Home

Lajme

Shpetim Zinxhiria – Pse i vrisni protestat ne Shqipëri…?

No Comments Aktualitet Lajme

Zoti drejtor i policisë edhe ato pak protesta qe behen në Shqipëri ju po i vrisni. Mos vallë në emër te Demokracisë doni të friksoni akoma më shumë dhe të mbani ne regjim frikën?
Kur kjo Shqipëri e lodhur nga diktatura e djeshme, sot po perjeton një tjetër të ngjashme.
Ju vrisni protestestat paqesore, vrisni demokracinë duke përdorur emrin e saj, por mbi të gjitha ju që drejtoni policinë po beheni vegla e politikës, duke shkelur çdo të drejtë për të protestuar.
Në emër të demokracisë ju po vrisni çdo shpresë të saj. Arrestimet tuaja ndaj protestuesve përbën një turp për vendin.
Ju që drejtoni policinë jeni për te ruajtur rendin dhe jo për te për bere ligjin. Ju shkelni te drejat kushtetuese, shkelni te drejtat e njeriut ne nje vend demokratik.
Ku ju u emeruat ne krye te detyres ju uruam me shprese për nje ndryshim ne radhet e policisë, por…?
Edhe një proteste qe behet në Shqipëri ju me urdher nga lart e vrisni…Arrestimet e paligjshme nuk janë trimëri por shkelje te te drejtave te protestuesit.
Ju vazhdoni si paraardhesit tuaj dhe nje vegel qore ne duart e një shteti qe nuk respekton te drejtat e njeriut. Protesta paqesore behen ne te gjithe boten.
Drejtor dil xhiro nga vendet fqinjë te ballkanit dhe shiko se si protestohet dhe si respektohet e drejta e protestes.
Protesta e popullit shqiptar ndaj rritjes se cmimeve nga oligarket eshte një e drejtë, ndërsa arrestimet tuaja ndaj tyre është një padrejtësi e madhe dhe përbën një turp për vendin tonë që kerkon te trokase ne BE.
Në Greqi behen tre protesta ne dite, ndërsa ne shqipëri behen tre ne vit dhe ju bashkë me qeverinë po i vrisni ato.
Sot janë fëmijët e tjetërkujt neser do te jene femijet tuaj. Ne je i pandikuar nga politika tregohe ate me pune…
Zoti ju meshirofte

Burimi/Facebook

Ka ndërruar jetë këngetari dje artisti durrsak , Qemal Kërtusha.

No Comments Aktualitet Lajme

Sipas njoftimit të nxjerrë ditën e sotme , në profilin e Teatri Aleksander Moisiu Durres thuhet :

Me hidhërim të thellë njoftojmë ndarjen nga jeta të këngëtarit dhe artistit të shquar durrsak, Qemal Kërtusha. 🕯
Homazhet për të ndjerin zhvillohen në Hollin e Qendrës Kulturore “A.Mosiu” (Teatri A.Moisiu), ditën e enjte datë 10 mars në orën 10 – 11.
Qemal Kërtusha u lind më 27 tetor të vitit 1931. Përfshihet në lëvizjen amatore artistike të qytetit qysh në vitin 1946. Në vitin 1948 është pjesëmarrës i filarmonisë shqiptare në Tiranë. Në vitin 1951 pjesëtar i ansamblit të ushtrisë. Pasi kryen shkollën e mesme në vendlindje, në periudhën 1951 – 53 studion për kanto me padagoge Artisten e Popullit Marie Kraja. Kthehet në qytetin e lindjes dhe inkuadrohet si aktor në teatrin “A.Moisiu”. Me krijimin e estradës profesioniste kalon si këngëtar profesionist dhe jep shfaqje në të gjitha skenat e vendit. Me një zë krejt të veçantë dhe me mundësi të pakufizuara vokale, diapazoni i tij shtrihet nga muzika popullore, muzika e lehtë, romancat, kënga partizane, kantata e deri tek ajo më e vështira, opera. Në vitin 1962 është pjesëmarrës i festivalit të parë të këngës në Radio, ku nderohet me çmime për të tria këngët; “Fëmija i parë”, “Vashëzo” dhe “Mos më qorto”. Më pas vijon me cmimet e fituara në shtatëmbëdhjetë festivale rresht. Në vitin 1963 ai pregatit dhe jep me sukses të parin koncert recital me këngë nga festivalet e muzikës së lehtë. Në vitin 1968 merr pjesë në operan “Bijtë e Skëndërbeut”. Duke parë vlerat e mëdha artistike dhe njerëzore të tij, në vitin 1968 i akordohet titulli “Artist i Merituar”. Është fitues i medaljeve të arta në takimet e estradave si në Tiranë, Peshkopi e Shkodër. Të bujshme kanë qenë koncertet e tij në Kosovë, Maqedoni dhe Mal të Zi, ku është pritur mjaft ngrohtësisht nga vëllezërit tanë të një gjaku.
Në repertorin e tij numërohen mbi 1000 këngë të kënduara nëpër skenat tona, apo të incizuara në Radio Tirana. Në vitin 2008 i është akorduar titulli “Qytetar Nderi” i Durrësit.

Teatri “Aleksander Moisiu ” shpreh ngushllimet me te thella dhe sinqerta familjareve dhe te afermeve . U prefte ne paqe !

Burimi/Facebook/Teatri Aleksader Moisiu – Durres

Detaje se si kosovari hyri në Kiev për të shpëtuar një 19-vjeçare, që mbeti e bllokuar nga luftimet

No Comments Aktualitet Lajme

Esat Hamiti nga Kosova, me banim në Francë, së bashku me mikun e tij, Brice Auert, kanë fluturuar drejt Ukrainës, për të shpëtuar një 19-vjeçare, që ishte nën bombardimet e Kievit.

Alina, 19-vjeçare ukrainase, kishte mbetur e vetmuar dhe e bllokuar në zonën e luftës, pasi familja e saj pak ditë më parë ishin larguar për në Francë.

Misioni i tyre për ta shpëtuar Alinën ishte miratuar nga Gjykata në Sarregueminese të Francës.

Siç raportohet nga mediat franceze, prindërit e saj dhe vëllezërit kishin ikur para disa ditëve në Francë, teksa ajo kishte mbetur e vetme në periferi të Kievit.

Hamiti është deklaruar për mediat franceze, duke përshkruar sfidat për të arritur te Alina, ku edhe kanë arritur në fund që ta shpëtojnë me sukses.

Burimi/lajmi.net/

Shoqata “Alba – Dansk” merr pjese në Konferencen e organizuar nga Federata e mjekve shqiptarë në Europë

No Comments Aktualitet Lajme

Me datën 5 mars 2022, në Kryeqytetin danez , Kopehagën ,Federata ,Mjekët shqiptarë ne Europë zhvilluan , një Konferencë, ku kishte të ftuar nga Shqipëria, Kosova e Maqedonia e veriut . Ishte dhe shefi i urgjencës kombëtare të Shqipërisë, z. Skender Brataj , Ambasadorja e Shqiperisë, Ambasadori i Maqedonisë së Veriut dhe Konsulli i Kosovës në Danimarkë. Kishte shumë mjekë nga e gjithë Europa ku muarën pjesë në këtë konferencë. U mbajtën shumë kumtesa , nga mjekë të ndryshëm. Njikohsisht pat edhe shumë pershendetje në këtë Konferencë . Një ndër ta ishte edhe Ktyetari i Shoqatës Alba – Dansk , z. Arben Hoxhaj . Z. Arben , pasi falenderoi organizatorët dhe ne mënyrë të vecantë dr. Aurora Dollenberg, për ftesën dhe organizimin e përsosur, ai u ndal edhe në kordinimin e ndihmave për spitalet në Shqipëri . Ky bashkëpunim, ishte në mes të kordinimit të organizates , Global Medical Aid, ku këta të fundit dërguan ndihma në Shqipëri, por dhe në treva të tjera shqiptare. Ai foli edhe per punën dhe vlerësimin që i është bërë Shoqatës nga institucione daneze dhe Mbretëria daneze . Në mesazhin e tij të përshëndetjes Ai i premtoi , se Shoqata që ai drejton, do të jetë mbështetje përherë e Federatës , Mjekët shqiptarë në Europë .
Në fund të këtij shkrimi, gjej momentin edhe une , si Luigj të falenderoj Dr. Aurorën për ftesen e bërë edhe në drejtimin tim , por për shkaqe shëndetësore ishte e pasmundur pjesëmarrja ime në këtë Konferencë , që do të jetë një mbeshtetje shumë e madhe për të gjithë mërgimtarët që jetojnë ne Europë dhe më gjërë , për të gjetur nje adresë ku mund të komunikojnë shqip , me këta mjek dhe të marrin përgjigje në kohë rekord . Ndaj mendoj se e gjithë kjo ka dy anë të mira, sepse Mjekët shkëmbejne eksperiencat e tyre dhe tjetra është se mërgimëtarët do të ndjehen më të lehtësuar për problemet e veta shëndetësore .

I urojmë suksese Federatës – Mjekët Shqiptarë në Europë !

Shkruar për Alba – Dansk nga Luigj Shkodrani

Ukraina gjen TRADHTARIN, arrestohet deputeti i opozitës që fotografonte lëvizjet e ushtrisë dhe ia dërgonte informacionet Rusisë

No Comments Aktualitet Lajme

Deputeti opozitar në Ukrainë, Nestor Shufrych, është arrestuar ditën e sotme, pasi akuzohet se ka spiunuar lëvizjet e ushtrisë ukrainase.

Mediat e huaja bëjnë me dije se deputeti kishte fotografuar lëvizjet e trupave dhe pikat e kontrollit në Kiev, për t’ua dërguar ato më pas rusëve.

Kujtojmë se edhe në Poloni u arretsua një spiun i Rusisë, i cili hiqej si gazetar për të patur mundësi të lëvizte lirshëm në botë dhe në zonat e nxehta të konfliktit.

Burimi/newsbomb.al/

Presidenti Zelensky i drejtohet NATO-s: Shkaktarë për vdekjet jeni dhe ju! Jeni të dobët dhe konfuzë, edhe pse keni armë të forta

No Comments Aktualitet Lajme

Presidenti i Ukrainës ka dënuar liderët perëndimorë për përjashtimin e përsëritur të vendosjes së një zone ndalim-fluturimi mbi vendin e tij. “Duke ditur se sulmet dhe viktimat e reja janë të pashmangshme, NATO vendosi qëllimisht të mos mbyllte qiellin mbi Ukrainën”, tha ai nga kryeqyteti i Kievit.

Duke folur gjatë një fjalimi televiziv drejtuar popullit ukrainas vonë në mbrëmje, Volodymyr Zelensky tha se udhëheqësit perëndimorë e dinin se agresioni rus kundër vendit kishte gjasa të rritej dhe i akuzoi ata se i dhanë Vladimir Putin licencën për të vazhduar bombardimin e qyteteve dhe qyteteve.

“Sot lidershipi i aleancës dha dritën jeshile për bombardime të mëtejshme të qyteteve dhe fshatrave të Ukrainës, duke refuzuar krijimin e një zone ndalim-fluturimi. Të gjithë njerëzit që vdesin, duke filluar nga sot, do të vdesin edhe për shkakun tuaj. Për shkak të dobësisë suaj, për shkak të shkëputjes suaj.

Sot u zhvillua samiti i NATO-s. Një samit i dobët. Një samit konfuz. Një samit që tregon se jo të gjithë e konsiderojnë luftën për liri për Evropën qëllimin numër një. Nato ka vendosur qëllimisht të mos mbyllë qiejt mbi Ukrainën. Vendet e NATO-s krijuan një narrativë se mbyllja e qiejve mbi Ukrainën do të provokonte agresionin e drejtpërdrejtë të Rusisë kundër NATO-s.

Kjo është vetëhipnoza e atyre që janë të dobët, të pasigurt brenda, pavarësisht se ata posedojnë armë shumë herë më të forta se ne”, tha presidenti ukrainas, ndërsa një mesazh pati dhe për ata që protestojnë në Europë. “Nëse Ukraina nuk mbijeton, e gjithë Evropa nuk do të mbijetojë. Nëse Ukraina bie, e gjithë Europa do të bjerë.”

Më herët të premten në Bruksel, Sekretari i Përgjithshëm i NATO-s, Jens Stoltenberg e përshkroi situatën në Ukrainë si “të tmerrshme”, por tha se forcat aleate nuk do të lëvizin në Ukrainë as nga toka dhe as nga ajri.

Zyrtarët perëndimorë kanë argumentuar se një zonë e ndaluar fluturimi do t’i detyronte avionët e NATO-s të qëllonin mbi luftëtarët rusë, duke shkaktuar potencialisht Luftën e Tretë Botërore.

Burimi/newsbomb.al/

Kusari Lila: Serbia është Rusia e Vogël në Ballkan

No Comments Aktualitet Lajme

Shefja e Grupit Parlamentar të Vetëvendosjes, Mimoza Kusari Lila, vlerësoi se Kosova siç çdo herë edhe kësaj radhe është rreshtuar me perëndimin në këtë kohë të zhvillimeve dhe agresionit rus ndaj Ukrainës.

Ajo ka folur edhe për krahasimin që në qarqe të ndryshme, sidomos asaj ruse, lufta në Ukrainë është krahasuar dhe ngritur paralele me luftën e Kosovës.

“Shumë kosovarë në memorien e tyre, e kanë luftën e vitit 1999. Situata në Ukrainë nuk ka paralele me luftën e Kosovës, siç ka pretenduar në disa raste nga Rusia”, tha ajo për emisionin n’kuvend të RTK-së.

“Faktori strategjik për Ballkanin perëndimor, duhet të jetë që edhe Kosova me kontributin e drejtpërdrejtë të jetë anëtare e plotë e NATO-s. Pra duhet të kemi reflektim për Kosovën që ajo të jetë pjesë e NATO-s, po”, tha ajo.

Për Serbinë, Kusari Lila vlerësoi se në rrethana të caktuara, ajo ka treguar se është “Rusia e Vogël”, në Ballkan. “Nuk duhet të jemi peng për integrim të Ballkanit nga një shtet pro rus, siç është Serbia”, tha ajo.(RTKlive)

Burimi/rtklive.com/

Kosova i vetmi vend në rajon dhe Evropë që nuk ka gazetë të shtypur ditore

No Comments Aktualitet Lajme

Ariana Kasapolli, Radio Kosova

Kosova është i vetmi vend në rajon dhe Evropë që nuk ka gazetë të shtypur ditore. Zhvillimi i teknologjisë, vështirësitë financiare të kompanive mediale, sidomos në kohë pandemie, janë faktorët që kanë ndikuar në shuarjen e medieve tradicionale.

Imer Mushkolaj, duke folur për Radio Kosovën tha se për fat të keq, Kosova është i vetmi vend në Evropë që nuk ka gazetë të shtypur. Shkaqet, sipas tij, janë të ndryshme por nuk duhet harruar fakti se shpërndarja e madhe e internetit respektivisht kur kjo kombinohet me moshë shumë të re të popullatës në Kosovë, rezultati është ky që është.

‘’Kjo shkakton një problem duke e pasur parasysh gjithnjë që një pjesë e konsideruar e popullsisë mund të mos ketë qasje të drejtë në internet dhe në këtë formë ata janë të privuar nga e drejta e informimit. Nuk po them që ata nuk mund të informohen përmes burimeve të tjera por u mohohet e drejta që të lexojnë gazetë’’, tha ai.

Deri para rreth dy vjetësh në Kosovë, sipas Mushkolaj, janë botuar katër gazeta ditore: “Koha Ditore”, “Epoka e Re”, “Zëri” dhe “Bota Sot”. Por, në muajin mars të vitit 2020, në kohën e pandemisë këto gazeta u ndërprenë së botuari pas vendosjes së masave kufizuese nga qeveria e atëhershme, për parandalimin e përhapjes së COVID-19 .

Qytetarëve vazhdon t’u mungojë gazeta e shtypur. Ata thonë se e kanë pasur rutinë pirjen e kafes së mëngjesit me gazetën ditore që ata e kanë përzgjedhur. Tash nuk është njësoj. Gjithçka ka kaluar online.

Afërdita nga Prishtina ka dhënë mendimin e saj për Radio Kosovën lidhur me atë se a i mungon shtypi ditor i botuar.

‘’Patjetër që më mungojnë shumë, sepse ma kthejnë një nostalgji kur jemi ulë me pi një kafe dhe kemi lexuar gazetën ditore. Së fundmi kur kam udhëtuar, kam marrë gazeta ditore dhe i kam lexuar për ta shuar atë nevojën e leximit, të prekjes së gazetës. Më kishte marrë malli. Tash gjithçka online, përfshirë edhe librat’’, tha ajo.

Në vitin 2009, vetëm një vit pas shpalljes se pavarësisë, në Kosovë janë botuar tetë gazeta ditore, të gjitha në gjuhën shqipe.

Në një hulumtim të Institutit të Kosovës për Hulumtime dhe Zhvillim Politikash (KIPRED), realizuar në vitin 2010, thuhet se tetë gazetat ditor (“Koha Ditore”, “Kosova Sot”, “Express”, “Epoka e Re”, “Bota Sot”, “Info Press”, “Zëri” dhe “Lajm”), kanë pasur tirazh mes 25.000 dhe 35.000 kopje. Ky numër në atë kohë ishte vlerësuar tejet i ulët në krahasim me popullsinë e përgjithshme (2.1 milionë banorë). Në atë kohë, tre në pesë njerëz lexonin një gazetë ditore, sipas hulumtimit.

Burimi/rtklive.com/

SHBA bën lëvizjen e papritur, i bllokon Putinit arkën me 630 miliardë dollarë

No Comments Aktualitet Lajme

SHBA ndërmori veprime të menjëhershme të hënën për të ndaluar transaksionet me bankën qendrore ruse në dollarë amerikanë dhe për të bllokuar plotësisht fondin e investimeve direkte ruse, thanë zyrtarë të lartë të administratës.

Hapat kanë për qëllim të parandalojnë Rusinë nga aksesi në një “fond të ditëve me shi” që zyrtarët thanë se Moska priste të mbështetej gjatë pushtimit të Ukrainës. Në vend që të përdorë rezervat për të zbutur rublën në rënie, Rusia nuk do të jetë më në gjendje të përdorë fondet që mban në dollarë amerikanë.

Sanksionet e reja gjithëpërfshirëse, të marra me Gjermaninë, Francën, Britaninë e Madhe, Italinë, Kanadanë, Bashkimin Evropian dhe të tjerë, vijnë pasi ekonomia e Rusisë është tashmë në rënie të lirë.

“Asnjë vend nuk është prove për sanksionet,” tha një zyrtar i Shtëpisë së Bardhë. “Arka e luftës e Putinit prej 630 miliardë dollarësh në rezerva ka rëndësi vetëm nëse mund ta përdorë për të mbrojtur monedhën e tij, veçanërisht duke i shitur ato rezerva në këmbim të blerjes së rublës.”

“Pas veprimeve të sotme, kjo nuk do të jetë më e mundur, dhe fortesa e Rusisë do të ekspozohet si një mit.”

Në një telefonatë me gazetarët të hënën në mëngjes, një zyrtar i lartë i administratës tha se masa ishte “kulmi i planifikimit dhe përgatitjes së qeverivë tona në kanalet teknike, diplomatike dhe politike, duke përfshirë në nivelet më të larta”.

“Ne ishim gati dhe kjo është ajo që na lejoi të vepronim brenda ditëve, jo javëve apo muajve nga përshkallëzimi i Putinit”, tha zyrtari.

“Strategjia jonë, për ta thënë thjesht, është të sigurohemi që ekonomia ruse të shkojë prapa për sa kohë që Presidenti Putin vendos të vazhdojë me pushtimin e tij në Ukrainë”, tha një zyrtar i dytë i lartë i administratës.

Në një përpjekje për të zbutur ndikimin e sanksioneve mbi konsumatorët e energjisë amerikane dhe evropiane, Departamenti i Thesarit do të përjashtojë shumicën e transaksioneve të lidhura me energjinë nga sanksionet.

Burimi/shqiperiasot.al/

Pse Edi Rama sërishmi mbron Open Balkan në favor të aleatit rus, Serbisë!

No Comments Aktualitet Lajme

Enver Bytyçi
Edi Rama foli dje nga Lushnja për Open Balkan. E mbrojti me fanatizëm këtë iniciativë të Aleksandër Vuçiq dhe madje ngriti në qiell votën serbe në OKB kundër invazionit rus në Ukrainë. U duk se mungonte kjo votë për ta rikthyer në vëmendje e në këmbnguljen e tij Open Balkan-in e Sorosit, iniciativë që e mbron aq shumë edhe anti-Sorosi, Richard Grenell?!
Kryeministri i Shqipërisë duket që mësë shumti është trembur nga agresioni i Vladimir Putin në Ukrainë për shkak të dështimit të Open Balkan, sesa për shkak të rrezikut rus në Ballkanin Perendimor. Ndërkohë ai ende beson se “Serbia nuk është më aleate e Moskës”! Para disa ditësh tha se nuk i dinte lidhjet e Beogradit me Kremlinin, ndërsa pas votimit të rezolutës në OKB nga ana e Serbisë hoqi dorë nga ajo që mësoi për qëndrimin pro-rus të presidentit dhe qeverisë serbe.
Nëse Edi Rama do të kishte mbrojtur me kaq pasion interesat e Shqipërisë e të Kosovës, siç mbron me entusiazëm adoleshentësh një votë spekullative serbe kundër luftës në Ukrainë, shqiptarët do të ishin tashmë jashtë çdo mundësie të ndikimit dhe rrezikimit të interesave të tyre nga Serbia dhe Rusia. Por jo! Ai bën të kundërtën. Mbron me këmbngulje e vendosmëri iniciativat dhe interesat serbe në rajon, me qëllim promovimin e Beogradit si aleat të Perendimit! Edhe pse vetë miku i tij, Vuçiq, e demanton, kryeministri i Shqipërisë vazhdon ta mbështesë pa kushte imazhin pozitiv të Serbisë.
Pak orë pas Edi Ramës, po dje mbasdite, presidenti Aleksandër Vuçiq deklaroi se pavarësisht votës kundër luftës në Ukrainë Serbia mbetet aleate e Rusisë. Ai refuzoi sërishmi që të përkrahë sanksionet europiane dhe amerikane kundër Moskës. Tha se nuk do të lejojë furnizimin me armë të Ukrainës përmes territorit të Serbisë. Tha se nuk do të ndalojë fluturimet ruse në hapësirën serbe. Dhe u ankua se Perendimi dëshiron ta anëtarësojë Kosovën në NATO. Madje shkoi deri atje sa të aludojë që Perendimi dëshiron ta largojë Rusinë nga Këshilli I Sigurimit, e me këtë hap të anëtarësojë Kosovën në OKB!
Shkurt ato që tha Rama disa orë më parë në Lushnjë i përgënjeshtroi brutalisht si-vëllai i tij në Beograd. Kaq e thjeshtë është loja e demantuar e Open Balkan-it të kryeministrit tonë. E keni parë si çirret dhe kërcënon kur flet për Open Balkan?! E ka tmerr dështimin e kësaj iniciative, megjithëse ajo është dublim dhe zevendësim i Procesit të Berlinit. Edhe Grenell mbështet Open Balkan thjesht për shkak të rolit të Gjermanisë në Procesin e Berlinit! Ndërsa Rama e ka bërë këtë proces dalje me kohë. Të dyja këto iniciativa promovojnë lirinë e lëvizjes, qarkullimin e lirë të mallrave, tregtinë e lirë, pikërisht ato objektiva që kanë përcaktuar Serbia, Maqedonia dhe Shqipëria për Open Balkan. Por zgjedhja e Beogradit, Tiranës zyrtare dhe Shkupit zyrtar nuk është Procesi i Berlinit! Eshtë procesi i Novi Sadit!
Pikërisht kjo qasje ka bërë që politika shqiptare të jetë e përçarë dhe mosbesuese. Kundërshtarët e Open Balkan shtohen çdo ditë. Dje është shprehur kundër tij gjithashtu kryetari i Parlamentit të Maqedonisë, Talat Xhaferri. Opozita në Shqipëri ka përgatit një rezolutë për ta refuzuar dhe hedh poshtë Open Balkan, duke argumentuar se iniciativa të tilla nuk mund të ndërmerren e përkrahen nga qeveria shqiptare me një vend aleat të Rusisë në kushtet kur Kremlini ka sulmuar ushtarakisht një vend të pavarur! Ndërsa për ta kundërshtuar këtë argument, Edi Rama ngre në qiell aktin formal e mashtrues të Beogradit për votën e Serbisë pro-rezolutës në OKB! Këtë votë Rama e përdor me intrigën e nxjerrjes në pah të meriave të tij! Ndërkohë ai ka mbyllur dyert e parlamentit, sepse nuk dëshiron të përballet së paku para 6 marsit me opozitën reale të këtij vendi!
Megjithatë ai e Aleksandër Vuçiq e kanë arritur qëllimin minimal të iniciativës së Procesit të Novi Sadit dhe Beogradit! Kanë arritur ta përçajnë klasën politike shqiptare jo vetëm në Kosovë, por edhe në Shqipëri e Maqedoninë e Veriut. Kosova është thuajse e unifikuar në qëndrimin e vet kundër Open Balkan. Në kushtet e luftës në Ukrainë u shuan edhe zërat e Behgjet Pacollit e të socialdemokratëve destruktivë të Prishtinës pro tij. Në Maqedoninë e Veriut zërave kundër iu shtua ai i kreut të Parlamentit. Në Tiranë opozita e vërtetë e vendit, pra ajo e Komisionit të Rithemelimit të PD-së, është në aksion politik kundër iniciativës serbe! Dhe kjo po ndodh për herë të parë! Presidenti i Shqipërisë, Ilir Meta është gjthashtu kundër Open Balkan!
Për pasojë duhet thënë se Edi Rama me mbështetjen e patericave politike të tij po luan kalin e Trojës së Serbisë për përçarjen e faktorit politik shqiptar në Ballkan. Këtë objektiv e nisi me angazhimin që pati para patër vitesh e deri në vitin 2020 për ndryshimin e kufijve dhe ndarjen e Kosovës. Të gjithë e dimë sesi punoi me pasion kundër interesave të Kosovës dhe e përçau ekstremisht skenën politike shqiptare!
Ky është misioni dhe kjo është puna më e mirë që di të bëjë Edi Rama: Përçarja! Të tjerat s’kanë më rëndësi për të. Prandaj dhe është i përzgjedhuri dhe i preferuai i përhershëm i politikës së Beogradit! Por uji po shterron në mullirin e tij! Shpejt do të ikë edhe Aleksandër Vuçiq dhe Ramës nuk i mbetet partner tjetër për aventurën e tij anti-shqiptare e pro-serbe!

Burimi/Facebook