Home

Lajme

Këto ndodhin vetëm në shtetin e regjimit politik të hajdutëve

No Comments Lajme Opinion

Nga Skënder Sadri KAPITI

Kombi, shoqëria dhe shteti modern zhvillohen dhe prosperojnë kur konkurojnë në liri dhe në demokraci vlerat dhe virtytet më të larta njerëzore për emancipimin e shtetit moral.

Korrupsioni, papunësia, varfëria, paraja e pisët, padrejtësia, droga dhe tradhtia kur kapin dhe paralizojnë shtetin , institucionet , drejtësinë dhe shoqërinë, të gjitha këto ndodhin në një shtet në të cilin është instaluar regjimi politik i korrupsionit, hajdutëve dhe hajdutërisë.

Hajdutët e shtetit e të shoqërisë kanë për moral dhe virtyt vetëm vjedhjen dhe pasurimin duke vjedhur e grabitur pasurinë, paranë e qytetarëve dhe atë publike; hajdutët shtetërorë nuk e kanë për asgjë që të hyjnë e të bëjnë pazare kundër interesave kombëtare për paranë ; nuk e kanë për asgjë që të kultivojnë e të lejojnë kultivimin e trafikimin e drogës sepse prej saj ata fitojnë para; hajdutët shtetërorë shantazhojnë e gjobisin me ligj e pa ligj qytetarët; hajdutët institucionalë shkojnë në punë në administratën qeveritare e administrative vetëm për të vjedhur duke përdorur , manipuluar e shfrytëzuar korruptivisht postin dhe detyrën shtetërore.

Ata kërkojnë ryshfet për cdo lloj shërbimi shtetëror, gjë që është vjedhje dhe grabitje për qytetarët.

Kur hajdutëria instalohet në shtet, atëhere shteti merr tiparet e një antishteti sa kundërhuman aq edhe antimoral duke ua bërë qytetarëve jetën të padurueshme, madje edhe më të padurueshme se sa edhe pushtuesi i huaj.

Sistemi hajdutokrat prish shoqërinë, kombin dhe ligjin e moralin.

Hajdutokracisë politike e shtetërore nuk i intereson as zhvillimi, as mirëqënia dhe as lumturia e qytetarëve të atij shteti.

Hajdutët institucionalë janë vetë tradhtia e tradhtarët më të mëdhej të cilët kanë si tipar dhe synim vetëm hajninë dhe paranë e vjedhur e të grabitur.

Dhe pyesim , se a është instaluar një regjim i tillë hajdutokratësh, dhe a është një realitet i tillë sot në Shqipëri, kur për ditë shpërthejnë superskandale vjedhjeje e

korrupsioni nëpër ministri , qeveri e nëpër bashki, në administratë , polici e drejtësi; ku hajdutëria oligarko-politike bëjnë kërdinë në tendera e në investime publike deri dhe me paratë e vjedhura e grabitura nga hajnija e korrupsioni institucional bëhet edhe blerja e votës dhe e demokracisë sic bëri pushteti socialist edhe në zgjedhjet e 25 Prillit 2021.

Aq thellë ka depërtuar dhe aq gjërësisht është përhapur vjedhja dhe korrupsioni në Shqipëri sa që kjo e ka shqetësuar jashtë mase edhe aleatin e madh e jetik të shqiptarëve, SHBA-të, të cilat këmbëngulën dhe ia imponuan politikës së Tiranës miratimin e Veting-ut, si dhe ndërmorën edhe vendosje sanksionesh e shpallje persona “non grata” ndaj disa ishfunksionarëve, shtetarëve dhe politikanëve të lartë të Shqipërisë, dhe megjithë këto përsëri ka pengesa e vështirësi të mëdha politike, juridike, publike e mediatike në luftën kundër krimit të hajdutërisë dhe të krimit të korrupsionit institucional.

Dhe përballë këtij realiteti, për ndryshimin e tij për nga më e mira e përmirësimi ishte dhe është alternativa e Lulzim Bashës; e vërteta dhe e drejta e të cilit në shërbim të të mirës së përgjithshme u sulmua nga të gjitha anët nga e vjetra politike e vjedhjes, papërgjegjshmërisë, mashtrimit, padrejtësisë dhe e korrupsionit.

Është koha për ndërgjegjsim të cilin vetë koha po e kryen; është koha sidomos për reflektim e reagim, nëse shoqëria e dëshiron ndryshimin për pastrimin dhe Veting-un politik , shoqëror dhe juridik, atë të cilin e kishte dhe e ofroi si mision historik Basha me mbështetjen e SHBA-ve për cmontimin e këtij sistemi hajduto-korruptiv.

Prandaj shqiptarët duhet t’u jenë respektues e mirënjohës SHBA-ve për gjithcka cfarë ato ndihmojnë e përkrahin Shqipërinë, dhe shqiptarët duhet të zgjedhin e mbështesin në politikë e pushtet atë politikë dhe ata individë të cilët SHBA i konsideron si partner besnik e të sinqetë, sic është Partia Demokratike zyrtare dhe Basha.

Astrit Patozi – TË GJITHA “KRIMET” E BELIND KËLLIÇIT

No Comments Lajme Opinion

Më dhimbset shumë Belind Këlliçi, tek e shoh të goditur e të sulmuar nga të gjitha krahët, pikërisht prej asaj ane, ku ai vetë ka pritur që t’i vinin, në mos gradat, të paktën duartrokitjet.
E marr me mend dhe habinë apo hutimin e tij, sidomos në fillim, por jam i sigurt se ai edhe tani është ende i paqartë për arsyet e këtij rrebeshi të furishëm në mes të verës.
Dhe pyetja është se çfarë ka bërë Belindi i shkretë që të meritojë kaq shumë vemendje dhe armiqësi brenda llojit në një kohë kaq të shkurtër, në kushtet e një thatësire politike, kur foltores i nevojitej çdo kuakje bretkose, prej çfarëdo pellgu që të vinte. Sepse mendoj që ajo nuk e ka luksin të zgjedhë në korin përherë e më të rralluar të dishepujve të saj.
Belindi nuk ka dashur apo nuk ka pasur mundësi që të tregojë ndonjë aftësi apo cen të veçantë deri tani, përveç pranimit pa vërtetim të revolucionit paqësor dhe të rikthimit të pluralizmit politik në Shqipëri, si filozofi udhërrëfyese e foltores.
Që do të thotë se nuk e akuzon sot për ndonjë gabim, për të cilin duhet të paguajë faturën, por edhe nuk mund t’i gjesh ndonjë vlerë të veçantë, që ta përfytyrosh qoftë edhe për një çast si udhëheqës të perspektivës.
Të paktën deri tani ai as nuk ka tradhtuar kënd, por ndoshta as i ka mbajtur kujt karrigen në parlament apo diku tjetër para se të ulet. Dhe mbi të gjitha mund të quhet si një politikan të ri, që ndoshta nuk i vjen mbarë të përdorë atë arsenalin e vrazhdë të retorikës politike për kundërshtarin e sidomos për armikun e brendshëm, që është edhe identiteti i formacionit, ku ai bën pjesë që nga fillimi.
Dhe paradoksi është se pikërisht kjo biografi politike gati e panjollë është kthyer në një hall shumë shqetësues për Belind Këlliçin. Sepse normaliteti kthehet në problem të madh, kur i gjithë mjedisi është me dominancë anormale.
Është njësoj si të fusësh murgeshën në një shtëpi publike. Është e sigurt që do ta konsiderojnë në çast si më të përdalën dhe për pasojë edhe më të padëshirueshmen.

Burimi/Facebook

Sulejman Abazi – FJALET I MERR ERA,TRADHETARET NUK KANE FRIKE NGA FJALET, POR NGA VEPRIMI.

No Comments Lajme Opinion

Jemi ngritur ketu ne fcb “te gjithe kunder te gjitheve” dukei hapur gropen interesave kombetare me duart Tona.
Qendrimet ne fcb aq sa ushqejne vetedijen kombetare dhe denoncojne, po aq dhe me shume na therrmojne me percarjen ne unitetin kombetar.
Kjo nuk eshte zgjidhje, por vetevrasje.
Rendja pas “lidereve” politik te deshtuar, qe kane nje mal me pergjegjesi mbi vete per situaten ku jemi, eshte tradheti ndaj interesit kombetar.
Ata nuk jane zgjidhja jone, por vereveasja jone.
Mosorganizimi qytetar per shkak te pseudointelektuslizmit dhe egoizmit, eshte verevrasja jone.
Te irganizojme mendimin dhe te ngrihemi ne kembe, per te mbrojtur dy gjera te cmuara, JETEN DHE TRE SHTETET TONA SHQIPTARE.

  1. Te mbeshtetemi ne Strategjine tone Kombetare dhe te kerkojne ngritjen e Qendres se Drejtimit Strategjik te interesave kombetare, me fuqi kushtetuese.
    2’ Politikanet ne Kosove pa dallim, te ngrihen ne kembe te mbrojne shtetin dhe te veprpjne per te zgjidhur ceshtjen kombetare te Kosoves.
    Demokracia do ndertohet dhe do funksionoje, por ne zgjidhjen e ceshtjes konbetare ska kthim prapa.
    Mjaft me merita pa merita.
    Rreziku serbo-rus eshte i pranishem.
    Tradhetia kunder qeverise ne Prishtine ne emer te luftes per pushtet, ne fakt eshte perfshirje ne skemen serbe antishqiptare.
    Tradhetia ska brire.
    Ajo po del hapur dhe ben karshillek jetes tone.
  2. Po keshtu ne Tirane, te mbledhim mendjen kunder fjalamaneve e demagogeve dhe te mbrojme shtetin tone, te kapur nga nje Sekt I rrezikshem politik dhe etnonacional, qe eshte forcuar duke perdorur po shtetin tone.
    Po sulmohet gjithcka shqiptare.
    Klasa politike Neoliberale ska atdhe dhe komb, por vetem interesa oligarke antishqiptare.
    Poshte e me poshte do te shkojne me kete neodiktature.
    Militantizmi partiak dhe militantet politike, jane kanceri ne trupin e shteteve dhe te kombit.
  3. Ceshtja shqiptare ne RMV ka 20 vite qe tradhetohet.
    Politikanet shqiptare ne RMV jane nje bisht i lerosur i sektit antishqiptar ne Tirane.
    Figura si Ali Ahmeti &Co duhet te shporren nga jeta e shqiptareve.
  4. Pa shume temenara pseudopatriotike, ta pranojme: Kudo ne trojet tona po prekim fundin, perballe egersise se sherbimeve inteligjente lindore, te cilat po na shkaterrojne me shqipfoles.
  5. Pa shume temenara dhe lutje, Diaspora dhe emigracioni i ri te plotesojne angazhimet dhe detyrimet ndaj ceshtjes kombetare. Jeni ehprese dhe fuqi e madhe.
  6. Nuk po bejme thirrje fcb, por ballafaqine konkrete ne Tirane, Prishtine dhe Shkup,.
    Duhet mendim i organizuat dhe organizim konkret ne mbrojtje te interesave tona jetike, per te mbrojtur shtetet tona nga pushteti oligark antikombetar.
    Fjalet i merr era dhe tradhetare skane frike nga fjalet, por nga veprimi.
    Koha dikton, e thekeoj, dikton te fillojme te luajme me rregullat tona qe na garantojne jetesen dhe ate pak sovranitet qe na ka mbetur.
    Ta fillojme nga pozitiviteti qe shfaq sot Qeveria ne Prishtine.
    Poshte Open Ballkan, poshte aleanca sllavo ortodokse, poshte tradhetia, te behemi njesh me politikane dhe rinine qe e duan kombin e tyre.
    Ne projekton e Strategjise Kombetare do te gjejme ato rrugesgjidhje, te cilat burojne nga vetedija kombetare dhe jo nga politikat e dites
    Faleminderit
    25.06.2022

Burimi/Facebook/Autori

Foltorja e zhurmshme

No Comments Lajme Opinion

Nga Skënder Sadri KAPITI

Problemi në Shqipëri dhe as zgjidhja nuk është sot për të bërë krahasimin mes ishqevrisjes Berisha me këtë aktuale të Edi Ramës,por problemi është se si duhet të largohet nga pushteti Edi Rama.

Për këtë duhet parë nga e reja,e ardhmja dhe perspektiva si dhe nga mbështetja e përkrahja amerikane dhe jo nga e kaluara e shkuar që përbëjnë politikën dhe politikat e vjetra që nuk prodhojnë as ndryshim, as besim e as përmirësim.

Në demokraci ndryshimin e bën rotacioni politik që ndëshkon keqpushtetin, por jo për të ricikluar të ndëshkuarit dhe dështakët e mëparshëm dhe as riciklimi në pushtet i politikës së vjetër; ndryshimin e sjell alternativa e re me energji e me vizion të ri ndryshimi; dhe ndryshimin nuk bëjnë foltorja me foltorexhinjtë antidemokratë, antiamerikanë dhe avokatë të korrupsionit.

Është njësoj sikur sot në Kosovë të vijnë në pushtet Isa Mustafa e Hashim me kompani.

Po tani që Lulzim Basha është i dorëhequr, çfarë po bën Foltorja. Tani as për zhurmë nuk po ka fuqi.

Tashmë është vertetuar aleanca e komploti kundër Bashës i Rama-Berisha-Metës në zgjedhjet e pjesshme vendore të 6 Marsit 2022, komplot i cili pati si qëllim humbjen e Partisë Demokratike me prapavijë e synim për ta detyruar Bashën që të largohet nga Kryetar i PD-së.

Ky ishte objektivi i Berishës dhe foltoristëve, që me largimin e Bashës ata të uzurponin Selinë dhe Partinë Demokratike vetëm për ta përdorur atë si mburojë dhe avokati politike kundër SHBA, gjë per të cilën vetëm sa mashtrohen se e kanë arritur në rrugë joligjore.

Është fakt se Basha ishte pengesa kryesore që ua pamundësonte grusht-shtetin foltorist, uzurpimin e Partisë Demokratike nga shoqata antiamerikane e antidemokratike e foltoristëve.

Vetëlargimi i Bashës si kryetar i PD-së,Basha e bëri në funksion të bashkimit të demokratëve, por në fakt duket që kjo e ka dobësuar dhe përcarë akoma më shumë Partinë Demokratike, dhe këtë e bëri Berisha dhe foltoristët gjë e cila edhe pritej, pasi foltoristët nuk bënë as bashkim , as unifikim por vetëm sa e përcanë akoma me thellë PD-në, e madje edhe vetë brënda foltorexhinjve kanë filluar krisje e carje të thella.

Kjo periudhë “qetësie”, lirie e demokracie në PD-në zyrtare vetëm sa po i kthjellon e ndërgjegjson demokratët për qëllimin se përse filloi lëvizja foltore dhe cili ishte qëllimi i saj.

Foltorja e Berishës ngjan me revolucionin proletar të fabrikimit të kauzave të gënjeshtërta si p.sh. antiamerikanizmi dhe lufta e zbulimi i armiqve të Partisë ,pra luftes së klasave, sic bëjnë foltorja e Berisha kundër SHBA dhe kundër Bashës. Tani kur konsumohen ato, atëhere edhe foltorja e revolucioni foltorist po venitet e shuhet.

Foltoristët e dinë se ata kurrë nuk mund të vijnë në pushtet, sepse ata, organizatorët e saj janë indvidë të lodhur, konsumuar e të kalbur nga korrupsioni, dhe si të tillë po ata janë edhe shkaktarët e gjëndjes ku është sot PD-ja, si dhe po vertetohet që po prej tyre i kanë ardhur të gjitha humbjet Partisë Demokratike.

Beteja e foltoristëve kundër Bashës në fakt ishte maska e betejës së tyre kundër SHBA-ve dhe kundër non gratës amerikane për Berishën.

Tani ata nuk po flasin as për padinë e Berishës kundër sekretarit amerikan të shtetit, as nuk po vazhdojnë me peticione kundër ambasadores amerikane dhe nuk po duken akoma as protestat e tyre kunder Ramës megjithë gjëndjen e rëndë dhe katastrofike të vëndit nga dy krizat e shtuara, asaj ekonomike dhe ajo e çmimeve.

Të gjitha këto vertetojnë se qëllimi i foltores zhurmuese ishte largimi nga drejtimi i PD-së i Lulzim Bashës, sepse Basha ishte proamerikan dhe besnik e partner i SHBA-ve, gjë e cila si fakt i bëri bashkë kundër Bashës, jo vetëm foltoristët por edhe Ramën e Metën.

Diaspora, “fytyra” e bashkimit të kombit, roli i saj në njohjen e shtetit shqiptar

No Comments Lajme Opinion

Shkruan: Eneida Jaçaj
Populli shqiptar është populli më i vjetër i Europës, me origjinë dhe gjuhë pellazge indo-europiane, i cili mbart mbi vete gjithë historinë e kalvarit të kryengritjeve dhe veprave për bashkim kombëtar, betejat, luftërat triumfuese shekullore dhe tradita të veçanta, që nga koha e ekzistencës së tij. Ndonëse ishin një nga popujt më të varfër në Europë dhe Ballkan, shqiptarët trashëgonin një pasuri shpirtërore në folklor, kulturë, muzikë, letërsi, vlera dhe virtyte. Gjithmonë i kanë shkuar përshtat epitete si një popull bujar, mikpritës dhe shpirtgjerë, duke mos u bërë kurrë pjesë e luftërave barbare dhe “pazareve” plaçkitëse ndaj popujve të tjerë. Shqiptarët kanë qenë të bashkuar në sofrën e tyre, të etur për dije, arsim dhe kulturë; kanë patur virtyte të veçanta luftarake për të mbrojtur atdheun nga zgjedha e huaj, pasi nga gjiri i mëmëdheut kanë nxjerrë shumë trima, ku mbi gjakun dhe veprat e tyre ka marrë kuptim fjala “Liri”. Prijësi i Arbërit apo Prijësi i Ilirëve, strategu Skëndërbeu, udhëheqësi i parë i shqiptarëve, “prometeu i lirisë” që theu në shumë beteja turqit, dhe vendosi marrëdhëniet e para diplomatike miqësore me Perëndimin, është figura që identifikon shqiptarët për trimërinë, forcën, zgjuarsinë, ndjenjën e patriotizmit, gatishmërinë për të ruajtur trojet, gjuhën, traditat, doket, për të mbajtur gjallë me të drejtë ekzistencën dhe lavdinë e kombit shqiptar. Ishin një popull që lëngonte nga dhimbja e shtypjes dhe mjerimit, por kurrë nuk e dorëzuan shpirtin te uzurpuesit e tokave shqiptare, pasi i karakterizonin tiparet e burrërisë, nderit dhe respektit.
Varfëria ekstreme, e cila përkthehet në pafuqi, ka bërë që popujt e tjerë më të fuqishëm, të nxjerrin në pah tentakulat gllabëruese për territore dhe burime natyrore, duke përfituar nga gjendja jo e mirë e shqiptarëve dhe nga pozita strategjike e Shqipërisë. Kështu, fatkeqësisht, populli shqiptar ka qenë i shtypur, i nëpërkëmbur, duke filluar që nga periudha mesjetare e pushtimit nga Perandoria Osmane në shekullin e XIV-të, luftërat ballkanike, e deri te copëtimi i Shqipërisë nga Fuqitë e Mëdha, në Konferencën e Ambasadorëve në Londër, 1913. Shtypja e vazhdueshme, mohimi i gjuhës shqipe, e nxitur edhe nga Kisha Ortodokse Greke, bëri që ndjenja e nacionalitetit te shqiptarët të thellohej sa më shumë, duke ruajtur gjuhën si asetin më të çmuar për ekzistencën e një kombi, dhe mbi gjakun e trimave do të themelohej i pavdekshëm, kombi shqiptar! Duke dëshmuar edhe një herë ndjenjën e patriotizmit dhe dëshirës për dituri, në shekullin e 17-të, misioni i klerit katolik shqiptar nuk ishte vetëm për edukimin fetar të popullsisë, por, ata janë përpjekur të hapin shkolla për të shkruar dhe lexuar gjuhën shqipe.
Ky informacion gjendet edhe në dorëshkrimin e Sospellos, i cili asokohe ishte Vikar Apostolik për Shqipërinë. Një komb sa më i ditur të jetë, aq më të vështirë do ta ketë armiku ta nëpërkëmbë dhe shtypë! Dëshira për të mbajtur gjallë dritën e kombit, gjuhën shqipe, pasi duke njohur shkrim-këndim do t’i ndihmonte shqiptarët për të ndërmarrë veprime më të zgjuara, përvijohet më së miri edhe te një tjetër atdhetar i shquar, Papa Kristo Negovani, prifti shqiptar i cili luftoi për çlirimin e vendit nga falangat greke, dhe punoi fort për shkrim-këndimin e gjuhës shqipe. Gjatë pushtimit osman, shumë shqiptarë arritën të largoheshin nga vendi, për shkak edhe të kushteve të mjerimit, por mërgata shqiptare i forcoi lidhjet me Shqipërinë, duke përdorur të gjitha mjetet për lëvizjen kombëtare. U krijuan disa shoqëri të diasporës kulturore, por që në thelb kishin çlirimin e shqiptarëve nga robëria dhe pengimin e copëtimit të trojeve të arbërit.
Visar Dodoni, një prej veprimtarëve të diasporës shqiptare, thoshte: “Ahere fytyr’ e dëshirës së shqiptarëve ishte përlindja e letraturës shqipe; po qëllimi që mshifnin dëshirat ish liria kombiare…”. Qëllimi i tyre ishte edhe arsimimi i kombit, që gjuha të mos harrohej, duke mos lejuar të asimiloheshin nën ndikimin e pushtuesve osmanë dhe kishës greke. Sa më i paditur të jetë një komb, aq më të lehtë do ta ketë pushtuesi ta mbajë në kthetrat e robërisë! Në vitin 1885, Naim Frashëri, bashkë me të vëllanë dhe shqiptarë të tjerë në Stamboll, pjesë e “Shoqërisë së të Shtypurit Shkronja Shqip”, ia dolën të bindin Portën e Lartë për hapjen e një shkolle shqiptare për djem në Korçë. Ndërsa në 7 mars 1887, u hap zyrtarisht shkolla e parë shqipe në Korçë, ku mblodhi plot djem dhe vajza.
Ndjenja e nacionalitetit, sa vinte forcohej, edhe në periudhat më të mëvonshme, kur shteti shqiptar ende lëngonte nga padrejtësitë e kombeve më të fuqishme. Shqiptarët kishin nevojë që zëri i tyre të dëgjohej në qarqet më të larta diplomatike europiane dhe amerikane, që çështja shqiptare të merrte zgjidhje, ndonëse ishin vetë fuqitë e mëdha europiane që e kishin lënë enkas Shqipërinë nën pushtimin osman, për të penguar daljen e Serbisë në det, dhe ishin përsëri shtetet europiane që copëtuan Shqipërinë, për të kënaqur vendet e tjera, që të merrnin pjesë në Luftën e Parë Botërore, përkrah tyre; plani ishte që Shqipëria të copëtohej më shumë, duke e humbur ekzistencën si komb. Ismail Qemali, së bashku me shqiptarë trima, të ardhur nga të gjitha krahinat, dhe delegacione nga diaspora, shpalli pavarësinë e Shqipërisë më 1912, duke e shkëptur vendin nga pushtimi i Perandorisë Osmane; krijoi qeverinë e parë shqiptare dhe hodhi bazat e ndërtimit të shtetit të parë shqiptar. Por, kjo qeveri ishte shumë e brishtë, dhe çështja shqiptare nuk ishte zgjidhur plotësisht de juro dhe de facto. Kështu, këtu pati rol diaspora shqiptare, me figurat e ndritura të kombit, që punuan fort nëpërmjet aktiviteteve dhe diplomacisë për ndërtimin e plotë të shtetit shqiptar.
Diaspora shqiptare e Europës dhe Shteteve të Bashkuara të Amerikës, luajti një rol thelbësor për çështjen shqiptare, duke bërë përpjekje të shumta që shteti shqiptar të njihej dhe të ngriheshin institucione të konsoliduara demokratike. Diaspora e parë shqiptare ishte ajo e Italisë dhe Greqisë. Shumë shqiptarë, në kohën e pushtimit turk, emigruan në Iali, që më pas u quajtën Arbëreshët e Italisë, pasi ruajtën gjuhën dhe zakonet. Shkrimtari italo-arbëresh, Jeronim De Rada, me veprat e tij, ka ndihmuar në njohjen e çështjes shqiptare, dhe në veprën “Këngët e Milosaos”, nxjerr në pah veçoritë luftarake të trimave shqiptarë. Pra, intelektualë me peshë i jepnin më shumë rëndësi çështjes shqiptare, në sytë e zyrtarëve të lartë në Europë dhe SHBA, duke bërë që zgjidhja në të mirë të kombit shqiptar, të vinte sa më parë. Shoqëri të tjera shqiptare u krijuan në Rumani, Bukursht, Egjipt, Turqi, etj.
Por diaspora shqiptare më e madhe është ajo e Shteteve të Bashkuara të Amerikës, pasi ky vend shihej gjithmonë si “toka e premtuar”, për shkak të mirëqënies së tij. Figura të njohura, personalitete të shquara, me veprat dhe aktivitetet e tyre, dhanë një kontribut të veçantë për çështjen shqiptare. Fan Noli dhe Faik bej Konicën, më 28 prill të 1912, themeluan Shoqatën Pan-Shqiptare Vatra, e cila kishte në qendër të saj problemet e Shqipërisë, ku luftoi për bashkimin e shqiptarëve dhe lirinë e trojeve, duke mos lejuar një copëtim të dytë të territoreve shqiptare. Noli do të mbahet mend për takimet dhe dialogun me ish-Presidentin Amerikan, Uoodrou Uillson, i cili dha ndihmën e madhe për njohjen e shtetit shqiptar. Presidentit Amerikan nuk lejoi copëtimin e Shqipërisë në vitin 1919, në Konferencën e Paqes në Paris, duke u bërë zëri i të gjithë shqiptarëve, që kufijtë e Shqipërisë të mos tkurreshin akoma edhe më shumë pas vendimit jo të drejtë të Konferencës së Londrës, në vitin 1913. Më herët u krijua shoqëria e parë shqiptare, “Malli i Mëmëdheut”, më 1 janar 1906, në shtëpinë e Thanas Viso Mborjes në Buffalo, Nju Jork. Më pas, më 15 shkurt 1909, pranë shoqërisë “Besa-Besë” në Boston, u krijua gazeta “Dielli”, me kryeredaktor Fan Nolin, e cila shërbeu në dobi të çështjes shqiptare. Shkrimtarja dhe publicistja, Sevasti Qiriazi, ka dhënë kontribut me shkrime në disa revista të kohës.
Ajka e intelektualëve ishte shpërndarë nëpër botë, për ta nxjerrë Shqipërinë nga errësira dhe për të sjellë epokën e dritës dhe besimit, drejt një të ardhmeje më të sigurt. Pa kryengritjen e shqiptarëve, brenda dhe jashtë, në sallonet e botës, sot, Shqipëria nuk do të ekzistonte!! Edhe në ditët e sotme, diaspora shqiptare luan rol të rëndësishëm jo vetëm në ruajtjen dhe promovimin e kulturës në brezat që rriten jashtë kufijve, por është shndërruar në zërin e të gjithë shqiptarëve, për parashtrimin e problematikave të ndryshme, në Senatin Amerikan. Në Nju Jork, kryeqytetin e botës, por edhe në shtete të tjera, janë hapur shkolla shqipe, ku mësohet shkrim-këndim, historia e Shqipërisë, këngë dhe valle të të gjitha krahinave. Gjithashtu, zhvillohen aktivitete të ndryshme kulturore, mbrëmje, për të ruajtur dhe forcuar lidhjet ndër shqiptarë. Pra, roli i diasporës shqiptare ka qenë dhe mbetet i qenësishëm, për një Shqipëri të zhvilluar europiane, të begatë dhe demokratike!

Burimi/Facebook/Vatranet Michiganit

Aleksandër Çipa – Në pikat kufitare greke ka një shënim për mua…

No Comments Lajme Opinion

Kisha disa vite pa qenë në Greqi. Një vend që e shijoj dhe e dua përmes artit dhe shumë njerëzve. Një vend me histori të madhe domethënëse për botën dhe jetën njerëzore. Një fqi, që vendit tim dhe mua si bir i tij, na i ka caktuar Zoti ta kemi.
Pas disa vitesh, të hënën e kësaj jave, me një taksi të rastësishme u rigjenda tek polici i palës greke në Kakavie. Nuk m’u tha asnjë gjë. Dorëzova pasaportën. Polici kreu procesin rutinë në kompjuter. Pasi u njoh me emrin dhe gjeneralitetet e mia, e shfletoi pasaportën në të gjitha faqet. Mbylli dritarezën prej xhami të zyrës së kontrollit të pasaportave. Pa thënë asnjë fjalë, lëvizi nga karrigia e vet dhe humbi në zyrat fqinje. U kthye pas pesë minutash. Bëri thjesht dy pyetje:

  • Ku do të shkoni? Pse keni ardhur? Kur do të ktheheni?
    Mori përgjigje të shkurtra:
    -Po vijmë për qejf. Një vizitë dhe një drekë modeste tek liqeni i Janinës dhe do kthehemi.
    Gjithçka shkoi normal. Iu përmbajtëm pohimit në intervistën e thatë rutinë të policit.
    Hëngrëm një drekë në liqen bashkë me familjen dhe familjen e shtrenjtë të një kolegu tim të qytetit ku jam rritur. Dhe u kthyem.
    Kur rimbëritëm në Kakavie, sërish para xhamit me dritarezë të vogël të policit që kontrollon pasaportat ( por në kah tjetër), episodi i hyrjes u përsërit edhe në dalje. Por në kthim, vonesa ishte edhe më e madhe. Polici sapo ndeshi emrër-mbiemrin tim në pasaportë, bëri lëvizje befasuese. U sorollat në karrige. Drejtonte sytë zhbirues nga makina ku ndodheshim familjarisht dhe nisi të pyeste taksixhiun e rastësishëm:
  • Ku ishit? Ku e njeh atë? Ku hëngrët drekë? Kë takuat??
    Ishin të gjitha pyetje që më zgjuan një kohë të vdekur të vendit tim.
    Njësoj si në rastin e vizitës sime të parafundit në Greqi. Polici edhe pas këtyre pyetjeve u ngjit në një zyrë tjetër. Humbi më shumë se pesë minuta konsultim në atë ose ato zyra. Nuk më bëri asnjë pyetje. Por në leximin tim psikologjik vërreja se si në fytyrën e tij ishte thjesht respektim i diçkaje që gjendet si shënim në kompjuterin apo sistemin e tij dhe të ndonjë institucioni grek. Kjo është thjesht një besdi e ripërsëritur dhe e papohuar zyrtarisht ndaj meje. Se çfarë shënimi, këtë do ta mësoj përmes një kërkese drejtuar institucioneve të larta zyrtare greke dhe me ndihmën e organizatave dhe miqve të mi gazetarë në Greqi.
    Në 30 vite të karrierës sime si gazetar, Greqinë e kam njohur dhe e njoh duke mbajtur në brendi dhe në sjelljen time korrektesën qytetare, aq më tepër atë ligjore. Ndërsa në të drejtën time profesionale dhe të identitetit tim kombëtar e kam parë si vend fqinj, si një shtet që është po aq ballkanas sa vendi im, (ndonëse është pjestar i hershëm i bashkësisë së vendeve të BE).
    Greqinë e dua përherë duke i thënë së pari se providenca njëjtësisht na ka caktuar si fqinjë dhe jo si shtiranakë, në krahë të njeri-tjetrit.
    Por përmes këtij reagimi, do të doja të sillja në vëmendje të krejt kolegëve dhe inteligjencies së çmuar greke, pyetjen time të drejtëpërdrejtë: A ka mundësi të më ndihmoni të mësoj, qoftë edhe përmes jush, se cili shënim institucional e bën përherë e më të zgjatur kohën e kontrollit të pasaportës sime në pikat kufitare të Greqisë?
    Mua kontrollet kurrë nuk më shqetësojnë, por cungimi i lirisë dhe së drejtës më bën përherë më aktiv dhe më tepër besnik të identifikimit tim si shqiptar.

Burimi/Facebook/Autori

Asnjë pushtet nuk mund të jetë kundër vullnetit kombëtar, pushteti është kalimtar, pasi p.sh. edhe Rama përkohësisht është kryeministër i Shqipërisë

No Comments Lajme Opinion

Nga Skënder Sadri KAPITI

Shqipëria është e të gjithë shqiptarëve, dhe jo vetëm e atyre që lindin, janë e jetojnë në Shqipëri, por ajo është e të gjithë shqiptarëve kudo në trojet e tyre dhe në diasporë, ashtu sikurse që është edhe Kosova. Këtë le ta dinë politikanët e korruptuar dhe aventurierë e tradhtarë; le ta dinë edhe shqipfolësit serbo-sllavo-grekofilë, le ta dinë mercenarët e agjendave antishqiptare dhe mediatikët mercenarë fuqia dhe dëshira e të cilëve është tejet e vogël dhe krejt e papërfillshme para forcës dhe vullnetit të madh të kombit shqiptar.

Qeveria e Kosovës dhe ajo e Shqipërisë mbajtën mbledhjen e tetë të përbashkët të hënën në Prishtinë.

Kjo mbledhje ishte në vazhdën e atyre mbledhjeve sic i ka quajtur dikur Kryeministri i Shqipërisë, Edi Rama, si “simbolika”.

Ka tetë vite që Edi Rama vetëmburret me këto mbledhje të dy qeverive shqiptare, por ajo cfarë ka rezultuar janë veprimet dhe sjelljet e dëmshme kundër Kosovës si:

Vendosja e traut të ndarjes Shqipëri-Kosovë; e quajtura taksa-gjobë Rama e “Rrugës së Kombit”; është plani Rama-Thaci-Vucic për ndarjen e coptimin e Kosovës; është edhe Minishengeni anti-Kosovë i “Open Ballkan” po i Rama-Vucicit.

Qeveria Rama do të hyjë në histori për zero perpjekje e lobim për njohje ndërkombëtare për Kosovën dhe për zero ndihmë për zhvillimin dhe integrimin e Kosovës, Rama shquhet për aventurizëm provokues e përcarës të faktorit politik shqiptar jo vetem në Shqipëri por edhe në Kosovë madje duke përdorur edhe batuta fyese e të ulta.

Rama do hyjë në histori si qeveria e Shqipërisë kampione e korrupsionit, drogës dhe e eksodit, si qeveria e narko-korrupsionit.

Mos ta mashtrojë veten jo vetëm Edi Rama dhe madje as Kurti e Osmani se me ta fillon e mbaron historia, sepse Shqipëria e Kosova u bënë shtete prej sakrificave qindravjecare të shqiptarëve. Tani kemi dy shtete, dhe është e lehtë për të bërë marrëveshje, mbledhje e madje edhe dukuri mediatiko-publike, por, është detyrim dhe imponim që kushdo dhe detyrimisht do t’i nënshtrohet, t’i bindet dhe t’i shërberjë vullnetit të kombit sic fatmirësisht dhe si më shëmbullorë po tregohen KURTI dhe OSMANI.

Edi Rama i ka “talente” të tij mashtrimet, dukjet, zhurmat, simbolikat, reklamat e retorikat “kombëtare”publike e mediatike, por përballë vigjilencës dhe vullnetit kombëtar ai dhe askush tjetër nuk do të mund që të mashtrojnë e spekulojnë gjithmonë për interesa personale e pushteti, sepse koha regjistron e shënon, të zbulon, të demaskon dhe të ndëshkon.

Ai don vetëm që të duket si shpëtimtari, vizionari dhe protagonisti për vepra e ngjarje të mëdha, për t’u dukur si aktori e faktori kryesor dhe më i rëndësishëm ndër shqiptarë, por madje e rren mëndja se dikur mburrej si kryeministër i Ballkanit , si lider ndërkombëtar e lloj-lloj fantazish ngjajshëm me idhullin e tij shpirtëror Enver Hoxhën si udhëheqës i madh e largpamës, si udhëheqës jo vetëm i shqiptarëve por edhe udhëheqës botëror revolucionar e proletar.

Si E.Hoxha dhe E.Rama kanë të përbashkët edhe keqpërdorimin dhe manipulimin me interesat e kombit për interesa personale, aq sa dikur Hoxha u lidh si mishi me kockën me tito-jugosllavët kundër kosovarëve e gati sa edhe Shqipërinë ia bashkangjiti Jugosllavisë, dhe po kështu edhe “Open Ballkani” i Edi Ramës po i njëjti projekt “modern” është.Socialistët shqiptarë janë shumë të pakët prej tyre që e duan Kosovën dhe Bashkimin Kombëtar, sepse e majta shqiptare, Partia Komuniste Shqiptare si djepi i Partisë Socialiste është investim dhe vepër jugosllavo-ruse e që fatkeqësisht ka disa zgjatime edhe në Prishtinë.

Rama më shumë viziton dhe dakordësohet me Beogradin se sa me Prishtinën dhe tregon pak shenja ndjesie e dhimbshurie për vuajtjet dhe për genocidin që kanë pësuar shqiptarët e Kosovës nga Serbia.

Me shërbimet që po i bën Beogradit ky ndoshta synon që të nderohet e të shënjtërohet nga serbët si Esad Toptani.Mjerisht e fatkeqësisht Edi Ramës i shkon pas avazit jo vetëm qeveria e tij por tërë shpura kosovarofobe e Partisë Socialiste dhe shumica e mediave të Tiranës dhe jo pak ortakë liderë partish politike dhe intelektualë pa sens kombëtarie e morali.

Është fatkeqësi edhe gjëndja e opozitës në Shqipëri, sidomos ajo pjesë e saj që njihet si foltorja,pasi ajo nuk i shërben Shqipërisë dhe se ajo vetëm sa ia zgjat jetën në pushtet qeverisë së Edi Ramës.

Nuk është në kohë dhe as në anën e duhur të historisë foltorja dhe Sali Berisha, pasi nuk mundet që t’i shërbejë demokracisë, patriotizmit dhe luftës kundër korrupsionit një politikë që udhëhiqet nga një person i shpallur “non grata”nga aleati jetik e strategjik i shqiptarëve sic janë SHBA.Nuk është e konceptueshme dhe as e pranueshme që të pretendohet dëbimi i Edi Ramës nga pushteti nga një njeri i cili e padit në Francë, Sekretarin Amerikan të shtetit pse SHBA e shpallin atë non grata si dhe as organizime peticionesh kundër ambasadores së SHBA-ve, që përbëjnë hapur veprime antiSHBA.

Shqiptarëve sot i duhet një politikë dhe politikanë të cilët janë të pastër dhe që SHBA dhe BE i pranon dhe i deklaron si bashkëpunëtorë e partnerë të saj sic është PD zyrtare dhe Lulzim Basha.

Sot politikani kryeministër i Shqipërisë është njeriu më i dëmshëm kombëtarisht dhe njeriu më i refuzuar dhe më i papranuar nga shqiptarët në përgjithësi dhe nga ata të Kosovës në vecanti. Këtë ai e di shumë mirë pasi janë veprat e tij që e bëjnë atë që ta meritojë këtë.Takimet e radhës mund të jenë mbledhje rutinore që premtojnë për mire, por që do të mbetet ashtu si të tjerat vetëm premtime të radhës, sepse Rama i qëndron besnik atyre që ka thënë e cila është ajo se nuk ka minishengen shqiptaro-shqiptar para atij të Ballkanit perendimor(Open Ballkan). Dikur të tjerët në Tiranë dhe Rama thonin se Bashkimi Kombëtar do e arrijmë ne Bashkimin Europian , tani na del planidea se në Ballkanin e Hapur ku lider është Serbia duhet të përfshihet edhe Kosova të cilën nuk e njeh si shtet Serbia, gjë e cila tregon se Ramës nuk i intereson Kosova por pushteti dhe interesi politik i tij.

Mund të jetë Edi Rama kundër vullnetit kombëtar, por jo më i madh e as më i fortë se vullneti dhe liria e kombit; si kryeministër është kalimtar ashtu si të gjithë të tjerët; ai përkohësisht është kryeministër i

Shqipërisë së të gjithë shqiptarëve. Dhe historia shënon për të mos harruar edhe mëkatin e socialistëve të cilët me shumë pak përjashtime të rralla janë kundër politikës antiKosovë të qeverisë së dalë prej tyre.

Shumë pak mediatikë, mjerisht pak intelektualë dhe pak prej socialistëve në Shqipëri janë kundër avokatisë së Edi Ramës për presidentin serb dhe për Serbinë edhe sot kur Serbia është aleatja e vetme në Europë e agresorit rus në Ukrainë. Kosova duhet të bëjë shumë kujdes nga kuajt e Trojës, nga mashtruesit politik e publik dhe nga pseudo e rrencat patriotë e shumte nga Shqipëria e Kosova.

Eshref Ymeri – Rama dhe Enver Hoxha,dy argatë-servilë të pështirë të Beogradit

No Comments Lajme Opinion

Shumë intelektualë të formatit nacionalistë, në analizat e tyre kanë nxjerrë në pah servilizmin dhe natyrën prej argati të pështirë të Ramës në shërbim të serbosllavizmit, të përfaqësuar nga krimineli me damkë i Dardanisë Aleksandër Vuçiç. Nuk ka asgjë për t’u habitur nga qëndrimi i Ramës, i cili, është i zhveshur kokë e këmbë nga dinjiteti personal dhe, për pasojë, nga dinjiteti kombëtar, si shegert dhe puthador shembullor i Beogradit. Kjo për arsyen e thjeshtë se ai është produkt i partisë socialiste, bijës besnike të partisë komuniste, e cila, që prej 08 nëntorit të vitit 1941, u vu krejtësisht në shërbim të titizmit, si agjenturë e serbosllavizmit. Në vitin 1948 u krijua përshtypja sikur kryetradhtari i Shqipërisë dhe kryeargati i titizmit Enver Hoxha, i shkëputi “përfundimisht” urat me serbosllavizmin. Vitet në vijim nxorën në pah më së miri se ai pati shkëputur me të vetëm urat në dukje. Por për vazhdimin e lidhjeve sa më të ngushta me titizmin, Enver Hoxha ndërtoi ura të nëndheshme. Dhe s’mund të ndodhte ndryshe. Sepse fara e tradhtisë brendashqiptare, me në krye Enver Hoxhën,

farë që Dushan Mugosha dhe Miladin Popoviçi e patën mbjellë me shumë kujdes në Tiranë në atë 08 nëntor, kishte një imunitet të jashtëzakonshëm për mbijetesë. Dhe “bima” që mbiu nga ajo farë tradhtarësh në Shqipëri, ka dhënë dhe vazhdon të japë “prodhim” të bollshëm, me të cilin janë ushqyer dhe vazhdojnë të ushqehen breza të tërë drejtuesish në partinë socialiste, deri te Rama. Si trashëgimtar besnik i tradhtisë enverhoxhiste, Rama, për të sfiduar ballas Dardaninë, ka dalë me letra të hapura në shërbin të serbosllavizmit, çka e ka dëshmuar jo vetëm me puthadorësinë e tij origjinale ndaj Vuçiçit, por edhe me përkrahjen e gjithanshme që i ka dhënë dhe vazhdon t’i japë kryeargatit të Vuçiçit, kryetradhtarit të Dardanisë Hashim Thaçi, duke kryer vizita jo vetëm në qelinë e tij në Hagë, por edhe në familjen e tij në Skënderaj.

Për t’i bindur lexuesit e nderuar me dinjitet kombëtar për besnikërinë e kryeargatit Enver Hoxha ndaj serbosllavizmit edhe shumë kohë pas vitit 1948, një besnikëri kjo e trashëguar nga Rama me një zell të patreguar, në vijim po iu përcjell dy fragmente, të shkëputura nga libri im me titull “Përkthimi, një histori pasioni”, botim i Shtëpisë Botuese “OMSCA-1”, 2015, f. 293-294). Është fjala për kohën kur drejtoja Redaksinë e përkthimeve në tetë gjuhë të huaja në Shtëpinë Botuese “8 Nëntori”.

“Pas shpërthimit të demonstratave të studentëve të Univeritetit të Prishtinës në pranverën e vitit 1981 dhe

shtypjes së tyre të përgjakshme nga ana e makinës ushtarake të shovinizmit serbomadh, në muajin shtator të po atij viti, në redaksi na dërguan* për përkthim Përkujtesën e Vasa Çubrilloviçit (1897-1990), akademik, historian, profesor i Universitetit të Beogradit, një shovinist i kalibrit të lartë, armik i tërbuar i popullit shqiptar të Kosovës, i cili, në vitin 1937, ia drejtonte kryeministrit jugosllav Milan Stojadinoviç (1888-1961). Në atë Pëkujtesë ai kishte hartuar projektin për dëbimin e shqiptarëve nga Kosova.

Porosia na u dha që materiali të përkthehej sa më shpejt se situata vazhdonte të mbetej e ndezur në Kosovë. Materiali u përkthye dhe u bë gati për në shtypshkronjë, ku do të botohej në format broshure. Por para se ta zbrisnim në shtypshkronjë, në Redaksi erdhi porosia e prerë që, në kapakun dhe në ballinën e broshurës, nuk duhej të figuronte as autorësia e botimit, as enti botues, as viti i botimit. Kjo porosi tingëlloi në Redaksi si paradoksale, por përkthyesit dhe redaktorët bisedonin me njëri-tjetrin vetëm në intimitet. Me një fjalë, broshura në gjuhë të huaja duhej të dilte “kaçake” dhe e tillë duhej të qarkullonte në vendet përkatëse. Ishte me të vërtetë një porosi absurde. Me mikun tim, përkthyesin Edmond Tupja, bisedonim me zë të ulët: me sa duket, dashuria zhuritëse për Jugosllavinë dhe për Titon që pati shpërthyer më 08 nëntor 1941, edhe pas prishjes në dukje të marrëdhënieve me Beogradin në vitin 1948, vazhdonte ta rrezatonte afshin e nxehtë në fshehtësi edhe pas 33

viteve që kishin kaluar. Pra, që të mos i mbetej qejfi Beogradit, broshura, me Përkujtesën e Çubrilloviçit, do të bridhte “kaçakçe” nëpër botë, si “jetime” hesapi, por askush s’mund ta akuzonte Tiranën komuniste se e paskej hedhur ajo në qarkullim, se ajo mund të ishte botuar, fjala vjen, edhe në Burkina Faso, edhe në Zanzibar apo edhe në Guinea Bisao! Ky ishte jo vetëm një qëndrim prej servili të pështirë i udhëheqësit komunist shqiptar Enver Hoxha ndaj Beogradit shovinist, por edhe një qëndrim prej tradhtari të kulluar nga ana e tij ndaj popullit shqiptar të Kosovës.


*Përkujtesën e Çubrilloviçit na e dërgoi për përkthim Instituti i studimeve marksiste-leniniste, të cilin e drejtonte Nexhmije Hoxha. Nga ai institut na vinin për përkthim edhe “vepra” të Enver Hoxhës.

Kur Perandori me ciceron a diplomatë vjen tek Tirani !

No Comments Lajme Opinion

Nga Kujtim Gjuzi.
Baca + Çunat thyejnë në mes çdo Pallosh 2 Metrosh.
Djali i ministrit të brëndshëm pse duhet të mos ishte nisma e falsifikatorit dhe kontrabandistit!
5 Perandorë dhe një Kancelare kanë vizituar Trojet Albane.
Jul Çezare 44 Pes.
Viktor Emanueli lll 1940
Nikita Sergey Kryshov 1959
George W Bush 2007
Rexhep Taip Erdogan Prill 2013 e në vijim vjen….
Pesë perandorë janë stimuluar të zbresin për të vizituar Tiranët nxitur prej ciceronëve. Ata që sot në kohët moderne quhen këshilltarë a diplomatë nxisin andaj vijnë perandorët ne trojet Albane. Në rastin e Jul Cezare Tiranët nuk ishin dakortësu për vendosjen e vetëm një falamuri sic ishte Flamuri Romak i kuq me Luan të Artë në qëndër. Sherri midis perandorit dhe të dërguarit të tij Ciceron vijoj për aq kohë sa zbritja e Perandorit Çezare në Dyrrah – Durrësi sot u bë e detyrueshme. Kjo mosmarveshje u zgjidh me vendosjen e dy flamujve në Garnizonet e legjonit lX Romak. Një është Flamuri Kuq e Zi ( Shqiponja me dy koka pra një kokë për vëndasit Tiran dhe një për Romakët )
Viktor Emanueli i lll synoj më shumë kërkoj si kopështije krejt Albaninë. Fakti që një Ortodoks Himariot si Vasil Laçi i lëshoj plumba perandorit Roman flet për pamvartësi sovrane të çdo shqiptari për mbrojtje të identitetit trashëgues.
Nikita Sergej Kryshov është i vetmi perandor Lindor që në 12 ditnetë bujtimi kërkoj me cdo kusht të mbante Vlorën me nënujeset Ruse.
Sovraniteti e dërgoj Hoxhë Diktatorin deri në Kinë.
George W Bush zbriti në Tiranë në bashkërendim me Bacë Dardanin duke rivendos me veto perandorake të drejtën Albane për shteformim në Kosovë.
Rexhep Taip Erdogan zbriti në Tiranë për Xhami me katër minare?!
Angela Merkel 2015 – 2019 nuk u shua si shu**a e Pulës me vizitat e saj Zorristia na trajtoj si Tualet i Europës. Mbetjet radioaktive janë në trollin Alban.
Më 2017 familja e Sali Berishës u rrezikua.
Shqiptarët thonë:
Kur rritet Fmija rrezikon të prishet shtëpia.
Baca i Dardanis është rritur në kushtet e kullës si i tillë mbrojtja është strategji trashëgimore konservatore për pasojë, Sovranizmi merr pushtet instiktiv i fituar si imunn ndaj çdo kanosje jo vetëm fqinjësore por edhe në rrafsh më të gjerë.
2017 tregoj se askuj nuk mund ti shkojë në mëndje të merrte peng Sali Berishën.
Cadra e Lirisë pjestoj qeveri dhe Edi Rama këtë s’mund t’ia falë Dardan Berishës kur vetë e kish falur në Gërdec 2008
Kryeministri përdori fabulën si Kalë Troje.
Edi Rama përdori me dinakëri LB dhe Bashizmin për të degjeneru institucionin Baca jo vetëm i Berishajve. Përdorimi nga ER në format Sorist dha rrezultat korent, arriti “non gratën” mbi familjen Berisha.
ER duket nuk kish kuptuar që një institucion është vështirë ta menderosësh.
Sali Berisha tashmë i ka shpëtuar darës së diplomacisë dështake të Edvin Ramës, ky fakt duket qartë.
Perandori Konservator Hungarez i dha mbrojtje Doktor Bacës po ashtu perandori i Euro Gazit Azer Ajli Ajliev e ftoj në Darkën botërore që s’besoj është e fundit për Sali Berishën.
Edi Rama tash duket i njollosur për të 4 herë.
Ministrat e tij të brëndshëm merren me afera të Drogës ilegale duke bërë kotrabandim të produktit farmaceutik si vepër penale ndërkombëtare
1 – Saimir T i dënuar familjarisht për kontrabandim Droge dhe medikamente farmaceutike në Itali dhe në Shqipëri.
2 – Fatmir XH me vëlla babe kontrabandist Familjar, dënuar për Drogë në Itali.
3 – Sandër LL Kimiku me skuadër dhe policie të droguar vret qytetarin. Pons Pilates ER lan duart me familjen e të ndjerit KR
4 – Ministri i katërt i Brëndshëm Blendi Ç ndihet në vështirësi sepse djali i tij ndodhet në dokumentin hetimor në ndjekje penale për fallsefikim dokumentacioni dhe kontrabandim medikamente në kohë pandemie.
A duhet të japë doreheqje Z. Çuci sic kërkoj sot PD
Po duhet të japë dorëheqje jo vetëm BÇ por krejt qeveria sepse parashikon ligji Anti Mafia.
Nëna e Djalit të ministrit të brëndmshëm Zh. P pretendon se djali i saj EÇ është i pafaj. Po kjo gjasë është e vërtetë për aq kohë sa prezumohet pafajsia nga Gjykata e Shkalles më të lartë por…. Nervozizmi i saj dukej qartë ndaj pusetes ku ka rënë viktimë ajo në radhë të parë.
Qytetari Digjital në fakt nuk është Doktor Baca.
Zonjë Zhaklin P është një nënë e pa përgjegjësi që ka shtyrë djalin e saj drejt kontrabandimit dhe falsefikimit të dokumentave dhe medikamenteve mjeksore.
Nje nënë duhet të ketë përgjegjësi kur bllokon vendime të Gjykatës. Duke realizu veprime, Zh.P largon përgjegjësinë aterore dhe bllokon djalin të rritet me kulturën e respektit ndaj ligjit te cilën në cdo rast e afron babai BÇ
Zhaklin P duket qartë që ka dështuar. Inati si edhe ne rastin e reagimit me fjalor pusetash nuk ka mundur të edukojë djalin e ministrit të Brëndshëm B. Çuci.
Skandali e detyron ministrin BÇ te japë Dorëheqje.
Kryetar i PD zoti Sali Berisha duhet të investohet plotësisht që:
Kryeministri i kontrabandës, drogës dhe qenieve njerzore duhet të largohet me çdo çmim.
Një deklaratë për shyp e PD për skandalin familjar të ministrit të brëndshëm Blendi Ç nuk mjafton;
1 – Familjarët falsefikues të dokumetave mjeksore.
2 – Vrasjet e qytetarëve dhe punonjësëve të policisë në Komisariate janë vijimësi mos serioziteti.
3 – Vrasjet me pagesë janë sinjifikim mafioz.
4- Vrasjet me C4 Qyteteve dhe Autostradeve janë tmerr për shqiptarët.
Ju Ciceronë diplomatë e kuptoni pse duhet sovraniteti Opozitar edhe në Kolumbinë e Europës.
Ju diplomate anti kontrabandë e kuptoni ku u ulët me korrupsionin mafioz të Rilindjes.
Ju diplomate a ciceronë bëhuni pak Rajësonë në Shqiperi ndryshe i mbyllni rrugën perandorit të rradhës të vizitojë Shqipërinë Kolumbia Europiane.
PD dhe veçanërisht Sali Berisha ka detyrim të ndalojë marrzinë e djemve të ministrave të qeverisë së korrupsionit dhe kontrabandës që vrasin shpresën e Shqiptarve.
Ju Xhaklin P mos merrni në qafë sikur deri tani djalin tuaj për disa para të pista më shumë kur babai i tij BÇ dhe djali vetë EÇ mund dhe kanë mundësi të jetojnë pa pisllëkun qe i ke ofruar ti.
Fotot: nga Hamza Hatika.

Burimi/Facebook

Pse nafta është më e shtrenjtë se benzina?!?

No Comments Lajme Opinion

Nga Bislim AHMETAJ
Historikisht në tregun shqiptar nafta ka qënë më e lirë se benzina.
Dhe kjo është e natyrshme pasi benzina ka kosto më të lartë prodhimi duke qënë se është derivat i naftës dhe kërkon përpunim më të thellë, për pasoj do të ketë edhe çmim më të lartë në shitje.
Përjashtim nga ky rregull bëjnë disa vende ekologjike si Zvicra apo Norvegjia të cilat për shkak të ndotjes më të lartë që shkakton nafta dekurajojnë përdoruesit e makinave me naftë edhe përmes çmimit.
Ky rregull në Shqipëri është përmbysur në favor të naftës që kur çmimin e karburanteve nisi ta vendosë “Bordi i transparencës së çmimeve”.
Po çfarë ka ndodhur?!?
Pse ja ka hipur nafta benzinës?!?
Të jetë rastësi?!?
Të jetë edhe ky kapërcim i panatyrshëm produkt i luftës në Ukrainë?!?
Do mundohem ti jap përgjigje këtyre pyetjeve për publikun që më ndjek dhe beson tek e verteta dhe jo te propaganda.
Nga statistikat e mangëta që zotëron vendi ynë, Shqipëria ka rreth 600 mijë mjete motorrike lëvizëse.
80% e të cilave punojnë me naftë, në këtë % futen edhe mjetet e rënda të transportit (kamionët, kamionçinat, autobuzët, mikrobuzët, traktorët dhe makineritë bujqësore) të cilat konsumojnë katër pesë herë më shumë naftë se autoveturat.
Pra nafta zë mbi 80% të sasisë ditore të karburantit të harxhuar në vend.
Kjo do të thotë që sasia e naftës që shitet në treg zë 80 deri 90% të sasisë së karburanteve që konsumon tregu ynë.
Vetëm 20% e autoveturave janë makina benzinë dhe nga këto më shumë se gjysma janë të modifikuara gaz-benzinë.
Konsumi ditor i benzinës zë më pak se 10% të tregut të këtij produkti dhe po kaq edhe ai i gazit.
Ligjet universale të ekonomisë së tregut na mësojnë që në këtë rast çmimi i naftës për shkak të ofertës duhet të ishte të paktën më i ulët se ai i benzinës.
Po pse ndodh e kundërta?!?
Nga kjo analizë e thjeshtë del në dritë të se me çmimin e lartë të naftës shtojnë në mënyrë të drejtëpërdrejtë pasurinë importuesit e saj, shumica e të cilëve janë pjesë e Bordit të vëndosjes së çmimeve.
Gjithashtu çmimi i lartë i naftës rritë të ardhurat buxhetore, (pasi akciza, TVSH-ja, taksa e mjedisit, taksa e karbonit, taksa e qarkullimit aplikohet mbi çmimin e shitjes) buxhet të cilin e kanë në shënjestër për ta shpërdoruar dhe vjedhur zyrtarët e lartë të shtetit duke filluar nga Kryeministri deri tek anëtarët e Bordit të Transperencës së Çmimeve. Pra Bordi i vEndos çmim më të lartë naftës në raport me benzinën me qëllimin e vetëm për të pasuruar vetën dhe për të varfëruar qytetarët e vendit të tyre.
Vini re: Çmimi më i lartë vihet të premten, kur dihet që shumica e atyre që e zotërojnë një autoveturë marrin rrugën drejt plazheve të vendit për të freskuar trupin dhe mendjen nga stresi javor.
Të hënën edhe pse çmimi i naftës është gjithmonë më i lartë se ai i benzinës ai bie me disa cent pasi në ditët e javës ulet sadopak përdorimi i autoveturave.
Siç duket Qeveria me anë të Bordit të rjepjes së qytetarëve ka menduar çdo detaj se si tia shtoj pasuritë vetës dhe si ta shndërroj qytetarin e shtresës së mesme në të varfër dhe të varfërin në lypës rrugësh.
Cila do të ishte zgjidhja?!?
Zgjidhja më e mirë do të ishte shkrirja e këtij bordi dhe lënia e çmimin në dorë të tregut.
Qeveria të përgjysmoj akcisën dhe të heqë taksën e mjedisit deri sa të mbaroj lufta në Ukrainë.
A do të heqë dorë qeveria dhe oligarkët nga rjepja e popullit?!?
E vështirë, më mos e pamundur të bëhen ujku dele.
Po çfarë duhet bërë?!?
Një zgjedhje e sforcuar, por në këto rrethana thuajse e vetmja do të ishte që populli të blej nga një shishe benzinë, e cila për shkak të prezencës së Bordit të çmimeve kushton më lirë se nafta dhe si fillim dhe paralajmërim të djegë makinat super të shtrenjta të qeveritarëve dhe të oligarkëve të karburantit të cilat që të gjitha punojnë me benzinë, në qoftë se bie në vesh të shurdhër ky paralajmërim atëherë le të rrethojë qeverinë oligarkike dhe tu djegë selitë dhe ata vetë brenda bash si minjtë e lamave.
Tirane me 20 Qershor 2022

Burimi/Facebook/Autori