Home

Lajme

Ismet Azizi: Sanxhaku duhet ta gëzojë një autonomi speciale, substanciale, mbështetur mbi të drejtën e Vetëvendosjes

No Comments Intervista Lajme

Në emisionin “Bisedë në Studio” të TV-Diellit, studiuesi, veprimtari dhe profesori, Ismet Azizi ka folur për krahinën e Sanxhakut, ( të Pazarit të Ri, apo Jeni Pazarit) historinë e kësaj treve dikur të banuar me shumicë shqiptare, rezistencën gjatë shekujve kundër robërisë turke, austro-hungareze dhe sllave, për masakrat që kanë kryer veçmas serbët prej vitit 1912 e deri në vitin 1945, dëbimet masive të popullatës shqiptare dhe boshnjake për në Turqi, shpërnguljet e kësaj popullate në Kosovë, Shqipëri, Bosnje e Hercegovinë dhe tërë një kalvar historik që kanë përjetuar mbi kurriz sanxhakasit, dhe që ka lënë pasoja të rënda për banorët e kësaj krahine, e cila ende është e ndarë në mes të Malit të Zi e Serbisë dhe nuk gëzon një status special.

Veprimtaria idealiste e studiuesit, Ismet Azizi, në zbardhjen e historisë së Sanxhakut, në ndriçimin e së kaluarës së kësaj treve autoktone, publikimi i shumë shkrimeve e monografive shkencore, të dëshmuara e të argumentuara në fakte dhe burimet historiografike, kanë ndikuar edhe në sensibilizimin në rritje të Çështjes ende të pazgjidhur të Sanxhakut.

“Sanxhaku, është një krahinë që ndër shekuj ka krijuar dhe ka ruajtur një identitet autentik dhe multietnik, me banorë të përkatësive të ndryshme etnike, gjuhësore dhe fetare. Një Entitet që ka dhënë edhe emra të rëndësisë së veçantë jo vetëm për rajonin e Ballkanit por edhe më gjerë.

Studiuesi i zellshëm dhe mjaft i frytshëm, Ismet Azizi, qysh në kohën e studimeve në mesin e studentëve të krahinës së Sanxhakut kishte filluar interesimin e tij për këtë trevë, e cila gjeografikisht në të kaluarën kishte ndarë Serbinë okupatore, me korridorin e saj, që e lidhte Vilajetin e Kosovës me Bosnjën e Hercegovinën.

Përveç angazhimit të tij publicistik, publikimeve të shumta me referenca të pasura shkencore, komunikimin intensiv me intelektualët e politikanët e Sanxhakut si dhe me pjesëtarët të popullatës së asaj krahine, pavarësisht origjinës së tyre, ai me disa bashkëveprimtarë në vitin 2016 ka themeluar edhe Shoqatën, “Kosova për Sanxhakun”, e cila gjatë këtyre viteve, edhe pse pa ndonjë përkrahje të duhur institucionale ka zhvilluar një aktivitet intensiv në sensibilizimin e Çështjes së Sanxhakut, duke marrë një përkrahje të jashtëzakonshme edhe nga veprimtarët dhe personalitetet e njohura të Sanxhakut por edhe të Kosovës, Shqipërisë e më gjerë.

Në gjurmimet dhe studimet e tij për Sanxhakun, Ismet Azizi ka ndriçuar veçmas njërin ndër personalitetet më të njohura të kësaj treve, sikur ishte Aqif Blyta, për të cilin ka shkruar dhe ka botuar një monografi dokumentare, historike, të materializuar me burime të shumta shkencore, që hedhin dritë mbi jetën dhe veprën e Aqif Blytës, familjes së tij, rrethit të tij shoqëror, politik e diplomatik dhe angazhimit idealist e përparimtar për ruajtjen e kompaktësisë territoriale të Sanxhakut, sidomos gjatë Luftës së Dytë Botërore. Aqif Blyta pa dyshim se radhitet në mesin e personaliteteve të rëndësishme shqiptare në përgjithësi e në veçanti të Sanxhakut, të cilit ia kishte kushtuar edhe jetën. Për shkak të veprimtarisë të tij në ruajtjen e Sanxhakut gjatë viteve 1941-1945, ai ishte akuzuar nga partizanët e Titos se kishte bashkëpunuar me forcat italo-shqiptare e gjermane dhe ishte pushkatuar.

Studiuesi i zellshëm dhe veprimtari idealist, Ismet Azizi, mbështet një autonomi speciale për Sanxhakun, ashtu sikur edhe shumica e sanxhaklijve, në krye me Sulejman Ugljaninin dhe forcat e tjera përparimtare e atdhetare, të cilët besojnë se çështja e Sanxhakut duhet të merret në trajtim ndërkombëtar për shkak të faktorëve të shumtë dhe gjendjes që mbretëron në këtë rajon, por në radhë të parë për shkak të problemit të pazgjidhur politik të këtij rajoni multietnik, por me shumicë fetare islame dhe me prirje të natyrshme për afrim me Bosnjën e Kosovën, më shumë se me Serbinë e Malin e Zi ortodoks.

Ismet Azizi ka folur edhe për kontributin që kanë dhënë sanxhaklinjtë në luftën e Bosnjës dhe të Kosovës, gjatë viteve 90-të, për lidhjet që inteligjencia e këtij rajoni ka mbajtur dhe mbanë me këto dy shtete, për raporte të mira me popullatën serbe e malazeze, që jeton në Sanxhak, por jo edhe raporte në nivelin e duhur të mirëkuptimit, drejtësisë e barazisë me Serbinë e Malin e Zi të cilat pretendojnë se Sanxhaku është pjesë e këtyre dy shteteve dhe kundërshtojnë çfarëdo statusi të mëvetësisë së Sanxhakut, rajon i cili ka një histori autentike, ka pasur mëvetësi vetëqeverisëse vendore, rajonale gjatë kohës së Perandorisë Osmane, madje edhe në Vilajetin e Kosovës, deri në vitin 1912, ka pasur autonomi nën regjimin italo shqiptar, në vitet 1941-1945, ka qenë i përfshirë si njësi e veçantë specifike territoriale, në Mbledhjen e Dytë të AVNOJ-it, por më pas politika hegjemoniste serbe e Beogradit me Aleksander Rankoviqin, Milovan Gjillasin, Peko Dapçeviqin e të tjerë, Sanxhakun jo vetë që e zhveshi nga çdo mundësi për autonomi, por ushtroi një politikë të ndjekjes, izolimit, dëbimit të popullatës së Sanxhakut për në Bosnje, Kosovë e Turqi, duke mos lejuar perspektivë zhvillimi, as arsimimi, me qëllim për pastrim të qetë etnik të popullatës myslimane të këtij rajoni.

Me shkatërrimin përfundimtar të Jugosllavisë deri në qershor të vitit 1999 u zgjidhen shumë çështje, ish republikat e RSFJ-së u bënë shtete, Kosova fitoi pavarësinë, ndërsa çështje e sanxhakut mbeti e pazgjidhur. Po jo vetëm kjo, nuk është zgjidhur as çështja e tri komunave të Kosovës Lindore, e Vojvodinës, e krahinës së Timokut e banuar kryesisht me vllehë e të tjera.

Ismet Azizi ka deklaruar në TV-Dielli se Shoqata, “Kosova për Sanxhakun”, kërkon zgjidhje paqësore, politike, të problemit të kësaj krahine. Nëse në bisedimet Kosovë Serbi hapet edhe çështje e kufijve apo e shkëmbimit të territoreve, doemos se kjo do të shprehej edhe te popullata e Sanxhakut, e cila pavarësisht së kaluarës historike dhe krejt të afërt me shqiptarët, është lidhur me shumë me Bosnjën edhe për faktin se popullata është më e lidhur me boshnjakët si për nga gjuha, kultura, feja tradita, por po kështu Sanxhaku ka lidhje jo vetëm nostalgjike me Kosovën dhe me Vilajetin të cilit dikur i takonte.

Ekziston një lidhje, veç tjerash edhe në pikëpamje fetare e kulturore Bosnje, Sanxhak, Kosovë, Maqedoni. Pavarësisht paragjykimeve të paqëndrueshme fetare, të cilat madje cilësohen edhe si ekstremiste fetare, dihet se shqiptarët përgjithësisht e veçmas ata të Vilajetit të Kosovës, kanë ruajtur dhe kanë restauruar lidhjet e moçme të shqiptarëve me sanxhaklinjtë por edhe boshnjakët, madje edhe me popujt sllavë, derisa nuk ishin instrumentalizuar e manipuluar nga politika antishqiptare e nacional shovinizmit serb.

Gjatë tërë kohës së sundimit të Jugosllavisë, qoftë ajo monarkike, më vonë socialiste e komuniste, fati i shqiptarëve të Kosovës dhe i sanxhaklinjëve ka qenë i njëjtë në shkallën e diskriminimit, dhunës, asimilimit, dëbimit apo edhe shpërnguljes për në Turqi dhe të gjitha aksioneve, që kishte ndërmarrë ish RSFJ, apo Serbia e Milosheviqit dhe që kishin për qëllim dëbimin e asimilimin jo vetëm të qetë e gradual të këtyre popullatave, por edhe të dhunshëm e virulent.

Studiuesi dhe njohësi i jashtëzakonshëm i Sanxhakut, Ismet Azizi deklaron se puna e shoqatës, “Kosova për Sanxhakun” duhet ta zgjerojë fushë veprimtarinë në drejtim të sensibilizimit të kësaj çështjeje edhe në Shqipëri, pasi si vend mëmë i shqiptarëve në kushtetutën e vet obligohet të kujdeset për shqiptarët kudo ku janë, pavarësisht numrit të tyre, edhe pse popullata shqiptare në Sanxhak tani është e katërta me radhë, e cila krahasuar në numrin nga vitet 1941 1945, ka rënë në mënyrë rapide edhe për faktin se sanxhakasit sllavë-folës nuk kanë pasur të drejtë të regjistrohen, si shqiptarë.

Sanxhaku kërkon atë që i takon, autonominë speciale, pse jo edhe substanciale, sepse nuk është tokë serbe as malazeze, por tokë e vetë sanxhaklinjve shumicë, të cilët nuk janë serbë as malazezë, (edhe pse nuk kanë asgjë kundër tyre), as kundër pranisë së tyre në rajonin e Sanxhakut, pavarësisht se shumica janë kolonë. Por duke qenë me shumicë popullatë e besimit islam, si identitet fetar e kulturor, popullata duhet të vetë përcaktohet, sidomos nëse vjen deri te ndërrimi i territoreve mbi baza etnike.

( Bisedën në studion e TV-Diellit me veprimtarin e studiuesin, Ismet Azizi e zhvilloi, profesor, Ahmet Qeriqi)

Prishtinë

19.6. 2020

Burimi/radiokosovaelire.com

Intervistë me kryetarin e komunës Gostivar , z. Arben Taravarin

No Comments Intervista Lajme

Sic është bërë tashmë traditë , që dy ditë në javë në radio Projektin 21, janë të ftuar intelektualë dhe specialistë të ndryshëm, por dhe artistë të ndryshëm , ku paraqesin jetën dhe aktivitetin e tyre . Këtë të premte të datës 5 qershor ishte i ftuar Kryetari i komunës së Gostivarit z. Arben Taravari i cili përcolli jetåen e tij që nga mosha fëmijrore e deri në ditët e tashme , shkollimin dhe aktivizimin e tij në ndihmë të popullatë në profesionin e mjekut , ku tregoi që punën e parë në jetën e tij e kishte nisur në një kam refugjatësh që kishin ikur nga lufta në Kosovë dhe pastaj në një spital ne Maqedoninë e Veriut , ku një ditë në javë ai kontribonte për te sëmurët , cdo të merrkurre nga ora 08 – 16 pasdreke .

Ai për nje kohë kishte kryer edhe detyren e Ministrit të shëndetësisë , ku kish marrë një s¨re reformash në shëndetësi . Pas detyrës së Ministrit , ai ishte caktuar si kryetar i Komunes Gostivar , detyrë që e ushtronte edhe sot .

Njëkohsisht Ai është edhe Sekretar i përgjithshëm i partisë – Aleanca për Shqiptarët , por dhe shef i fushatës zgjedhore . Ajo cfarë na bëri përshtypje ishte që mund të jetë ndër të vetmit kryetar komune , që cdo muaj ai raporton , cdo para të harxhuar nga buxheti i Komunës , gjë që nuk e kemi dëgjuar më parë , por krahas kësaj Ai , nuk shkonte me makinën e shtetit në punë , por në këmbë , por dhe të gjithë nënpunsit e tjerë të komunës bënin të njëjtën gjë .

Këto janë njerzit që i duhen shqiptarisë , me këto njerëz ecet përpara e jo me ato që nuk lënë gjë pa vjedhur nga fontet e shtetit , por dhe nga fonnde të tjera e nga qytetarët e thjeshtë . Me këto njerës si z. Arben, fitojnë qytetarët , por fiton edhe shqiptaria .

Z. Arben i urojmë suksese në detyrën e tij si Kryetar Komune , por dhe urime në zgjedhjet e ardhshme të Aleancës për Shqiptarët !

Për Radio Projektin 21 – Luigj Shkodrani

Bëri BUJË në rrjet/ Deputeti që jeton në shtëpi të rrënuar sqaron aplikimin për bonus qiraje: Ju rrëfej keqkuptimin për ‘fëmrat’ dhe uiskin (INTERVISTA)

No Comments Intervista Lajme

FotoMontazh: Deputeti Kostaq Papa dhe shtëpia e tij e rrënuar në Sarandë
Ilir XHAFAJ për Newsbomb.al

“Ne kemi një deputet, Kostaq Papën, ka hedhur një ditë shtëpinë e tij, është si ato shtëpitë e Thumanës.” Kështu u shpreh ditë më parë deputeti Murrizi, kur i doli në mbrojtje kolegut Kostaq Papa, shtëpia e të cilit realisht është e shkatërruar. Vetë deputeti i ka vënë në dispozicion newsbomb.al foto nga shtëpia e rrënuar në fshatin Sopik të Sarandës.

Në një intervistë për newsbomb.al, zoti Papa është shprehur se shtëpinë në fshatin Sopik e ka ndërtuar për prindërit të cilët nuk jetojnë më, me paratë e mbledhura nga emigracioni, por që zyrtarët lokalë sipas tij dhe një firmë që kryen shpërthime me eksploziv ja kanë rrënuar.

“Shtëpia është dëmtuar rëndë nga veprimet abuzive të shtetarëve e komunarëve dhe nga minat e fuqishme që hedh një firmë gurore në këmbët e prapme të fshatit. Kjo firmë korrupton nënpunësit për aktivitetin dhe minat e paligjshme që hedh”, u shpreh deputeti Papa.

Sipas tij, firma Kalivioti SHPK është denoncuar dhe nga banorët e fshatit Sopik sepse me aktivitetin e saj ka dëmtuar mbi rreth 40 shtëpi, prej të cilave 3 janë gati të shembura. Zoti Papa thotë se pavarësisht komuniteti i atjeshëm është ngritur në protesta e ka bërë dhe peticione, nga autoritetet nuk ka pasur asnjë reagim.

Ka qenë pikërisht rrënimi i shtëpisë së tij nga firma Kalivioti SHPK që e ka detyruar deputetin Papa që të aplikojë për bonusin e qirasë. “Firma Kalivioti SHPK duhet bllokuar se po shemb fshatin më të vjetër të Shqipërisë! Pra Tranzicioni po më shkatëron këtë shtëpi të mundimeve të mia”, tha ai në një intervistë për gazetarin e newsbomb.al Ilir Xhafaj, ndërsa tregoi se dhe në diktaturë regjimi i kishte shembur shtëpinë ku lindi.

“Ndërsa Diktatura, kur isha fëmijë më shembi shtëpinë ku linda, nga më të mëdhatë në jug duke hedhur në rrugë familjen tonë 8 anëtarëshe, e na çoi si në internim në një kasolle në fund të fshatit”, përmbylli ai.

Të ardhurat e vetme për zotin Kristaq Papa, siç pohon vetë ai, janë vetëm ato që i jep funksioni si deputet i Kuvendit të Shqipërisë.

Në fokus të intervistës së gazetarit të newsbomb.al Ilir Xhafaj, nuk mund të mos ishte dhe deklarata e zotit Papa në Kuvend “për fëmrat”, e cila sipas tij, është keqkuptuar dhe është nxjerr nga konteksti qëllimisht sepse për të gruaja shqiptare meriton respekt.

“Dashakeqësia dhe keq interpretimi ishte thjeshtë një zhurmë nga të korruptuarit sepse kërkova kontrollin e tenderave koruptiv të viteve të fundit. Zhurmës ju bashkuan dhe ata që menduan se u bë deti kos e që mendojnë se ne me ndjeshmëri të lart, nga zhurma mund ta lëmë Atdheun pa legjislativ, sidomos në këto ditë të vështira që po kalojmë si Komb”, u shpreh deputeti Kostaq Papa.

Në intervistën për newsbomb.al, deputeti Kostaq Papa foli dhe për nisjen e sezonit turistik në Sarandë, pas pandemisë, qytet i cili sipas tij do të bëhet promotor i turizmit dhe argëtimit për pushuesit dhe turistët e shumtë që e zgjdhin si destinacion për pushimet verore.

Më poshtë, intervista e plotë e deputetit Kostaq Papa, për gazetarin e newsbomb.al Ilir Xhafaj:

1- Zoti Papa, si fillim uroj të jeni mirë familjarisht në këto ditë të vështira për të gjithë ne. Doja t’ju pyesja për mbledhjet online të Kuvendit në këtë periudhë pandemie, si ka qenë për ju dhe deputetët e tjerë kjo formë takimi të themi?

-Faleminderit! Uroj dhe ju të jeni mirë dhe ju. Cilado forma e realizimit të mbledhjeve, ne e kemi detyrim ti përgjigjemi detyrës për të realizuar funksionimin e Parlamentit, sidomos në kohë të vështira siç është periudha e pandemisë e që ka shtuar dhe më hallet e popullit dhe kombit tonë. Forma e realizimit online po realizohet me sukses e ndikon të jepen mendime konçize.

2- A mendoni se kjo formë takimi dhe diskutimi është aq efikase sa mbledhjet në Kuvend?

-U përgjigja më sipër. Kjo formë po ja arrin qëllimit. Komisionet e Kuvendi janë funksionalë e u përpunuan shumë projektligje e akte normative për 3 seancat e fundit plenare.

3- Zoti Papa, ditët e fundit ju keni publikuar në profilin tuaj pamjet e një shtëpie të rrënuar, si qëndron e vërteta e kësaj shtëpie? Deputeti Murrizi ju ka mbështetur publikisht për këtë kur ka thënë se jo të gjithë deputetët janë hajdutë.

-Është e vërtetë. Shtëpia ime që ndërtova në vendlindje për prindët e sëmurë që tani nuk jetojnë më, e ndërtova dhe për veten sigurisht, me të ardhura nga emigracioni disa vjeçar. Shtëpia është dëmtuar rëndë nga veprimet abuzive të shtetarëve e komunarëve dhe nga minat e fuqishme që hedh një firmë gurore në këmbët e prapme të fshatit. Kjo firmë korrupton nënpunësit për aktivitetin dhe minat e paligjshme që hedh.

Ka dëmtuar rreth 40 shtëpi, 5-7 puse gjeodezik privat i ka shteruar, rreth 3-4 shtëpi janë gati në shëmbje e disa familje braktisën shtëpitë nga ndotja e madhe që shkakton në mushkëri e frymëmarrje, asëm, bronshite e probleme të tjera.

Firma Kalivjoti shpk duhet bllokuar se po shemb fshatin më të vjetër të Shqipërisë! Pra Tranzicioni po më shkatëron këtë shtëpi të mundimeve të mia.

Ndërsa Diktatura, kur isha fëmijë, më shembi shtëpinë ku linda, nga më të mëdhatë në jug duke hedhur në rrugë familjen tonë 8 frymë, unë djali i vogël i shtëpisë, e na çoi si në internim në një kasolle në fund të fshatit!

Kolegun Murizi e falenderoj për mbështetjen. Unë jam betuar në flamur; nuk kam prekur e nuk do të prek asnjë qindarkë para publike!

4- Në marrje të mandatit ju keni aplikuar për bonusin e qirasë, a ka qenë shtëpia e rrënuar arsyeja?

-Sigurisht kur aplikova për bonus qiraje, shtëpia ishte e rrënuar dhe vazhdon Firma Kalivjoti Shpk të rrënoi me minat e forta që hedh, dhe pse fshati Sopik i Sarandës ka bërë disa protesta, petecione e kallzim penal ndaj saj e që shteti të marrë masa por dhe firma të riparojë apo rindërtojë shtëpitë e sopiqotëve.

Ne i kërkuam Parlamentit për të aplikuar për apartamente sociale konform ligjit e që paratë publike mos të bëheshin qira apartamentesh por të bëheshin apartamente për familjet e deputetëve të ndershëm e të varfër.

5- Po aktualisht ku jetoni, ju dhe familja juaj?

-Unë kam jetuar në shumë qytete të Shqipërisë por vendbanimin e kam në qytetin e Sarandës, ku 3-4 vitet e fundit të jetës familjes time dhe zyrtarisht ju bashkua nëna ime 80 vjeçare si antare e thjeshtë.

Në fakt në dokumentat civile unë nuk figuroj i martuar. Por në konceptin real e në respektin që kam për familjen si qeliza e shoqërisë dhe e Kombit Shqiptar, jam i martuar publikisht! Veç se për arsye të gjendjes ekonomike e goditjeve që na bënte militantizmi shtetëror partiak, jetonim shumë vite në distancë; unë në Tiranë e Sarandë dhe familja me 2 fëmijë të mitur në Shqipërinë e Mesme.

Prej vitit 1988 de fakto jetoj në Tiranë por pa shkëputur asnjëherë lidhjen me Vendlindjen time në Jugën e Bardhë, me qytetin tim të bukur në brigjet e Jonit.

6- Me çfarë te ardhurash jetoni dhe sa ka ndryshuar në këtë aspekt jeta juaj nga momenti që u bëtë deputet?

-Jetoj me të ardhurat që më jep funksioni Deputetit. Sigurisht që jeta ime është përmirësuar. Por ende vazhdoj të shlyej pasojat e viteve të kaluara kur nuk isha në punë dhe pse bëj pjesë në njerëzit më të shkolluar të Shqipërisë e sigurisht në njerëzit e ndershëm.

Sa grumbulloj ca lekë, bëj diçka ose shlyej diçka, por ende jemi larg asaj që si familje të bëjmë një jetë normale e me mjedise të rregullta familjare.

7- A del rroga e një deputeti për të përballuar shpenzimet e jetës së përditshme?

  • Sigurisht që del, por ende kam probleme nga vitet e kaluara dhe gjendja ime familjare e social-ekonomike!

8- Zoti Papa, ish-kryeministri Berisha ka qenë një zë i fortë opozitar në Kuvend, ulësen e të cilit e keni zënë ju. A mendoni se dhe angazhimi juaj aq i fortë sa ai i ish-kryeministrit?

-Mos u përpiqni të bëni krahasime që nuk bëhen! Si një politikan i pastër dhe si pjesë e Oratorisë Shqiptare jam një zë i fuqishëm opozitar në Parlamentin Shqiptar dhe zëri i vetëm Kombëtar në Parlament sepse vetëm fjala ime prek probleme kombëtare e çështje brenda dhe jashtë kufijve të Republikës së Shqipërisë në Trojet Etnike, në Kosovë, në Iliridë, në Malësi, në Kosovën Lindore Preshevë, Bujanovc e Medvegjë, në Çamëri; në Emigracion, Mërgatë e Diasporën Shqiptare.

9- Një nga fjalimet tuaja më të komentuara ka qenë ai kur ju thatë një batutë për gratë, mendoni se deklarata juaj është keqinterpretuar? Pra, që opinioni publik nuk e kuptoi thelbin e asaj që ju keni dashur të tregoni në të vërtetë.

-Padyshim që fraza e shkëputur nga konteksti u keqkuptua e u keqkomentua. Respektoj shumë gjininë femërore, sepse të gjithë kemi lindur nga një grua, nga një nënë!

Ndaj ta mbrojmë gruan shqiptare e kujdo niveli qoftë ajo! Sepse ajo sjell në jetë antarët e rinj të brezave të Kombit.

Dashakeqësia dhe keq interpretimi ishte thjeshtë një zhurmë nga të korruptuarit sepse kërkova kontrollin e tenderave koruptiv të viteve të fundit. Zhurmës ju bashkuan dhe ata që menduan se u bë deti kos e që mendojnë se ne me ndjeshmëri të lart, nga zhurma mund ta lëmë Atdheun pa legjislativ, sidomos në këto ditë të vështira që po kalojmë si Komb!

10- Në CV tuaj personale keni përmendur disa aktivitete kombëtare dhe ndërkombëtare, mund të na i shtjelloni ato?

-Prej vitesh jam Kryetar i Partisë Emigracioni Shqiptar (PESH) dhe Përfaqësuesi Politik i Emigracionit Shqiptar, kështu që shumica e aktiviteteve tona janë aktivitete kombëtare e ndërkombëtare. Jam pjesmarrës në shumë Kongrese, Konferenca, Simpoziume etj Kombëtare në Shqipëri e Troje Etnike por dhe në aktivitete ndërkombëtare të këtij niveli ku në shumë prej tyre kam thënë fjalën time të drejtpërdrejt e cila është pritur me interes!

Jam autor i shumë librave për çështjen kombëtare, një pjesë janë botuar.

I diplomuar në Fakultetin e Agronomisë në Korçë dhe në Fakultetin e Drejtësisë në Tiranë, në mënyrë të rregullt. Njoh disa gjuhë të rajonit. Kam kryer 3 vjet të grupuar Doktoraturën në Fushën e të Drejtës Ndërkombëtare, para pak kohësh por për arsye financiare ende nuk kam përmbyllur procesin.

11- Për ta mbyllur zoti Papa, ju jeni deputet i Tiranës por keni lindur në Sarandë, qytet i cili është shumë i preferuar dhe i frekuentuar nga rinia në sezonin e verës ku përveç plazheve, një pjesë të rëndësishme të argëtimit e zënë dhe klubet e natës, të mbyllur nga qeveria. Çfarë propozini ju që jeta e natës të rinisë sërish në qytetin bregdetar?

-Në fakt kam lindur në Sopik të Sarandës në lindje të Butrintit, që është nga fshatrat më të mëdhenj, më historik e më të vjetër të Shqipërisë e ku shumica absolute i përkasin ortodoksisë kombëtare shqiptare dhe pse aty veprojnë ca kulisë për ti shndërruar fshatarët e mi në numëror topi e gjallesa në oborr të fqinjëve grabitqarë!

Ëndërra ime e fëmijërisë ka qënë Tirana, ku kaloja në vitet e shkollës gjithë pushimet verore e dimërore me gjyshërit nga mamaja. Dhe ja arrita të punoj përditë me pasion e përkushtim për të mirën e Tiranës dhe popullit të saj, gjumi nuk më zë kur prek familjet në lagjet e varfëra!

Banesa ime simbolike dhe adresa ime është në qytetin e Sarandës ku kam shoqëri e miqësi.

Me gjithë kohën e vështirë të pandemisë, besoj e shpresoj që qyteti im buzë Jonit, Saranda ashtu si gjithë Shqipëria do e kapërcejnë këtë situatë e them se vera me plazhin dhe turistët/pushuesit do të vijë. Sigurisht do të ketë disa rregulla që do mbahen për të mirën e jetës së popullatës, në jetën e përditshme, në plazh e në argëtim.

Shpresoj që Saranda dhe bregdeti i saj të bëhen premotore e rinisjes së jetës turistike e të argëtimit; mjedisi ku rinia të gjej vetveten, në kondita të reja. Saranda është një perlë e qytetarëve të saj por dhe e gjithë Kombit Shqiptar, sidomos pushuesit e Trojeve Etnike e preferojnë shumë. Tiranasit po e po! Saranda është e do të mbetet Kryeqyteti i Verës. E dua shumë qytetin tim që këto ditë më mungon.

FOTOT E SHTËPISË SË RRËNUAR TË DEPUTETIT KRISTAQ PAPA, NË FSHATIN SOPIK TË SARANDËS:

96019417_170704780926556_2501474616313118720_n.jpg
96157936_673474026825684_7529944725000814592_n.jpg
96013032_235077277722518_1559906867499499520_n.jpg
96080678_2587377628194642_1101015136912539648_n.jpg

Burimi /newsbomb.al/

Z.Joseph Dioguardi dhe z.Shirley Cloyes DioGuardi, në radio Projektin 21

No Comments Intervista Lajme

Ditën e premte te datës 1 maj 2020 , për herë të parë në Radion tonë , ishte një intervistë e vecantë , me një njeri të Madh të Shqiptarisë dhe me një zonjë të nderuar , që të dy së bashku kanë bërë një binom të shkëlqyr, për të mbrojtur të drejtat e Shqiptarve e këta ishin ,z.Joseph Dioguardi dhe z.Shirley Cloyes DioGuardi,që mbrojtën të drejtat e shqiptarëve në Kongresin dhe Parlamentin Amerikan, duke u bërë me dije që ky popull i vogël në Ballkan , duhet të mbeshtetet dhe të përkrahet me cdo kusht dhe me cdo mjet , sepse janë një popull , qe nuk ka dashur kurrë luftë. Ky popull gjithë historinë e tij , ka mbrojtur tokat e veta me gjak . Ishte Dioguardi inisiatori për rrëzimin e komunizmit në Shqipëri, ishte ai i pari shtetas amerikan , që pas 52 vjetës viziton Shqiperine dhe ishte Ai, qe mori nga udhëheqi i asaj kohe , Ramiz Alia , dokumentacionin e plotë për mbrojtjen dhe strehimin në Shqipëri të mijra Hebrejve dhe ai e paraqiti edhe në Kongresin amerikanë duke treguar kolegve të tij , se kush janë ky popull i vogël , me emrin Shqiptar .

Por ai u përballe me shumë probleme të ndryshme që kishin shqiptarët . Ai ndihmonte edhe në Amerikë shqiptarët që kishin nevoja të ndryshme . Nuk u ndal duke e njohur këtë popull të vogël , duke e bërë të njohur në të gjitha Kanceritë e Botës . Ishte Dioguardi , Ai që u përball me kryebishën e Ballkanit për , Milloshevicin , ku vetë Milloshevici e deklaroi në Gjykatët e Hagës , që Dioguardi ishte njeriu kryesor , qe ndikoi në bombardimin nga Nato të Serbisë për të dhënë lirinë Kosovës. Jo pa qëllim edhe populli e kanë quajtur me plot kuptim me emrin e madh Skenderbeu i Shqiptarve.

Nëse Skenderbeu luftoi me shpatë për të cliruar popullin e tij , i Madhi Dioguardi luftoi me pene dhe me Dipllomaci për ti dhënë popullit shqiptar lirinë dhe Pavarsinë . Ai dhe z.Shirley Cloyes DioGuardi nuk u ndalen pë asnjë minut për cështjen shqipëtare . Edhe pse sot në pension , ato nuk ndalen për asnjë minut .

Edhe në radio Projektin 21 , ato shpalosen një pjesë modeste të asaj asaj pune të madhe që kanë bërë. Me shumë modesti ato folën edhe në intervistë me Moderatorin Luigj Shkodrani , duke treguar , aspekte të ndryshme të jetës së tyre.

Në fillim z. Dioguardi Foli për fillimet e tij dhe prejardhjen Shqiptare, ai bëre prezent fillimet e babait të tij në Amerikë dhe më vonë se si u lidhën me shqiptarët e athershëm në Amerikë. Por foli dhe për inisiativën, për të krijuar Ligen Qytetare Shqiptaro – Amerikane .

Por njëkohsisht edhe z.Shirley Cloyes DioGuardi , tregoi fillimet e saj dhe njohjet me shqiptarët , por dhe për kontributin e saj , në Shqipëri , në Kosovë dhe kudo ku është kërkuar ndihma e saj. Ajo është një Shote Galicë, sic e prezantoi z. Dioguardi që në hyrje të intervistës !

Gjatë intervistës kishte shumë mesazhe nga i gjithë bota, ku vlerësonin , kontributin , që ka dhënë Liga Qytetare , Shqiptaro – Amerikane , me Kryetarin e saj z. Dioguardi dhe Keshilltaren për cështjet e Ballkanit z.Shirley Cloyes DioGuardi .

Kjo intervistë u vlerësua nga shumë kritikë si intervista e parë ku z. Dioguardi dhe z.Shirley Cloyes DioGuardi , ju dha mundësia të thonin mendimin e tyre deri në fund, sepse u tha në mesazhet e tyre , në shumë media të tjera , ju është shkurtuar , deformuar, por nuk ju është dhënë koha e mjaftueshme për tu shprehur . Të gjitha kët thenie për këtë intervistë na bëjnë ne shumë optimistë, meqë jemi media e parë , qe ju kemi krijuar këtë mundësi shprehjeje !

Shpresojmë që z. Dioguardi dhe z.Shirley Cloyes DioGuardi, do ti kemi dhe herë të tjera në valët e radio Projektit 21 !

Edhe për mua që isha Moderator i programit dhe intervistues i tyre , ishte një nder dhe krenari për mua, ishte një ënderr që falë edhe bashkëpuntorve, që e mundësuan këtë ardhje të tyre në radio , u realizu kjo ëndërr e imja. Falenderimi im shkon për Kordinatorin – Labinot Shala , z.Sab Gashi dhe z. Agim Alickaj , Anëtar i Bordit Ekzekutiv i Ligës Qytetare Shqiptare – Amerikane .

Më poshtë po përcjellim intervistën e plotë në video …

Për Radio Projektin 21 – Luigj Shkodrani

Vehbi Halili , avokat dhe rapsod në valët e Radio Projektit 21 !

No Comments Intervista Lajme

Në pjesën e dytë të programit të ditës se premte të datës 17 prill 2020 të orës 22.30 , bashkëbiseduam me Avokat Vehbi Halili , por avokati ishte edhe nje Rapsod i lindun , sic e pohoi ai gjate bisedës së tij ! Sot kemi plot këngëtar biznesi , që vec kopjojnë dhe deformojnë muzikën e mirëfilltë shqiptare të përcjellur brez pas brezi nga sharkia. Historitë shqiptare i gjen në këngën me sharki . ai foli për fëmijërinë jo të mirë që kish patur , tregoi që i kishin vrarë babanë dhe njerëz të tjerë të familjes, por ai kish vazhduar shkollimin e tij për tu bërë dikushi në jetë dhe me shumë vështirësi dhe i persekutuar nga regjimi serb, që në ushtri , që nuk pranonte të përshëndeste eprorët në gjuhën serbe , por ajo ndikoi edhe gjatë shkollimit të tij dhe deri dhe në universitet, ku dhe vetë shokët e universitetit distancoheshin nga ai , se gjoja ai ishte kundra regjimit, por cfarë ishte me e keqja se në mesin e tyre kishte edhe shqiptarë , qe nuk po ju a ceki emrat – deklaroi avokati , te cilët sot janë në detyra kyce në institucionet shtetërore . Por unë eca me forcat e mija edhe kur mu dhanë pyetjet , të gjithë kishin nga 4 , mua mu dhanë dhe tre ekstra , por unë ju përgjigja jo vetëm të katërta , por dhe të tre të tjerave te tjera dhe profesorët u habiten . Por z. Vehbiu vazhdoi jetën dhe doli dhe avokat dhe sot ai ëstë në mes të Kosovës dhe Gjermanisë. Ai ka zyrë në Prishtinë , por dhe punon në Gjermani , në detyrën e avokatit . Por ai për dëgjuesit zbuloi edhe një pasion të tijin që e kish ndjekur nga fëmijëria , atë të Rapsodit , ku ai kishte në repertorin e tij 150 kënge të kënduara me sharki , ku për dëgjuesit solli tre këngë të tilla , të kënduara live me sharkinë e tij, ku e mirrte me vete ngado nga shkonte . Dhe kështu u mbyll edhe kjo mbrëmje më mysafirët e të premtes mbrëma, për tu takuar përsëri me mysafirë të tjere të dielen e datës 19 prill 2020.

Për radio Projektin 21 – Luigj Shkodrani DK

Hasan Zeneli – Bashkeluftari i pare i Zahir Pajazitit

No Comments Intervista Lajme

Të premtën e datës 17 prill, i ftuari i radhës ishte bashkëluftëtari i parë i Dëshmorit të ardheut , Zahir Pajaziti , z. Hasan Zeneli . Z. Zeneli pasi bëri prezantimin e tij , ashtu sikur të gjithë mysafirët e tjrë që vinë në radio Projektin 21, bisedën e tij e filloi me krijimin e celulave të para guerile e më vonë në grupe dhe fjalët e tij ishin shumë emocionuese për të gjithë ne që po e ndiqnim atë bisdë aq të ngrohtë dhe aq të sinqertë. Ai na tregoi me detaje për takimet e para në mes te Dëshmorit te kombit Zahirit dhe të tij dhe si rrjedhen ngjarjet deri tek aksionet e para guerile . Ai i përcillte ato me ditë , me orë cka e bënte edhe më të besushme cdo gjë cfarë ai fliste dhe tregonte, sepse në cdo kohë përcillte emrat me të cilët kish qënë gjatë një aksioni dhe vendet ku kish shkelur e ku kish kaluar. Tregonte dashurinë që populli i priste dhe i përcillte, i ruante kur ata pas cdo aksioni kërkonin një vend për të pushur, disa orë. Tregonte njëhere z. Hassan se natën kish kaluar në një bahce të mbjellur me speca dhe Hasani edhe kishte uri , por edhe etje dhe merr dy copë speca nga ajo bahce dhe kur shkojne diku nja 100 metër i thotë Zahir Pajazitit – Shoki merri njërin spec , se i mora dy tek bacja dhe Zahir kthehet dhe e shikon shtrembër dhe i thotë – Po ti edhe hajn , na u bëre a ? – Jo ja kthen Hasani , por kisha etje dhe uri dhe dy speca janë burre, nuk janë hajni. Po me astë egërsi ja kish kthyer – Ktheju dhe lene atje ku i mori, ne nuk kemi dalë të vjellim , por ti clirojmë popullin nga shkau, nëse ti nuk i kthen , me mua nuk ke punë më , sepse sot ti vjell dy speca e neser vjell një arë të tërë. Vjell një bankë, hajnia fillon me pak e pastaj bëhet e madhe – tregon Hasani nga ajo cfarë Zahiri i kish thënë. Kjo tregon atë pastërtinë e këtyre njerzve kur e filluan luftën se ishin bij të popullit dhe donin ta clironin atë nga një armik i eger që gjakun ju a kish pirë.

Më pas ai tregoi dhe për krijimin e UCK , cilat ishin takimet e para dhe ku u bëne dhe cilët ishin personat e parë që morën pjesë . Pastaj ai u ndal edhe në disa aspekte të luftës për clirimin e Kosovës dhe zhvillime të tjera. Më pas tregon për pabesine dhe dekonspirimin e grupeve , ku një pjesë e tyre përfundojnë në burgjet serbe për akuza të ndryshme të vendosura sipas institucioneve serbe në Kosovë. Kishte provuar tortura, por dhe kishte provuar plumbat ti shpojnë trupin. Ai mirrte pensionin sot të invalidit të UCK , ku për Radio Projektin ai deklaroi se shumë prej atyre që paguhen më shumë se ai në kohën e luftës kanë qënë në Gjermani e Zvicër e sot kanë pension më të lartë se unë që kam qënë në mesin e flakve të luftës për liri e pavarësi të Kosovës.

Kur e pyeta se cili është mendimi për kolegët tuaj që gjinden sot në burgjet e Maqedonisë së Veriut z. Hasan , ndalet dhe emocionohet shumë , zëri i meket dhe thote – E ndje cdo cdo minut të ditës e të natës veten shumë keq, kur ato shokë të mij të luftës dergjen në burgjet e Maqedonisë të tradhëtuar e të prerë në besë nga vetë shqiptarët . Kjo është ajo më e dhimbshmja !

Për Radio Projektin 21 – Luigj Shkodrani

Bisede me Avokat Danny Shaqe dhe aktivisten Arta Hysi !

No Comments Intervista Lajme

Nje mesazh i ardhur nga një mike e inja në facebook , ku më zugjeron që njeh një zonjë në Londër , që në kë situatë të rëndë Pandemie të Convid 19 , po ndihmojnë pensionistë dhe familjarë dhe shqiptarë që janë pa letra në Angli , për ti ndihmuar nga vetëvetja kë njerëz që kanë shumë nevojë për ndihmë. Menjëhere pranova dhe i kërkova që të më lidh me të. Më ka tërhequr gjithmonë humanizmi , më ka shoqëruar në të gjithë jetën time edhe në keto momente që po hedh këto rrjeshta nga tastatura e kompjuterit . Askush nuk më detyron as të mbaj radion, por as të bëj këto shkrime , për këto mysafir që vinë cdo të premte dhe të diele ne programin e radio Projektit 21 . Më pëlqen kjo gjë dhe e bëj me shumë kënaqësi !

Pasi z. Arta më vuri në dijeni dhe lamë dhe oren se kur do të fillojmë bisedën , ajo më sugjeroi që të kishim edhe një avokat , që punonte pranë Gjykatës së lartë , por që ishte një humanist i jashtëzakonshëm ! Menjeherë e pranova me kënaqësi më të madhe , por kërkova ndjesë se koha ishte e limituar, sepse kisha mysafirë të tjerë në rallë .

Dhe kur filluam bisedën ishte kënaqësi me të vërtet të komunikoje me këta dy njerëz të mirë ! Biseda me ta ishte shumë e ngrohtë , ato me shumë pasion flisnin për atë cfarë po bënin në këto ditë të vështira për shumë bashkëatdhetarë tonët në Britaninë e madhe ! Por ato ishin shumë optimist dhe të pandalur në ndihmën që do ti jipnin edhe në ditët në vazhdim. Duke parë këtë kontribut të këtyre njrzve të mirë u ishin bashkuar edhe një numër i madh personash , që sejcili nga buxheti i tyre , dërgonin ndihma tek ata që kishin më shumë nevojë. Por krahas ndihmave ata kishin krijuar një lidhje interesante , për ata bashkëatdhetarë që do të kishin nevojë për ndihmë mjekësore , kishin gjetur një mjek shqiptar , ku ai ishte treguar i gatshëm që të afrojë ndihmën e tij në këtë drejtim . Avokat Danny , një njeri që kishe kënaqësi të komunikoje me të se përcillëte vetëm mirësi , ai kish sakrifikuar detyren e tij , si e si që ti ndihmojë njerzit që kishin nevojë për letra apo cdo gjë tjeter , ai shpesh ndihmonte edhe pa para. Kishte vënë numrin e tij në dispozicion në rrjetet sociale , që tu gjindej në ndihmë atyre që do të kishin nevojë për te ! Akte të tilla humane takon rallë në këtë botë të eger , ku njeriu për njeriun është kthyer ne ujk . Këto njerez duhen vlerësuar nga ne të gjithë dhe u duhet dhënë nderimi që ata meritojnë vërtetë.

Z. Arta tregoi për nismat e marra nga pjesëtarët e këtij grupi humanitarësh , se si ata shkonin market më market për të blerë sepse ushqimet nuk jipen me shumicë, por u duhet që të shetisin shumë për ti kompletuar ato paketa familjare. Jo vetëm që paguanin nga xhepi, por dhe i blinin dhe i dërgonin deri në adresën e nevojtarit ! Valle a nuk janë vepra të mira këto dhe a nuk duhen përgëzuar këto njerëz të mrekullueshëm , që rrogën e tyre e ndajnë me të tjerët në këto ditë të kësaj lufte të fsheftë që po merr jetë njerzish !

Ajo tegon se kanë hapur nje faqe në facebook ku njerëz që kanë nevojë mund të shkruajnë aty , nevojat e tyre dhe mund të lenë një numer telefoni për të komunikuar dhuruesi me ta . Mund të kisha folë me ta me orë të tëra për të trguar historitë e këtyre njerzve heronj të ketyre ditë të vështira që po kalon krejt globi, por koha e limituar më detyroi ta ndërpres bisdën për tu takuar një herë tjetër dhe folur më gjatë për humanizmin e tyre ! Atë mbrëmje ishin mesazhe të shumta që vinin nga dëgjues të radios , por dhe nga pjesëtar të këtij grupi , qe falenderonin mysafirët që unë kisha në program !

Në fund të ketyre shenimeve , dua dhe unë nga zemra ti falenderoj , në emër te stafit të radio Projektit 21, për humanizmin e tyre !

Për radio Projektin 21 – Luigj Shkodrani

Danimarke me 13 prill 2020

Familja Rrugeja ne interviste ne radio Projektin 21 !

No Comments Intervista Lajme

Mbrëmjet e të premteve dhe të dielave , sa vinë dhe bëhen shumë interesante, sepse vinë mysafirë nga më të ndryshmit, që dëgjuesit e kësaj radioje për 18 vite aktivitet , nuk i kishin dëgjuar historitë e këtyre shqiptarve, sepse media është ka kaluar në një grup njerzish, që nuk duan të sjellin të vërteten e hidhur të kombit, por atyre u intereson mbajtja mirë me “eprorët” e tyre dhe lënë pas dore , ato që vërtet i kanë kushtuar gjithë jetën e tyre kombit dhe atdheut të tyre ! E tillë ështe dhe familja Rrugeja , nga qyteti i demokracisë , Kavaja . Ishin të parët vëllezrit Rrugeja që e ngritën zërin , kundër diktaturës komuniste , ku ata pësuan shumë për nje periudhë , derisa një ditë thuhet se erdhi demokracia, por a erdhi vallë vërtet demkracia . Familja Rrugeja nuk është e kënaqur me këtë tip demokraciet , që na afruan pasuesit e atyre që shkuan. Z. Rexhep thotë se demokracinë ne e menduam ndryshe , ku secili të respektohet në bazë të asaj që përcjell dhe jo një grup njerzish të vjellin dhe të bëhen të pasur ! Ai nuk e ka menduar në këtë mënyrë dhe shpreh hapur mos pajtimin e tij me këtë sistem që po sundon Shqipërin . Luftuam thotë Ai për ditë më të mira , por ato nuk dihet se kur do të vinë , vetem nëse populli rrëzohet dhe vinë një brez tjetër , të rinj që kanë studiuar jashtë. Ai tregon se është i paspunë , ka patur një bisnes të vogël , por dhe ai u mbyll.

Kur e pyet se a je i respektuar nga shteti , me shumë dhimbje të thotë – jo fare , por vetëm qyteti im , me ka shpall “Qytetar nderi ” i Kavajës . Tek bisedon me të kupton dhimbjen dhe brengosjen e këtij njeriu dhe kur i kthehesh viteve te 90 `dhe mendon keqëtrajtimet që i janë bërë dy vëllezërve Rrugeja në birucat e errta të sigurimit të diktaturës së egër dhe cnjerzore të vjen shumë keq , kur sheh këtë zhgënjim prej tij . Pyetjes se a keni dësirë të largoheni , ai tregon se mu desh të largohesha për të ruajtur kokën time dhe familjen, sepse ishim gjithë kohën nën kërcnim. Por u ktheva për të jetuar këtu në vendin tim , se për këtë luftova edhe pse situata nuk është e mirë, por shpresojmë se ditë më të mira do të vinë .

Më pas biseda kalon tek vajza e tij Gresida , një vajzë shumë e talentuar . Ajo që në paraqitjen e parë të saj din të paraqesë kulturën që ka fituar nga prinderit e saj , por din te sjelle para degjuesve edhe inteligjencen e saj të lartë . Ajo merret me krijimtari poetike ! Poezite e saja përcjellin situatën në të cilën kaloi babai i saj dhe krejt familja Rrugeja . Por Gresida ka një dashuri të pakufishme për kombin dhe atdheun dhe poezia e saj ka motivet nga atdheu. por ajo është e njohur edhe me histotoritë e kombit të saj , ajo shkruan edhe për Komandantin Legjendar , Adem Jashari, sepse lufta dhe sakrifikimi i tij dhe i familjes , ka zgjuar shumë interesin e kësaj vajze , që dhe babai i saj , ka sakrifikuar vetën dhe familjen që Ajo dhe fëmijët e tjerë të mbarë Shqipërisë të jetojnë në paqe dhe të shkollohen në universitetet më të mira të botës si dikur gjyshrit e tyre para vitit 44 `. Pastaj Gresida na sjell për dëgjuesin e radio Projektit , dy nga poezitë e saj , të shkruar aq bukur ! Në fund ajo shpreh mirënjohjen e saj të madhe që ju krijua një kohë që të fliste në një radio diaspore ! Kë u ndamë me Gresiden dhe babain e saj Rexhepin, por për tu takur përsëri kur Griseda të botojë librin e saj të shtatë !

Në emrin tim dhe të dëgjuesve i urojmë suksese Grisedes në krijimtarinë e saj letrare , por jetë të gjatë e shumë suksese edhe babait të saj !

Një falenderim shkon dhe pë z. Marsela Koci që e bëri të mundur këtë komunikim me këtë familje të nderuar të qytetit të demokracisë – Kavajës !

Për Radio Projektin 21 – Luigj Shkodrani

Ismet Azizi – Shoqata “Kosova për Sanxhakun”

No Comments Intervista Lajme

Këtë të premte të datës 10 prill 2020 , në pjesen e parë të programit , bashkëbiseduam , me z. Ismet Azizi , kryetar i shoqatës “Kosova për Sanxhakun ” z. Ismet kishte vite që merrej me studimin e Sanxhakun , që në Universitet i kish hyre puëes dhe kish lexuar dhe studiuar shume për këtë pjesë të shqipëtarve dhe kish gjetur mjaft artikuj të shkruar , për fat të keq , nga shkrimtarë serbë , por që kishin shkruar realitetin dhe kishin treguar se ajo krahinë ka qënë e banuar në shekuj nga shqiptarët .

Por z. Ismet nuk kishte mbetur me kaq , por ai e kishte vizituar shumë herë ate zonë dhe kishte hulumtuar, për toponimet e familjeve dhe të mbiemrave , por dhe të emrave të fshatrave të Sanxhakut, ku të gjitha kanë prejardhje shqiptare. Por cfarë ka ndollur , shumica e popullsisë deklaron se jemi muslimanë dhe jemi boshnjakë. Kjo ka ardhur nga frika e diktaturës serbe në atë pjesë, ku nuk i kanë lënë të hapin shkolla shqipe dhe as të përdorin shqipen, si gjuhë të tyre. Por të vjetrit tregojnë të vërtetën e hidhur , biles një pjesë tregojnë dhe nga kanë ardhur dhe janë vendosur aty . Aty gjinden fise me mbiemër shqiptarë , cka tregon prejardhjen e tyrew shqiptare . Kontaktet e z. Azizi janë të përhershme , ai ka shkruar dy libra dhe me dhjetra artikuj në gazeta të ndryshme , për tu treguar se ajo zonë është shqiptare dhe kërkon përkrahje nga dy shtetet shqiptare, por si shume punë të tjera edhe ky problem akoma nuk ka gjetë zgjidhje edhe pse para disa viteve ishte një delegacion nga Kosova , ku e ka vizituar edhe pse ka premtuar shumë, por nuk ka gjë në realitet , për fatin e keq.

Tek tregonte z. Ismet me detaje dhe me një dashuri të pashoqe edhe ne që e dëgjonin , na dukej se cdo pëllembë të asaj toke po e preknim me dorë .

Me z. Ismet , për arsye të kohës së përcaktuar u la që historinë do ta vazhdojë në një nga javët e tjera , sepse ai kishte shumë për të shpalosur për dëgjuesit e radio Projektit 21 . Por ka shumë për të folur edhe për aktivitetet e shumta për Shoqatën që Ai drejton, sepse ka një veprimtari mjaftë të dendur dhe për cdo person që mund të klikojë në internet , mund të gjejë materiale të shumta pë Sanxhakun, ku të gjitha të cojnë në një emër , të z. Ismet Azizi !

# # #

Në pjesën e dytë u bë një lidhje me z. Florian Camaj , ku u fol për një 26 vjetorin e rënies heroike të dëshmorve të atdheut , Oficer Fatmir Shehu dhe ushtarit Arsen Gjini , që u vranë nga nga forca komando të ardhura nga Greqia, me basshkëpunimin nga shqipfolës të shitur dhe që sot e kësaj dite janë të lirë dhe që morën nga një dënim qesharak pë armë mbjtje pa leje . Më pas u përcoll një dokumentar, ku flitej me detaje për ngjarjen .

Ajo cfarë të bën përshtypje , që shteti shqiptar ka luajtur rolin e memecit dhe të shurdhit në këtë lojë të pistë të organizatër famëkeqe “MAVI” , që njihet si organizatë terroriste në Greqi.

Por edhe dicka tjeter , ushtari që është përballur i pari me terroristët , nuk ështe vlerësuar fare , sepse nuk ka patur njeri ta kërkoj dhe është lënë në heshtje, ndërsa oficerit i ështe dhënë titulli “Deshmorë i Atdheut ” , sepse është kerkuar me forcë nga familja e tij .

Foli edhe z. Frederik Ruco , ku solli disa të dhëna që ai i dinte që nga ojo kohë . Z. Florian tregoi se cdo vit ata organizoheshin dhe vinin kurora me lule dhe i përkujtonin , dëshmorët e kombit, se për ta që të dy janë dëshmorë të atdheut dhe do të nderohen si të tillë gjithmonë !

Për Radio Projektin 21 – Luigj Shkodrani – Gazetar

Frashër Racaj – Lëvizja për Shqipëri të Bashkuar !

No Comments Intervista Lajme

Të dilën e datës 5 prill 2020 , në orën 21.00 , ishte mysafir i programit z. Frashër Racaj, një aktivist i vjetër i cështjes shqiptare ! Këtë rallë ai shumë modest foli për Lëvizjen për Shqipëri të Bashkuar ! Ai foli për aktivitetin e kësaj Lëvizje dhe gjithë Platëformen e Bashkimit Kombëtar !

U fol për disa nisma që kjo Lëvizje ka ndërmarrë gjatë ushtrimit të saj , si takimet në të gjitha trojet shqiptare ku është pritur mjaft mirë . Për shkat të veprimtarisë së saj të dendur , drejtuesve u është ndaluar hyrja në Greqi , duke i shpallur persona “non grata” . Antarë të kësaj Lëvizje , kanë ngritur flamurin shqiptarë në Himarë dhe në troje të tjera Shqiptarë ! Një emocion i vecantë i kësaj Lëvizje ka qënë ngritja e flamurit Kombëtar në Decic , ku në 1911 , u ngrit nga kryetrimi Ded Gjoluli ! Të gjithë pjesëmarresit u ndjenë , sa krenar , aq të emocionuar , por u betuan që do ti sherbejnë cështjes Kombëtare deri në flijimin e tyre !

Tek tregonte z. Frashër momente të tilla të aktiviteteve të ndryshme , mjaft nga dëgjuesit , donin të kontaktonin , me z. Frashër edhe pse me z. z. Frashër kishim rëne dakort , që biseda , mund të shkonte deri në një orë , por telefonatat ishin të shumta, por për shkak të një biseda tjetër në ora 22.30 me doktor Pëllumb Piperon , na u desh që ta ndërprenim bisdën me z. Frashër Racaj ! Por z. Frashër duke parë interesimin e shumë personave për të bashkëbiseduar më të , premtoi , që Ai do të jetë në radio edhe gjatë fund javës tjetër në pritje , nëse dikush ka ka dëshirë të kontaktojë me të !

# # #

Më pas në orën 22.33 filloi biseda me Dr. Pëllumb Piperon , doktori që në këtë situatë është i pranishëm në të gjitha TV në Shqipëri . Me të folëm për situatën e Convid 19, si ajo është e pranishme në Shqipëri dhe masat që po merren shtërguese që ka marrë Qeveria shqiptare në kuadër të kësaj apademie botërore . Po ashtu Doktori ju përgjigj dhe pyetjeve të shumta që kanë ardhur nga dëgjuesit e radio Projektit 21 !

Në ora 23.00 ishim në një lidhje me Gjirokastrën , me përfaqësuesin e “Djemëve të Labërisë ” z. Florian Canaj i cili foli për situatën që ka ndollë në Himarë , ku nacionalistë grekë , kanë ngritur një kryq të madhë , me flamurin grek . Z. Florian , në emer të “Djemëve të Labërisë” , kërkoi që qeveria shqiptare ta heqë kryqin e vendosur pa asnjë leje , nga shteti , ku ai kryq është jashtë ambjenteve të kishës, por dhe i vendosur në këtë kohë ku vet qeveria e ka shpallur , situatë lufte dhe mos qarkullim i lirë i popullatës, ku vec lëvizja duhet bërë me marrje leje ! Ju bashkuan edhe mjaftë të tjerë këtij vendimi !

Në ora 24.00 ishte një telefonatë nga Qyteti i Fierit , ku gazetari Vladimir Mucaj , foli për situatët për Corona virusin , në qytetin e tij dhe masat e marra , por ai u fukusua edhe në një problem që kishte ndollur në kufirin me Greqinë, ku nga pala greke , qytetarë shqiptarë ishin lejuar të kalonin , por që pala shqiptare nuk i ka lejuar që te udhëtonin në tokën shqiptare ! Rreth 40 shqiptarë me gra dhe fëmijë , kanë kaluar natën jashtë , ai kërkoi që Qeveria shqiptare , duhet të marrin masa urgjente dhe këto shqiptarë të gjindet një zgjidhje me ta !

Më pas një telefonatë tjetër na coi në Fushë – Krujë . Z. Artan Murataj denoncoi disa skandale me ndarjen e ndihmave familjeve të varfëra të këtij qyteti , por dhe pensionistëve pa përkrahje dhe atyre me asistencë sociale . Ai tha se ndihmat , po ndahen , në bazë të simpatizanëve të partive . Por ajo që ai deklaroi më pas ishte dhe më e rëndë ! Ai deklaroi për radio Projektin 21 në Danimarkë , se ishte kërcënuar nga persona , me maska në fytyrë dhe që ai nuk i kish njohur fare e kjo vetëm se kishte kerkuar një të drejtë që po i shkilej ! Nga drejtuesi ju kërkua që ai duhet të bëjë denoncim nër polici .

Gjatë programit , kishte edhe ndërhyrje nga zotrinjët Frederik Ruco, Dr. Adil Mustafa dhe deputeti i Parlamentit të Shqipërisë z. Kostaq Papa !

Për Radio Projektin 21 – Luigj Shkodrani

Danimarkë me 08/04/2020