh lehtë?

Rei: Trofetë e mëdha nuk fitohen lehtë, duhet mund që të fitohen.

Daniela: Të fitosh besimin tim të duhet shumë punë.

Rei: Unë do të të bëj vetëm një pyetje sepse vetëm një plumb qëllova: Je e gatshme të më puthësh dhe mua?

Daniela: Pse e meriton thua?

Rei: Si thua ti?

Daniela: Jo. Humbe sot, nuk meriton puthje.

Rei: Këtu patëm një lodhje të madhe sepse luftuam shumë, si me plumba, si me fjalë. Unë bëra pak pazar dhe gatova për ty sot.

Daniela: Rei, shumë faleminderit se edhe pse fitova unë më bëre drekën gati.

….

Daniela: A ke pasur lidhje të gjata?

Rei: Lidhje të gjata për mendimin tim nuk ka sepse një të gjatë i them 5 vite e më shumë, por tek unë nuk ka ndodhur.

Daniela: A ke pasur ndonjëherë dy njohje paralele?

Rei: Jo, jam besnik ndaj lidhjes.

Daniela: Rei, a mendon se unë mund të jem vajza ideale për ty?

Rei: Derisa unë lashë studion dhe u bëra xheloz, besoj se nuk ka nevojë për përgjigje.

Daniela: Je shumë tip interesant dhe do të njihja dhe më tepër dhe të kisha një takim të dytë.

(Rei tenton ta puthë me forcë Danielën, fronistja e refuzon)

Burimi/tvklan.al

“TASH KUR TE BAJNA PRISHTINËN METROPOL…”, KOMENTI I OSMANIT TË STUPCAVE PËR ZGJEDHJET NË PRISHTINË

No Comments Argëtim Humor

Osman Azemi i grupit humoristik stupcat ka dalë me një video pas rezultatit të zgjedhjeve në komunën e Prishtinës.

“Osmani i Stupcave” në këtë video thotë se s’ka fjetur tërë natën nga gëzimi, derisa thotë se kanë fituar të gjithë, shkruan lajmi.net.

Ai thotë se Prishtina do të bëhet një Metropol dhe të rinjt nuk do të shkojnë në Tiranë e Shkup, por të tjerët do vijnë tek ne.

“O mu kënaq zemra bre”, ka thënë Osmani.

“Mirmengjes krejtve, ton natën s’kom mujt me flejt prej gëzimit, fitun qytetarët, krejt kena fitu. Prishtina ka pasë nevojë mu ba Metropol, se u bamë katun. Krejt t’ritë nëpër vikende shkojshim jo në Tiranë, jo në Shkup, atje i lejshim paret, tash kur t’e ndreqim Prishtinën, te bajna Metropol, n’renë kanë me prit në kufi me i lanë te na paret. Prishtina e meriton arkitekturën, edhe modernizimin, edhe nënkalimin, edhe liqenin edhe krejt i meriton sepse Prishtina ka zemër, Urime. O mu kënaq zemra bre”, tha Osman i Stupcave.

Burimi/newsonline51.com/

Ky 94 Vjeçar nga Kosova kërkon Grua… Ja çfarë thotë Ai…

No Comments Argëtim Humor

Plaku Isuf Muhaxheri nga Kaçaniku ka tash e disa vite që jeton i vetëm pasi atij i ka nd ëruar je’ të gruaja, ai ka mbetur i vetëm dhe punët e shtëpisë detyrohet ti bëj vetë.

Muhaxheri ka 8 fëmijë aktualisht dhe në një rrefim ai tregoi për momentet e mira që i kishte pasur me bashkëshorten tashmë të n dj erē.

“Gruaja më ka thanë ti je kanë marak me i ba dy gra, e unë i thosha, se pare kisha, me kanë marak menjëherë martona, po s’du me të shkel. Fëmijët mi ka këqyr shumë”, theksoi Muhaxheri.

Muhaxheri tregoi se kishte 8 vajza e 8 djem, ndërsa tani i vetëm i duhet ta pastroj shtëpinë.

Kjo sigurisht për të duhet të jetë e vështirë dhe e lodhëshme.

“Unë jam kanë zotëri njeri, tash me fshi… S’kam ditë, prej zorit po duhet mu mësu. E fshij krejt”, tha më tej ai.

Ndërsa tani po kërkon grua.

Burimi/todaynews33.com/

Nderron jete aktori i humorit Rasim Thaçi – Cima , nga Covid 19.

No Comments Argëtim Humor

Kush ishte Rasim Thaçi Cima? Aktori i famshëm që vdiq në moshën 71 vjeçare
Rasim Thaçi, i njohur me shkurtoren Cima, ka vdekur sot si pasojë e infektimit me Covid-19. Por, kush ishte z.Thaçi?

Rasim Thaçi – Cima ishte një aktor i njohur i humorit kosovar që kishte lindur më 12 korrik të vitit 1949.

Ai ishte 71 vjeçar, i lindur në fshatin Vukovc dhe vazhdimisht shprehte nostalgjinë për këtë fshat.

Cima ka përfunduar shkollën e mesme në Prishtinë – dega ndërtimtari.

Rasim Thaçi ka qenë edhe futbollist derisa ka kryer edhe Fakultetin e Kulturës Fizike.

Në vitet 1980-1998 ai ka qenë mësimdhënës derisa njëkohësisht zhvillonte karrierë prej futbollisti.

Njëkohësisht ai nisi edhe karrierën prej humoristi në Radiotelevizonin e Prishtinës [RTP].

Vdekja e Rasim Thaçit- Cimës, flet mjeku nga Intensivja

Aktori i humorit, Rasim Thaçi- Cima ka ndërruar sot jetë pas infektimit me Covid-19. Lajmin për vdekjen e tij e ka konfirmuar edhe Nehat Baftiu nga Klinika Intensive e QKUK-së.

“Po ai ka ndërruar jetë gjatë mjekimit intensiv në orën 11:40”, ka thënë ai.

Vlen të përmendim faktin se Rasim Thaçi – Cima, ka qenë i shtruar tash e sa javë në QKUK pas infektimit me Covid-19./IndeksOnline/


Rasim Thaçi lindi me (12 korrik 1949, Vukoc, Kosovë) është humorist shqiptar i njohur veçanërisht për personazhin e tij fiktiv Cima. Njihet për gjestet dhe mimikën e tij speciale.

Skeçe Humoristike

Treshi Përsheshi – (1986-1990)
Cimë Baushtella – (2006)
Nusja nga Diaspora – (2007)
Lajmi në Gurbet – (2008)
Cimë kulleri te Lec katunari – (2008)
Leci te mulla Cima – (2008)
Cima Taxi 1 – (2009)
Cimë Baksuzi – (2009)
Cima ne Cia – (2009)
Cimë Polici – (2010)
Cimë te baba sheh – (2010)
Cimë Polici – (2011)
Rrota e Cimes – (2011)
Cimë Taxi 2 – (2011)
Haxhi Cima ne diskotekë – (2011)
Rrasja Vllaut n’gjermoni – (2013)
Dreqi n’Qeveri – (2013)
Cima te Tezja – (2013)
Hajnat e Vove – (2014)
Siguresa e Cimës – (2014)
Rruga e Boss Kungjit – (2014)
kartela e bankes – 2016
Bon apeti – 2017
Cima te Gazuzi – 2018

Ky Material u pregatit nga Luigj Shkodrani – Projekt 21

Hava Bekteshi – “Letra nga COVID-19”:

No Comments Argëtim Humor

Përshëndetje,
Unë quhem Covid-19. Shumë prej jush me njohin si koronavirus. Më falni për informacionin e pakët, po nuk më thanë se kur do të vij dhe me çfarë forme e force do të prezantohesha tek ju. Përse jam këtu?
Le të themi se jam këtu sepse u lodha duke ju parë se si ecni pas dhe nuk evoluoni.
U lodha teksa shihja se si vazhdimisht shkatërroheshit nga duart tuaja.
U lodha nga mënyra se si e trajtoni planetin.
U lodha nga mënyra se si silleni me njëri – tjetrin.
U lodha me abuzimet, dhunën, luftërat, konfliktet dhe paragjykimet tuaja.
U lodha nga zilia e shoqërisë suaj, nga hipokrizia juaj, nga egoizmi juaj.
U lodha nga koha e pakët që i dedikon vetes dhe familjes.
U lodha nga vëmendja e pakët që i kushtoni fëmijëve tuaj.
U lodha nga rëndësia që i jepni gjërave të panevojshme në kurriz të gjërave thelbësore.
U lodha nga kërkimi juaj i furishëm për fustanin më të bukur, modelin më të fundit të celularit, makinën më të bukur, thjesht për tu dukur më i plotësuar.
U lodha nga tradhëtitë tuaja.
U lodha nga keqinformimi juaj.
U lodha nga koha e pakët që i dedikonin komunikimit.
U lodha nga ankesat tuaja të vazhdueshme ndërsa nuk bënit asgjë për të përmirësuar jetën tuaj.
E di se jam i ashpër me ju, ndoshta shumë, por jam i paanshëm, jam një virus.
Mesazhi që dua t’ju jap është i thjeshtë, dua të theksoj të gjitha kufizimet e shoqërisë ku jetoni, sepse mund t’i eleminoni ato, dhe dua të ndaloj çdo gjë që të kuptoni se e vetmja gjë me rëndësi ku duhet të përdorni gjithë energjinë tuaj që tani e tutje, është thjesht jeta, jeta.
Jeta juaj dhe e fëmijëve tuaj, ajo ka me të vërtetë nevojë për mbrojtje, për përkëdhelje dhe për ta jetuar së bashku.
Kam dashur që të qëndroni sa më shumë të jetë e mundur të mbyllur dhe të izoluar në shtëpitë tuaja, larg nga prindërit, nga gjyshërit, nga fëmijët dhe nga nipërit tuaj.
Që të kuptoni se sa i rëndësishëm është një përqafim, kontakti njerëzor, bashkëbisedimi, një shtrëngim duarsh, një mbrëmje mes miqsh, një shëtitje nga qendra, një darkë në lokal, ose një vrap në park, në ajër të pastër.
Rinisni gjithçka me këto gjeste. Jeni të gjithë njësoj, jeni të gjithë njësoj, jeni të gjithë njësoj, jeni të gjithë njësoj.
Mos bëni dallime midis jush. Unë jam kalimtar por ndjenja e afrimitetit dhe bashkëpunimit që kam krijuar mes jush, në shumë pak kohë, duhet të zgjasë përgjithmonë.
Jetojeni jetën në mënyrën më të thjeshtë të mundshme. Ecni ngadalë.
Merrni frymë thellë, bëni mirë, shijoni natyrën, bëni atë që ju pëlqen e ju kënaq, dhe krijoni kushte që të mos vareni nga askush.
Kur të festoni, unë do të jem larguar, por mos jini më të mirë vetëm në praninë time.
Lamtumirë!

Burimi/Facebook

Kimete Berisha – Berishët votuan.

No Comments Argëtim Humor

Se Berishët janë si vargu i bukur i ‘Modern talking’ –
Vetëm dashuria ua thyen zemrat ‘atyre’, gjë tjetër nuk ua lë shenjë.
Çu dil voto se Ti je dikushi.
Askush në botë nuk është si Ti.
Ty s’të gjendet shoku,
s’të gjendet shoqja n’këtë dynja.
Ti që tash je mbyllur në shtëpi, e që ende je i përgjumur në tlina,
Të kuptoj, je lodhur nga pritjet e gjata, prandaj ke humbur shpresën që në këtë vend ndonjëherë mund të bëhet mirë,
Dil jepja edhe një shans vetes.
Dil dridhe pakon e votimit.
Dil shpoje letrën e votimit, anë e përtej.
Dil Voto.
Se prej teje varet.
Prej teje që lejon të tjerët të vendosin për Ty.
Çu vendos për vete dhe bërtit me sa zë që ke:
për Drejtësi, për ndryshim, për barazi, për punësim, për dije, për një tjetër jetë.
Ti s’beson, por dije se çdo gjë në jetë ndryshon, deshëm apo s’deshëm ne.
Gjithçka e ka një fund.
Edhe vuajtja harxhohet një ditë.
Edhe padrejtësia është ‘Një faqe me fund’.
Ju dua. Dhe ju lus të votoni.
P.S. E në mbrëmje do të këndojmë:
‘O pasuli pa maru- a guxoni ma me lu’.

Burimi/Facebook

Si Dor Keko tallte Edi Ramën…

No Comments Argëtim Humor

Nga Agim XHAFKA

Kur e pyeta Dor Kekon se ç’shkollë ka bërë Ed Rama, m’u përgjigj shpejt:

-Ai ka mbaruar studimet jashtë.

-Jashtë!-u çudita. -Po ku? Në Francë,Itali?

-Te bordurat para hotel “Dajtit”. Tre vjet nuk e lëvizi hiç bythën nga atje. Te bordurat ia çuan dhe diplomën.

Mëngjesi te “Koha Jonë” niste nga kafja. Doemos që te tavolina ku ulej Teodor Keko kishte më shumë njerëz. Aty plaste e qeshura çdo çast.

E sa herë ndodhte që në redaksi vinte Edi Rama, i cili sillte një rubrikë me sharje e fyerje, por firmosur me pseudonim, Dorka i Vogël i thoshte Nikollë Lesit:

-Niko, mos u qaj nga Berisha. Të ketë vendi ynë një kryeministër si ky, (dhe tregonte Ramën), nuk ngelet shqiptar brenda kufijve.

Majë telave me gjemba në kufi do kacavirremi të gjithë.

I mençuri shoku im. Në shenjë qëllove. Si përherë…

Burimi/infopressalbania.com/

GOMARI S’ FLYTYRON… PO NE E BESOJMË!

No Comments Argëtim Humor

Faik Konica

Nofta kombi ynë do kish sot një faqe tjatër, fare të ndryshme nga e sotmja, po të qe populli pak më serios dhe t’i gërmonte punët pak më thellë e me më tepër gjykim. Mjerisht, ne Shqipëtarët jemi njerës superficialë, njërës që shohim vetëm cipën dhe nuk çajmë kokën të hyjmë në të thellat. Mjafton për ne që të na thonë se kemi qetësi, pa se vriten njërës dita me ditë (e në mes të ditës), se bëhen vjedhje, se grabitet mall e gjë toptan, se rrëmbehen gra e bëhen qindra turpe të tjera, aqë na bën. “Zyra e shtypit” nxjer një prokllamatë: “qetësia mbretëron kudo”; kjo është mjaft të na qetësojë dhe të na kandisë se me të vërtet populli gëzon qetësinë. Dhe me këtë ide në trutë tona habitemi e shkumbëzohemi, kur dëgjojmë një tjatër të na thotë se vrasjet e vjedhjet po e tepërojnë zullumin në Shqipëri, e themi: “Ç’thotë ky sharllatan? Nuk ka sy të shohë dhe tru të gjykojë?” Po kur nuk jemi gënjyer që të mos gënjehemi edhe sot? Kurdoherë, në çdo kohë e në çdo rast, Shqipëtari është gënjyer aq prej vëllezërve të tij sa edhe prej të huajve. Neve dhe arsya më e vogël na kandis e na mbush mendjen, dhe aqë, sa vetëm batërdia dhe prishja na ka sjellë nër vehte. Po kur na vijnë mëntë nuk i hanë as qentë! Pendohemi dhe i biem kokës, kur zogu ka shpëtuar nga duart tona. Po nuk është vetëm kjo e keqe që na prish ne Shqipëtarëve. Edhe kombet e tjerë janë gënjyer e gënjehen. Ajo që na shquan neve është se pësimet nuk na bëhen mësime. E harrojmë të shkuarën me një frazë të ndyrë “ç’i gris t’ëmën”, dhe biem prapë në grackat e para. Me këtë mentalitet do mos mundim kurrë të bëjmë një shtet serios. Sa kohë që ne besojmë edhe kur na thonë se flytyron gomari, le të mos presim ngritjen tonë sociale dhe politike. Se ç’pret prej një populli që sheh me syt’ e tij vrasje, vjedhje, grabitje e të këqia të tjera dhe duartroket qeverinë, kur i thotë ajo se ka qetësi të plotë! Ka keq edhe më keq dhe vendi ynë ka parë ditë më të errëta se të sotmet, po të paktën, le të mos mburremi; dhe le të mos qërtojmë e të shajmë ata që përpiqen për një qetësi të vërtetë, për një qetësi të dalë nga shpirti dhe dëshira dhe jo të shkakëtuar prej drurit dhe prej burgut. Na thonë, se qetësia mbretëron në Shqipëri; e besojmë. Na thonë, se për tre javë do ndodhet eksperti i financave në Shqipëri, gëzohemi. Na thonë, se qeveria do blejë dhjetë aeroplanë dhe japim me duart plot. Na thonë, se për pak kohë Shqipëria do të bëhet oksidentale, duartrokitim. Na thonë, se qeveria e shpëtoi shtetin nga një rrezik i madh, thërrasim me tërë fuqinë: “Rroftë qeveria kombëtare!” Na thonë se flytyroi gomari… ne e besojmë! GAZETA “DIELLI” (Boston Mass, e shtunë, 17 shkurt 1923)