Home

Lajme

Lagje të New Yorkut stolisen me flamuj kombëtar

No Comments Aktualitet Lajme

Komuniteti shqiptaro-amerikan  po vazhdon traditën që në prag të festes së Flamurit edhe pse në kohë pandemie të vendo në sheshe të  ndryshme të New Yorkut flamuj kombëtar. Sot  në  Brooklyn NY dy aktivist te dalluar nga Plave Gucia , Shkumbin Hasangjekaj dhe Shkumbin Balidemaj, përndryshe anëtar të Fondacionit Plavë Guci vendosen me qindra flamuj kombëtar ne rrugët dhe sheshet ku ata jetojnë dhe veprojnë. Kjo nisme ka vite që organizohet Këshilltari Bashkisë së New Yorku zt Mark Gjonaj i cili fillimisht këtë aktivitet e ka filluar vite më par ne lagje e sheshe të shumëta të Bronxit.

blob:https://www.facebook.com/9cc296b2-7b40-485e-b54c-a87a4e9860b1

Vendosja e flamujve në Bronx NY do të bëhet ditën e mërkure.

Burimi/Plava e Gucia Sot

Bardhyl Mahmuti – KOSOVË, MOS GABO!

No Comments Lajme Opinion

Me rastin e fillimit të rigjykimit të Sadri Ramabajës

KOSOVË, MOS GABO!

Vendi i Sadri Ramabajës është në katedrat universitare e jo në burg!

Të dashur miq,

Kur u arrestua veprimtari i devotshëm i çështjes kombëtare, Sadri Ramabaja, më pyetën se çka mendoja rreth këtij rasti. Në një shkrim timin, të publikuar në shumë portale të Kosovës, shpreha bindjen e plotë për pafajësinë e tij. Madje kërkova publikisht nga të gjithë miqtë që e njohin Sadriun të dëshmojnë për këtë pafajësi. Fatkeqësisht, ata që kanë sajuar dosjen kundër Sadri Ramabajës penguan institucionet e drejtësisë që të ftohesha si dëshmitar në mbështetje të një të pafajshmi dhe në ndihmë të drejtësisë që të mos bëjë gabim të rëndë duke dënuar një të pafajshëm.

Sot kur po fillon rigjykimi i Sadri Ramabajës, po e publikoj shkrimin e asaj kohe dhe i përsëris të njëjtat qëndrime që kam pasur rreth pafajësisë së tij!

Shkrimi i plotë:
“ Vendi i Sadri Ramabajës është në katedrat universitare e jo në burg!

Të dashur miq
Para disa ditësh më pyeti një mik se çka mendoj për rastin e Sadri Ramabajës, që po mbahet në paraburgim që nga tetori i vitit të kaluar.

I tregova se kam mendim shumë të mirë për të qoftë si intelektual, qoftë si veprimtar politik që ka kontribuar shumë për lirinë e Kosovës.

Më ka ardhur shumë keq që ka ra në gjendje financiare jo të mirë, gjendje që e ka shtrënguar të bëje redaktimin e librit që mban emrin të Murat Jasharit, e që nuk e di se kush ia ka shkruar.

Duke i njohur edhe Sadriun edhe Muratin qe afro tri dekada, kam bindjen e plotë se përveç redaktimit të këtij libri, Sadri Ramabajën nuk e lidhë asgjë me Murat Jasharin.
Të gjithë ata që e njohin mirë Murat Jasharin, janë të bindur se kemi të bëjmë me një person që ka probleme të rënda shëndetësore dhe se ai ka nevojë për trajtim të vazhdueshëm mjekësor. Nuk e di se si janë zhvilluar hetimet lidhur me Sadriun, por nëse ndonjë deklaratë e Muratit ka shërbyer si dëshmi, atëherë e them publikisht se është gabim shumë i rëndë dhe një gjë e tillë njollos drejtësinë e cilitdo vend që merr seriozisht deklaratat e një personi të sëmurë.

Kur flas për sëmundjen e Murat Jasharit nuk bazohem në thash e thëna. Në vitin 2012 Murati kishte ikur nga spitali dhe u takuam për një kafe. Më njoftoi për situatën shëndetësore dhe u ankua në “shokët që e kishin lënë në lloç”. Që nga ajo kohë nuk e kam takuar, por miqtë e përbashkët më kanë njoftuar se gjendja e tij shëndetësore ka shkuar duke u përkeqësuar.

Është turp për të gjithë ata që kanë manipuluar me një ish-veprimtar, të cilit shëndeti ia ka dëmtuar aftësitë për të gjykuar drejtë. Por do të jetë turp edhe më i madh nëse nuk e ndihmojmë drejtësinë e Kosovës që të mos bëjë gabimin e rëndë të mbajë prapa grilave Sadri Ramabajën për arsye të një redaktimi të librit apo një takimi në një kafene.

Kam bindjen e plotë se Sadri Ramabaja është i pastër dhe nuk i besoj pretendimeve se gjoja ka qenë i implikuar në projekte për të eliminuar personalitete publike në Kosovë. Sadri Ramabaja është një intelektual që mospajtimet e veta i shpreh qoftë përmes mendimit të vet kritik, qoftë përmes formave tjera të pa dhunshme.

Vendi i Sadri Ramabajës është në katedrat universitare e jo në burg!

Lus të gjithë miqtë që kanë mundësi të hedhin dritë në pafajësinë e Sadriut ta bëjnë sa më parë me qëllim që drejtësia e Kosovës të mos bëjë gabim të turpshëm: të dënojë edhe një njeri të pafajshëm!

Lus mbrojtjen e Sadri Ramabajës që deklaratën timen t’ua përcjellë autoriteteve të drejtësisë së Kosovës, të ngarkuar me lëndën e Sadri Ramabajës.

Burimi/Facebook

Vasel Gilaj – NJE VIT NGA TRAGJEDIA

No Comments Aktualitet Lajme

Një vit nga tërmeti në Thumanë që mori jetën e 51 personave

Mëngjesin e hershëm të 26 nëntorit të 2019-ës një tërmet prej 6,4 ballësh goditi fshatin Thumanën në Durrës. Tërmet ky që për pak sekonda shënoi një prej ngjarjeve më të rënda që Shqipëria përjetoi nga fatkeqësitë natyrore.
Nga ky tërmet i fuqishëm humbën jetë 51 persona, u lënduan 913 të tjerë e po ashtu u prekën edhe plotë 202 mijë persona në disa bashki.
Në mesin e viktimave ishin edhe dy vëllezër nga “Livoçi i Epërm” Gjilanit, Shemsedin e Isa Abazi të cilët humbën jetën tragjikisht nënë gërrmadhat e njërit nga hotelet që u shembe atë ditë.
Një vit më parë gjithçka aty u rrënua. Thumana u kthy në një vend “fantazmë”.
Ndërtesa shumëkatëshe, shtëpi, shkolla të shembura, njerëz që kërkonin ndihmë, ambulanca, makina policie e ushtrie ishin pamjet që mund t’i kapte syri nga kjo tragjedi.
Tenda të shumta u vendosën përreth që të paktën të moshuar e fëmijë të strehoheshin aty.
Nënë rrënojat e pallateve njerëzit luftonin mes jetës e vdekjes, ndërkohë të tjerëve iu duhej të përballeshin edhe me panikun që shkaktonin post-lëkundjet.
Solidariteti i vëllezërve, fqinjve dhe miqve nuk mungoi. Kosova, Italia, Greqia, Turqia, Franca e shumë vende të tjera sollën në Shqipëri ekipe të kërkim-shpëtimit që për ditë me radhë kërkuan nën rrënoja për trupat e viktimave.
Pas një viti, plagët ende nuk janë shuar. Durrësi dhe Tirana ishin dy prej bashkive më të mëdha që patën pasoja të rënda, por jo më pak edhe në bashkitë e Shijakut, Krujës, Kamzës, Kavajës, Kurbinit, Lezhës, Rrogozhinës.
Gjurmët e nate të 26 nëntorit të vitit të kaluar janë në kujtesën e kujtdo, që sot pas një viti kujton se jeta dhe vdekja ndahen me pak sekonda.

Burimi/Facebook

Muhamed B. Sytari – Ky është Islami, këta jemi ne!

No Comments Lajme Opinion

Po dëgjoja me kënaqësi e nostalgji një ligjëratë të mbajtur në nëntor të vitit 2016 në Damask, nga dijetari dhe edukatori i urtë, Hafizi i Kuranit dhe i Hadithit, Shejkh Naim El-Arksusi, imam dhe hatib i xhamisë “El-Iman”, bashkëpunëtor i ngushtë i Shejkh Shuajb Arnautit, rahmet pastë.

Ligjërata përqendrohej tek modeli i tolerancës së muslimanëve në histori. Natyrshëm, jo i atij modeli anemik, pa ngjyrë, erë e shije, që shpeshherë, qarqe të caktuara përpiqen të na prezantojnë edhe në vendin tonë, nëpërmjet tryezave, tribunave e konferencave pa taban e dinjitet, por toleranca e shëndoshë që buron në Kuran, Hadith dhe në shembullin praktik të njerëzve me dinjitet e krenari islame përgjatë shekujve, sot e deri në ditën e fundit mbi këtë gjithësi.

Në fund të ligjëratës së tij, Hoxha i dashur i drejtohet me një mesazh të urtë sirianëve të shpërngulur në Evropë, për shkak të ndodhive mesjetare që kanë kapluar ato vende të shenjta, sot në mesjetën e shpirtit dhe ndërgjegjes së sëmurë njerëzore.

Këshillat e këtij mesazhi, kam dëshirë t’i ndaj me ju:

“A e shihni, o vëllezër, tolerancën e muslimanëve përgjatë historisë, gjë për të cilën dëshmojnë edhe shkrimet e vetë perëndimorëve!

Sepse kjo është cilësi e muslimanit me muslimanin dhe me jomuslimanin! Ajetet kuranore dhe hadithet profetike na e obligojnë këtë, na nxisin drejt saj. Dhe, ja muslimanët, që i zbatuan këto porosi përgjatë shekujve!

Prandaj, me këtë rast, i drejtohemi atyre që kanë emigruar drejt Evropës dhe u themi: Ju jeni ambasadorët e fesë suaj në vendet e Evropës! Ju jeni ambasadorë të vendeve tuaja, prandaj ruajeni moralin e Islamit!

Silluni me njerëzit atje me mirësinë e moralit islam! Tregojuni atyre mirësjelljen e Islamit; të vërtetën në fjalë, besën, përsosmërinë në vepra, nderin, sinqeritetin në punë!

Ruajuni që të dalë prej jush ndonjë fjalë a sjellje, që e dëmton imazhin rrezatues të Islamit! Ruajuni, mos të veproni ndonjë vepër, që i atribuon fesë suaj akuza e dyshime!

Bëhuni thirrës drejt kësaj feje, me moralin tuaj të lartë, me ruajtjen e amanetit, me pastërtinë tuaj, me dlirësinë tuaj, me largimin nga gjynahet dhe prapësitë, me distancimin nga të ushqyerit me pasuri harami!

Bëhuni thirrës drejt kësaj feje duke mos u zhytur me të devijuarit, me praktikimin e rregullave të fesë suaj, që i dini shumë mirë!

Ruajuni, mos të paragjykohet kjo fé e madhnueshme nga veprat tuaja!

Kjo është e vërteta e Islamit tonë, që duhet ta praktikojmë në realitetet tona, në mënyrë që krejt njerëzit ta dijnë se çfarë është Islami: ‘Ne nuk të kemi dërguar ty, (o Muhammed), veçse mëshirë për mbarë botët’.”

Kjo është Siria me elitat e saj, (edhe në ditët e greminave dhe shkatërrimeve të pashembullta), ky është Islami ynë, sot e përherë, këta jemi ne!

Imam Muhamed B. Sytari
Shkodër, më 26 nëntor 2020

(Ripost i përmirësuar, nga 26/11/2016)

Burimi/Facebook

Lajm fantastik, mbështetësi i madh i Kosovës pritet të jetë sekretar i shtetit në SHBA

No Comments Lajme Opinion

Nga Halil Geci
Presidenti i zgjedhur i Shteteve të Bashkuara të Amerikës, Joe Biden pritet ta emërojë Antony Blinken në një nga rolet kryesore të SHBA-së në skenën e politikës globale.

Blinken, që pritet të nominohet nga Biden për sekretar të shtetit, kishte punuar në Shtëpinë e Bardhë gjatë kohës së ish-presidentit Bill Clinton dhe ishte i angazhuar specifikisht në ndërhyrjen ushtarake të SHBA-së për t’i dhënë fund luftës në Kosovë.

Se sa e njeh Kosovën dhe problemet e saj, Blinken ka treguar edhe kur nuk ka qenë në ndonjë pozitë shumë të rëndësishme në SHBA. Për shembull, në nëntor të vitit 2015, ai ishte takuar me presidentin e atëhershëm të Kosovës, Hashim Thaçin, për t’i dhënë mbështetje fushatës së Kosovës për anëtarësim në UNESCO.

“Krenar për ta përcjellë bindjen tonë të fortë se Kosova duhet të mirëpritet nga UNESCO si anëtare e plotë”, kishte shkruar Blinken.

Në vitin pasues, ai i ishte gëzuar suksesit të xhudistes kosovare Majlinda Kelmendi, që e kishte fituar medaljen e artë në lojërat olimpike në Rio.

“Në lojërat e tyre të parë Olimpike, urime për Kosovën për fitimin e të artës në xhudo në Rio2016”, kishte shkruar Blinken.

Ata që e njohin mirë Blinken, këmbëngulin se angazhimi i tij për të drejtat e njeriut është i vërtetë dhe i rrënjosur në përvojën e tij të gjatë. Ai është po ashtu njerku i një të mbijetuari të Holokaustit dhe kishte punuar në Shtëpinë e Bardhë edhe për ndërhyrjen e SHBA-së në Bosnjë.

Si një internacionalist i lindur, Blinken do të kërkojë t’i qetësojë nervat e lodhur të aleatëve perëndimorë, shkruan The Guardian. Pasi të dielën në mbrëmje për herë të parë dolën raportime të mediave se Antony Blinken do të jetë sekretar i shtetit në SHBA gjatë administratës së Bidenit, një intervistë e veçantë nga e kaluara e tij filloi të qarkullonte në mediat sociale.

“Të gjithë kemi diçka për të mësuar dhe për të fituar nga njëri-tjetri edhe kur në fillim nuk duket se kemi shumë gjëra të përbashkëta”, thoshte Blinken.

Pas katër vitesh të një administrate që i ka ndarë fëmijët migrantë nga prindërit e tyre dhe i ka mbajtur në kafaze, ardhja e Blinken në departamentin e shtetit do të shënojë një ndryshim dramatik, thënë së paku, shkruan The Guardian. Sipas të përditshmes britanike, prioritetet e politikës së jashtme në ditët e para të administratës Biden do të jenë rishikimi i traktateve dhe marrëveshjeve e që i ka lënë Donald Trump.

Blinken ka qenë në krah të Bidenit për gati dy dekada. Pasi punoi në këshillin e sigurimit kombëtar të Bill Clinton, ai u bë këshilltar kryesor i politikës së jashtme të Bidenit në Senat në vitin 2002 si drejtor i stafit në komitetin e marrëdhënieve të jashtme. Pasi Obama e zgjodhi Bidenin si zëvendëspresident, Blinken u kthye në Shtëpinë e Bardhë si këshilltar i tij i sigurisë kombëtare. Fytyra e tij mund të shihet në pjesën e pasme të dhomës në fotografinë e famshme të zyrtarëve të Obamës duke monitoruar aksionin që kishte mundësuar vrasjen e Bin Ladenit.

Presidenti Barack Obama dhe zëvendëspresidenti Joe Biden, së bashku me anëtarët e ekipit të sigurisë kombëtare, marrin një azhurnim mbi misionin kundër Osama bin Ladenit në dhomën e Shtëpisë së Bardhë më 1 maj 2011. Antony Blinken mund të shihet i katërti nga zyrtarët që qëndrojnë në këmbë. Fotografia: Pete Souza / AP Në dy vitet e fundit të administratës Obama, Blinken shërbeu si zëvendës sekretar i shtetit.

Lajmi për emërimin e tij të mundshëm si sekretar i shtetit u mirëprit shpejt nga Matt Duss, këshilltari kryesor i politikës së jashtme të Bernie Sanders.

“Kjo është një zgjedhje e mirë. Tony ka besimin e fortë të presidentit të zgjedhur dhe njohurinë e përvojën për punën e rëndësishme të rindërtimit të diplomacisë amerikane”, shkroi Duss në Twitter. “Do të jetë gjithashtu një gjë e re dhe e mrekullueshme të kesh një diplomat të lartë i cili rregullisht është angazhuar me bazat progresive”.

Burimi/Facebook

LUFTËTARËT E LIRISË TË PAFAJSHËM. AKUZAT NDAJ UÇK TË PAVËRTETA DHE TË PRODHUARA NGA SERBIA DHE RUSIA.

No Comments Lajme Opinion

Nga Dritan Demiraj

Të dashur miq po ndaj me ju një intervistë që dhashë dje për gazetën “Dielli” në New York.

Kolonel Dritan Demiraj, “Nderi i Kombit” dhe “Mjeshtër i Madh” në një rrëfim ekskluziv dhënë gazetarit Sokol Paja, për gazetën Dielli, Organ i Federatës Panshqiptare të Amerikës VATRA, New York, deklaron se gjithë populli shqiptar beson në pafajësinë e UCK-së, pasi ajo ishte një luftë e drejtë, çlirimtare dhe bëhej për të mbrojtur idealet e vendit dhe të popullit shqiptar në Kosovë për vetëvendosje. Sipas Kolonel Demirajt akuzat e Prokurorisë për vrasje të katolikëve në Kosovë është një narrativë e pastër serbo-ruse dhe krejtësisht e pavërtetë dhe e pabazuar. Akuzat për “Shtëpinë e Verdhë” dhe burgjet e pretenduara të UÇK në zonat e thella të Shqipërisë janë gënjeshtra dhe propagandë serbe.

DIELLI- Kolonel Demiraj si i shikoni ngjarjet në Kosovë pas arrestimit të kreut të shtetit Hashim Thaçi e ish-kryeparlamentarve Krasniqi, Veseli e komandantëve e luftëtarëve të tjerë të UÇK?

Në gjykimin tim arrestimi i komandantëve kryesorë të Ushtrisë Çlirimtare të Kosovës është një nga ngjarjet më të rënda të historisë së shtetit të Kosovës dhe Kombit Shqiptar. Këto arrestime u bënë në një moment kur dy muaj më parë në Shtëpinë e Bardhë u firmos marëveshja ekonomike midis Kryeministrit Abdulla Hoti dhe Presidentit Aleksandër Vuçiç, një marëveshje që për hir të së vërtetës mundësonte që Serbia të përfitonte shumë më tepër sesa Kosova. Besoj se duhet theksuar se në momentin e arrestimit të Presidentit Thaçi, ish-Kryetarëve të Parlamentit të Kosovës Krasniqi dhe Veseli dhe arrestimin e kryetarit të grupit parlamentar të Lëvizjes Vetëvendosje, njërit nga gjeneralët më të mëdhenj të UÇK gjeneral major Rexhep Selimit është krijuar një vakum i qënësishëm politik dhe i sigurisë. Pikërisht ky vakum dhe mbështetja e paprecedentë që jep në vazhdimësi miku i “Sandrit” në Shqipëri, bëri që javën e kaluar ish-ministri i kasapit të Ballkanit Sllobodan Milosheviç (Vuçiçi) të guxonte nëpërmjet një interviste të kërcënonte Kosovën me një ndërhyrje ushtarake, duke e krahasuar në mënyrë shoviniste situatën e konfliktit të fundit në Nagorni Karabak me mospërmbylljen e objektivave strategjike të Serbisë në Kosovë. Duhet theksuar se ky është momenti kur e gjithë klasa politike në Kosovë duhet të heqë mënjanë interesat personale dhe të zgjedhin një president i/e cili të jetë një përsonalitet i respektuar, me eksperiencë politike i/e cili të ketë dhe mbështetjen e perëndimit. Sa i përket kohës për të cilën do të gjykohen këta ish-drejtues të luftës dhe politikës së Kosovës, edhe pse është një proces nul dhe i padrejtë, përsëri gjykoj se për fat të keq ky proces do zgjasë me vite. Në këtë situatë partitë politike në Kosovë kanë vetëm dy rrugëzgjidhje, ose të arrijnë një marrëveshje për forcimin e qeverisë së Kosovës, ose të shkojnë në zgjedhje të parakohshme. Duhet theksuar se nga 2011 e në vazhdim, bisedimet me Serbinë janë bërë në hijen e Tribunalit Special.
DIELLI: Drejtësia ndërkombëtare, a po luan një padrejtësi shqiptare duke e barazuar UÇK me një ndërmarrje të përbashkët kriminale?

-Kjo padyshim që është një nga padrejtësitë më të mëdha me të cilën po përballen shqiptarët në shekullin e XXI-të. Në rast se UÇK do të ishte ndërmarrje kriminale, atëherë vetvetiu del pyetja se përse NATO dhe SHBA-të ishin partnerët më të ngushtë të saj. Nëse do të ishte e kundërta, atëherë ata nuk do të pranonin të bashkëpunonin me ta, pasi dihet SHBA-të janë djepi i demokracisë në botë, ndërkohë që NATO është organizata më e madhe politiko-ushtarake e sigurisë në botë. Pikërisht ky është dhe paradoksi i kësaj drejtësie dhe i akuzave që ajo paraqet ndaj heronjve tanë kombëtarë. Nëse UÇK do të konsiderohej si e tillë, atëherë edhe ata të cilët bashkëpunuan me të do të konsideroheshin si të tillë dhe së bashku me Selimin, Veselin, Krasniqin dhe Thaçin duhet të ishin edhe gjeneralët amerikanë. Nëse këta të dy e mbështetën çështjen dhe idealin e tyre, atëherë me keqardhje e them që këtu drejtësia është e njëanshme. Nëse këto “krime” të supozuara (të cilat nuk kategorizohen aspak si krime kundër njerëzimit) kanë ndodhur në kohën kur njësitë e Arkanit dhe të paramilitarëve serbë vrisnin, digjnin, përdhunonin dhe zhvendosnin mijëra fëmijë, gra, motra dhe qytetarë të paarmatosur, atëherë a nuk ishte misioni i tyre që të mbronin jetën dhe pasurinë e qytetarëve të tyre? Më duhet t’i rikujtoj lexuesit, se këto ngjarje kanë ndodhur gjatë kohës që komandantët tanë po zhvillonin luftën çlirimtare. Gjatë luftës dhe pas saj, luftëtarët dhe komandantët e UÇK kanë bashkëpunuar me trupat e NATO-s. Të gjithë i mbajnë mend pamjet kur luftëtarët e UÇK në rresht pas thirrjes së SHBA-ve dhe NATO-s dorëzuan krejtësisht arsenalin e armëve, e gjithë kjo nën mbikqyrjen e vazhdueshme dhe sipas rregullave të përcaktuara nga ndërkombëtarët. Për këtë qëllim, më duhet të sjell në vëmendjen tuaj edhe rezolutën ndërkombëtare 1244 tëOKB-së.

DIELLI: A e rrezikojnë stabilitetin e shtetit dhe unitetin e popullit ngjarjet në Kosovë, ku një ndër akuzat e Prokurorisë Speciale është vrasja e katolikëve në Kosovë?

-Vrasja e katolikëve në Kosovë është një narrativë e pastër serbo-ruse. Prej kohësh propaganda, qeveria, parlamenti, organizatat “Think Tank”, kisha ortodokse serbë, OJQ-të, etj janë përpjekur duke harxhuar shuma të mëdha parash të përfituara nga trafiqet e drogës dhe nga shitja e paligjshme e armëve te grupet terroriste nëpër botë, me qëllim që ta paraqesin qeverinë dhe popullsinë e Kosovës si një shtet ku qytetarët e së cilës janë ekstremistë Islamikë dhe terroristë, ndërkohë që në fakt është e kundërta. Në këtë linjë, një mbështetje të madhe ka dhënë edhe fushata e vazhdueshme dizinformuese e Ministrisë së Jashtme Ruse. Vrasja e civilëve katolikë në Kosovë është krejtësisht e pabazuar. Ajo bëhet me qëllim krijimin e një përçarje midis relegjioneve, e cila është në fakt një çështje shumë e ndjeshme ndërkombëtare, duke shkaktuar përçarje midis religjioneve si dhe destabilititet politik brënda vendit. Kjo padyshim që cënon sigurinë e brendshme edhe në rajon, pasi Ballkani përbëhet nga një religjion miks, ku janë të gërshetuara të tre besimet fetaresi ajo Muslimane, e Krishterë dhe Ortodokse.

DIELLI: Si ushtarak i lartë i shtetit shqiptar dhe si njohës i shkëlqyer i ngjarjeve të kohës, terrenit dhe protagonistëve, si i gjykoni akuzat për Shtëpinë e Verdhë dhe burgjet e pretenduara të UÇK në Shqipërinë verilindore?

-Akuzat për “Shtëpinë e Verdhë” dhe burgjet e pretenduara të UÇK në zonat e thella të Shqipërisë janë gënjeshtra dhe propagandë serbe, të cilat janë ngritur me të vetmin qëllim që të justifikojnë krimet kundër njerëzimit, genocidin, mbi 20.000 përdhunime grash dhe vajzash, vrasjen e mijëra civilëve, shpërnguljen masive të mbi 800.000 qytetarëve të Kosovës, shkatërrimin dhe grabitjen e dhjetëramijëra shtëpive dhe bizneseve shqiptare. E them këtë me bindje, pasi në atë kohë kam qënë efektiv i njësisë më speciale shqiptare, kohë në të cilën kam patur akses të plotë duke kontrolluar pothuasje të gjitha “bazat” dhe kampet pritëse, tek shumica e informacioneve shtetërore dhe jo vetëm, dhe e them me bindje të plotëse një akuzë e tillë është përgatitur vetëm nga prokurorët serbë nuk është aspak e vërtetë. Ajo që vlen të diskutohet, është se një akuzë e tillë antishqiptare hidhet në mediat shqiptare nga një politikan shqiptar, i cili tashmë është provuar përpara gjithë kombit se është bashkëpunëtor dhe mik i ngushtë i ish-ministrit të propagandës së makinës vrasëse të Millosheviçit. Këto mbeturina të politikës shqiptare do të mbahen mend në historinë e vendit tonë si tradhtarët më të poshtër të Kombit Shqiptar, njëlloj siç do të mbahet mend si heronjtë e Kombit Shqiptar Ramush dhe Daut Haradinaj, Rexhep Selimi, Limaj, Krasniqi, Veseli, etj.

DIELLI:. A besoni në pafajësinë e UÇK dhe luftëtarëve të saj? Si do dalë Kosova pas kësaj përballje në Gjykatën Speciale?

-Padyshim që jo vetëm unë, por gjithë populli shqiptar beson në pafajësinë e UCK-së, pasi ajo ishte një luftë e drejtë, çlirimtare dhe bëhej për të mbrojtur idealet e vendit dhe të popullit shqiptar në Kosovë për vetëvendosje. Unë dhe të gjithë ne besojmë në idealet dhe pafajsinë e drejtuesve kryesorë të UÇK dhe sigurisht koha do ta vërtetojë se ata janë të pafajshëm, e bashkë me ta edhe lavdinë që ajo e meriton përgjatë historisë. Nëse indidivë të tillë, pas luftës gjatë karrierës politike kanë bërë shkelje ligjore, atëherë më duhet të them se të dy periudhat duhet të ndahen nga njëra-tjetra dhe secili duhet të mbajë përgjegjësi individuale, të japë llogari përpara ligjit dhe nëse faktet vërtetojnë ndonjë akuzë të tillë, atëherë kjo duhet të ndahet nga ideali i madh i UÇK-së. Personalisht kam besim të plotë se vetë UÇK dhe drejtuesit e saj, të cilët sot po akuzohen padrejtësisht sot, do të fitojnë nderin dhe lavdinë që i takon dhe do të zënë vendin e tyre në historinë e popullit shqiptar.

DIELLI: Si e gjykoni qëndrimin publik të kryeministrit të Shqipërisë Rama në artikulimin mediatik rreth çështjes së Kosovës?

Ekzibicionistët politikë si Kryeministri i Shqipërisë, për pak vëmendje dhe mbijetesë politike sakrifikojnë interesat kombëtare dhe çdo gjë. Interesat kombëtare nëpërkëmben pikërisht atëherë kur politikanët mediokër synojnë të zgjidhin “probleme globale”. Çështja e Kosovës nuk duhet të trajtohet si e ndarë, pasi është pjesë e çështjes shqiptare në Ballkan. Serbia që nga viti 1995, sot ka marrëdhëniet më të këqija me vendet e rajonit. Dhe në këtë situatë, Edi Rama po i shërben Beogradit si një farë ‘normalizuesi’ për hegjemoninë e Serbisë në Ballkan. Pavarësia e Kosovës në raport me Serbinë nuk mbrohet me deklarata butaforike në Beograd, por përmes trysnisë që i duhet bërë Serbisë, në koordinim midis diplomacisë së Prishtinës dhe Tiranës. Edi Rama është bërë pjesë aktivee projektit për asgjësimin, anashkalimin dhe mënjanimin e njohjes së Kosovës si moment kyç e parimor, duke përdorur si instrument “Minishengenin”, i cili në fakt i shërben vetëm Serbisë. Në takimin që pati me ish-Kryeministrin e Kosovës z. Albin Kurti në Tiranë, Rama theksoi: “Nuk ka makroshengen shqiptar pa minishengenin ballkanik”! pra, ky Esadist tradhtar vendos përpara bashkëpunimit të faktorit shqiptar, projektin serb të “Jugosllavisësë Re”! Këto projekte do të hapnin tema që janë mbyllur përfundimisht pas pavarësimit të Kosovës dhe njohjeve të rëndësishme ndërkombëtare (rreth 117 të tilla sot), përfshirë këtu edhe vendimin afirmativ të Gjykatës Ndërkombëtare të Drejtësisë. Duke qenë se nuk kishte asnjë përgatitje për këtë ndërmarrje apo ndonjë ndjenjë për qytetarët e Kosovës, ai ra në kurthin e Serbisë, e cila me vite të tëra synon diskutimin në lidhje me ndarjen e Kosovës. Por, këtë lojë të ndyrë antishqiptare, ky mediokër politik bashkë edhe me ndonjë që po vuan sot pasojat e atyre që ka gatuar këto 19 vite, në çështjen mbarëshqiptare e ka filluar herët investimin e tij antishqiptar dhe nuk mund të themi që kjo është thjeshtë një koinçidencë. Edi Rama, gjatë gjithë aktivitetit të tij publicitar dhe politik ka vlerësuar dhe admiruar jo më pas se katër antishqiptarë të shquar serb. Këtu nuk mund të lë pa përmendur Ivo Andriçin, Aleksandër Vuçiçin, Goran Bregoviçin dhe Sinisa Mihajloviçin. Andriçi për llogari të Serbisë bëri projektin e dëbimit të shqiptarëve nga territoret etnike (1938). Aleksandër Vuçiçi, ish-ministri i propagadës së kasapit të Ballkanit gjatë Luftës në Bosnje dhe në Kosovë, i cili kishte shërbyer si konobar(kamarjer) i Sheshelit dhe Milosheviçit. Goran Bregoviç, me profesion nacionalist serb, ishte frymëzues dhe idhull i ushtrisë vrastare serbe gjatë luftës në Kosovë me këngën “Pucaj”. Ai i këndonte kallashit serb që vriste popullatën kroate e shqiptare. Për këtë këngë shoviniste serbe mori edhe çelësat e Qytetit të Tiranës nga Edi Rama, direkt pas konfliktit në Kosovë në kohën kur ishte Kryetar i Bashkisë. Sinisa Mihajloviç një nacionalist serb, mik i ngushtë i kriminelëve të luftës Zeljko Ranatoviç (alias Arkan) dhe kasapit të Ballkanit Ratko Mlladiç. Tani vetvetiu lind pyetja: Po Ramoviçi cilit komb i takon, se vetëm shqiptar nuk mund të quhet ai me aktivitetin e tij politik, por një “Kalë Troje” në çështjet shqiptare!

DIELLI: A po tenton të fitojë pikë në publik kryeministri Rama duke akuzuar kundërshtarët politik në Shqipëri rreth raportit të Dik Martit, rolin e liderit të opozitës Basha dhe akuzat si hetues i UCK? Ky amplifikim shtetëror dhe i mediave pranë Kryeministrit a e dëmton Kosovën në këtë moment?

-Idetë dhe propaganda e majtë, gjithmonë riciklojnë teza “konspirative” për konsum të brendshëm sa herë Kryeministrit Shqiptar i zbulohen djallëzitë politike, ekonomike e korruptive si dhe antishqiptare që ai dhe shpura e tij politike ka bërë sidomos këto tetë vitet e fundit. Këto ide, rishtaz i riciklohen në përpjekje për të mbuluar keq-qeverisjen e tij njëlloj si në rastin e Dik Martit dhe merr “përsipër” zgjidhjen e problemeve “globale” e “rajonale” ose të akuzojë liderin e opozitës Basha, me qëllim që të justifikojë antishqiptarizmin dhe dështimin e tij si kryeministër i vendit. Ai duhet të hetohet nga Institucionet e Sigurisë Kombëtare në Shqipëri, prokuroria, gjykata, për një sërë faktorësh të cilat lidhen me vendosjen e taksës në rrugën e kombit, qëndrimi denigrues ndaj Kosovës, etj. Mos reagimi nga Edi Rama përballë lobimit të egër të Serbisë për mosnjohjet e Kosovës dhe tërheqjen e disa njohjeve të saj të bëra më parë, nuk janë as më pak as më shumë se vërtetim i saj që sapo thashë më lart. Qëndrimi publik denigrues, fyes dhe thellësisht stigmatizues ndaj Kosovës dhe liderve të saj, duke akuzuar dhe çuar në gjyq heroin e gjallë të Kosovës Ramush Haradinaj, vetëm se nuk pranoi të bëhej pjesë e veprimit antikombëtar të projektit serb për ndarjen e veriut të Kosovës, përse ai dhe qeveria e tij e drogës, PPP-ve, korrupsionit, trafiqeve dhe shpërnguljes masive të shqiptarëve jashtë vendit, etj nuk guxojnë të hapin një akuzë ndërkombëtare për genocidin serb në Kosovë në vitet 1998-1999 ose të paktën ta miratojë në Parlamentin e tij të mbushur me analfabetë? Si përfundim, këto sjellje të kryeministrit shqiptar për mendimin tim e dëmtojnë shumë imazhin e Kosovës.

DIELLI: Kryetari i grupit parlamentar të PS në Shqipëri ka deklaruar se do ngrihet një Komision Parlamentar që do hetojë raportin e Dik Martit, a është kjo një përpjekje e funksionarëve të qeverisë dhe institucioneve për të larguar vëmëndjen nga dështimet e qeverisë dhe dështimet e menaxhimit të pandemisë globale në Shqipëri?

Po pa dyshim që po, ky komision mund të ngrihej vetëm për të larguar vëmendjen nga dështimet spektakolare të qeverisë. Prej tetë vitesh tashmë, qeveria e Ramës është kapur në shkelje të Kushtetutës së Republikës së Shqipërisë, ka keqqeverisur më keq se askush më parë, mbushi vendin me drogë dhe ka rritur kultivimin e kanabisit me rreth 236 herë për 4 vite, ka shpëngulur mbi 600.000 shiptarë si pasojë e varfërisë, mungesës së shëndetësisë, vendeve të punës, mungesës së institucioneve të drejtësisë, vjedhjes së rreth 7 miliardë dollarëve me PPP, rritjen në 85 përqind të borxhit të jashtëm, mbushjen e Parlamentit dhe bashkitë e Shqipërisë me vrasës, përdhunues, trafikantë droge, armësh, analfabetë, hajdutë, kriminelë, etj. Unë mendoj se komisioni i ngritur nga shoku i ngushtë i trafikantëve të drogës Balla dhe zëdhënësi i Ramës në parlamentin monist nuk do të ngrihet, pasi ai është diskretituar madje pa filluar akoma dhe çdo gjë që Edi Rama dhe shpura e tij antishqiptare kanë përgatitur kundër Bashës ka dalë në dritën e diellit.

Kryeministri Basha do ta drejtojë vendit me përgjegjshmëri shtetari pas 25 prillit 2021.

D. D. Michigan.

Ne bashkepunim me Universitetin e Columbias nen drejtimin e Dr. David L. Phillips dhe Ministres se Puneve te Jashtme te Kosoves znj. Meliza Haradinaj sot u realizua seminari: “Forcimi i maredhenieve SHBA-Kosove gjate administrates se presidentit Biden”.

No Comments Aktualitet Lajme

Nga Dritan Demiraj
Te nderuar miq!

Ne bashkepunim me Universitetin e Columbias nen drejtimin e Dr. David L. Phillips dhe Ministres se Puneve te Jashtme te Kosoves znj. Meliza Haradinaj sot u realizua seminari: “Forcimi i maredhenieve SHBA-Kosove gjate administrates se presidentit Biden”.

Ne te moren pjese dhe dhame mendimet tona disa anetare te shquar te diaspores shqiptaro-amerikane si Richard Lukaj, Avni Mustafaj, John Dauti, Avdi Gecaj, Mark Kosmo, Teuta Kukleci, Venera Kusari, Drilon Gashi, Mithat Gashi dhe Aferdita Jakupi.

Te gjithe rame dakort se prioritet kryesor gjate administrates Biden duhet te jete anetaresimi i Kosoves ne Nato, duke filluar fillimisht me pjesmarrjen e saj ne Partneritetin per Paqe dhe hap pas hapi drejt anetaresimit te saj te plote.

Hapi i pare eshte padyshim transformimi i FSK ne forca te armatosura (FAK). Me pas pergatitja e nje plani 10 vjeçar bashkepunimi kryesisht me Republiken e Shqiperise, nen mbeshtetejn e DoD dhe partnereve te tjere, ngritja sa me e shpejte e kapaciteteve operacionale, te intelligences ushtarake, krijimi i njesive te perbashketa me qellim dislokimin ne zona te nxehta ne bashkepunim te ngushte me DoD.

Permes kesaj axhende, masave, reformave Kosova do te jete ne gjendje qe te permiresoje partneritetin strategjjk me DoD, duke kaluar nepermjet nje reforme te thelle dhe gjitheperfshirese ne fushen e mbrotjes.

Hapi i dyte do te jete pergatitja e nje plani modernizimi ne drejtim te kater fushave kryesore: “Shoot, move, communicate & medicate”. Kjo nenkupton kompletimin me armatimin e duhur baze dhe te rende, transportin taktik dhe operacional te te gjitha njesive te FAK-ut, stervitjen e tyre me doktrinat dhe standartet e NATOs, pajisjet e komunikimit, ndihmes se shpejte, pajisjet e zbulimit ushtarak, etj dhe me procedurat standarte operacionale te veprimit ne zonat operacionale, etj.

Hapi trete: Pergatitja e nje Regimenti te Operacioneve Speciale ne bashkepunim me Drejtorine e Intelligences Ushtarake e gatshme te dislokohet ne çdo cep te globit ne mbeshtetje te operacioneve dhe luftes kunder terrorizmit ne bashkeveprim me njesite amerikane dhe shqiptare, duke i ofruar aleances njesi cilesore ne kete drejtim.

Hapi i katert: Pergatitja e Strategjise se Sigurise Kombetare, Strategjise Ushtarake ne bashkepunim me Republiken e Shqiperise, rritja e buxheteve te mbrojtjes dhe krijimi i njesive rezerviste, si nje element shtese ne rastin e nevojes per te kontribuar gjate emergjencave civile ose per çdo te papritur.

Se fundi: Meqenese buxheti, strukturat, sasia e forcave , etj jane te vogla do te ishte shume productive qe te dy vendet si Shqiperia dhe Kosova te intensifikonim ndjeshem bashkepunimin ushtarak midis njeri tjetrit, ne menyre qe pilotet e FA te ardhshme te Kosoves te pergatiten tek Regjimenti jone i helikoptereve dhe disa njesi si: forcat speciale, komando, njesi nga intelligenca ushtarake, pilotet e mjeteve ajrore, njesia e kerkim-shpetimit, etj te sterviteshin bashke dhe te dislokoheshin se bashku ne funksion te misioneve te aleances dhe SHBA-ve.

Per me teper theksuam rendesine e e anetaresimit te Kosoves ne NATO, e cila do te sherbente si nje “deterrence” e fuqishme per parandalimin e provokimeve dhe kercenimeve te vazhdueshme serbo-ruse ne rajonin e Ballkanit.

Gjithashtu u diskutua se çdo korrigjim kufiri ose mundesi shkembimi territoresh duhet te jene te perjashtuara nga çdo bisedim i ardhshem me Serbine.

Takimet e ardhshme midis dy vendeve duhet te behen nen drejtimin e nje te derguari special per dialogun Kosove Serbi, por duke patur parasysh parimin e reciprocitetit dhe te dy vendet duhet te trajtohen ne menyre te njejte.

Gjate çdo dialogu, njohja e Kosoves ne kufirin ekzistues dhe brenda Kushtetutes se Republikes se Kosoves duhet te jene kushte qe nuk duhet te negociohen, duke mos pranuar gjithashtu kopetencat ekzekutive te Associacionit te Komunave Serbe. Ne kete kontekst, integriteti territorial, karakteri unitar dhe rendi kushtetues i Kosoves duhet te jene te panegocueshme.

D. D. Michigan.

Burimi/Facebook

Ndërron jetë këngëtari Ismet Peja

No Comments Aktualitet Lajme

Ndërron jetë këngëtari Ismet Peja
Ka ndërruar jetë ikona e muzikës së mirëfilltë shqiptare, Ismet Peja.

Lajmin e e trishtë për vdekjen e këngëtarit e bëri të ditur djali i tij, Visar Peja, në një postim në rrjetin social Facebook.

“Nuk dija ndryshe, as nuk munda ndryshe ta lajmëroj largimin tënd nga kjo jetë. Pusho i qetë sepse ke ngelë i përjetshëm. Të fala i bën mamasë”, ka shkruar Visari.

Theksojmë se Peja është ndër artistët me përvojë më të gjatë në skenën muzikore shqiptare.

Gjatë karrierës së tij ai solli një sërë projekte si “Knoma kangen sa t’jam gjall”, “Robi plaket kur don vet” dhe jo vetëm.

I njohur kryesisht për këngë të vjetra qytetare, Ismet Peja ka qenë dhe do të mbetet perlë e estradës shqiptare. /Telegrafi/

Ismet Peja është këngëtar i njohur. Ismet Peja është këngëtar i këngëve të vjetra qytetare dhe është i biri i Musa Pejës, i cili ishte po ashtu këngëtar i melosit shqiptar. Që në fëmijëri prej moshës 13/14 vjeçare filloi të merrej me muzikë. Sukseset më të mëdha i arriti me shoqërinë muzikore “Hajdar Dushi”, me të cilën kishte prezantime të shumta në TVP dhe Radio Prishtinë.

Në Qershor 1970, Ismet Peja merr pjesë në Akordet E Kosoves 1970 me këngën “Ne Agim Heret U Qova”.

Albumi i tij i parë doli në vitin 1986 me orkestrën e “Hajdar Dushit”. Gjerë tani ka publikuar një numër të madh të albumeve muzikore dhe 4 videokaseta.

Në vitin 2005 nxori një album me djalin e tij, këngëtarin Visar Peja.

Më datë 12 Qershor 2010, Ismet Peja & Burim Mehmeti publikojnë videoklipin “Knoma Kengen Sa T`jam Gjalle”. Muzika e këngës u punua nga Besim Bunjaku, teksti u shkrua nga Besim Bunjaku.

Më datë 7 Qershor 2011, Ismet Peja & Xeni publikojnë videoklipin “Hajt T’ja Thojme Nje Kenge Te Bukur”.

Më datë 23 Dhjetor 2011, Valbona Halili, Shyhrete Behluli & Ismet Peja publikojnë videoklipin “Baba E Nona Të Kan Rrit”.

Më datë 28 Dhjetor 2012, Xeni & Ismet Peja publikojnë videoklipin “Hajt Tja Thojm Nje Kang Te Bukur”.

Në vitin 2012, Ismet Peja & Vellezerit Mziu publikojnë albumin “Këngë Të Vjetra Qytetare”.

Më datë 22 Prill 2013, Ismet Peja & Visar Peja publikojnë videoklipin “Robi Plaket Kur Don Vet”.

Më datë 20 Maj 2013, Ismet Peja publikon videoklipin “Nuseron Jarja Me Ty”.

Më datë 24 Tetor 2013, Ismet Peja publikon videoklipin “Me Kange Te Mija Jeni Rrit”.

Nuk i solli Lulzim Basha as Gjykatën Speciale, as planin e ndarjes së Kosovës, as të minishengenit, as narkoshtetin e as eksodin në Shqipëri

No Comments Lajme Opinion

Nga Skënder Sadri KAPITI

Po ta shikosh sot histerinë e pushtetit kundër Lulzim Bashës, e gjitha kjo bëhet për të mbuluar pushteti i sotem dështimet e tij në Shqipëri dhe bëmat e veta antiKosovë në prag të llogaridhënies dhe të ndëshkimit së ashpër që pritet të marrë Kryeministri Rama dhe qeverisja e së të ashtuquajturës Rilindje e tij me 25 Prill 2021.

Këta farë patriotësh fallco të pushtetit dhe të mediatikëve pranë tij i kërkojnë “llogari” Bashës sot për rolin e tij në Misionin e Kombeve të Bashkuara në Kosovë, UNMIK. Çfarë hipokrizie djallëzore kjo! Dhe po u them atyre se nëse nuk e dinë se çfarë roli ka pasur UNMIK në Kosovë drejtohuni atyre që e sollën UNMIK-un në Kosovë.

Por sa për kujtesë:

UNMIK-u u vendos në Kosovë për të shërbyer si prezencë ndërkombëtare civile dhe ushtarake pas miratimit të Rezolutës së Këshillit të Sigurimit të KB-së 1244 në qershor të vitit 1999. Sa u përket çështjeve të sundimit të ligjit, në raportin e Sekretarit të Përgjithshëm të datës 12 korrik 1999 (S/1999/779) thuhet se sistemi gjyqësor ishte “rrënuar” dhe se kishte “nevojë urgjente për të ndërtuar sundim të vërtetë të ligjit në Kosovë, duke përfshirë edhe përmes rindërtimit të menjëhershëm të një gjyqësori të pavarur, të paanshëm dhe shumetnik.

(https://unmik.unmissions.org/sq/sundimi-i-ligjit-n%C3%AB-kosov%C3%AB-dhe-mandati-i-unmik-ut)

Pra UNMIK-un nuk e ka sjellë Basha, por ai ka qenë një i punësuar në administratën e tij ashtu sikurse edhe shumë shqiptarë të tjerë nga Shqipëria si dhe shtetas të tjerë nga shtetet te tjera të botës, ku prania e shqiptarëve nga Shqipëria në Misionin e UNMIK është mirëpritur nga shqiptarët e Kosovës në mënyrë të vecantë dhe mjaft domethënëse si bashkëkombas.

UNMIK në Kosovë ishte në vazhdën e strategjisë së aleatëve të Kosovës si hallkë parapërgaditore e tranzitore për shpalljen e Pavarësisë së Kosovës, pasi Kosova nuk u çlirua dhe as nuk mund të çlirohej vetë dhe pa ndërhyrjen vendimtare të NATO-s e udhëhequar nga SHBA-të, kur dihet se kundër NATO-s dhe ndërhyrjes së saj kanë qenë shtete të fuqishme botërore aleate të Serbisë si Rusia e Kina p.sh. të cilat edhe sot kritikojnë dhe janë kundër Luftës së UÇK-së dhe NATO-s, e që nuk e njohin akoma shtetin e Kosovës.

Dhe vazhdojmë me tjetrën se përse pikërisht pasi u arrestuan dhe u paraqitën në Gjykatën Speciale disa krerë të UÇK-së, pse pikërisht Kryeministri shqiptar në këtë moment inkurajoi “kerkimin” e një kasete filmike për krimet e Serbisë dhe nuk e bëri këtë më parë.

Nëse do të ishte kaq seroz dhe i besueshëm e patriot Edi Rama pse nuk u interesua kaq shumë për këtë kasetë për ta paraqitur në Hagë kur Serbia dhe kriminelët e saj po gjykoheshin atje,por kaq shume vone u kujtua ai?!

Deri aty arrin verbëria politike e pushtetit arrogant sa don që t’ia ngarkojë Bashës dhe PD-së edhe krijimin e Gjykatës Speciale, kur edhe Gjykatën Speciale e sollën ndërkombëtarët dhe e miratuan po vetë deputetët e Kosovës të LDK, PDK dhe të atyre serbë, dhe sidomos me këmbënguljen edhe prej atyre që sot janë të arrestuar dhe që pritet të arrestohen nga kjo Gjykatë? Pse Edi Rama nuk ia kërkoi mikut të tij, ishPresidentit të Kosovës, Thaçit, që ai të mos u bënte presion deputetëve dhe që të mos votohej pro miratimit të Gjykatës Speciale, por Rama kujtohet sot dhe i vjen “keq” tani kur dhe pasi u arrestua Thaçi?!

Pra as Gjykatën Speciale, ashtu sikurse as UNMIK-un nuk e solli Lulzim Basha, dhe as politika pozitë-opozitë e Tiranës.

Pra kuptohet se qëllimi është njollosja dhe dëmtimi i imazhit të Lulzim Bashës pasi ai është kandidati për kryeministër në vitin e ardhshëm të zgjedhjeve të 25 Prillit 2021.

Ndërsa politika e Beogradit dhe e Rusisë hapur por edhe me mjeshtri e strategji tipike sllave: tinëzare, hipokrizie, mashtrimesh e gënjeshtrash përgatitën platforma, projekte e plane me qëllim për ta kriminalizuar luftën e drejtë e çlirimtare të Kosovës dhe deri diku ia kanë arritur qëllimit që të duken e të

shfaqen në opinionin botëror edhe serbët si viktima të asaj lufte; pra, që të barazohet agresori me viktimën.

Ky është dështimi më i madh i politikës dhe i politikanëve shqiptarë të Tiranës dhe të Prishtinës përballë ofensivës serbe, dhe kulmi arriti që iniciuar nga agjentura antishqiptare serbo-ruse u arrit që të ngrihet Gjykata Speciale kundër luftëtarëve të UÇK-së. Tjetra është ajo që politika serbo-ruse arriti që ta ndërkombëtarizojë një plan të tmerrshëm, atë për coptimin e ndarjen e Kosovës e madje arritën që të gjejnë edhe mbështetje te politikanë e diplomatë perendimor, por e keqja më e madhe është se këtë plan antiKosovë e mbështeti edhe Presidenti i Kosovës por edhe kryeministri i Shqipërisë, e mbështetën ketë ide shkatërrimtare për shtetin e Kosovës.

Pra as idenë për coptimin e Kosovës nuk e solli Lulzim Basha, apo jo z. Kryeministër i Shqipërisë?!

Politika serbo-ruse por edhe ajo franceze mbështesin një projekt tjetër antishqiptar dhe neojugosllav, atë të minishengenit ballkanik ku në të të përfshihet edhe Shqipëria, por kur as Serbia e as Bosnja nuk e njohin Kosovën, dhe se Beogradi në këtë projekt është në qendër të këtij organizimi të Ballkanit perendimor.

Pra nuk është në të mirën e Kosovës dhe as të Shqipërisë minishengeni i Ramës para atij shqiptaro-shqiptar Shqipëri-Kosovë, ashtu sikurse nuk i ka shërbyer por u ka bërë dëm të madh shqiptarëve bashkim-vëllazërimi titist në Jugosllavi si dhe internacionalizmi proletar e komunist në Shqipëri.

Këto janë problematikat të mëdha shqetësuese, dhe për këto dihet tashmë se kush e ka pëgjegjsinë.

Ishte krimi, genocidi dhe pastrimi etnik i dokumetuar me qindra e mijra filmime dhe me dëshmi, ishin këto fakte të bëra prezent në të gjitha kancelaritë dhe në opinionin e mediat botërore ato të cilat bënë të mundur ndërhyrjen e NATO-s për çlirimin e Kosovës, dhe nuk është se një kasetë do të ishte aq shumë vendimtare për ta akuzuar Serbinë si genocidiste.

Pse Edi Rama është i “impenjuar” kaq shumë dhe me kaq shumë vonesë për një kasetë për genocidin serb, dhe e pyesim se a ka qenë ai ndonjëherë në Reçak, dhe pse me rastin e 21 vjetorit të asaj masakre e cila përshpejtoi ndërhyrjen e NATO-s në Kosovë, dhe kur je kaq patriot dhe të dhimbset Kosova si ka mundësi që nuk bëre të paktën as një postim në Facebook në përkujtim të kësaj ngjarjeje. Apo mos je në një linjë dhe në sinkron me Presidentin serb Vuçiç i cili e ka

akuzuar ish-kreun e Misionit të Verifikimit të OSBE-së në Kosovë, William Walker për falsifikimin e masakrës së Reçakut, e cila ndodhi në janar 1999.

Kryeministri i Shqipërisë më shumë të arsyeshme dhe më të rëndësishme për të ka qenë ngritja nga ana e tij e një padie kundër Kryeministrit të Kosovës se sa një padi kundër Serbisë për genocidin e saj ndaj shqiptarëve të Kosovës

Pra, kur SHBA dhe aleatët e saj, NATO-ja, sulmuan Serbinë, ata e sulmuan pikërsisht se Serbia ishte pushtuese, kriminale dhe genocidiste, dhe se edhe para fillimit të bombardimeve të NATO-s Serbia dhe regjimi i Millosheviçit janë akuzuar për krime e genocid nga parlamente, qeveri, deputetë,diplomatë, kryeministra e deri edhe nga presidentët e Amerikës, Gjermanisë,Francës,Italisë, Britanisë, Turqisë etj.

Por nga Shqipëria akoma as sot nuk ka një rezolutë që dënon genocidin serb,

Këtë, pra, pse nuk ka një rezolutë të tillë do ishte mirë ta shikonte qeverisja dhe pushteti i sotëm i Ramës në Tiranë, nëse ai e ka seriozisht mbrojtjen e Luftës së drejtë dhe çlirimtare të UÇK-së si dhe dënimin e genocidit serb.

Lulzim Basha dhe Partia Demokratike ndërtuan Rrugën e Bashkimit të Kombit, ndërsa Rilindja dhe Rama vendosën traun dhe taksën e ndarjes së Kombit. Lulzim Basha nuk ka bërë takime të përzëmërta e miqësore dhe as nuk ka promovuar rehabilitimin “demokratik” të Vuçiç e as të Daçiç, si dy ishshërbëtore besnik të Millosheviçit, apo jo z. Kryeministër?!

Qeveria e Partisë Demokratike dhe Lulzim Basha realizuan liberalizimin e vizave për shqiptarët, ndërsa me Rilindjen Socialiste jo vetëm që nuk i hapen Shqipërisë negociatat për antarësim në BE, por përkundrazi disa shtete të BE-së kanë shprehur qëndrime dhe janë shprehur për mundësinë e kthimit të regjimit të vizave prej mossundimit të ligjit, korrupsionit të lartë në Shqipëri dhe prej numrit të lartë të azilkërkuesve shqiptarë në vëndet e BE-së, duke ua kaluar edhe vëndeve ku janë në konflikte civile.

Pra, nuk i solli Lulzim Basha në Kosovë as UNMIK-un, as Gjykatën Speciale, as planin e ndarjes së Kosovës e as të minishengenit ballkanik. Nuk ka qeverisur dhe nuk është kryeministër i Shqipërisë sot Lulzim Basha, por është e ashtuquajtura mashtruese e keqbërësja Rilindja Socialiste, është ajo që instaloi narkoshtetin në Shqipëri dhe që ka 8 vite që mban peng Shqipërinë dhe nuk i hapen negociatat për në BE, është ajo që i detyron shqiptarët që ta boshatisin Shqipërinë e të marrin

arratinë dhe eksodin. Të ndodhur përballë këtij dështimi total, Rilindja dhe Rama si dhe merecenarët politikë e mediatikë mundohen të dëshpëruar që të fabrikojnë gënjeshtra, mashtrime e akuza ndaj liderit të opozitës, kandidatit për kryeministër, z. Lulzim Basha, gjë kjo që është përpjekje e lexueshme dhe lehtësisht shumë e kuptueshme.

PALAÇOT E POLITIKES DHE POLITIKANE TE PISTE QE KERKOJNE TE BEJNE POLITIKE PER PUSHTET ME ÇDO TE GJALLE DHE TE VDEKUR QE JU DUHET PER MOMENTIN VETEM PER PUSHTETIN E TYRE TE NDYRE

No Comments Lajme Opinion

Nga Myslim Murrizi

Kam dite qe shoh Ramen dhe Bashen qe bejne sikur zihen per numrin e viktimave nga covidi

A ka me paftyresi?????

Njeri thote kane vdekur me shume, tjetri thote kane vdekur me pak

Dhe as njerit as tjetrit ne fakt nuk i bie mendja per te vdekurit jo e jo por as per te gjallet nese nuk jane votues te ketyre dy pisave qe nuk lene te gjalle e te vdekur pa bere pis vetem per te ruajtur pislleqet e tyre

Pas pak kohesh do ti shohim qe do fillojne te akuzojne njeri tjetrin formalisht kuptohet qe sa nga viktimat e covidit e kane emrin ne listen e votueseve

Nuk ka me te ndyre me te piste dhe me palaço se 3-4 fytyra me te peshtira politike ne kete vend qe prej 30 vitesh nuk kane lene te gjalle e te vdekur pa mare neper goje, vetem qe goja e qelbur e ketyre dhe goja e pa ngopur kurre e bastardeve politik te jete ne karriken e pushtetit

Shifni hipokrizine e urimit te ditelindjes se nje mjekje me emrin Najada

E uron Rama, e uron Ogerta, deri neser nuk dihet se kush tjeter do ta uroj, por Najada ka humbur nje dekorate se eshte presidenti Meta ne Diber te madhe, se po te ishte ketu e dinte vete ai dhe nuk linte te shinte leme vetem rama dhe ogerta me kete ngjarje “ historike”

Po mire more palaço politik, po vjet a ka patur ditelindje doktorreshe Najada?????

Te njenjten gje bete me doktorr Pellumb Piperon 5 muaj rresht derisa e shpallet qytetare nderi te Skraparit dhe i dhate te drejten per te bere ne kliniken e tij private pas TEGUT,testet per covid me vlere 100 euro per person

Te njenjten gje bete me doktorr Bratajn dhe doktorreshe Silven

Dhe po e njenjta retorike e ndyre nga dy plehra qe kur i mburr Rama i shan Basha dhe kur i mburr Basha i shan Rama

Si Najada, si Pellumbi, si Skenderi apo Silva e shume te tjere aty kane qene prej 30 vitesh dhe pothuajse ne te njenjtat pozita me çdo qeveri sepse ju palaço vdisni per pak servilizem kur jeni ne pushtet e keta jua dine stilin dhe ju presin me trendafil apo karafil ne dore qysh ne 8 pa pese te mengjesit tek paradhoma e ndyre e pushtetit te piste ku here pas here ndryshon vetem emri i palaços

Bete lajm te madh pse u emerua zv minister Besard Kadiu gjoja “ kollona” e pd “ tradhetoi” dhe erdhi tek rilindja

Nderkohe qe jo vetem une por qindra mijera demokrat nuk dine se kur dhe çfare ka qene e çfare ka kontribuar ne PD Besard Kadija

Lajm i “ madh” se ka ikur nga LSI e Laprakes Gentjan Arapi dhe nje figure tjeter potenciale por qe per aresye sekreti nuk i permendet emri dhe kane bashkuar armet me Ramen???

Genti nuk ka patur probleme me vijen e partise por nuk ka duruar dot arrogancen e Monikes apo te Petrit Vasilit dhe kalon ne transferte per te provuar “ tolerancen”dhe harbuterine e Rames, te Agaçit dhe te gjithe tufes se kokubinave te haremit kryeministrore e ministrore qe mbajne ere njelloj si zogu i zi ne vitet 1929-1939

Po kjo loje e ndyre politike mes 3-4 palaçove politik ka 30 vjet qe vazhdon te njenjtin avaz

Ne vitin 1990-1991 kur u krijua PD Ceka ishte me PD ndersa Gjinushi me ramiz aline

Pas nje viti Ceka me ramiz aline dhe Gjinushi deputet ne Peqin be koalicion me PD

Ne referendiumin 1994 Gjinushi u bashkua me Ceken dhe PS se Nanon e kishin futur ne burg shoket e tij duke votuar me shume qejf per ti hequr imunitetin si ( islami, meta, hajdaraga) etj

Ne vitin 1997 Gjinushi, Ceka, Xhuveli, Imami, Gumeni, Kurti, Lubonja, Boriçi dhe nje tufe esterike qe sot me bejne per te vjelle kur i degjoj u bashkuan jo me PS por me bandat dhe llumin e Shqiptareve vetem per pushtet

Ne vitin 2005 Ceka, Imami, Xhuveli u bashkuan me PD vetem per karriken e pushtetit

Ne vitin 2009 Meta, Vasili ,Panariti,Haxhinasto, Braho, Naço ,Rama i lsi dhe e gjithe tufa e pangopur per pushtet u bashkua me PD

Ne prill 2013 e gjithe tufa e lartepermendur u bashkua me PS vetem per pushtet

Ne maj 2017 PD u bashkua vete me PS dhe nga Gaz Bardhi Tan Demiraj, Helga, Vugaj dhe 20 birbo e karavidhe qendruan ne karriket e pushtetit nen komanden e Rames deri me date 9 shtator 2017

Pa ju hyre emrave te tjere ne nivele dytesore se do te duhet te bej roman dhe e verteta eshte qe 50 emra kane qeverisur prej 30 vitesh ne emer te pushtetit dhe pa emer e pa ngjyre partie por si plehra dhe si vemje pa pigment qe jane, vetem duke mashtruar Shqiptaret se gjoja bejne lufte me njeri tjetrin here per te gjallet qe levizin si te vdekur nga njera parti tek tjetra, here per te vdekurit qe i perdorin si te gjalle vetem per politike

Nuk po merem me te te gjithe por po kujtoj Benet Becin qe erdhi nga kopi i PD dhe pas 8 vitesh drejtor i findit te zhvillimit kaloj tek gopi i PS

Alfred Rrusho nga 8 vjet tek keshi i ps kaloi tek gopi i PD

Dritan Shano nga 8 vjet tek gopi i PS kaloi tek Kopi i PD

Fatbardh Kadilli nga kopi i MJAFTIT kaloi tek gopi i PD

Majlinda Bregu nga ministre ardhur nga kopi i PD kaloi tek gopi i PS BE

Selim Belortaja nga minister i PD kalon zv minister i PS

Genc Rruli nga minister i PD ne keshilltare i jashtem i Nanos se PS

E shume e shume te tjere deri tek kleringu i fundit e Kaç Islamit me Bes Kadiun

Dhe kjo maskarade e palaçove politik qe nuk lene gje pa bere vetem per pushtetin dhe xhepat e tyre, do te vazhdoj akoma sa kohe qe do te kete votues “ qorra” qe duartrokasin me komande dhe shajne me komande sipas urdherit qe ju jep kapo i radhes

25 prilli 2021 eshte dita kur Shqiptaret duhet te mundin “ ushtaret” e 3-4 kapovo

Me 25 prill Shqiptaret duhet te votojne me mendje dhe zemer e jo me stomak

Po votuan perseri me stomak, do ta mbajne stomakun bosh gjith heret dhe do te ushqehen me politiken e piste te palaçove qe perdorin dhe perdhosin njelloj si te gjallet dhe te vdekurit per pushtetin e tyre

Ps: nje sqarim per ata qe mund te keqkuptohen me GOPIN

GOPI eshte Grup i Organiziar Perfitues Interesash

Burimi/Facebook