Home

Lajme

Thumbon Erik Lloshi: Ku këndon llumi, s’ka vend për ne

No Comments Lajme Opinion

Duke qenë se numri i këngëtarëve të rinj është shtuar shumë së fundmi, këngëtari Erik Lloshi nuk i ka kursyer kritikat e tij në Instagram.

Në një video të gjatë për ndjekësit, ai ka shpjeguar vështirësitë që po kalon çdo këngëtar i vjetër në profesion për shkak të emergjencës Covid-19.

Sikur të mos mjaftonte kjo, Eriku përmend edhe faktin që lokalet tashmë po marrin këngëtarët e rinj që thjesht e quajnë veten “këngëtarë”, me dy këngë gjithsej.

Madje, ata këndojnë të gjithë repertorin e këngëtarëve të vjetër, pa asnjë të drejtë dhe kështu fitojnë në kurrizin e tyre.

Kjo e ka bezdisur jashtëzakonisht shumë Lloshin, i cili shprehet se në fakt duhet ta kishte pasur më herët këtë reagim. Për më tepër, ai ka nisur një “nismë” duke i ftuar këngëtarë të tjerë t’i bashkohen.

Eriku kërkon që askush të mos pranojë të shkojë në lokalet ku do të performojnë “këngëtarët” e rinj.

“Ku këndon llumi, s’ka vend për ne”- shprehet ai ndër të tjera.

Këtë vit, Erik Lloshi do të jetë pjesëmarrës në “Këngën Magjike” me projektin e ri të titulluar “Ta vodha zemrën”, një këngë ritmike

Burimi/zoom.al/

Holta ARAPI ROÇI – Personazh i artit figurativ

No Comments Intervista Lajme

Holta ARAPI ROÇI
Personazh i artit figurativ
Intervista e saj
Formimi im në rrugën e artit fillimisht lindi brenda familjes time, nga dy prindër artistë. Pasioni dhe dashuria për artin që u kultivua dhe la gjurmë të mëdha në edukimin tim vazhdon dhe sot. E rritur midis ekspozitave, aktiviteteve të ndryshme, ambienteve artistike, zhvilloi tek unë nxitjen dhe dëshirën për ta transmetuar më tej dhe tek brezat e rinj. Studimet e para lidhen me Liceun artistik, shkolla ku unë pata kënaqësinë dhe fatin të mësoj nga pedagogë dhe artistë shumë të mire. Ndër ta mund të përmend Edomond Gjikopulli, Hasan Çaparin, nëndrejtor dhe profesor Hermon Madhi, e shumë të tjerë të cilët kanë dhënë kontribut në formimin e traditës së artit në Shqipëri dhe tek brezat e rinj. Sot unë vazhdoj të jem pjesë e kësaj shkolle si mësuese e artit figurativ për të dhënë dhe unë kontribut në formimin e artistëve të rinj.

Burimi/Facebook/ALUMNI/Liceu Artistik

A ËSHTË I NEVOJSHËM NJË ROTACION POLITIK….!?

No Comments Lajme Opinion

Kjo pyetje e ka një përgjigje shumë të thjeshtë: Për shembull, nëse shkon të bësh një blerje në market, kur afrohesh në një raft dhe shikon aty dy shishe me ujë të markave të ndryshme, je në dilemë se cilën prej tyre do të zgjedhësh për ta konsumuar…! Mirëpo njëra prej tyre është prodhuar në vitin 2013, dhe ka kohë që si produkt ka skaduar, madje është mjaft i rrezikshëm për shëndetin, sepse të mbyt me bakterie… Ndërsa tjetra, sapo është prodhuar dhe, së paku do disa vite të skadoj nga dita e prodhimit….! Atëherë, lind pyetja: cilin produkt të ujit do të zgjedhësh për konsum….!? Patjetër, çdokush do të zgjidhte prodhimin e freskët dhe prodhimin më të ri që del në treg. E ngjashme si kjo fabul është edhe historia e këtyre zgjedhjeve të 25 prillit! O Njerëz! Ju militantë dhe ju elektorati gri i pavendosur, e ku ta di unë se çfarë…! Jeni përballë 2 alternativave: ose pranoni të nënshtruar e verbërisht që të vazhdoni të sundoheni dhe të keqqeveriseni nga një sekt i korruptuar e kriminal që në këto 8 vjet u ka vrarë shpresën dhe të ardhmen shqiptarëve dhe fëmijëve të tyre, ose flakeni pa mëshirë me votën tuaj këtë ëndërr të keqe dhe sillni një ndryshim në jetën tuaj duke çelur perspektiva dhe horizonte të reja për të mirën e përbashkët! Unë për vete, kështu e lexova deklaratën mjaft inteligjente, të qartë dhe shumë dashamirëse të ambasadores së SHBA – së në Shqipëri YURI KIM.

Nga z. Ilir Çumani

Skenari i rrezikshëm për ndarjen e tokave shqiptare

No Comments Lajme Opinion

Letër publike, Kolonel Dilaver Goxhajt

Nga Afrim Morina

Analist i pavarur

I nderuari Shpëtim Golemi, po të drejtohem me nofkën e luftës, si Zëvendës Shefshtabi i Shtabit të Përgjithëshëm të UÇK-së, për angazhimin tuaj, me shkrime analitike shkencore për ndriqimin e “betejës” së Koshares. Ju keni dhënë sinjale bukur me peshë, për fatin e Shqipërisë e shqiptarëve, që është lujatur e po luhet me “betejen” e Kosharës dhe, duke u përpjekur që ta ndiçoni edhe më tepër, keni veçuar dy “margaritarë”, që në këtë analizë do të mundohem t’i zbërthej.

Vitin e kaluar jeni munduar të shpjegoni gjithë ajo që ndodhi në Koshare, por, si duket, ose nuk i kanë lexuar analizat profesionale ushtarake Tuajat, ose duan për t’i ndenjur besnikë sajesës së tyre, që gjithë operacini “Shigjeta” të shpërfillet dhe të zëvendësohet me “betejen” e Koshares. Mua nuk më befason deklarimi i komandantëve të Kosharës, por tragjikja është, se po heshtin komandantët e operacionit “Shigjeta”(!) Kjo edhe po e ngrin lart “moralin” te pala tjetër dhe pranimin e të tjerëve, se me të vërtetë, vetëm aty është luftuar.

Në shkrimin tuaj të fundit “Një sqarim i detyruar për luftimin në Koshare”, ju bëni pyetje të shumëta, por që tashmë ju keni dhënë përgjegje, por mos pritni të merrni përgjegje nga pala tjetër, e as nga bashkëluftarët e Tu.

Sa më shumë që kalojnë vitet, gjërat po dalin në shesh gjithnjë e më tepër mbi të vërtetën e politikës Rugovjane dhe Qeverisë në egzit, të Bujar Bukoshit, edhe pse ata, nuk e kanë thënë asnjëherë, por varësit e tyre dalin hapur, siç i keni marrë si shembuj ilustrimi mendimet e z. Rustem Berisha dhe z. Anton Çunit.

Për lexuesit po bëjë një zbërthim logjik, shkencor e ushtarak nga këndi politik, për të parë një të vërtetë sesa ka qenë e rrezikuar jo vetëm Kosova, por edhe Shqipëria londoneze, që do të thotë, sesa kanë qenë të rrezikuar shqiptarët në ndërrimin e dy shekujve XX dhe XXI. Citojmë ““Në situatën e pashpresë, kur popullsia e kësaj ane (brenda në Kosovë) mund të ishte tashmë jo vetëm pre e luftimeve intensive të ushtrisë serbe, por edhe e terrenit të papërshtatshëm dhe të minuar në rajonin e gjerë të Bjeshkëve të Nëmura, si kalim i vetëm i mundshëm për evakuim.

Këto ishin rrethanat që edhe më shumë e lidhën motivin dhe idenë tonë për një luftë nga kufiri e deri në çlirim, tek luftëtarët, konkretisht tek ne si ushtarakë që drejtonim këtë brigadë.” Rustem Berisha

Çfarë na thotë me këtë mendim politik e aspak ushtarak ky “Komandant” i Kosharës!?

E para, ne nuk mund të luftonim me Serbinë, sepse ajo mund ta rrafshonte gjithë Kosovën për dy orë nga Nishi, propaganda kjo që ishte artikuluar edhe nga vetë Rugova. Pra, nuk duhej ndërmarrë veprime çlirimtare nga populli, por të pritnim rezultatet e politikës rugoviste.

E dyta, duhej zbrazur Kosova, pasi kishim hyrë në këtë “avanturë” pa i pyetur disa oficerë të shtatmadhorisë Jugosllave para se të bllokohej kufiri nga minat serbe. Nga frika se me të vërtetë është ndërmarrë një veprim i tillë nga forcat ushtarake serbo malazeze këta zotërin oficerë dorzojnë armët, municionet si dhe spitaln ushtarak në Zonën Operative të Dukagjinit, të cilët i udhëhiqte Tahir Zemaj, për të kaluar nëpër Mal të Zi, (Bah!) në territorin e Shqipërisë londineze, me moto: të shpëtohet ajo që mund të shpëtohet!

E treta, më e “çmuara”, se duhej përgatitur një luftë nga kufiri i Shqipërisë londineze!? Logjikë i thonë kësaj, madje edhe strategji ushtarake, që ta vinin në pikëpyetje edhe Shqipërinë londineze(?!)

Pse dhe si?, do të parashtoni ju pyetjen. Për të dhën përgjegje, po citojmë edhe mendimin e Shefit të Shtabit të forcave që bënë “betejën” e Koshares, z.Anton Qunit: ”Kur jam paraqit për herë të parë në një objekt të Ministrisë së Mbrojtjes, në dhomën operative, ka qenë në mur një hartë,- kjo ka ndodh në fillim të korrikut 1998, – e cila ishte mbuluar me një stof. E shpalosa. Aty pashë se dikush kishte parapa një ndërhyrje strategjike që të kishte hapje të kufijve, në Qafë të Prushit, Qafë të Morinës… E kemi paraparë për një ndërhyrje.”

Ky e përforcon mendimin e Komandantit të tij, z.Berisha me përshkrimin e hartës në mur, në Ministrinë e Mbrojtjes së Qeverisë Bukoshi në Tiranë.

Do të mundohem t’i jap përgjegje në këto dy mendime të shfaqura publikisht, nga dy komandantë të Koshares, përmes një shembulli të historisë sonë kombëtare.

Derisa mbahej Konferenca e Paqës në Parisë (pas LDB, më 1946), Greqia mundohej t’ua mbushte mendjen shteteve pjesëmarrëse në atë konferencë, se Shqipëria nuk kishte luftuar fashizmin dhe nazizmin, duke ua përkujtuar “Ligjin e Luftës” të saj kundër Shqipërisë, të vitit 1940 dhe se gjoja Shqipëria padrejtësishtë mbante të pushtuar Vori Epirin. Shumica i besuan kësaj propagande dhe diskutonin për fatin e Shqipërisë për të qenë shtet apo jo, edhe pse ishte anëtare e Ligës së Kombeve para lufte. Grekët, duke e parë këtë mbështetje, u bënë trima dhe në vitin 1949 përgaditën dhe ndërrmorrën veprime ushtarake për pushtimin e Shqipërisëë londinez, në emë gjoja të luftimit të bandave grekë, që na i paskishte strehuar ajo në territorin e saj. Ata hynë në territorin e Shqipërisë disa kilometra, me këmbësori, altileri të rëndë të mbështetur edhe nga pesëmbëdhjetë aeroplonë luftarkë. Ish pesëmarrësit e Konferencës nuk e “shihnin” këtë operacion grek, derisa Qeveria shqiptare i ktheu mbrapsh, duke i turpëruar të gjithë.

Mos vallë, të njejtin skenar u munduan t’ia ofronin Jugosllavisë së Millosheviçit disa ushtarakë shqiptarë të përgatitur në akademitë ushtarake të Jugosllavisë, të udhëhequr nga politika rugovjane, kur dihej se Rugova nuk komunikonte me Qeverinë shqiptare, ndërsa, edhe i ndihmuan Berishës në grushtetin e dështuar të shtetit në tetorin e vitit 1998, pas një muaji si patën dezertuar nga Lufta e UÇK-së në kulmin e ofenzivave të ushtrisë serbe(?!) Mois vallë

kishin marrë edhe sugjerime nga Millosheviçi dhe mbështetësit e tij, që ushtrija e Tij të gjente “shkak” e të hynte në territorin e Shqipërisë, për të luftuar “terroristwt” shqiptarë, siç e quajti edhe Gelbardi, që asnjëri nuk donte ta njihte UÇK-në?! Mos vallë ishte planifikuar që të zhbëhej Shqipëria londineze, siç ishte skenari i vitit 1946 dhe 1949, por tash në emër të sulmit nga FARK-u, në qafë Prush, e, qafa tjera?

Këta dy ushtarakë të apostrofuar, duket që nuk e njohin fare politikën, por edhe anën ushtarake, përndryshe nuk do t’i nxirrnin në pah këto dy segmente shumë me peshë, për të kuptuar dhe zbërthyer gjithë politikën rugovjane. Këta na e zbërthyen enigmën, se pse Rugova nuk e njohu kurrë UÇK-në, pse ishte për ndërprerjen e bombardimeve të NATO-s, dhe pse nuk e vizitoi kurrë memorialin e Jasharajve. Për këtë nxjerrje në shesh të asaj strategjie antikombëtare, këta dy ushtarakë të FARK-ut ia vlen të falënderohen, ndryshe historia nuk do ta kishte plotësisht të qartë gjithë strategjinë rugoviane.

E di që nuk do të marrim përgjegje, sikurse nuk keni marrë as Ju, i nderuari Kolonel! Se shkolla e Tiranës nuk ka ditur të hyjë në lojëra të flliqta, sikurse shkolla e Beogradit, e cila ka përgatitur kuadro për ne, në pjesën e Shqipërisë së robëbruar, duke anashkaluar kuadrot kombëtare nga Tirana.

Në fund, Kolonel Shpëtim Golemi, të lumtë pena e të punoft mendja në përballje me mostrumet e kombit, që në të dy luftrat, (LDB dhe UÇK-së) deshën ta zhbënin Shqipërinë në të mirën e Serbisë dhe Greqisë.

Lavdi tradhëtisë e marrisë! Lavdi të pamoralshmëve!

Afrim Morina

Prishtinë, 11.04.2021

Ambasadorja amerikane foli qartë, hapur, me dashamirësi dhe sinqerisht: “Nëse doni ndryshim, votoni për ndryshim”

No Comments Lajme Opinion

Nga Skënder Sadri KAPITI

“Votuesit shqiptarë janë shpresa e parë më e mirë. Kjo është baza e çdo demokracie, votuesit. Ndaj mendoj që njerëzit i kanë bombarduar të besojnë se nuk kanë pushtet. Fakti që dikush përpiqet të blejë votën tënde duhet të tregojë se nuk jeni pa pushtet.
Ky është pushteti juaj. Vota jote është pushteti yt. Shqiptarët që takoj kudo në vend më thonë se iu ka ardhur në majë të hundës nga korrupsioni; iu ka ardhur në majë të hundës nga pandëshkueshmëria; iu ka ardhur në majë të hundës nga kriminelët që ulen në parlament. Epo, ky është momenti. Ma tregoni me veprime, tregojeni me veprimet tuaja se e keni seriozisht.
Nuk mund të ndodhë që më kërkoni opinionin tim si Shtetet e Bashkuara, unë jua jap dhe pastaj ju vazhdoni të bëni të njëjtën gjë. Nëse doni ndryshim, votoni për ndryshim. Nëse doni kriminelë, votoni për kriminelë. Por ajo që bëni duhet të përputhet me atë që thoni se doni. Dhe 25 prilli është momenti”, u shpreh Yuri Kim. https://kohajone.com/ambasadorja-amerikane-yuri-kim-nese-doni-ndryshim-votoni-per-ndryshim-nese-doni-kriminele-votoni-per-kriminele/.

Pra më qartë, më sinqerisht dhe më hapur nuk ka se ku të shkojë kjo porosi drejtuar shqiptarëve nga Ambasadorja e SHBA- ve në Tiranë. Kjo nuk është vetëm porosi por është edhe leksion e këshillë domosdoshmërie për shqiptarët në prag të zgjedhjeve të 25 Prillit 2021. Kjo i tregon shqiptartëve se forca dhe pushteti është vota e tyre, pra është veprimi i duhur që duhet të veprojnë shqiptarët dhe jo ankesat pastaj për gabimet që ata bëjnë me votën e tyre.

Porosia e saj e madhe është që votuesit të veprojnë ashtu si thonë dhe jo tjetër gjë deklarohen dhe tjetër gjë veprojnë. Ndryshimi duhet bërë jo me duke thënë ndryshe e duke vepruar ndryshe, pra ndryshimin nuk e bën hipokrizia deklarative por veprimi konkret dhe i duhur që duhet të bëjnë votuesit me 25 Prill 2021.

Pra ashtu si shqiptarët që po kërkojnë dhe deklarohen për ndryshimin , ashtu edhe ambasadorja e SHBA-së u thotë shqiptarëve: “Nëse doni ndryshim, votoni për ndryshim. Nëse doni kriminelë, votoni për kriminelë. Por ajo që bëni duhet të përputhet me atë që thoni se doni. Dhe 25 prilli është momenti”.

Pra, SHBA gjithmonë është dhe ka përkrahur e mbështetur vullnetin e shqiptarëve, për ndryshim.

Se cili është dhe duhet të jetë e të bëjnë ndryshimin shqiptarët ajo është në dorë të vetë shqiptarëve. Në demokraci me ndryshim kuptohet alternativa, që është opozita, dhe jo pushteti që rastis të jetë në qeverisje aq më tepër jo ky “ndryshimi” që solli vetëm të këqija e mbapështira si ky pushteti aktual keqbërës i rilindjes në Shqipëri.

Pra, dhe ndryshimi është largimi nga pushteti dhe mosvotimi i atyre me rekorde krimi, tradhtie, hajnije e korrupsioni; largimi nga politika e pushteti i politikanëve dhe pushtetarëve të krimit, hajnisë, drogës, mosintegrimit, të shitblerjes së votës dhe të korrupsionit; largimi i pushtetit që keqeverisi në këto 8 vite e që e mbajti peng zhvillimin dhe integrimin e Shqipërisë.

Dhe këtë e ka në dorë populli shqiptar me 25 Prill 2021.

Dhe pra cili është ndryshimi që duhet bërë në Shqipëri?

Në demokraci ndryshimin e bëjnë zgjedhjet demokratike me votën popullore, që do të thotë ndryshim i qeverisjes, që do të thotë largim nga qeverisja të pushtetit aktual dhe ardhja e një qeverisje tjetër.

Dhe ky ndryshim finalizohet me marrjen dhe me ardhjen e opozitës në pushtet.

Ky është ndryshimi që duhet të veprojnë dhe të bëjnë shqiptarët. Pra. ndryshimi është votim për dekriminalizimin e politikës, qeverisë dhe institucioneve të shtetit; votimi për opozitën demokratike, për alternativën e ndryshimit, për Bashën Kryeministër.

Ilir Demalia – Barbarët urryesit e së bukurës

No Comments Aktualitet Lajme

Fotot më poshtë janë vila e Zogut në Shirokë.
Foto 1. Si ka qenë
Foto 2-3 dhe 4 si është tash 25 vjet e rrënuar si mall pa Zot për të j’u dhënë ndonje klienti të qeverisë që është apo do të vij.
Barbarinë që kanë bërë të gjitha qeveritë e këtij tranzicioni me pronën publike, me shkatërrimin e trashëgimise kulturore dhe historike, me pronën private është një krim që do ta paguaj rëndë dhe gjatë Shqipëria.
Shqiptarët historikisht nuk kanë ndëshkuar të keqen dhe krimin. Në të kundërt, janë përulur para krimit, banditëve dhe injorancës. E tregon këtë klasa politike e historisë së Shqipërisë dhe sidomos ky Parlament dhe kjo administrate.
Me të drejtë Faik Bej Konica shkruante në gazetēn Delli në 25 tetor 1929, në artikullin, Shqipëria si mu duk: “ Ky vend (Shqipëria) vërtet është i bekuar me njëmijë bukurira, por është e shkelur nga një turmë, e cila ushqen urrejtje kundër bukurisë”.

Burimi/Facebook

Ilir Meta – I akordova sot Heroit Arjan Sala, pas vdekjes, “Dekoratën e Artë të Shqiponjës”

No Comments Aktualitet Lajme

Sot Presidenti i Republikes se Shqiperise, ne prezence te te shume te ftuarve, si dhe familjare te Heroit Arjan Sala , u dorezoi dekoraten e Arte pas vdekjes . Ja cfare shkruan Presidenti ne rrjetin social Facebook , ne profilin e tij : –

Mes dhembjes por me mirënjohjen dhe krenarinë e çdo shqiptari i akordova sot Heroit Arjan Sala, pas vdekjes, “Dekoratën e Artë të Shqiponjës”, “Në shenjë vlerësimi e respekti të thellë për heroizmin e pashoq në përmbushjen e detyrës për të shpëtuar jetën e shumë qytetarëve. Për sakrificën dhe vetëflijimin e tij sublim, me të cilat hyri në zemrat tona, si shembull i heroizmit dhe humanizmit”.
Në një kohë kur vendi ynë po vuan nga papërgjegjshmëria dhe egoizmi i babëzitur i një grushti njerëzish, Arjani na dëshmoi në mënyrën më të dhembshme të mundshme se Shqipëria ka në gjirin e saj plot njerëz të mrekullueshëm, heronj të padukshëm, që i bëjnë nder kombit.
Prindërve të Arjanit u shpreh mirënjohjen e pakufijshme, që mes sakrificave rritën dhe edukuan birin e tyre me vlerat më të larta njerëzore, me dashurinë vetëmohuese për njerëzit dhe përgjegjësinë ndaj detyrës.
Bashkëshortes dhe djalit të vogël, Aronit, fatkeqësisht nuk ua kthejmë dot këtë humbje të pazëvendësueshme, por do t’u qëndrojmë pranë e kujdesemi në çdo moment, nga unë i pari si President i Republikës ashtu edhe çdo shqiptar tjetër, që u solidarizua me aktin heroik të Arjan Salës.
Vetëflijimi i Arjanit na vendos të gjithëve përpara detyrimit, që të punojmë më fort për të ndërtuar një shtet më reagues, më funksional, një shtet me fytyrë më njerëzore, një shtet më social.
Arjani do të gëzojë respektin dhe mirënjohjen e përjetshme të të gjithë shqiptarëve si Hero i gjallë dhe bashkëkombas i Nënë Terezës!

Burimi/Facebook

Albin Kurti – Morëm vendimin e sotëm përkatës në mbledhjen e Qeverisë.

No Comments Aktualitet Lajme

Ne kemi një regullator të energjisë që duhet të jetë i pavarur dhe i fuqishëm, kështu mundësohet kufizimi i ndikimit të paautorizuar në vendimmarrje dhe sigurohet stabilitet në regjimin rregullator. Vendimet e këtij institucioni kanë ndikim direkt në jetën e të gjithë qytetarëve të Kosovës, në konkurrueshmërinë e prodhuesve e sipërmarrësve tanë, në çmimin e furnizimin me energji, por edhe në mjedisin në të cilin jetojmë. Duke marrë parasysh fuqinë dhe përgjegjësinë e këtij institucioni si dhe natyrën tekniko-profesionale të rregullimit të këtij sektori, duhet të sigurohemi që Zyra e Rregullatorit të Energjisë (ZRrE) drejtohet nga profesionistët më të mirë të fushës që i kemi. Rihapja e konkursit ka dobinë e rritjes së numrit të aplikantëve cilësorë për këto pozita. Konsiderojmë se kjo vlen posaçërisht në kontekstin e një ndryshimi të madh shpresëdhënës në Kosovë pas zgjedhjeve të 14 shkurtit. Me këtë rast inkurajojmë të gjithë profesionistët e fushës, përfshirë bashkatdhetarët nga mërgata, që të konkurrojnë për këto pozita. Prandaj edhe morëm vendimin e sotëm përkatës në mbledhjen e Qeverisë.

Burimi/Facebook

Rreziku nga ndezja e luftës në Ballkan, paralajmërohen Kosova dhe Shqipëria

No Comments Lajme Opinion

NGA: A.MORINA

Profesori universitar, Enver Bytyçi ka reaguar ndaj kryeministrit të Sloovenisë, Janez Jansha, i cili ka propozuar që Kosova dhe Bosnjë Hercegovina të ndahen dhe t’i jeptet fund konfliktit në Ballkan.

Profesori theksoi edhe deklaratën e anëtares së Parlamentit Evropian Tanja Fajon, që ky propozim mund të ndez luftë në Ballkan.

Bytyçi kërkoi nga Kosova dhe Shqipëria t’i bëjnë presion kryeministrit slloven, pas kësaj deklarate.

“Me ndarje e ricopëtime të vendeve tjera është lehtë të bësh zgjidhje. Por Jansha e Sllovenia e bllokuan integrimin e Kroacisë në BE për një sipërfaqe deti të parëndësishme”, shkri profesr Bytyçi në Facebook, përcjell “Bota sot”.

Postimi i plotë

Kryeministri i Sllovenisë, Janez Jansha, i paska shkruar një letër Këshillit të Europës, me të cilën ka propozuar që Kosova dhe Bosnjë Hercegovina të ndahen dhe me këtë zgjidhje, thotë ai “t’i jepet fund konfliktit në Ballkan”!

Por bashkëpatriotja e tij, Tanja Fajon, ka reaguar duke theksuar se ky propozim e ndez luftën në Ballkan. Për këtë sjellje të Sllovenisë duhet të reagojë me notë protestë qeveria e Kosovës. T’i kërkojë asaj, nëse i qëndron ose jo vendimit për njohjen e Kosovës si shtet i pavarur e sovran në territorin e saj dhe nëse jo, ta shpallë Slloveninë si vend me të njëjtin status me vendet që nuk e njohin Kosovën, bie fjala të njëjtë me Rusinë!

Nëse Kosova dhe Shqipëria nuk i bëjnë presion kryeministrit slloven, atëherë në BE do të mendojnë se edhe këto dy vende ndoshta kanë interes në një zgjidhje të propozuar nga kryeministri Jansha, i cili fatkeqësisht dëshiron që të marrë mbështetje për zgjidhjen e këtyre konflikteve në presidencën e tij të BE-së në gjashtëmujorin e dytë të këtij viti. Me ndarje e ricopëtime të vendeve tjera është lehtë të bësh zgjidhje. Por Jansha e Sllovenia e bllokuan integrimin e Kroacisë në BE për një sipërfaqe deti të parëndësishme.

Burimi/BotaSot.info

Dr. Ida Findiku – violinë

No Comments Aktualitet Lajme

Nga ALUMNI Liceu Artistik
Dr. Ida Findiku – violinë
Dr. Ida Findiku (Tiranë,1984) është një artiste Shqiptare që u largua nga vendlindja në vitin 2004 dhe vazhdoi karrierën e saj për 15 vite në Shtetet e Bashkuara të Amerikës. Dr. Findiku është e specializuar për të performuar në violinë të gjitha periudhat që përfshin muzika klasike, duke filluar me periudhën e Barokut (1600) e deri në muzikën kontemporane të Shekullit 21të. Në 2019 Dr. Findiku sponsorizoi vetë dhe regjistroi albumin e saj të parë solistik, Part of Me, me repertor Shqiptar klasik nga kompozitorë të njohur si Çesk Zadeja, Pjetër Gaci,Tish Daija, Aleksandër Peçi, Feim Ibrahimi, e Jani Papadhimitri. Ida Findiku ishte në rolin e koncertmaestrës me orkestrën e Universitetit të Denverit ku regjistroi albumin “Beethoven Symphony no.7 and Hill’s Beethoven 7.1”. Kjo e fundit ishte premierë botërore dhe ka marrë cmime në SH.B.A si projekt dhe si album (2010).
Dr. Findiku kreu studimet bachelor me bursë të plotë dhe rezultate të larta në Universitetin e Western Michigan me Renata Knific në performimin e violinës (2009). Gjatë kësaj periudhe Ida u angazhua me orkestrat e Michigan dhe si pjesëtare e orkestrës së Kalamazoo luajti nën batonin e dirigjentit të njohur Lorin Mazel.
Karriera shkollore e Dr. Findikut vazhdon në Universitetin e Denver (2009-2015) me një tjetër bursë të plotë dhe në studion e solistes së famshme Linda Wang. Gjatë këtyre viteve Dr. Findiku u çertifikua në metodën Suzuki dhe bëri studime orkestrale me Yumi Hwang-Williams, koncertmaestën e Colorado Symphony Orchestra (2012-2013).
Dr. Findiku themeloi kuartetin ANEA me të cilin mori cmimin e parë në konkursin e muzikës së dhomës së zhvilluar nga Universiteti i Denver (2012). Kuarteti ANEA prezantoi dhe bëri workshop në shkollat e Douglas County High Schools (2009).
I sponsorizuar nga organizata e njohur Friends of Chamber Music kuarteti ANEA u bë pjesë e projektit Community Outreach dhe ndihmoi për ngritjen e nivelit të luajtjes së muzikës në shkollën shtetërore Henry World School.
Dr. Findiku kreu studimet e doktoraturës me bursë të plotë në Universitetin e Boulder, Colorado në studion e Harumi Rhodes (2015-2019). Në këtë universitet Dr.Findiku jepte mësim klasa violine, klasa muzike të përgjithshme, klasa solfezhi dhe ishte asistente e pedagogut. Gjatë studimeve në Universitetin e Boulder Ida u ftua të jepte mësim në Summer Academy si pedagoge e violinës, orkestrës, dhe e muzikës së dhomës (2017). Gjithashtu performoi në rolin e concertmaestrës në programin Conductor’s Workshop drejtuar nga dirigjenti Gary Lewis (2016-2019).
Dr. Ida Findiku është një performuese e larmishme që luan nëpër orkestrat e njohura në SH.B.A. dhe ka patur kënaqësinë të ndaj skenën edhe me artistë të njohur botëror si Katy Perry, Rod Steward, Michael Buble, Josh Groban, Sarah Brightman, dhe Trans Siberian Orchestra. Dr.Ida Findiku është një mësuese aktive e metodës Suzuki dhe synon të mbjellë farën për këtë metodë të njohur bashkëkohore në Shqipëri me qëllim për të krijuar breza instrumentistësh intuitiv e kreativ.

Burimi/Facebook