Home

Lajme

Dashamir Uruçi – TAKIMI I PRIZRENIT ISHTE NJE HAP SERIOZ DREJT KUVENDIT KOMBËTAR SHQIPTAR.!

No Comments Aktualitet Lajme

Nga data 12-14 qershor,ne qytetin e Prizrenit u organizua takimi i rradhes i veprimtarve te KUVENDIT KOMBËTAR SHQIPTAR.
Erdhen perfaqsues nga vendbanimet shqiptare dhe nga diaspora.
Ne Prizren u votëbesua Këshilli Organizativ i KUVENDIT KOMBËTAR per KOSOVEN si dhe u zgjodh koordinatori I KUVENDIT per Kosoven.
U moren shume vendime te tjera me karakter te brendshem,organizativ te cilat do te mundesojnë realizimin e detyrave te Kuvendit.
Problemet e perzgjedhjes se delegatve,rezolutat e Kuvendit,forcimi e mbeshtetja financiare,bashkeveprimi ne te gjitha fushat per problemet aktuale kombetare ishin preukupacion i te gjithe pjesemarresve.
E nderuan takimin tone ne Pallatin e Kultures se qytetit, familjare te heronjve te Ushtrise Çlirimtare te Kosoves,intelektuale e patriote te dëshmuar.
Mori pjese edhe Kryetari i Komunes se Prizrenit i cili i pershendeti pjesemarresit.
Ne takim ishin te pranishëm bashkekryetaret e KUVENDIT,Arbëreshë Berisha,Petrit Aliaj,Donika Zonja si dhe koordinatorja e Pergjithshme Kozeta Zavalani.
Falenderoj me kete rast veprimtaret BESNIK DAUTI,AFERDITA SARAMATI dhe veçanarisht bashkëkryetaren ARBËRESHË BERISHA per organizimin e suksesshem te veprimtarisë.
Respekte e falenderime per te gjithe pjesemarresit e veçanarisht veprimtaret e diaspores te cilet me gjithe punet e shpenzimet e medha fluturuan drejt Kosoves e u bënë pjese e takimit te rendesishem te Prizrenit.
Suksese KUVENDIT KOMBËTAR SHQIPTAR.
Te falemnderit KOSOVË.
Dashamir Uruçi,bashkekryetar i KUVENDIT KOMBETAR për Shqiperine.
Prizren,14 qershor 2022.
Shenim:
Fotografite me disa nga pjesemarresit jane bërë tek monumenti historik, “LIDHJA SHQIPTARE E PRIZRENIT.!”

Burimi/Facebook

KALORES I URDHRIT TE FLAMURIT CIFTIT ZYLO

No Comments Aktualitet Lajme

Faleminderit z. Ilir Meta, President i Republikes se Shqiperise per dhenien e Titullit:
KALORES I URDHRIT TE FLAMURIT!
Ju jemi mirenjohes per vleresimin tuaj dhe titulln e larte qe na akorduat si President i shtetit shqiptar pas nje pune me se 25 vjecare ne sherbim te Komunitetit Shqiptaro Amerikan.
Jane mbi 50 vleresime te ndryshme nga Senati e Bashkia e NY-ut Qeverite e Shqiperise dhe te Kosoves si dhe vleresime nga mjaft shoqata e organizata te komunitetit dhe faleminderit qe i moret ne konsiderate duke na vleresuar si Presidenti i RSH se bashku me bashkeshorten e kolegen time znj. Kozeta Zylo me Titullin e Larte: KALORES I URDHRIT TE FLAMURIT.
Asnjehere ne jeten time nuk kam punuar per tituj, poste, grada, cmime etj, sepse punen dhe edukimin i kam pjese te pandashme te natyres sime. Kur je ne edukim, ose ne media, ke fatin qe cmimin me te madh ta japin nxenesit dhe publiku qe te sheh direkt me kamera ne dore, apo editime dhe transmetime ne kanalet televizive. Ne Amerike kam kuptuar se punen vullnetare ne sherbim pozitiv e cmojne mbi cdo gje dhe ky cmim mua me frymezon shume.
Faleminderit per propozimet e bera nga Shoqata Shqiptaro Amerikane “Skenderbej” me Kryetar z. Mark Qehaja dhe kryetar nderi z. Bashkim Shehu, nga ish Keshilltari ne Bashkine e NY-ut, z. Mark Gjonaj dhe nga Federata Pan Shqiptare “Vatra” me Kryetar Elmi Berisha i cili e beri te mundur qe te dekorohemi ne kuadrin e 110 Vjetorit te Vatres.
E ndaj kete vleresim jo vetem me bashkeshorten time e vajzat e mia Valbona Zylo Watkins dhe Klodiana Zylo Halsted si bashkethemeluese te TV dhe Shkolles Shqipe “Alba Life” Ambasador i Kombit, por me te gjithe stafin e shkollave shqipe ne lagjet e Nju Jorkut, Televizionit, nxenesit, prinderit, qe me perkushtim na kane mbeshtetur ne misionin tone kombetar per mesimin e Gjuhes Shqipe dhe punen si media ne Amerike.
Jua dedikoj kete TITULL prinderve te mi te urte, te ndershem dhe plot miresi, tri mbesave te mia: Dea, Saranda, Emma Liri dhe Rchard Jon qe megjithese jane te lindur ne Amerike ta ndjejne veten sa Amerikan dhe Shqiptar, te mos i harrojne rrenjet e tyre dhe ta vazhdojne me tej misionin e gjysherve.
Ju jemi perjetesisht mirenjohes per kete vleresim z.Ilir Meta President I Shqiperise, titulli eshte nje nxitje e motivim per nje perkushtim me te madh ne te ardhmen.
Me respekt,
Qemal Zylo
Themelues dhe Drejtor i TV dhe Shkollave Shqipe “Alba Life”, New York
14 qershor, 2022
New York
Photo Credit: Dritan Haxhia

May be an image of 5 people and people standing
May be an image of 5 people and people standing
May be an image of 11 people and people standing

Burimi/Facebook

Albin Kurti – Për rritjen e pagës minimale në 264 euro

No Comments Aktualitet Lajme

Lajm i mirë për qytetarët që sot Kuvendi i Republikës miratoi në lexim të parë ligjin për rritjen e pagës minimale në 264 euro dhe lirimin nga tatimi i të ardhurave deri në shumën e pagës minimale. Mbi 100 mijë punëtorë të sektorit privat përfitojnë rritje mbi 100%, respektivisht mbi 50% të pagës së tyre mujore, ndërkaq plot 380 mijë punëtorë të sektorit privat dhe publik përfitojnë prej lirimit nga tatimi i të ardhurave deri në shumën e pagës minimale. Përveç se po e rrisim pagën minimale për herë të parë pas 11 vitesh, po e rrisim atë më shumë se çdoherë tjetër më parë. Ndërkaq pragun e shkallës tatimore po e zhvendosim nga 80 euro në 250 euro.
Gjithashtu, u uroj punë të mbarë anëtarëve të sapozgjedhur të Komisionit për Autoritetin e Konkurrencës, që për herë të parë udhëhiqet nga një grua. Ky institucion ka rëndësi të madhe në mbrojtjen e konkurrencës së lirë dhe efektive në vend. Rëndësia e tij rritet edhe më shumë tani që po përballemi me një periudhë inflacioni.
E nga sot, me miratimin e Projektligjit për Provimin e Jurisprudencës, për herë të parë këtij provimi do të mund t’i nënshtrohen edhe kandidatë nga trojet tjera shqiptare, duke përfshirë ata nga Presheva, Medvegja dhe Bujanoci.

Burimi/Facebook

Ilir Meta – Dita e Dhurimit të Gjakut

No Comments Aktualitet Lajme

Në Ditën Botërore të Dhuruesve të Gjakut inkurajoj të gjithë qytetarët, në veçanti të rinjtë dhe të rejat në mbarë vendin të mposhtin indiferencën dhe t’i bashkohen kësaj kauze fisnike e humane duke u bërë dhurues të rregullt për të shpëtuar jetë dhe ndihmuar këdo që ka nevojë kritike për gjak.
Në këtë ditë të rëndësishme ndihem krenar për Aleancën e Dhurimit të Gjakut dhe kontributin e saj të qenësishëm për këtë kauzë, sidomos në kriza të vështira, si pandemia Covid-19. Falenderoj të gjithë vullnetarët që i janë përgjigjur thirrjes për të dhuruar gjak, institucionet qendrore dhe lokale, që kanë promovuar dhe nxitur në mënyrë të vazhdueshme dhurimin e gjakut, komunitetet fetare, Qendrën e Transfuzionit të Gjakut dhe mjekët e saj, që punojnë çdo ditë me pasion, për të siguruar gjak për të sëmurët në nevojë.
Mirënjohje të veçantë për Kryqin e Kuq Shqiptar, shoqatën më të vjetër humanitare në Shqiperi, që jep një kontribut të vazhdueshëm dhe që është gjithmonë e angazhuar në sensibilizimin për dhurimin e gjakut dhe përmirësimin e jetës dhe dinjitetit të njerëzve në nevojë!
Në vlerësim të kontributit 100-vjeçar të Kryqit të Kuq Shqiptar, vlerësova sot, Presidentin e parë të saj pas Luftës së Dytë Botërore, Dr. Elmaz Konjari, për angazhimin e vyer, të dhënë për ringritjen dhe veprimtarisë humanitare të kësaj shoqate.

Mund të jetë një imazh i 3 persona

Burimi/Facebook

Lugina e Preshevës është pjesë esenciale e kauzës kombëtare shqiptare.

No Comments Aktualitet Lajme

Evropa si e tërë mund të arrijë paqe dhe stabilitet afatgjatë vetëm kur shqiptarët etnikë në tokat e tyre autoktone në Luginë të Preshevës ndjehen të lirë, të barabartë, dhe ndajnë një vizion demokratik.
Liga Qytetare Shqiptaro-Amerikane (AACL), e udhëhequr nga ish-Kongresisti Joe DioGuardi dhe Shirley Cloyes DioGuardi, ka punuar sistematikisht dhe vazhdimisht për kërkesat e drejta dhe legjitime të Luginës së Preshevës për mbi dy dekada rresht.
Javën që lamë pas, Liga Qytetare aranzhoi një sër takimesh shumë të rëndësishmë në New York dhe Washington, DC, për një delegacion të liderëve politikë të Luginës së Preshevës të përbërë nga Shaip Kamberi, Deputet dhe Kryetar i PVD, Nagip Arifi, Kryetar i Komunës së Bujanocit dhe Kryetar i PD, Ardita Sinani, ish-Kryetare e Komunës së Preshevës, dhe Ragmi Mustafa, ish-Kryetar e ish-Nënkryetar (së fundi) i Komunës së Preshevës dhe Kryetar i PDSH. Vizita e tyre në SHBA u mbështet nga Qeveria e Kosovës.
Delegacioni filloi vizitën e tyre në SHBA me një takim me Ferit Hoxha, Ambasador i Shqipërisë në Kombet e Bashkuara (i cili tani udhëheq edhe me Këshillin e Sigurimit të OKB-së), si dhe me Bordin e Ligës Qytetare në New York, të dielën.
Të hënën, në Washington, DC, delegacioni i Luginës së Preshevës u takua me Kongresistin Jim McGovern, Kryetar i Komitetit Kongresional për të Drejtat e Njeriut “Tom Lantos.” Të marten, delegacioni u mirëprit në Departamentin e Shtetit të SHBA-ve nga Drejtori i Zyrës për Evropë Qendrore e Juglindore, Martin McDowell, në emër të Zëvendës Ndihmës Sekretarit dhe të Dërguarit Special për Ballkanin Gabriel Escobar (i cili atë ditë ndodhej në rajon për takime). Të mërkurën, delegacioni u takua me Sarah Arkin, përgjegjëse për Evropë në zyrën e Senatorit Bob Menendez, Kryetar i Komisionit për Punë të Jashtme të Senatit të SHBA-ve.
Bashkë me Joe e Shirley, delegacioni mori pjesë në ngjarjen e 25-të vjetore të Asociacionit të ish-Anëtarëve të Kongresit të SHBA-ve “Statesmanship Awards Celebration,” të mërkurën në mbrëmje, me 8 qershor. Në këtë ngjarje të rëndësisë se vecantë, delegacioni pati mundësi të takojë shumë kongresistë e senatorë, ndër më kryesorët, Senatorin Tim Kaine, si dhe ish-Kongesisten Arbëreshe Connie Morella. Delegacioni u shoqërua në këtë ngjarje kongresionale edhe nga Ambasadorja e Shqipërisë në SHBA, Floreta Faber.
Koha është tani që cështja e Luginës së Preshevës të marrë vëmendjen që e meriton. Mënyra moderne e spastrimit etnik nga ana e Beogradit përmes pasivizimit të adresave të shqiptarëve, vazhdimit të mungesës së zhvillimit ekonomik, si dhe rritjes së vazhdueshme të varfërisë, nuk mund të tolerohet më. Insistimi i Serbisë që të arrijë maksimumin e të drejtave për minoritetin serb në Kosovë derisa injoron totalisht edhe të drejtat më bazike njerëzore për minoritetin shqiptar në Luginën e Preshevës është një hipokrizi e kjartë e cila duhet dënuar edhe nga Shtetet e Bashkuara edhe nga Bashkimi Evropian.
Procesi i dialogut në mes të Prishtinës dhe Beogradit nuk mund të përfundojë suksesshëm përderisa kërkesat e drejta dhe legjitime të shqiptarëve etnikë të Luginës së Preshevës nuk merren parasysh.
Liga Qytetare do të vazhdojë punën e vet në përkrahje të Luginës së Preshevës dhe do të bëjë cfarëdo që duhet për t’u siguruar që vllezërit e motrat tona shqiptare në atë rajon as nuk harrohen e as nuk margjinalizohen tutje.
Gjithë të mirat,
Shirley Cloyes DioGuardi
Këshilltare për Cështje të Ballkanit.

JoeDioGuardi

Burimi/Facebook/Rilind Sehu

Mal Berisha – THIRRJE – TË DASHUR BASHKËATDHETARË TË SHTETIT TË PENSILVANISË NË SHBA! VOTONI DR. MEHMET OZ PËR SENATIN AMERIKAN!

No Comments Aktualitet Lajme

• SI U NJOHA ME DR. Dr. Mehmet Oz
Në nëntorin e vitit 2001, ndërsa punoja për Kombet e Bashkuara në Kosovë, papritmas mësova se vuaja nga një sëmundje e cila mund të më shkaktonte vdekje të menjëherëshme. Ishte një aneurizëm a aortës e cila kishte shkatërruar plotësisht funksionimin e valvolës së epërme të zemrës. Ishte kardiologu Kosovar Dr. Gani Bajraktari, i cili sapo më pa në një vizitë shëndetësore rutinë, më tha:
“Ju jeni në atë gjendje që mund të vdisni edhe tani në duart e mia. E vetmja mënyrë e shpëtimit është thika, pra zevendësimi i valvolës së epërme të zemrës”.
Dr. Ganiu, të cilit i njoh meritën që më shpëtoi jetën në atë moment, këmbënguli që unë t’i nënshtrohesha operacionit pa asnjë vonesë, domosdoshmërisht në spitalin më të afërt.
I befasuar nga kjo e papritur e ardhur nga një gjendje jo-simptomatike e mëparshme, u nisa për në Stamboll për një opinion të dytë. Atje takova miqtë e mi të dashur Hilmi Manço dhe të shoqen, gazetaren e njohur të Turkish Daily News, miken e shquar të shqiptarëve, Yasemin Dobra – Manço.
Vizita mjekësore në Stamboll doli të ishte më dramatike se ajo e Prishtinës. Tani mbetej të bëhesha operacion. Vendosa ta bëja atë në New York megjithë rrezikun që mbart’te largësia. Çifti Manço, nuk arriti të më bind’te të operohesha në Stamboll. Atherë ata më rekomanduan emrin e kardio-kirurgut më të njohur të botës së asaj kohe, Dr. Mehmet Cengiz Oz, në Spitalin Presbyterian të New York-ut, në Universitetin Columbia me të cilin ata kishin njohje të tërthortë.
• HISTORIA IME PERSONALE ME DR. MEHMET OZ QË MË SHPËTOI JETËN.
Pas dy ditësh u gjenda në klinikën e Dr. Mehmet Oz në Spitalin e zemrës të Universitetit Columbia. Sekretarja e tij, Emine hanëm, një zonjë shumë e sjellshme turko – amerikane, tashmë ishte njoftuar që nga Stambolli për gjendjen time. Ajo më tregoi menjëherë se emri im kishte arritur në zyrën e Dr. Mehmet Oz – it para meje dhe se ai do ta mbikqyrte vetë operacionin të cilin do e bënin profesorët Marc Warshawsky dhe Neloo M. Edwards.
Pas ndërhyrjes me zemër të hapur, ose me zemër në tavolinë, e cila zgjati, nuk e di sesa orë, u zgjova me një zhurmë tik-taku të një valvole prej platini në gjoks, e cila nuk ka pushuar së rrahuri që prej datës 13 nëntor 2001 deri më sot.
Kur u “zgjova”, njeriu i parë që pashë përpara meje dhe që po me kapte për faqesh ishte, kush tjetër përveç:
Dr. Mehmet Oz.
Ai më përkëdheli, më foli turqisht dhe anglisht dhe më siguroi se çdo gjë kishte shkuar perfekt.
Pesë ditët tjera në atë spital të Columbias i kalova nën kujdesin e Dr. Oz. Që prej asaj kohe e kam ndjekur me vëmendje dhe simpati karrierën e këtij njeriu, njëri nga më të suksesshmit e brezit të vet, jo vetëm në fushën e mjekësisë por edhe të medias e tanimë edhe në politikë.
• KUSH ËSHTË DR. MEHMET OZ?
Dr. Mehmet Oz ka lindur në vitin 1960. Ai është jo vetëm mjek shumë i njohur, një ndër kardio – kirurgët më të mirë në botë, por edhe shumë i njohur në botën mediatike televizive amerikane. Ai është i biri i mjekut turk Cengiz Oz, i lindur në Cleveland të ShBA – së dhe mban dy shtetësi: Për të mbajtur shtetësinë turke, që i rridhte nga babai, ai ka kryer shërbimin ushtarak në ushtrinë turke. Në profesionin e tij, ai ka marrë një numër të madh çmimesh dhe ka botuar një numër shumë të madh librash dhe artikujsh shkencorë. Ndërkohë ai njihet si një mik i Oprah Winfrey, prezantuesja televizive më e njohur në Amerikë, aktore, producente, gazetare, shkrimtare, shefe ekzekutive e medias dhe drejtuese e rrjetit mediatik me të njejtin emër. Dr. Oz ka marrë pjesë në serialin Discovery Channel. Ai është profesor emeritus në Universitetin Columbia. Meritat e këtij intelektuali amerikan janë pa fund.
• DR MEHMET OZ, POLITIKAN
Pas tërë këtyre arritjeve në fushën e shkencës, mjekësisë, kardiologjisë, medias, televizionit, filantropisë, Dr. Mehmet Oz është hedhur në tapetin e luftës politike si kandidat i Partisë Republikane Amerikane për në zgjedhjet e vjeshtës së vitit 2022, për në Senatin e Shteteve të Bashkuara. Ai e ka fituar nominimin nga Partia Republikane dhe konkuron me kandidatin e Partisë Demokrate në shtetin e Pensilvanisë.
• VOTONI DR. MEHMET OZ, PËR SENATIN AMERIKAN!
Si një mik i shqiptarëve, miqësi që unë e kam ndjerë vetë nga duart, sytë dhe puna e tij si mjek, i ftoj tërë shqiptaro – amerikanët e shtetit të Pensilvanisë të votojnë për Dr. Mehmet Oz për në Senatin Amerikan.
Ju siguroj se ne shqiptarët do të kemi një mik të veçantë në organin më të lartë legjislativ të Shteteve të Bashkuara të Amerikës.
Votoni Dr. Mehmet Oz, të dashur shqiptaro – amerikanë të shtetit Pennsylvania!
Mal Berisha

Burimi/Facebook/Autori

Ahmet Bendo – Yllkat dhe yjet e shkolles Mesonjetorja ndricuan me fort se kater yjet e Hotel Park Canoa!

No Comments Aktualitet Lajme

Diten e diel date 5 Qershor kurorezuam me sukses, pas nje pune vullnetare te kryer me pasion, mbylljen e vitit shkollor 2021-2022!
Jane té bukura eventet kulturore té prezantimit té nje libri e autorit qe shpjegon ngjarjet historike, poezine, novelen, romanin etj.
Jane té bukura po ashtu dhe dreka e darkat me miq e té aferm sado té lodhshme qofshin ato.
Keto takime té bukura jetohen për momentin e dalengadale kalojn në harrese.
Por, pergatitja e realizimi i nje programi artistik dhe dreka me femijet e shkolles Mesonjetoria Brescia si dhe prinderit e tyre, té lene mbresa vecanta e nuk mund té harrohen kurre .
Keta femije te mrekullueshem te dielen shkelqyen me shume se 4 yjet e hotel park Canoa!
Eventi u pasurua gjithashtu nga pjesemarrja e Profesor Ndue Shabaku, Skender Lazaj president i shoqates Lidhja e shkrimtareve dhe artisteve, perkthyesja e poetesha e talentuar Valbona Jakova.
Realizimi I eventit té se dieles eshte merite e punes vullnetare té ekipit didaktik té mesueseve té nderuara té shkolles té cilat kan punuar me pasion e deshire té madhe pergjate gjithe vitit shkollor .
Keto mesuese té nderuara té cilat pervec se cojne perpara familjet por gjejn kohen e mundesine, here duke ardhur dhe nga larg, qe ti japin mesim nxenesve tane.
Keto e shume arsye te tjera perse nuk mund te harrohet takimi i te dieles ne Hotel Park Canoa.
Me kete rast perfitoj te faleminderoj te gjithe te pranishmit, prinder, nxenes, poeten Valbona Jakova, Profesor Ndue Shabaku, poetin e presidentin e shoqates Lidhja e poeteve e artisteve zoti Skender Lazaj.
Falenderoj perzemersisht mesueset Silvana Tika, Elisabeta Zyka, Blerta Arapi, Leta Sulmina, Gjyla Turku si dhe zonjushen Amantia Qeveri.
Në momentin qe mbyllet nje vit shkollor menjeher mendon për vitin qe do té vi, vendos objektivat dhe planifikon realizimin e tyre.
Ankthi te shoqeron duke menduar nese femijet do té kthehen serisht e sa femije té rinj do té na bashkohen për vitin e ri.
Pavaresisht pasigurive, ne mbetemi shume optimist e besojm se ne té ardhmen do realizojm vite shkollor akoma dhe me té bukur se ato qe lam pas, si për femijet ashtu dhe mesueset.
Gjuha shqipe jo vetem qe nuk do te asimilohet por do te vazhdoje e do te kemi nje rritje te prinderve qe regjistrojn femijet e tyre në shkollen Mesonjetoria Brescia .
Ju faleminderit për vemendjen tuaj.
Presidenti i shoqates Associazione Comunità Albanese in Italia dhe Kordinatori i shkolles shqipe “Mesonjetoria” Breshia Ahmet Bendo!
Breshia: 07.06.2022

Mund të jetë një imazh i 7 persona, njerëz në këmbë dhe ambiente të brendshme
Mund të jetë një imazh i 2 persona, njerëz në këmbë dhe ambiente të brendshme
Mund të jetë një imazh i 2 persona dhe njerëz në këmbë
Mund të jetë një imazh i 9 persona, fëmijë, njerëz në këmbë dhe ambiente të brendshme
Mund të jetë një imazh i 2 persona, njerëz në këmbë dhe ambiente të jashtme

Burimi/Facebook/Autori

Aty ku janë nxënësit e shkollës shqipe është mrekullia vetë!

No Comments Aktualitet Lajme

Ditë më parë nxënësit e “Shkollës Shqipe” në kantonin e Bernës ishin pjesëmarrës në aktivitetin e organizuar nga Shoqata Humanitare “Pëllumbi i Paqes”. Në hapjen e këtij aktiviteti presidentja e Shoqatës znj. Behide Hasanaj përshëndeti të pranishmit dhe falënderoj përzemërsisht prindërit për pjesëmarrjen e tyre si dhe nxënësit për angazhimin dhe pjesëmarrjen në programin festiv të kësaj shoqate. Programin e udhëhoqi mësuese Shkëlzime Kurtaj.
Në këtë aktivitet ishin të pranishëm edhe zyrtarë Zviceran si z. Cristian Walti, z. Lüscher, znj. Sonia Cristina Oliveria dhe znj. Zara etj., të cilët folën për angazhimin e znj. Behide Hasanajt në aktivitetet humanitare në Kosovë dhe kudo në botë.
Nxënësit e Shkollës Shqipe Bern nën kujdesin e koordinatores kantonale znj. Boralda Kuçi dhe mësueseve Henrieta Lala, Shkelzime Kurtaj dhe Majlinda Shaqiri u prezantuan me recitime dhe këngë.
Këtij aktiviteti humanitar, i cili kishte kryefjalë PAQEN, iu bashkëngjiten prindërit dhe vetë nxënësit e shkollës Shqipe, të cilët në shenjë solidariteti dhuruan ndihma me veshje dhe lodra për fëmijët në zonat e rrezikuara në botë. Këto ndihma u shoqëruan edhe me kartolina përshëndetëse në gjuhë të ndryshme të shkruara nga nxënësit. Vlen të përmendet se nxënësit të cilët e begatuan programin ishin nga Shkolla Shqipe në Wittigkofen: Aron Hoxha, Aksa Haxhimehmeti, Adea Mehmeti, Arlin Sakiri, Besjon Sakiri, Eltison Maqkaj, Doa Mehmeti, Katalea Hoxha dhe nga Shkolla Shqipe Bumpliz: Azra Arifi, Diar Kurtaj, Deona Ademaj, Erina Abazi, Inara Azizi, Amina Kurtaj, Aelia Leka, Deon Ademaj, Amar Azizi, Ramon Beadini etj.
Pjesë e këtij aktiviteti ishin edhe përfaqësuesit e Ambasadës së Shqipërisë z.Valon Gashi dhe nga Ambasada e Kosovës z. Gjenis Haxhimehmeti, të cilët gjatë fjalimit të tyre iu bën thirrje të gjithë pjesëmarrësve që të angazhohen në shërbim të ruajtjes së gjuhës dhe kulturës kombëtare. Ata folën për rëndësinë dhe frekuentimin e shkollës shqipe, duke iu bërë apel prindërve që të gjithë bashkërisht të angazhohemi që në pikat shkollore të kemi sa më shumë fëmijë që mësojnë gjuhën amtare.
Aktiviteti u përmbyll me një Apero, të organizuar nga znj. Behide Hasanaj dhe miqtë e saj.

Burimi/Facebook/Shkolla Shqipe Zvicër

Dibran Fylli – “I KËNDOJME LIRISË ”

No Comments Aktualitet Lajme

Urime datëlindja Komandant – dëshmorët kanë vetëm datëlindje
KËSHTU FILLOI FESTIVALI FOLKLORIK MBARËKOMBËTAR
“I KËNDOJME LIRISË ”
Të kthehem para 22 viteve, që ta kujtoj themelimin e Festivali Folklorik Mbarëkombëtar “I këndojmë lirisë”, nuk mundem të mos e kthej kujtesën edhe më tej, shumë më përpara. Nuk mund të mos e kujtoj paraqitjen artistike dhe angazhimin maksimal të Mujë Krasniqit, në programin artistik me Trupën Artistike “Zogjtë e Shqiponjës”, të themeluar në vitin 1995, në Likofc. Nuk mund të mos e kujtoj këngën e bukur “Thërret Prizreni…”, të kënduar, me aq përkushtim e mjeshtri, nga i madhi Mujë Krasniqi. Nuk mundem edhe shumëçka pa thënë!
Dëshmorët kanë vetëm datëlindje!…”, ishte thënie e Mujë Krasniqit, bashkë me krismat e pushkës: “Ooooo, prite Adem Jasharin, more, o, heeeej!”…
Këtu, nga kjo thënie e Mujës, i ka rrënjët edhe ideja për themelimin e Festivalit Folklorik “I këndojmë lirisë”. T’i këndojmë lirisë me Mujën e për Mujën. Ta kujtojmë Mujë Krasniqin-KAPUÇIN, duke kënduar me Të e për Të, dhe, hapja zyrtare e Festivalit bëhet pikërisht, në datëlindjen e MUJË KRASNIQI, më 06 qershor, sepse Ai vet e ka thënë “Heronjtë-Dëshmorët, kanë vetëm datëlindje!”. Dhe, kështu, në vitin 2000 nisën fillet e para për themelimin e Festivalit Folklorik Mbarëkombëtar.
-Ishte mesditë. Moti ishte i mirë, njerëzit kalonin rrugës sikur atë ditë, të mos kishte ndodhur asgjë. Unë, ecja udhës, me sy të përlotur, gjë që rrallë herë më ndodhë. Ecja dhe mendoja: Athua, e di Muja, për këtë që po ndodhë në Klinë… Jo, jo, nuk është e mundur, se, Ai, do të na thoshte: “Hej, mos keni gabuar, a e dini ju se më 6 qershor e kam datëlindjen?”.
Ecja, si të isha i humbur, pa e ditur se para Pallatit të kulturës, në Klinë, isha takuar me Idriz Berishën. Flisja, e s’e dija që po flisja me dikë; fliste, e s’e dëgjoja se më fliste dikush. Edhe kjo më ka ndodhur, është e vërtetë, por, ndoshta?, edhe mund ta besoi ndokush! Atë ditë, me Idriz Berishën biseduam gjer e gjatë . Biseda zhvillohej, kryekëput, për idenë time, që të themelohet Festivali Folklorik Mbarëkombëtar “I këndojmë lirisë”, në Klinë, aty ku vetë Mujë Krasniqi kishte dhënë kontribut të pazëvendësueshëm për kulturën shqiptare. Me Idrizin, u dakorduam që t’i hedhja në letër të gjitha idetë, ta bëja një skenar, me qëllim që ta shohim sesi do të dukej, në aspektin teorik ky manifestim. Dhe, kjo ndodhi.
Dy ditë më vonë, në lokalet e Pallatit të Kulturës “Jehona e Dukagjinit”, dyert e se cilës, pas largimit të forcave okupuese serbe, ishin mbyllur me “myhyr çetniku”, kurse më 19 qershor 1999, ato dyer dhe ai “myhyr çetniku”, i hoqëm me kazmë, pa ndihmën e askujt tjetër, përveç Hazir Racit, tani të ndjerë. Aty, një vit më pas, po bëheshin diskutime, analiza e po përgatiteshin programe artistike… Në një zyrë të vogël, mbi tavolinë, i hodha të gjitha, që i kisha përgatitur për dhe rreth Festivalit. Tanimë, ishte prezent, përpos Idriz Berishës, edhe Ismet Krasniqi, e, më vonë, e ftuam edhe Gani Morinën, që të na ndihmonte për përgatitjen e një rregulloreje të punës, sipas rregullave, akteve e normave juridike.
Më vonë, në fillim vitin 2001, me iniciativën time, është thirrur një takim pune në Pallatin e Kulturës, që kishte të bënte me organizimin e Festivalit Folklorik Mbarëkombëtar“I këndojmë lirisë”, në shenjë kujtimi për Komandantin e lavdishëm të UÇK-së, Mujë Krasniqi – KAPUÇI.
Në takimin e parë ishin të pranishëm: Idriz Berisha, Ismet Krasniqi, Prend Buzhala, Rrahim Gashi, Hysni Raci, Hashim Haliti, Ramadan Selimi, Gani Morina, Halit Gashi, Zef Prenaj dhe Skënder Gashi. Pas përfundimit të takimit, u mor vendim që të ftohen të gjithë ata që me dëshirë do t’i bashkëngjitën karvanit të organizimit të kësaj feste të bukur kombëtare, si dhe u caktua takimi i radhës.
Në takimin e dytë, u caktua Këshilli Organizativ, u ndërtuan grupet punuese dhe u ndanë detyrat e secilit grup dhe individ që do të ishte në organizimin e këtij festivali.
Këshilli i parë Organizativ e kishte këtë përbërje: Dibran Fylli, kryetar, Idriz Berisha, skenograf, Ismet Krasniqi, zëvendës, Skënder Behramaj, dizajner, Rrahim Gashi, Hysni Raci, Hashim Haliti, Ramadan Selimi, Gani Morina, Zef Prenaj, Skënder Gashi, Halit Gashi, Prend Buzhala, Kamer Raci, Refki Krasniqi, Xilaje Hyseni, Skënder Raci, Brahim Fylli, Enver Marmullaku, si dhe u caktua grupi i gazetarëve që do ta njoftonin opinionin me atë që po ndodhte në Klinë; Prend Buzhala, Enver Maloku, Skënder Raci, Agron Gashi, Daut Gashi, Sadri Haxhaj e të tjerë. Me propozimin tim dhe me miratimin e KO, u vendos që vendi i parë të nderohet me Çmimin “MUJË KRASNIQI”, si dhe të disenjohet Emblema, vula dhe Flamuri i Festivalit, pastaj, me propozime, sugjerime e ide të ndryshme, u vendos për ndarjen edhe të shpërblimeve të tjera, si: Vendi i dytë dhe Vendi i tretë, Grupi më i kompletuar, Veterani i festivalit, Teksti më i mirë, Veshja më autentike, Çmimi i publikut dhe Instrumentisti-ja më i-e mirë.
Puna intensive, e palodhshme dhe plot entuziazëm, e këtyre aktivistëve të kulturës, bëri që Festivali të mbahet pa pengesa, si për nga organizimi, pjesëmarrja e grupeve konkurruese, financimi e punë tjera, që u kryen dhe zgjatën plot pesë muaj, deri te fillimi i mbrëmjes se parë garuese. Festivali i parë u mbajtë nën patronatin e Akdemisë së Mbrojtjes, Komandant i së cilës ishte Gjeneral Rexhep Selimi nga i cili kishim përkrahjen maksimale morale.
PUNA DHE ANGAZHIMI VAZHDUAN
Në Festivalin e dytë, të vitit 2002 u bënë ndryshime pozitive. Në janar të atij viti, të gjitha vendimet e Këshillit Organizativ, Flamurin, vulën, skenarin dhe dokumentet zyrtare, i dorëzuam në Zyrën Komunale për Kulturë, te zyrtari i atëhershëm, z. Idriz Berisha, dhe, me një kërkesë, iu drejtuam Kuvendit Komunal të Klinës, për zyrtarizmin e Festivalit, gjë që, më 8 prill 2002, Kuvendi Komunal, në seancën e III-të, të rregullt, mori vendim për Zyrtarizimin e mbajtjes se Festivalit Folklorik Mbarëkombëtar “I këndojmë lirisë”, në Klinë. Pas zyrtarizmit, u caktua takimi i radhës dhe u raportua për punët organizative të grupeve punuese.
Dy ditë më vonë, u mbajt takimi, në zyrën e z. Asllan Krasniqi, për zgjedhjen e Drejtorit, Sekretarit dhe Arkëtarit të Festivalit. Me kundër kandidat, me vota të fshehta dhe me shumicë votash u zgjodhën organet zyrtare të Festivalit, në këtë përbërje: Dibran Fylli, Drejtor, Ramadan Selimi, Sekretar dhe Xilaje Hyseni, Arkëtar. Pastaj, nga drejtoria e Festivalit, u vendos që të zgjidhen organet tjera, në përbërje të KO.
Në krye të Këshillit Artistik u zgjodh Ismet Krasniqi si dhe anëtarët e tjerë të Këshillit Artistik: Rrahim Gashi, Zef Prenaj dhe Nysret Kadriu, po ashtu u ngritën edhe komisione e grupe punuese, si: ai për grumbullimin e mjeteve financiare, për pritjen dhe përcjelljen e mysafirëve, për ndërtimin e skenës që do të ndërtohej para Pallatit të Kulturës, për vendosjen e publikut gjatë mbrëmjeve garuese, si dhe shumë grupe të tjera punuese, dhe, që të gjithë e kryen detyrën me nder e me përkushtim të madh, ashtu siç do kishte dëshiruar edhe vetë Komandant Mujë Krasniqi, për Klinën e tij, që po frymonte lirshëm.
PËR FUND
Festivali u mbajt shumë vite, pa prezencën time fizike, në Klinë, (dihen shkaqet). U mbajt dhe u organizua falë përkushtimit të atyre që e dinin vlerën e festivaleve, të lirisë, të luftës çlirimtare dhe të komandantëve të saj.
Kështu, Festivali Folklorik “I këndojmë lirisë” nisi hapat drejt sukseseve, ky është krejt historiku i tij, e vërteta, pa rrena! Këtu e ka datëlindjen, këtu është ideatori e themeluesi dhe këta ishin nismëtarët e tij, të cilëve u printe fryma e lirisë, të cilën ua dhuroi gjaku i Komandant Mujë Krasniqit – KAPUÇIT dhe i Dëshmorëve tjerë të kombit.
Sot, në vitin e 20 Jubilar të Festivalit isha në Çabiq. Po isha dhe pashë e çka nuk pash! Asnjë përshëndetje për ideatorin e themeluesin e Festivalit! U bë hapja e Festivalit, duke anashkaluar rregulloren që del nga statuti që Festivalin për çdo vit ta hapë një nga ushtarët e bashkëluftëtarët e Komandant Mujë Krasniqit.
Kjo do t’i bënte nder Festivalit edhe organizatorëve…nejse, unë jam këtu që t’ua sjelli ndërmend se ende jam gjallë.

KËNGË PËR FESTIVALIN

Sot e gjithë Shqipnia
U nisë për Çabiq
T’i kënoj festivalit
I këndojmë lirisë

Bash të kulla gurit
Mu në mes t’Çabiqit
Sot po jehon kânga
Pushka e Mujë Krasniqit

Tash kur Festivali
Po i mbushë 20 vjet
Kângë e Mujë Krasniqit
Armikun e vret

Sot po feston Klina
Po feston Shqipnia
Sot këtu po bashkohen
Krejt trojet e mia

Sot gjithë Dardania
Festën e ka nisë
Edhe gjithë Shqipnia
Po i këndon lirisë

Refreni
Beqa e Alia
Trimat e Shqipnisë
Asht vet Mujë Krasniqi
Simboli i lirisë.

Dibran Fylli ‘2020

Burimi/Facebook/Autori

Ilir Meta – Po ndjek me vëmendje situatën e përhapjes së zjarreve në zonën e Vlorës, veçanërisht në Ishullin e Sazanit.

No Comments Aktualitet Lajme

Me qëllim parandalimin e përhapjes së vatrave të zjarrit, që të mos përsëritet situata si në verën e kaluar, kërkoj angazhimin e plotë të strukturave vendore dhe qendrore për lokalizimin dhe fikjen e tyre në kohë sa më të shkurtër.
Duke vlerësuar parashikimet e Institutit të Gjeoshkencës për një verë të nxehtë, me temperatura shumë të larta, bëj thirrje për vënien në gadishmëri të strukturave të Ministrisë së Mbrojtjes, Ministrisë së Brendshme dhe Bashkive në të gjithë Shqipërinë, për mbrojten civile, sidomos për angazhimin e flotës ajrore, për ndërhyrjen nga ajri për fikjen e vatrave të zjarrit në zona ku është e pamundur ndërhyrja në rrugë tokësore, siç është rasti i Ishullit të Sazanit.
Njëherazi i nxis strukturat e pushtetit vendor për shtimin e vrojtuesve për të informuar në kohë dhe mbajtjen në gadishmëri të strukturave operacionale, për ndërhyrje të menjëhershme në përballimin e situatave të zjarrit gjatë muajve të verës.
I ftoj të gjithë qytetarët për të kontribuar me informacione të shpejta në të gjithë territorin e vendit për çdo rast zjarri të konstatuar, në mënyrë që strukturat përgjegjëse të angazhohen në kohën e duhur për izolimin dhe shuarjen e tyre.

Burimi/Facebook