Home

Lajme

Mardena Kelmendi – The Balkanista

No Comments Kulture

Në artikullin e kësaj faqeje, ndër të tjera shkruhet për promovimin e turizmit, vlerave, apo kulturës sonë, por me mjaft mjeshtëri edhe ironizon disa fenomene tipike shqiptare The Balkanista”, faqja e njohur angleze: Ju njoh me shqiptarët, zinxhirë floriri, gëzofë rozë, makina të shtrenjta, 15 kafe… mos u çudisni!
U bë kohë që nuk kam shkruar për jetën në Shqipëri. Më poshtë kam renditur, me pak ironi, disa nga zakonet dashamirëse të shqiptarëve.
1—Gjithmonë merr një shqiptar me vete nëse do të mbarosh punë në zyrat e shtetit, të zgjidhësh ndonjë problem ligjor, ose kur shkon në postë. Edhe nëse flet shqip, prapë të duhet një shqiptar, se kanë mënyrën e tyre se si i zgjidhin gjërat. Kjo mënyrë përfshin të flasësh me zë të lartë dhe shpejt, të flasësh me këmbë e me duar, të dukesh sikur je me nerva—në daçi besojeni, po këto të zgjidhin vërtet hallin.
2—Përgatitu të dëgjosh komente si: “u, qenke shëndoshur”, “i kishe më mirë ashtu flokët”, “si e sëmurë më dukesh” — vdesin të komentojnë mbi gjëra të ndjeshme, pa e menduar dy herë.
3—Mos u lodh të mbash radhë. Nëse je në postë, nëse je duke pritur në autobus, nëse po përdor bankomatin, ose po blen në market, dhe nëse je në radhë diku, je i dënuar të presësh gjithë ditën. Vëri në punë brrylat, tregohu i vendosur dhe bëj sikur nuk i sheh të tjerët që janë aty, vetëm kështu mund t’ia dalësh.
4—Sinjalistika është vetëm për dekor. Mos Parko, Ndalohet Duhani, Ndalohet për moshën nën 18 vjeç etj, shenja si këto kanë vetëm funksion estetik, sepse askush nuk i respekton. Ndonjëherë mund të shohësh tavlla plot me bishta çigaresh edhe pse në derën e lokalit shkruhet “Ndalohet Duhani”. Vini Re! Kjo vlen edhe për sinjalistikën e qarkullimit rrugor.
5—Bëni kujdes me kafen. Kafja shqiptare nuk është kafja evropian. Jo vetëm që është shumë, shumë herë më e mirë, por edhe shumë herë më e lirë se kafja evropiane, dhe të lë pa mend. Këshilla ime është ta pini ngadalë dhe jo me shpejtësi, siç do të bënit në ndonjë vend tjetër, sepse mund të filloni të dridheni dhe të mos jeni në gjendje të përfundoni dot një fjali.
6—Të marrësh pako nga jashtë vendit është si ruleta ruse. Të marrësh pako nga miq, të afërm, nga Amazon, është si të luash kumar. Ato mund të vonohen me javë, deri në një vit, mund të mos paguash fare taksë doganore, ose mund të të duhet të marrësh kredi për ta paguar taksën. Një gjë e sigurtë në të gjitha rastet është se pakoja nuk të vjen në shtëpi dhe duhet të paraqitesh në postë për ta tërhequr. Mund të merresh tre orë vetëm për të arritur të tërheqësh nëj libër nga posta.
7—Ato gotat e vogla nuk janë me ujë. Nëse del për kafen e mëngjesit dhe sheh njerëz duke pirë kafe dhe një pijë transparete, si ujë, në gota të vogla, dije se nuk është ujë, por raki.
8—Buka është vetë jeta. Nëse je duke ngrënë me shqiptarë, bëhu gati të hash shumë bukë. Makarona për darkë? Duhet pak bukë me to. Pizza për darkë? Duhet prapë pak bukë. Bukë për darkë? Duhet prapë pak bukë. Shqipëria, përfundimisht, nuk është një vend për ata që kanë intolerancë ndaj grurit.
9—Djathi është jeta vetë. Sërisht, kur je duke ngrënë me shqiptarë, përgatitu të hash shumë djath. Mund të hash 2 deri në 4 lloje të ndryshme djathi në çdo vakt, përfshirë mëngjesin. Djath të bardhë, djath kaçkavall, djath të fortë, djath pa kripë, djath të pjekur, djath lope, djath dele, djath pikant, djath shtëpie… për tavolinat shqiptare djathi asnjëherë nuk është i mjaftueshëm.
10—Të merresh vesh me njerëzit në rrugë është si mbijetesa e më të fortit. Nëse je duke i dhënë makinës ose je duke ecur në rrugë si këmbësor, përgatitu të të ngrihet adrenalina. Ai burri jeshil në semafor nuk do të thotë kalo, por do të thotë vrapo, dhe mënyra më e mirë për t’ia dalë kur nget makinë është thënia “fitoftë më i miri”.
11—Stereotipet, pastaj, janë gallatë fare. Nëse jeton në Bllok ose e frekuenton këtë zonë në Tiranë, do të kuptosh shumë shpejt që aty sheh të njëjtët lloje njerëzish. Italianë me skalpin e gjakosur dhe me fasho (pas operacionit për mbjelljen e flokëve), trafikantë droge me Land Rover, bluza Guçi me xixa, gra që kombinojnë ngjyrën e buzëkuqit, të gishtave, të këpucëve, të çantave dhe me syze të mëdha, edhe pse bie shi. Yjet e Instagramit me tuta sporti marke dhe me buzë super super të mëdhaja, dhe disa komunistë me kapele republike. Rri nja një orë në Bllok dhe ke për ta parë sa shumë do të shohësh.
12–Bëhu gati t’u përgjigjesh pyetjeve seri. Sapo e marrin vesh që je e huaj, bëhu gati t’u përgjigjesh pyetjeve si: Nga vjen? Je e martuar me shqiptar? Pse je këtu? Të pëlqen Shqipëria? Cila pjesë e Shqipërisë të pëlqen më shumë? (merr pikë bonus, nëse thua qytetin nga vjen personi). Këto janë sa për të filluar.
13—Bëhu gati të debatosh. Shqiptarët vdesin të debatojnë, por në një mënyrë të mirë. Çfarëdo të thuash, kujtdo t’ia thuash, edhe pse mund të mos e kesh seriozisht, dhe pse ata mund të jenë dakord me ty apo të kenë të njëjtin mendim, shqiptarët mbaojnë për çikë debat dhe shpejt mund ta gjesh veten në mes të një të tilli. Nëse gjërat ndizen, qerasi me një gotë raki dhe gjithçka rregullohet.
14—Shqiptarët nuk të lënë të paguash. Mikpritja shqiptare është e klasit botëror dhe ata këmbëngulin të të qerasin nëse je i ftuar, veçanërisht me kafe ose pije. Një këmbëngulje e tillë në vende të tjera mund të quhet e pasjellshme, por rregulli është (nga aq sa kam kuptuar unë) kushdo që fton tjetrin, zakonisht paguan. Pas dy vjet e gjysmë në Shqipëri, më në fund e kam mësuar se si të fitoj unë— u them “boll tani, nuk jam më mysafire”.

Burimi/Facebook

Taravari: Që me raundin e parë ju fitojmë në Gostivar

No Comments Kulture Lajme

Sekretari i përgjithshëm i ASH-së dhe kryetari i komunës së Gostivarit, Arben Taravari përmes një postimi në facebook i është përgjigjur zëdhënësit dhe ministrit të jashtëm të BDI-së, Bujar Osmani i cili në emisionin Click Plus në TV21 foli për dobësi në qeverisjen në Gostivar.

“Në një emision, z.Bujar Osmani shprehu fare haptazi panikun në të cilin gjendet BDI-ja dhe ai, përballë shembullit të Gostivarit.
Nuk janë të gatshëm për të pranuar realitetin, nuk e pranojnë dot faktin që tashmë në bazë të të gjithave anketave dhe sondazheve, Gostivari është qyteti kampion. Fakt i gjallë ështē ardhja e qytetarëve të tjerë në Gostivar për të parë dhe gëzuar ndryshimet që gjithkush i do.
Bujarit si mjek i kujtoj që ankthi i mospranimit çon në vetshkatërrim, ndaj përgatituni të pranoni se Gostivari është shembulli i një qeverisje ndryshe, që ekipi i Komunës tonë është i formuar nga njerëz që e duan qytetin e tyre dhe ndaj na shkojnë punët mbarë, dhe madje do t’ju duhet ta pranoni dhe fitoren tonë të ardhshme… P.s Që me raundin e parë, Të fala o Bujar!”, ka shkruar Taravari.

Zyrtari i lartë i BDI-së, Bujar Osmani theksoi se në Gostivar gjitha gjasat çojnë për një ndryshim që do të ndodhë në zgjedhjet e tetorit. “Në Gostivar nëse i lexoni numrat bërtasin për ndryshim se njerëzit e kanë kuptuar se komuna është rrëmby në shërbim të një platforme politike”, ka theksuar Osmani. (INA)

Burimi/a-news24.com/

ALUMNI Liceu Artistik – Hajdar Danjolli – Piktor/pedagog

No Comments Kulture

Hajdar Danjolli u lind me 26 Qershor 1954 në Kukës, Shqipëri. Nga viti 1969-1973 ka kryer Liceun Artistik “Jordan Misja” , Dega e Arteve Figurative në Tiranë. Nga viti 1974-1978 ka kryer studimet e Larta Universitare në Institutin e Lartë të Arteve (Universiteti i Arteve) në Tiranë dhe është diplomuar me titullin Piktor, Specialiteti Tekstil.
Në vitin 2017 mori gradën shkencore ‘Doktor’ në fushën Etnologji dhe Folklor, Specialiteti Etnologji, pranë Akademisë të Studimeve Albanologjike-Tiranë, me temë ‘Tekstilet popullore në Malësia e Gjakovës”.
2001 – 2019 – Pedagog (Atelje e Tekstilit) në Liceun Artistik “Jordan MISJA” Tiranë.
1989 – 1994 – K/Inxhinjer (Drejtues Teknik dhe Artistik) në Nd/ja Artistike Kukës.
1983 – 1987 – Pedagog (Atelje e Tekstilit) në I.L.A sot (Universiteti i Arteve) Tiranë.
– Aranxhimi dhe ngritja e Muzeut Historik në qytetin Bajram Curri – Tropojë.
Krijimi dhe realizimi në material i shtrojeve (tapiceri) për sallat e Muzeut dhe sixhaden murale (gobelinë) me dimensione 06 x 04 m, në hyrje të Muzeut.
1980 – Anëtar i Lidhjes së Shkrimtarëve dhe Artistëve të Shqipërisë.
1978 dhe nè vazhdim – Bashkëpunëtor Artistik në Kombinatin e Tekstileve, Tiranë.
1977 – 1989 – Arkitekt skene dhe Skenograf në Pallatin e Kulturës “Dardania”, B.Curri.
Programe mësimore
2016 – Programi mësimor i lëndës, Dega: ART FIGURATIV – PIKTURË . Specialiteti: TEKSTIL & MODË. Liceu Artistik “Jordan MISJA” Tiranë, Sistemi: 3- vjeçar në shkollat e mesme, klasa 10-të, 11-të, 12-të. Ministria e Arsimit dhe Shkencës.
2010 – Programi mësimor i lëndës “Specialiteti TEXTIL & MODË”. Liceu Artistik “Jordan MISJA”. Për degën: Art Figurativ, klasa 11-të, 12-të, 13-të. Ministria e Arsimit dhe Shkencës.
2007 – Programi mësimor i lëndës “Specialiteti TEKSTIL & MODË”.Liceu Artistik “Jordan MISJA”. Për degën : Art Figurativ, klasa e 13-të. Ministria e Arsimit dhe Shkencës.
2006 – Programi mesimor i lëndës “Specialiteti TEKSTIL & MODË”.Liceu Artistik “Jordan MISJA”. Për degën : Art Figurativ, klasa e 12-të. Ministria e Arsimit dhe Shkencës.
Ekspozita (Atelje e Tekstilit) Liceu Artistik “Jordan MISJA” Tiranë.
2002 – 2019 – Ekspozita. Projekte dhe realizime me materiale në Tekstil, në Atelje dhe ambiente të ndryshme në Liceun Artistik “Jordan MISJA” Tiranë. 2011 – Ekspozitë ndërkombëtare. “1+1 : Jetë dhe Dashuri”. Muzeu Historik Kombëtar dhe Cultural Heritage without Borders. Muzeu Historik Kombëtar, Tiranë. 2010 – Projekte dhe realizime – Matura 2010. M. Historik Kombëtar, Tiranë. 2006 – Projekte dhe realizime, Shën Valentini – Q.N.K. – Tiranë. 2005 – Projekte dhe realizime– Matura 05.Galeria Kombëtare e Arteve Tiranë.
2004 – Projekte dhe realizime – Pranverë 04. M. Historik Kombëtar, Tiranë.
Studime Teorike
Pjesëmarrje me referim në aktivitete shkencore kombëtare dhe nderkombëtare (konferenca, seminare)
27 Maj 2017, Second International Interdisciplinary Scientific Conference. GLOBALIZATION, VISION FOR A SUSTAINABLE FUTURE. IDEA Scientific Journal and. Institute of Migration, Development and Integration of Albania. Me temë: Compositional Method of the decoration of folk garments and textiles in Gjakova Hingland. Mënyra kompozicionale e dekoracioneve të veshje e tekstileve popullore në Malësinë e Gjakovës. ISBN 978-9928-242-00-06, ISSN 2466-4808.
30 Shtator 2016. UNIVERSITETI I TETOVËS. SEMINARI I X-të NDËRKOMBËTAR I ALBANOLOGJISË. Letërsia shqipe në shekullin e XX. 30 Shtator – 01 Tetor 2016, Tetovë, me temë: Malësia e Gjakovës a mund të konsiderohet si muze në natyrë – shëmbuj nga terreni.
24-25 Maj 2013. THE 1-st INTERNACIONAL CONFERENCE ON “RESEARCH AND EDUCATION – CHALLENGES TOWARDS THE FUTURE” ICRAE 2013. University of Shkodra “Luigj Gurakuqi” The Faculty of Education Sciences. Me temë: Artistic Values of cushions and their coversin in the mens chamber – Higlands of Gjakova. Vlerat artistike në këllëfët e jastekëve të odës së burrave – Malësia e Gjakovës. ISSN 2308-0825.
5 Tetor 2012. Konferencë shkencore gjithëkombëtare “IDENTITET KULTUROR SHQIPTAR NË 100 VJET” në Universitetin e Arteve Tiranë, me temë: Dekoracionet tradicionale të tekstileve nga Malësia e Gjakovës, lidhjet me pikturën dhe artet. ISBN 978-9928-141-14-9.
Artikuj në revista dhe periodike shkencore kombëtare dhe nderkombëtare
Mars 2017. Tetovë. INTERNATIONAL JOURNAL ANGLISTICUM LINGUISTICS & INTERDISCIPLINARY STUDIES. Me temë: The Diversity of Decorative Clothing Popular Textile in the Highlands of Gjakova. Larmia dekorative e Veshjeve –Tekstileve popullore në Malësinë e Gjakovës. Volume 6 Number 3 March 2017.
p-ISSN 1857-8179 e-ISSN 1857-8187. ICV Impact Factor: 6.88.
Nr. 15/2016. INTERNATIONAL UNIVERSITY OF STRUGA. UNIVERSITETI NDËRKOMBËTAR I STRUGËS. THE HERITAGE, Revistë periodike. Nr. 15/2016. Botim shkencor i Universiteti Ndërkombëtar të Strugës, me temë: Two more objections for the museum in Bajram Curri contry. Edhe dy objeksione për muzeun në qytetin Bajram Curri. ISSN 1857-7482. 10.21520/R.15-2016.
Prill 2016. Tetovë. ANGLISTICUM A MULTI – DISCIPLINARY RESEARCH JOURNAL. Me temë: Types and Variants of Garments and Textiles in the Highlands of Gjakova. Tipet dhe variante të veshjeve dhe tekstileve në Malësinë e Gjakovës. Volume 5 Number 4 April 2016. p-ISSN 1857-8179 e-ISSN 1857-8187. ICV Impact Factor: 6.88.
Maj 2016. Tiranë. GLOBAL CHALLENGE. REVISTË SHKENCORE PERIODIKE. Botim i Akademisë Diplomatike Shqiptare. Me temë: Oda e burrave në Malësinë e Gjakovës si trashëgimi deri në ditët e sotme. Volumi V, numri 2, Tiranë, Maj 2016. ISSN 2227-8540. ISSN 2312-5748 (Online).
Ekspozita Personale
2021 – Ekspozita “THE PAST HAS NOT PASSED”,Curator Artan Shabani, Promenade Gallery Vlorë, Albania. 2012 – Universiteti i Arteve Tiranë.”Identitet kulturor shqiptar në 100 vjet”.“Ekspozitë me motive të etnokulturës shqiptare”. 1995 – Pallati i Kulturës “Hasan Prishtina” Kukës. – Teknika të ndryshme. 1989 – Pallati i Kulturës “Hasan Prishtina” Kukës. – Tekstile. 1987 – Muzeu Historik Tropojë. – Tekstile dhe Skenografi. 1987 – Muzeu Historik Tropojë. – Teknika të ndryshme. 1981 – Pallati i Kulturës “Dardania” B.Curri. – Skenografi. 1979 – Pallati i Kulturës “Dardania” B.Curri. – Teknika të ndryshme.
Disa nga Ekspozita Kolektive
2020 – Promenade Gallery Vlore. RITME SHQIPTARE, ART,TRASHËGIMI, KULTURË. Korrik – Shtator 2020 Ministria e Kulturës, Instituti i Politikave të Qëndrueshme. Kurator Artan Shabani. 2020 – Drawing Room, Works on Paper Promenade Gallery Vlorë, Albania 02 – 26 June 2020. Curated by Artan Shabani. 2019 – Galeria e Arteve “Vilson Kilica” Fier, Ekspozitë me pjesëmarrje të artistëve figurativë të Liceut Artistik “J. Misja” Tiranë, “J. Xoxa” Fier. 2019 – SIGAL BUSINESS CENTER Tiranë, Ekspozitë pikture UNIQ’ART. “SIGAL UNIQA 20 vjet”, 22.02.2019 – 25.03.2019. 2013 – Galeri ”+Art Caf’e” , Valdrin, Kukes. ”Looking forward”. 2012 – U.A.T. Universiteti Amerikan Tiranë. EXPO: Mjeshtër të Arteve të Aplikuara. 2005 – Galeria e Arteve Prishtinë, Ekspozitë “Gjergj Kastrioti – Skënderbeu, Strateg dhe Diplomat”. 2005 – Galeria Kombëtare e Arteve, Tiranë. Konkursi “Gjergj Kastrioti – Skënderbeu, Strateg dhe Diplomat”. 2005 – Galeria Kombëtare e Arteve, Tiranë.“Artist, Mësues dhe Profesionist”. 2002 – “Bienale e 4-et Ndërkombëtare “RACIBORZ 2002”- Poloni. 1996 – Galeria Kombëtare e Arteve, Tiranë. “Onufri 96”. 1995 – Galeria Kombëtare e Arteve, Tiranë. “Onufri 95”. 1990 – Pallati i Kulturës “Hasan Prishtina” Kukës. Ekspozita vjetore. 1982 – Galeria Kombëtare e Arteve, Tiranë. Eksp. “70 vjetori i Pavarësisë”. 1982 – Kombinati i Tekstileve, Tiranë. Ekspozitë me projekte për Tekstile. 1981 – Ekspozita e Kulturës Popullore në Shkodër. 1980 – Kombinati i Tekstileve, Tiranë. Ekspozitë me projekte për Tekstile. 1979 – Kombinati i Tekstileve, Tiranë. Ekspozitë me projekte për Tekstile. 1979 – Pallati i Kulturës “Dardania” qyteti B.Curri. Ekspozita vjetore……..
Shpërblime
1988 – Medalje “Naim Frashëri”. Për krijimin dhe realizimin me cilësi të veprave artistike dhe muzeale në Muzeun Historik të rrethit Tropojë.
1984 – Akorduar nga Ministria e Arsimit dhe Kulturës, Lidhja e Shkrimtarëve dhe Artistëve të Shqipërisë, orari i reduktuar nga 8 orë punë, në 6 orë.
1981 – Fletë Nderi nga Ministria e Arsimit dhe Kulturës. Për EKSPOZITA KOMBËTARE E
KULTURËS POPULLORE, Shkodër.
1980 – Anëtar i Lidhjes së Shkrimtarëve dhe Artistëve të Shqipërisë.
1979 – Galeria Kombëtare e Arteve, Çmim inkurajues, Kompozim për project gobelinë “Për
Shqipni”.
1978 – Takim i Teatrove në Shkodër, çmim i I-rë për skenografinë e dramës “Përmbytja e Madhe”.
Disa nga veprat e tij ndodhen në Galeri dhe Koleksione Private sin në:
Galeria Kombëtare Tiranë, Shqipëri, Kosovë, Mali i Zi, Greqi, Angli, Gjermani, Austri, Hollandë, Poloni, Egjypt, Afrikë, Sh.B.A etj.

Kan være kunst
Kan være kunst
Kan være et billede af 2 njerëz, folk, der står dhe E brendshme

Burimi/Facebook/ALUMNI Liceu Artistik

Humbi nënën nga sëmundja e ligë, rrëqeth me fjalët Flori: Më ka marrë malli të ndjej erën në qafë, të më thuash djali i nënës

No Comments Kulture

Kantautori shumë i dashur për publikun, Flori Mumajesi në muajin shkurt humbi njeriun e tij më të shtrenjtë, nënën. Nëna e Florit nuk mundi të f itojë bete jën me një sëmundje nga e cila vuante prej disa kohësh, duke lënë pas shumë dhi mbje.

Sot Flori ka shkruar disa rreshta rrënqethës për humbjen e nënës së tij, ku shpreh mes fjalëve sa shumë i mungon ajo.

“Hera e pare qe nuk me vjen mesazh nga ty. Nuk ka dite qe se vuaj mungesen tende, por edhe pse u mundova te mos dorzohem, sot gati ndihem i dorzuar pa ty, se mka marr malli me tmbajt ere nqafe, mka marr malli me tputh, me tpa, me tprek, me mshkrujt sapo me ke pare ne tv, e te me thuash si dola dhe pastaj te marr ne tel e tflas me ty, me ta degju zerin e me mthon DJALI MAMIT”, ka shkruar Flori.

Marrur nga Revista Ora

Kështu e vlerësonte Armend Rexhepagiqi para shumë viteve Gjon Muharremajn

No Comments Kulture

Këngëtari me origjinë nga Kosova, Gjon Muharremaj, i njohur me emrin artistik ‘Gjon’s Tears’ këtë vit përfaqësoi shtetin e Zvicrës në festivalin evropian të këngës “Eurovision”, teksa në 2011 ai kishte marrë pjesë në spektaklin shqiptarë të talenteve “Albanian’s Got Talent”, ku arriti të shkonte deri në finale dhe përfundoi në vendin e tretë.

Gjatë asaj kohe, pjesë e jurisë ishin, Altin Basha, Rovena Dilo dhe Armend Rexhepagiqi, ku ky i fundit pas ‘refuzimit’ të Altin Bashës, i kishte thënë se mos të ndalet asnjëherë e të vazhdon drejt rrugës që është nisur.

“Nëse ndonjëherë më është dukur për ndonjë interpretim se i kam dëgjuar engjëjt, do ishte sonte dhe pastaj ai shpërthim fantastik thua se të gjitha koret e botës këndojnë, jam aq i impresionuar dhe i mahnitur saqë dua të them vetëm diçka Gjoni, ti je ende i vogël dhe ndoshta nuk do e kuptosh por do e kuptojnë ata që e shikojnë spektaklin tone pranë televizorëve tyre dhe e mbajnë votën në duart e tyre. Njeriu është i përbërë nga mishi dhe gjaku, janë këto materiale qe dëmtohen shumë lehtë, por më së lehti dëmtohet ai shpirti i njomë artistik dhe romantik, unë dëshirojë që në këtë botë të vrazhdtë të shekullit XXI (21), askush kurrë mos të dëmtojë asnjë milimetër tëndin, mos të të thyej kurrë e ti të vazhdosh me shumë dashuri e krenari aty ku je nisur”, ishte shprehur Rexhepagiqi.
E që këto fjalë e kishin emocionuar shumë Gjonin, që atëkohë ishte 12 vjeçar.

Gjoni me këngën “Tout l’Univers” nga votat e shteteve u rendit i pari duke marr 267 vota, por nga votat e publikut morri vetëm 165 vota duke përfunduar kështu në vendin e tretë me 432 vota, 92 më pak se sa fituesi i këtij festivali, Italia.

Burimi/fanpage.al

Bëri shqiponjën në Eurovision, media serbe e quajti skandal, reagon Ardit Gjebrea i etiketon si të sëmurë mendorë

No Comments Kulture

Anxhela Peristeri përfaqëson Shqipërinë këtë vit në festivalin evropian.

Në njërën performancë të saj në skenë ajo bëri shqiponjën dy krenare me duar me të cilën nxiti reagime nga mediat serbe.
Media online , ‘Novosti’ i dedikoi një artikull krejtësisht të veçantë teksa e quajti skandal veprimin e këngëtares shqiptare.

“Skandal në Eurovision: Simboli i Shqipërisë së madhe, një provokim i turpshëm para gazetarëve”, ishte titulli i mediumit serb.

“Përfaqësuesja e Shqipërisë, Anxhela Peristeri dhe bashkëpunëtori i saj dolën para shtypit dhe treguan simbolin e Shqipërisë së Madhe, të ashtuquajturën ‘shqiponja dy krenare’ në mënyrën shqiptare. Ju kujtojmë se Eurovision në parim ndalon promovimin politik në veprimtarinë e saj. Ajo ndau një foto me të njëjtën temë një javë më parë”, shkruante tutje në artikullin e publikuar nga mediumi serb.

Këtij artikulli i ka reaguar këngëtari, Ardit Gjebrea derisa ka shkruar se janë të sëmurë mendor.
Ai ka publikuar si foto artikullin e mediumit në storien e tij në Instagram dhe ka shkruar: “Përfundimisht, këta janë të sëmurë mendorë”.

Burimi/fanpage.al/

ALUMNI-Liceu Artistik – Vangjel NINA – violonçel ( Athinë-Greqi)

No Comments Kulture

Lindi në Tiranë më 11/11/1961. Mësimet e para në violonçel i mori në moshën 6 vjeçare, pranë shkollës së muzikës “Kongresi i Përmetit” me mësuese Afërdita Haskon (1968 – ’72). Në qershor të 1972 fiton të drejtën për të vazhduar studimet në Liceun Artistik “Jordan Misja” të cilin e mbaron me sukses në vitin 1981 nën drejtimin e profesorit Gëzim Laro. Në prill të 1975 është fitues i çmimit të dytë në “Konkursin e talenteve të reja” zhvilluar në Tiranë. Më 1982 fiton konkursin për vazhdimin e studimeve në Institutin e Lartë të Arteve (sot Universiteti i Arteve) të cilin e mbaron me sukses në vitin 1986 nën drejtimin e profesorit Gjergj Antoniu. Në nëntor të 1983 fiton “Çmimin Inkurajues” në Konkursin Kombëtar për Violonçel organizuar nga Ministria e Arsimit në Tiranë. Më 1984 fiton çmimin e dytë në “Takimin Kombëtar të Interpretuesve” me vepra të kompozitorëve shqiptarë (me koncertin për violonçel të Ina Osmanlli). Nga viti 1986 deri në vitin 1992 është violonçelist në orkestrën e Teatrit të Operas dhe Baletit si dhe pjesëtar i “Kuartetit të harqeve të TKOB” (1986 – 1991) me të cilin ka zhvilluar shumë koncerte në Shqipëri, Austri, Greqi dhe Francë. Me këtë kuartet fiton çmimin e parë në “Konkursin Kombëtar të Muzikës së Dhomës” zhvilluar në Durrës më 1989. Nga viti 1986 deri më 1992 është pedagog i jashtëm i violonçelit dhe muzikës së dhomës pranë Institutit të Lartë të Arteve. Më 1991 krijon kuartetin e harqeve “Alban-Quartett” me të cilin ka dhënë shumë koncerte në Shqipëri dhe Greqi. Nga shtatori i vitit 1992 vendoset në Athinë. Fillimisht në Orkestrën e Radio Televizionit Grek si dhe violonçel i parë në orkestrat e muzikës së dhomës “Baroque Athenaeum” dhe “Marsias”. Nga janari i vitit 1993 deri në 2012 është violonçel i parë (principal cello) i “Orkestrës së Ngjyrave” (Orchestra of Colours), një nga orkestrat simfonike kryesore të Greqisë e krijuar nga kompozitori i njohur grek Manos Hadjidakis. Nga viti 1996 deri më 2013 është profesor i klasës së violonçelit dhe muzikës së dhomës në “Municipal Conservatory” në Lamia. Ka marrë pjesë në shumë koncerte me formacione të ndryshme të muzikës së dhomës në shumë vënde të botës si Austri, Jugosllavi, Greqi, Kanada, Amerikë, Angli, Gjermani, Hollandë, Suedi, Itali, Portugali, Spanjë, Francë, Hungari, Turqi, Qipro… Gjithashtu ka bashkëpunuar me shumë artistë të shquar si Sandor, Plasson, Hadjidakis, Aykal, Karidis, Hakobyan, Theodorakis, Kogan, Logiadis… Nga viti 2006 deri në vitin 2008 ka qenë violonçelist i parë i Orkestrës Shtetërore të Operas së Athinës. Aktualisht është violonçelist i parë i orkestrës së dhomës “Akademika” që nga viti 2013 (Academica Athens Orchestra), si dhe në orkestrën “Filarmonia” (Associate Principal Cellist) që nga viti 2016 (Philharmonia Athens Orchestra). Nga viti 2014 e në vazhdim është profesor i klasës së violonçelit dhe muzikës së dhomës në “Athens Conservatoire” ku është shef i departamentit të harqeve. Vangjel Nina luan me një violonçel “anonymous” të shekullit të 19-të.

Burimi/Facebook/ALUMNI Liceu Artistik

ALUMNI Liceu Artistik – Smerald Spahia – violin ( Majorka –Spanjë)

No Comments Kulture

Smerald Spahia(u) Eshte koncertmaster I orkestres simfonike ne Palma de Mallorca (Spanje) dhe profesor ne Conservatorin Superior te muzikes ne katedren e violines e te repertorit orkestral Ka luajtur si solist koncertet me te njohura per violine dhe dominon gjithashtu nje repertor te gjere ne muziken e dhomes Ne diskografine e tij ka ne Cd Koncertin per violín e orkester te Kompozitorit A . Torrandell, Nga N.Paganini Centone per violín dhe Kitarre , “Nocturn” per violine dhe piano me pjese te njohura nga repertori violinistik Poetic Logbook. Kompozitorit. J . Valent Eshte iniciatori ne formimin e grupit instrumental “Chamber Film Orchestra” për difuzionin e muzikës kinematografike dhe audiovizive te autoreve te rinj Që nga viti 2019 bashkpunon me Albanian Exelence ne eventet kultures le muzikore te kesaj shoqate

Burimi/Facebook/ALUMNI Liceu Artistik

Finalja e Eurovision, ja renditja e debutimit për Anxhelën dhe Gjonin

No Comments Kulture

Tashmë është bërë zyrtare dhe radha e debutimit në natën finale në Eurovision në transmetimin e 22 majit që do të nisë në orën 21.00.

Anxhela Peristeri me këngën e saj “Karma” do të këndojë e dytë duke përfaqësuar Shqipërinë. Ndërsa Gjon Muharremaj (Gjon’s Tears) do të debutojë i 11-ti.

Anxhela Peristeri shkëlqeu me performancën e saj në natën e dytë gjysmëfinale dhe Shqipëria ishte e para që u përzgjodh mes dhjetë finalistëve pas votimit.

Burimi/fanpage.al/

ALUMNI Liceu Artistik – Endri Nini – pianist ( Gjermani)

No Comments Kulture

Endri Nini ka lindur në 1984 në Tiranë. Studioi piano me Anita Tartari e me pas fitoi konkursin per te vazhduar studimet ne Karlsruhe (Gjermani ) me Sontraud Speidel, me Kevin Kenner në Royal Kollege of Music ne Londer dhe Bernd Goetzke në Hanover.
Endri gjithashtu morri mesime të posaçme nga pianistet e famshem Stephen Kovacevich, Aldo Ciccolini dhe Andras Schiff. Ai kompletoi studimet e tij pas universitare ne specialitetin e ansamblit te dhomës me Markus Becker dhe Oliver Wille në Hanover.
Për rezultatet e tij të larta Endri Nini ka marrë bursa nga Fondacionet DAAD, Villa Musica, Alfred-Töpfer Stiftung dhe Fondacioni Solti në Mbretërinë e Bashkuar.
Aktivitetet Artistike të Endrit përfshijnë koncerte në Athinë, Londër, Vjenë, Berlin, Romë, Hamburg, Krakov,Frankfurt.
Endri Nini ka performuar në festivale si: Annecy, Prusisë Kovi, Holland Music Sessions, de la Rajoni Franche-Comte, Chamber Music Festival Hanover dhe Allegretto Albania.
Si pianist i muzikës të dhomës ai ka performuar me muzikantë të kalibrit të lartë si Albrecht Mayer, Sabine Meyer, Daniel Rowland, Gustav Rivinius, Elsbeth Moser dhe Wolfgang Güttler, ndërsa koncerte të shumta solo dhe në ansamblet e muzikës së dhomës në vende të rëndësishme në të gjithë Gjermaninë, Evropë dhe Kinë. Nga viti 2012 deri në vitin 2018 Endri ishte anëtar themelues dhe pianist i Flex Ensemble me të cilin fitoi disa çmime në konkurse prestigjioze ndërkombëtare të muzikës së dhomës si çmimi i parë në konkursin ndërkombëtar të muzikës së dhomës Robert Schumann në Frankfurt, çmimin e parë në Gianni Bergamo, Çmimi i Muzikës Klasike në Lugano.
Me Flex Ensemble ai ka performuar në vende të tilla si Concertgebouw Amsterdam, Alte Oper Frankfurt, Qendra e Arteve të Pekinit dhe Meistersingerhalle Nürnberg.
Si solist ai ka interpretuar me Orkestrën Filarmonike Baden-Baden, Orkestrën Simfonike të Radios dhe Televizionit Shqiptar, Orkestrën e Dhomës Karlsruhe dhe Orkestrën e Dhomës të Tiranës. Regjistrimet e tij përfshijnë dy CD me Ansamblin Flex „Arritja e Natës“ dhe „Au Suivant!“ (Për etiketat muzikore Genuin dhe Avi) si dhe regjistrime për radio si SWR, NDR, Radio Tirana, Radio 4 Amsterdam dhe Radio Semnoz në Francë . Ai gjithashtu ka performuar në Festivale të tilla Sommerliche Musiktage Hitzacker, Heidelberger Frühling, Festspiele Mecklenburg-Vorpommen, Annecy Festival, Prussia Cove, International Music Festival Goslar, Prishtina International Music Festival, Allegretto Albania dhe Podium Festival Esslingen. Endri Nini ka fituar shumë çmime në konkurse të ndryshme kombëtare dhe ndërkombëtare si Concours International de Piano “Ile de France” në Paris, çmim nga Fondacioni Solti në Mbretërinë e Bashkuar Premio “Trio di Trieste” në Trieste dhe konkursi ndërkombëtar i muzikës së dhomës Kiejstut Bacewicz në Łódź .
Endri gjithashtu shpesh kuron formate multidisiplinare të koncerteve si një mënyrë efektive për të bashkuar audienca të ndryshme dhe muzikë.
Që nga viti 2014 ai ka krijuar rregullisht programe dhe duke performuar me muzikantë, kërcimtarë, aktorë dhe artistë vizualë në Festivalin e Muzikës së Dhomës Rheinhesen, serinë e koncerteve imPULS në Hanover si dhe Projektin Wunderkind në Shqipëri.
Për sezonin 2020/21 ai është Drejtori Artistik i Festivalit të Muzikës të Dhomës të Universitetit të Muzikës dhe Dramës Rostock, i cili u zhvillua nën moton Gëzuar Ditëlindjen Z. Beethoven !
Endri Nini ben pjese në trupën akademike si pedagog pasionant ne Universitetin e Muzikes dhe Theatrit ne Rosotock, Universitetin Franc List ne Weimar dhe ne Akademine Sibelius Finlande.

Burimi/Facebook- ALUMNI/Liceu Artistik