Home

Lajme

Albin Kurti – Takime të frytshme me zyrtarët më të lartë të administratës Biden

No Comments Aktualitet Lajme

Gjatë qëndrimit tonë triditor në Washington, D.C., zhvilluam një sërë takimesh të rëndësishme me zyrtarë të lartë të dy degëve politike të qeverisë federale të Shteteve të Bashkuara të Amerikës, dega ekzekutive dhe ajo legjislative. Takime të frytshme kemi zhvilluar me zyrtarët më të lartë të administratës Biden në fushat e sigurisë kombëtare dhe zhvillimit ndërkombëtar: z. Jake Sullivan, këshilltar i Sigurisë Kombëtare, dhe znj. Samantha Power, administratore e Agjencisë së ShBA-së për Zhvillimin Ndërkombëtar. Ndërsa, në Kongresin amerikan, jemi pritur nga udhëheqësit kryesorë në fushën e politikës së jashtme, z. Bob Menendez, kryetar i Komisionit të Senatit për Marrëdhënie me Jashtë, dhe z. Gregory Meeks, kryetar i Komisionit të Dhomës së Përfaqësuesve për Punët e Jashtme, si dhe jemi takuar me senatorët Joni Ernst, Chris Murphy, Jeanne Shaheen, Thom Tillis dhe Ted Cruz, dhe me kongresistët Ritchie Torres, Jim Himes, Robert Aderholt, Lisa McClain, Carolyn Maloney, Darrell Issa, Elissa Slotkin, Mondaire Jones, Jim McGovern, Brad Schneider dhe Bill Keating.
Qëllimi ynë kryesor gjatë gjithë këtyre takimeve ishte për të avokuar sa më fuqishëm për vlerat dhe prioritetet e përbashkëta të Republikës së Kosovës dhe ShBA-së. Përkushtimi afatgjatë për siguri dhe paqe i Republikës së Kosovës, përshpejtimi i procedurave për anëtarësimin në NATO dhe në Bashkimin Evropian, rritja e investimeve amerikane dhe vëmendja më e shtuar për sigurinë e Kosovës, ishin disa prej temave kyçe që diskutuam në Washington, D.C.
Në të gjitha takimet zyrtare potencuam se për sigurinë e Kosovës kemi nevojë për një demilitarizim të një brezi rrotull kufirit të Kosovës me Serbinë, kthimin e kampit ushtarak “Bondsteel” në bazë të përhershme të ushtrisë amerikane, si dhe rritjen e mbështetjes për Forcën e Sigurisë së Kosovës.
Zyrtarët e lartë të ShBA-së i njoftuam për progresin demokratik e socioekonomik pas një viti në drejtimin e Qeverisë së Republikës së Kosovës dhe për punën e angazhimin tonë në fuqizimin e sundimit të ligjit, sidomos përmes luftimit të krimit të organizuar dhe korrupsionit.
Nga të gjithë zyrtarët morëm mbështetje shprehimisht për njohjen e ndërsjellë ndërmjet Kosovës dhe Serbisë, si dhe pranuam falënderime për ndihmën që u kemi dhënë refugjatëve afganë, për rreshtimin përkrah ShBA-së dhe botës demokratike me vendosjen e sanksioneve kundër Rusisë pas invazionit ilegale të Ukrainës dhe për gatishmërinë tonë për të strehuar deri në 5,000 refugjatë prej atij konflikti.
Po ashtu, zyrtarët amerikanë na përgëzuan për qëllimin gjatë vizitës sime në ShBA për të prezantuar mundësitë për investime dhe për të nxitur investitorë potencialë në Kosovë, një faktor ky i rëndësishëm për zhvillimin ekonomik të vendit tonë.
Përveç takimeve zyrtare, isha mysafir i platformës “Front Page” të “Atlantic Council”, ku zhvillova një bashkëbisedim të rëndësishëm rreth situatës aktuale në botë dhe sesi ajo ndikon në sigurinë e Kosovës dhe përspektivën për paqe në rajon. Gjatë bisedës ritheksova rëndësinë e marrëdhënieve të veçanta me Shtetet e Bashkuara të Amerikës, jo vetëm sepse historia jonë është e thurur në kohë çlirimi dhe nevoje, por sepse jemi të lidhur me vlerat e përbashkëta të lirisë dhe demokracisë.
Rikujtova sesi nga një viktimë e luftës dhe gjenocidit, Kosova është bërë një shtet i pavarur, sovran, me institucione të plota demokratike dhe një kushtetutë të bazuar në parimet e lirisë, paqes, demokracisë, barazisë dhe respektimit të të drejtave të njeriut. Historia e suksesit tonë është histori që ne tani e ndajmë me komunitetin botëror të kombeve demokratike.
Në kuadër të iniciativës Dialogut me Mërgatën, edhe në Washington, D.C. takova bashkatdhetarë tanë profesionistë, me të cilët bisedova për mundësitë e përfshirjes së mërgatës në proceset politike, ekonomike, kulturore dhe shoqërore të Kosovës.
Bashkëbiseduam për rëndësinë e posaçme që ka rrjetëzimi i profesionistëve në mërgatë, ndërtimi i mekanizmave për transferimin e njohurive, ekspertizës dhe burimeve dhe krijimi i instrumenteve për përfshirje aktive në politikat zhvillimore.
Qeveria jonë e vlerëson mërgatën si faktor për zhvillimin e vendit dhe synon të rrisë angazhimin e këtyre profesionistëve në përpilimin e politikave zhvillimore dhe strategjike, në zbatimin e politikave, si dhe për investime të përbashkëta me ndërmarrjet vendore në Kosovë.
Falënderova komunitetin shqiptar të Washington D.C. për pritjen, si dhe për dialogun e thelluar mbi mënyrën se si profesionistët e komunitetit mund të kontribuojnë në përparimin e vazhdueshëm të Kosovës.
Në përfundim të vizitës në Washington, D.C. u prita nga Këshillat Amerikanë, ku u takova me drejtuesit e tij dhe mysafirë të tjerë të ftuar.
Këshillat Amerikanë funksionon edhe në Republikën e Kosovës dhe është organizata zbatuese e disa programeve të studimeve në Shtetet e Bashkuara të Amerikës të mbështetura nga Qeveria amerikane, ndër to programin KAEF që i dedikohet zhvillimit afatgjatë ekonomik të vendit nëpërmjet edukimit të të rinjve nga Kosova në universitetet më të përzgjedhura në ShBA.
U shpreha mirënjohjen time drejtuesve të kësaj organizate për kontributin në ngritjen e kapaciteteve intelektuale dhe profesionale si dhe përvojave kulturore të vendit nëpërmjet programeve të ndryshme nga të cilat kanë përfituar qindra studentë të Republikës së Kosovës.
Programe të tilla ku studentët tanë studiojnë e shkollohen në institucione amerikane, për t’u kthyer pastaj e për të dhënë kontributin e tyre në vend, janë tejet të rëndësishme për zhvillimin e vendit tonë. Në këtë mënyrë, përpos dijes dhe aftësive të përfituara me të cilat i kontribuojnë vendit, ndërtojmë edhe më shumë ura lidhëse ndërmjet dy vendeve dhe dy popujve tanë.

Mund të jetë një imazh i 2 persona, njerëz në këmbë dhe teksti që thotë "HOUSE 30 OF"
Mund të jetë një imazh i 3 persona, njerëz të ulur, njerëz në këmbë dhe kostum
Mund të jetë një imazh i 6 persona, njerëz në këmbë dhe kostum
Mund të jetë një imazh i 2 persona dhe njerëz të ulur
Mund të jetë një imazh i 8 persona dhe njerëz në këmbë
Mund të jetë një imazh i 2 persona dhe njerëz të ulur

Burimi/Facebook

Ekuran Sehu – New York:Sot patëm rastin qe te takohemi me Kryeministrin e Kosoves ,Albin Kurtin

No Comments Aktualitet Lajme

Kryeministri na informoj per Shum gjera ne lidhje me politiken e jashtme dhe ate te mbrendeshme të Kosoves,
Albin Kurti tha: Nuk mund te luftohet korupcioni nese ata qe udheheqin Shtetin jane vete te korruptuar…
Ne fund te takimi Kryeministri tha nese kene ndo nje pyetje mundendeni tem pyetni per cdo gje , Por ju lutem beni pytje e jo leksione a po fjalime,
Natyrisht se disa Shqiptare e bejne te kunderten dhe ta çajne Koken me fjalime te çajtoreve sikurse Albini e ka shkopin Magjik me i kry punt per 1 vit qe nuk janë kryer per më shumë 150 Vite .
Ekuran Shehu,
Antari I Bordit ekzekutif të LQSHA,
New York

Burimi/Facebook/Autori

‘Presidenti’, Murrizi: Opozita ka ngrënë karremin e Ramës, procesi është farsë

No Comments Aktualitet Lajme

Ish-deputeti Myslim Murrizi e cilëson si një karrem procesin e ndjekur nga kryeministri Edi Rama për zgjedhjen e presidentit të ri, të cilën opozita e ka ngrënë.

Në emisionin “Sot” në “Euronews Albania”, Murrizi u shpreh se mazhoranca po tallet me këtë proces, sidomos kur fton opozitën në tryezë për negociata.

“Opozita ka ngrënë atë karrem të cilin qëllimisht e ka hedhur si lajm të madh se do të bëjë konsultim të madh. Një tallje e gjitha. Aq më shumë kur shoh që këtë tallje kërkojnë ta instituciolizojnë si tavolinë pune, bisedime apo mbledhje të një grupi të deputetëve opozitarë dhe nxjerrin ca emra anonimë që mund të jenë të mirë për shefa komisiariati”, tha Murrizi.

Sipas tij, i gjithë procesi është një farsë teksa shtoi se presidenti i ri duhet të jetë një person i cili ka stof politik.

Murrizi deklaroi se kreu i Grupit Parlamentar të Partisë Demorkatike, Enkelejd nuk mund të propozojë 2 kandidatë, pasi nuk ka 40 deputetë të cilët e mbështesin.

Ai saqroi se një deputet ka të drejtë të firmosë vetëm për 1 kandidat për president dhe që një kandidat të zyrtarizohet, të shkojë në protokoll dhe të vijë në seancë, duhen të paktën 20 firma deputetësh.

Burimi/euronews.al/

Vdesin Nip e Daj ne nje aksident me makin sot ne oret e para te mengjesit

No Comments Aktualitet Lajme

Andi Rrusta 25 vjeç dhe Xheku Logu 20 vjeç
Zoti i past afer vetes
Ngushellime familjeve dhe gjith te afermeve😞🙏🏻
Një aksident i rëndë ndodhi, mëngjesin e sotëm, në Rrugën e Kombit me pasojë një humbje jete dhe një i plagosur.
Një automjet tip Benz me dy të rinj nga Tropoja, po udhëtonin nga Tirana drejt Kukësit, por në afërsi të fshatit Kolsh, drejtuesi i mjetit ka humbur kontrollin dhe ka dalë jashtë rruge, duke përfunduar në greminë rreth 100 metra poshtë rrugës. Policia mbërriti në vendngjarje për hetime të mëtejshme

Burimi/Faktor.al

Elez Osmani – Kur vdekja merr krijues dhe atdhetarë të mirëfilltë

No Comments Aktualitet Lajme

Vdekja e Dalip Grecës ishte e papritur dhe tronditëse për të gjithë ne që e kemi njohur, për lexuesit e gazetës më të vjetër shqiptare në SHBA, gazetës DIELLI, për të gjithë vatranët që e kanë njohur dhe kanë punuar me të,për të gjithë miqët e dashamirët gjithandej.
Vdekja e Dalip Grecës ka krijuar atë boshllëkun e madh jo vetëm në mesin e anëtarëve të devotshëm të Federatës Pan Shqiptare Vatra, jo vetëm për lexuesit e gazetës Dielli, që nuk ndali botimin as gjatë kohës së pandemisë së Covid-19, por për të gjithë ata shqiptarë të shumtë që e kanë njohur, që kanë pi një kafe me të, që kanë ndërruar një bisedë me të, që kanë komunikuar për akëcilën vlerë kulturore me të.
Vdekja e Dalip Grecës është humbje e madhe, jo vetëm për Vatrën, jo vetëm për gazetën Dielli, jo vetëm për shqiptarët e mërgatës më të madhe në SHBA, por për të gjithë shqiptarët që kanë pasur rastin ta njohin, ta lexojnë në shkrimet e tij të shumta, edhe për figurat me peshë kombëtare, sidomos për figurat nacionaliste nga mërgata shqiptare në Amerikë, si dhe të gjithë dashamirësit e kulturës kombëtare.
Familjes se tij, Vatres dhe te gjithë atyre qe e njohën, ngushëllimet më të ndjeshme njerëzore për humbjen e anëtarit të vyeshëm dhe shumë të rëndësishëm!
Gazetës Dielli, ngushëllimet më njerëzore për humbjen e drejtuesit të kahershëm dhe krijuesit të mirëfilltë të kulturës shqiptare!

Elez Osmani Prishtinë

Burimi/Facebook/Gazeta Dielli – Faqja Zyrtare

Baton Haxhiu: Vizita e Kurtit në SHBA, turistike me taksat e qytetarëve

No Comments Aktualitet Lajme

Analisti, Baton Haxhiu e konsideron jo produktive vizitën e kryeministrit të Kosovës, Albin Kurti në SHBA.

Ai e cilësoi si vizitë “turistike” me taksat e qytetarëve të Kosovës.

“Një kryeministër që bëhet turist me taksat e qytetarëve është për të ardhur keq”, u shpreh analisti.

Haxhiu theksoi se prioritet i qeverisë së Prishtinës duhet të jetë zgjidhja e problemit me Serbinë.

Pasi në të kundërt do të vuajë pasojat për shkak të mungesës së investimeve të huaja.

“Prioriteti është qartësimi i të ardhmes sonë. Përfundimi i telenovelës së statusit të Kosovës pasi po nuk e zgjidhëm këtë askush nuk vjen të investojë në Kosovë, as gjermanët”, tha Haxhiu.

“Gjermanët për kaq vite nuk kanë investuar asgjë në Kosovë, ndërsa kanë dërguar 14 miliardë (euro) në Serbi. Gjermania që e ka sjellë në pushtet këtë njeri (Kurtin)”, shtoi ai.

Burimi/euronews.al/

Mentor Kikia – Te luajme presidentash

No Comments Aktualitet Lajme

Une nuk kam asgje me listen e kandidateve qe ka paraqitur kjo pjese e PD per president. Por nje gje nuk e kuptoj vertet. Per cfare u negociua deri tani?
Te paraqesesh nje kandidat per president mjaftojne 20 firma deputetesh dhe kete te drejte nuk e fiton me negociata, por e njeh kushtetuta.
Per te qene me seroze, opozita nuk duhet te shkoje me nje liste 10 personash, e ti thote PS-se: fusni doren ne thes e merrni ke tju zere dora, por te kishte vene gishtin tek njeri dhe te lobonte, ta mbeshteste, ta kerkonte me force.
Kjo do te quhej negociate.

Burimi/Facebook/Autori

Evi Kokalari: O budallenj, unë haja kokoshka kur erdhi Pompeo me lekët e socialistëve. Berisha nuk ka fare nevojë për të

No Comments Aktualitet Lajme

“Amerikania” e Sali Berishës, Evi Kokalari, ka komentuar sërish vizitën e ish-sekretarit amerikan Mike Pompeo, në Shqipëri.

Ajo thotë se ka folur më parë me të për Berishën dhe Pompeo i ka thënë se ai nuk kishte dijeni për dosjen “non grata”.

Kokalari vijon më tej duke thënë se paratë që paguan socialistët për vizitën e Pompeos në Tiranë, do përdoren për kauzën e konservatorëve në Amerikë.

“Oh sa naive jeni!!!

Kur individë si Taulant Balla dhe Enkeled Alibeaj fërkonin duart se do t’ju vinte Sec. Pompeo e do ta shfrytëzonin për interesat e tyre politik, unë përtypja popcorns dhe me kënaqësinë më të madhe prisja ditën që këta gjenit do dilnin bllof.

Pastaj kaq budallenj jeni që mendonit se Berishës i duhet Pompeo? Pompeo ma ka pranuar personalisht që vjet që s’e ka idenë fare për dosjen ‘Berisha’ dhe nuk do t’ja di as sot.

Vërtet mendoni që Pompeo është aq naive të bjerë për lojrat tuaja? Jo o budallenjë, ju ratë në grackë. Pompeo ja u bëri të qartë që:

  1. Kjo vizitë nuk ishte politike
  2. Që erdhi për Rezistencën Iraniane që shumë po e mbështesin këto vite. Ndërkohë ai ngriti fonde për PAC e tij.

Berisha është argëtuar po aq sa unë këto gjashtë javë. Për ne ky qe një checkmate moment dhe ju premtoj të tjera do pasojnë.

Ndërkohë, faleminderit të gjithë socialistëve shqiptarë që dhuruan fonde për të avancuar çështjen konservatore në Amerikë. Sekretari Pompeo do bëjë gjëra shumë të mirë me ato fonde,” shkruan Kokalari.

Burimi/shkodranews.com/

Albin Kurti – Dubrava është një nga ngjarjet më të zymta të gjysmës së dytë të shekullit.

No Comments Aktualitet Lajme

Ne iu referohemi dëshmive të burgosurve, librit të Enver Dugollit, rrëfimeve të Liburn Aliut, Nait Hasanit dhe sa e sa të tjerëve.
Ai burg duhet të ruhej si vendngjarja e një krimi të jashtëzakonshëm. Nuk duhet të zhdukeshin gjurmët e fishekëve të çdo lloji nëpër muret e burgut. Gjithçka ndodhi në atë ngjarje. Ashtu siç përshkruhet në librin e Enver Dugollit, “Qarku i pambyllur i burgjeve”, vdekja rrinte pezull mbi njerëzit, vdekja shtrihej anash të gjallëve, vdekja pritej të vinte nga qielli.
Dubrava është dëshmia më makabre e një pushtuesi që e ndjen se po merr fund. Ai vret me çdo mjet, dhe shtie mbi cilindo, qoftë edhe mbi të burgosurit krejt të pambrojtur. Kemi lexuar fakte të tilla në historinë botërore. Historia nuk do të ndalet së prodhuari tmerre të tilla. Fatkeqësisht do të dëgjojmë shumë shpejt për bëmat ruse në agresionin ndaj Ukrainës.
Në Dubravë, pushtuesi serb mblodhi një numër të madh të burgosurish politik. Duke e ndjerë se i erdhi fundi, nga imagjinata e tij më perverse e më gjakësore ndërtoi plotonin e ekzekutimit që zgjati disa ditë. I rreshtoi tërë të burgosurit në sheshin në fund të burgut dhe drejtoi mbi ta tytat e çdo tipi arme që dispononte, nga të gjitha lartësitë që mund të sajonte. I goditi nga jashtë mureve.
Pushtuesi në fundin e tij kishte shumë më tepër frikë se të burgosurit e çarmatosur. Ai përbënte një masë sadistësh. Me vdekjen që mbolli nuk u mjaftua. I duhej t’i vriste të gjithë të burgosurit. Nuk duhet të mbetej askush i gjallë për të dëshmuar, andaj edhe ndërmori disa ekspedita ekzekutive. E megjithatë nuk ia doli dot. Dëshmitë janë rrënqethëse, por dhe aktet heroike të disa të burgosurve që u vinin në ndihmë shokëve të tyre janë po ashtu rrënqethëse. Mbetet shenjë heroizmi ajo masë organizimi mes të burgosurve, për mbrojtje, mjekim apo ushqim. E mbi të gjitha, kur të gjallët qëndronin në të njëjtin shesh me shokët e tyre të vrarë.
Dubrava, duhet rrëfyer. Duhen lexuar dëshmitë e saj. Pushtuesi mizor nuk arriti ta përmbyllte masakrën. Dubrava duhet shpjeguar dhe duhet kuptuar edhe më mirë, sepse është krim kundër njerëzimit dhe akt gjenocidal.

Burimi/Facebook/Autori

Keze Kozeta Zylo – Mark Gjonaj sjellë Gjergj Kastriot Skënderbeun në kalë në Bronx të Nju Jork-ut

No Comments Aktualitet Lajme

Qindra shqiptare me flamuj kuq e zi dhe amerikanë, me veshjet kombëtare, me plisa dhe qylaf të bardhë në kokë vërshuan në lagjen “Arthur Avenue” e “Rescent Avenue” Bronx, një zonë e populluar nga shqiptarë.
Ishte ftesa e dërguar nga zyra e z.Mark Gjonaj që iu kishte bërë gjithë shqiptarëve për të marrë pjesë në këtë ditë të madhe kombëtare, emërimin e një rruge me emrin e Heroit Kombëtar Gjergj Kastriot Skënderbeun. Z.Mark Gjonaj është dishepull i Fan Nolit dhe Rilindas i kohëve moderne duke treguar me punë kolosale dhe tejet dinjitoze dashurinë dhe përkushtimin për Kombin shqiptar dhe Amerikën. Premtimi i tij u bë realitet dhe sot e gëzuam me duartrokitje dhe lot gëzimi emërimin e kësaj rruge duke na bërë të ndihemi shumë krenarë si shiqptarë.
Vlen të përmendet puna e përkushtuar e ekipit të tij tejet mbështetës si dhe e zonjës Vera Mjeku që punuan fort për të realizuar këto projekte madhështore.
Ja i shikoja kalorësit dhe ndjeja rrahje të forta të zemrës, në mendje më vinin vargjet e Atit të poezisë Naim Frashërit i cili i ka kënduar Kryeheroit si:
Krujë, o qytet i bekuar,
prite, prite Skënderbenë!
Po vjen si pëllumb i shkruar,
të shpëtojë Mëmëdhenë.
Ja vjen një ditë pas plot 6 shekujsh dhe Skënderbeu vjen hipur në kalë në Bronx, në Amerikë të përshëndes Mark Gjonaj dhe gjithë shqiptarët që ishin mbledhur sot aty për ta mirëpritur dhe për t’ju thënë qëndroni të bashkuar. Jini bashkë gjithmonë u tha Gjin-ave shqiptarë, sepse kështu edhe pa mua do të fitoni.
Programin e ka hapur humanisti i nderuar z.Aleks Nilaj nga shoqata Shqiptaro Amerikane “Duart e hapura”.
Hymnet Kombëtare Amerikane dhe Shqiptare u interpretuan nga mjeshtrja e madhe Merita Halili shoqëruar nga Maestro Raif Hyseni.
Aktivitetin e moderoi me kulturë dhe profesionalizëm z.Ardhmir Dula një djalë me perspektivë dhe plot të ardhme.
Me shumë duartrokitje janë mirëpritur grupi “Shqiponja” nga Arbëreshët e Italisë, të cilët e kanë ruajtur më shumë se pesë shekuj Gjuhën Shqipe. Midis të tjerash ata sollën këngën 600 vjecare: “Moj e bukura More” që këndohet si: Si të lash e më ngë të pash/ Si të lash, si të lash/ siç të gjeta ngë të lash/ Atje kam unë zotin At/ atje kam unë zonjën Mëmë/ atje kam dhe tim vëlla/ gjithë mbuluar/ nën dhe/ Ah e bukura More!
Një performancë të shkëlqyer solli artistja e shquar Dëshira Ahmeti Kerliu e cila ishte e ftuar enkas për këtë aktivitet.
Është e pamundur të flasësh për morinë e personaliteteve më të larta që morën pjesë në këtë ditë kombëtare shqiptare ata ishin të shumtë dhe folën plot respekt dhe dashuri për shqiptarët që kanë një vend të veçantë në zemrën e amerikanëve.
Nderoi me pjesëmarrjen e tij udhëheqës i shumicës së Senatit të Shteteve të Bashkuara të Amerikës Chuck Shumer, Kryetari i Bashkisë së Nju Jorkut z. Eric Adams,
z.Erion Veliaj kryetar i Bashkisë së Tiranës i cili përshëndeti plot krenari këtë aktivitet tejet të rëndësishëm.
Kryetari i Bashkisë së Nju Jorkut z.Adams tha: “Ne jemi në shtëpinë më të madhe të komunitetit shqiptar në Amerikë. Shqiptarët janë pronarë biznesesh të vogla, punëtorë të vijës së parë dhe familje punëtore që e bëjnë qytetin tonë të gjallë. Është një nder të bashkohem sot me ju për të nderuar Heroin Kombëtar Shqiptar si Gjergj Kastrioti Skënderbeun.
Letra përshëndetje erdhën nga Kryeministri i Shqipërisë z.Edi Rama letër të cilën e lexoi z.Ferid Hoxha Ambasador i Shqipërisë në Kombet e Bashkuara. Letrën përshëndetëse nga Kryeministri i Kosovës z.Albin Kurti e lexoi Konsulli i Kosovës në Manhattan z.Lulzim Krasniqi.
Në këtë ceremoni të inagurimit morën pjesë kryetari i Federatës Panshqiptare “Vatra” z.Elmi Berisha, biznesmenë të suksesshëm dhe aktivistë të shquar z.Harry Bajraktari me bashkeshorten fisnike znj.Lisa Milicaj, z.Richard Lukaj, z.Sal Rusi etj, si dhe një numër shoqatash nga gjithë New Yorku dhe më gjerë.
Program i pasur artistik
Në këtë program të pasur debutuan me plot dashuri Shkolla Shqipe “Alba Life” Ambasador i Kombit, përgatitur nga mësueset e dashura Tafaj, Krasniqi, Shiqerukaj, Hasanaj, Bulku etj, dhe koordinatorëve Xhaferri dhe Gjocaj. Debutuan gjithashtu Gëzim Nika Mjeshtër i Madh, Grupi i valltarëve “Rozafati” nga Angjelina Nika, Merita Halili dhe Raif Hyseni Mjeshtër i Madh, Denis Delia, Agron Maqellara, Barbara Dini, Arben Krasniqi, Shoqëritë Ana e Malit, Kraja, Ulqini valle grup, Shoqata “Rugova”, nxënësit e shkollës “Children of the Eagle”, Qendra Rinore Shqiptare në Greenwich etj. Arbërie Hetemi dhe Ernest Muhaxhiri, grupi i valleve Nora e Kelmendit, Bukurije Funici, Xhemi Nokshiqi Muzai, Kristina Marku, Bashkim Vushaj,, Fran Vulaj, Besim Murriqi, Faikije Zogaj, Lisa Bujaj etj…
Fëmijët u argëtuan me lodra të ndryshme sjellë dhe organizuar perfekt për këtë ditë të rëndësishme kombëtare.
Heroi Kombëtar na mblodhi të gjithëve bashkë ashtu siç e la në porosinë e fundit të tij:
QËNDRONI BASHKË SE BASHKIMI BËN FUQINË.
Se shpejti do te sjellim kroniken prane kanaleve televizive filmuar nga Valon Gerbeshi gazetar prane TV “Alba Life”, New York.
15 Maj, 2022
Pranë rrugës “Gjergj Kastrioti Skënderbeu”
Bronx, New York

Mund të jetë një imazh i një ose më shumë persona, njerëz në këmbë dhe ambiente të jashtme
Mund të jetë një imazh i 5 persona, njerëz në këmbë dhe ambiente të jashtme
Mund të jetë një imazh i 3 persona, njerëz në këmbë dhe ambiente të jashtme
Mund të jetë një imazh i 12 persona dhe njerëz në këmbë
Mund të jetë një imazh i 1 person, në këmbë dhe ambiente të jashtme
Mund të jetë një imazh i 2 persona, njerëz në këmbë dhe ambiente të jashtme

Burimi/Facebook/Autorja