Home

Lajme

Burri lyen gruan me benzinë dhe i vë flakën

No Comments Aktualitet Lajme

Ngjarja e rëndë është shënuar në fshatin Këllëz të qytetit të Gjirokastrës, ku burri i ka vënë flakën bashkëshortes.

Sipas informacioneve policore, 72-vjeçari me iniciale P.J. ka lyer me benzinë gruan dhe më pas i ka vënë flakën.

Bashkëshortja u dërgua me urgjencë në spitalin e qytetit dhe fatmirësisht është jashtë rrezikut për jetën.

72-vjeçari është arrestuar dhe akuzohet për plagosje të rëndë me dashje. Policia thotë se ngjarja ka ndodhur për motive të dobëta.

Burimi/tvklan.al

Ahmet Osmani – MALL LOT E GJAK DREJT VENDLINJES

No Comments Lajme Opinion

Janë të rrallë ata mërgimtarë të cilët nuk kanë ndjenja për vendin e lindjes, siç janë të rrallë disa gazetarë të cilët me apo pa vetëdije futen në shërbim te projektit famëkeq ” Përçaj dhe sundo ” mundohen në Kosovë të fusin përçamje në mes te popullit në Kosovë dhe mërgimtarve.
Kumonën e këtyre gazetarve po e mbanë Valon Syla të cilin e ka pozicionuar TV7 dhe ngazëllehet fshehurazi si struc me dëshira dhe ide që i projekton thell në zemër kundër mërgimtarve.
Mërgimtarët e lan vendlindjen për mbijetesë dhe për ta shpëtuar kokën, politika ishte e tillë, (largimi nga vendet e punes dhe ndjekjet e antarve te organizatave ilegale ….nga regjimi i asaj kohe)
TV7- shi me qëllim të caktuar i bombardon mergimtarët me lloj-lloj fyerjesh, sidomos pas ndërrimit të pushtetit në Kosovë kur pothuajse 100% Mërgata e mbeshteti Vetevendosjen e cila po vinte në pushtet, ndaj, per këtë arsye filluan fyerjet e TV7 ndaj mërgimtarve.
Mërgata edhe pse fizkisht e ndarë nga Vendlindja ajo për asnje çast nuk ishte e ndarë shpirtërisht nga Vendlindja, rasti i fundit per t‘ u çmallur me familjar dhe Kosovën na sprovoi edhe me tragjedi, rasti i fundit në Kroaci …
Rast i dhimshëm, shumë i dhimbshëm…lutem që të mbetet i fundit rast tragjik për mërgimtarët, lutem edhe për të fundmet fyerje drejtuar mërgimtarve, por s‘ mund të them se do të jenë të fundmet fyerje përderisa në mesin tonë ka gazetar, mashë e doktrinës Përçaj dhe Sundo !

Burimi/Facebook

Kimete Berisha për statusin e Kurtit: Kurrë s’kam dëgjuar se hidhërimi për humbjen e jetëve zbutet me lojë

No Comments Lajme Opinion

Analistja Kimete Berisha ka reaguar ndaj një statusi të bërë nga Kryeministri i Kosovës, Albin Kurti ku thotë se “Në këtë ditë hidhërimi ndërsa vajtojmë për humbjen e jetëve nga aksidenti tragjik në Kroaci, zemrat tona janë lehtësuar nga suksesi i kampiones sonë…’, përcjell Periskopi.

Berisha është shprehur se kurr nuk ka dëgjuar se hidhërimi për humbjen e jetëve zbutet me lojë.

“E shihni çfarë mendon ky për zinë dhe se sa lehtë pajtohet ky me vdekjen e huaj. Zemra nuk lehtësohet së paku pa hy dhimbja në dhé!”

“Por, e dhimbshme është se ‘dhimbja shtetërore’ aktrohet, se dhimbja e huaj mbetet dhimbja e huaj!”

“Kur të dhemb zemra përnjëmend-nuk bën gabime. Të nevojitet kohë të pajtohesh me vdekjen e njerëzve t’u. Vuajtja dhe zija janë proces i gjatë, i dhimbshëm dhe ngushëllimi vjen i fundit. Sikur të shkonte dikush t’ua lehtësonte zemrat familjarëve të viktimave, duke u treguar se ka fituar medale një shqiptare në Japoni!”, ka shkruar Berisha.
Ajo ka kërkuar që ky status të fshihet nga kryeministri Kurti sepse sipas saj përveç që është absurd është edhe johuman dhe naiv.

Burimi/periskopi.com/

Hipokrizia e Kryeministrit Rama me “lavdërimet” për artistet dhe për xhudistet e Kosovës

No Comments Lajme Opinion

Nga Skënder S. KAPITI

Kombin e lartësojnë sakrificat e antarëve të tij, e lartësojnë talentet e tij si dhe burrështetasit e mëdhenj të tij.

Por mjerisht vetëm burrështetas të lavdishëm prej 100 vitesh nuk ka nxjerrë akoma Shqipëria.

Do të ishte mirë që “burrështetasit”p.sh. si Berisha, Nano, Rama e Meta të kishin qenë shëmbull pergjegjshmërie, morali e pastërtie dhe patriotizmi kombëtar , të kishin qenë vetë së pari shëmbull e kampion të tillë, dhe pastaj edhe “lavdërimet”, mirënjohjet e dekoratat e lëshuara prej tyre do të kishin pasur nënshkrimin dhe autoritetin serioz e të duhur të tyre për të vlerësuar e dekoruar të tjerët.

“Lavdërimet ” e Edi Ramës për Dua Lipën, Distria Krasniqin e Nora Gjakovën janë hipokrizi për Kosovën, pasi nuk është vështirë për ta kuptuar se sa e do dhe se sa e ka respektuar Kosovën Edi Rama, pasi realiteti e faktet flasin të kundërtën, atë se ai ka vepruar, shprehur dhe është deklaruar në disa raste kundër Kosovës duke shkaktuar edhe ftohje me politikën e Prishtinës,por edhe rënien e marrëdhënieve Shqipëri-Kosovë.

Me shpërndarje dekoratash kanë spekuluar për interesa personale politike edhe Presidentët Ilir Meta dhe Hashim Thaçi.

Po ta shohim Presidentin Ilir Meta vërehet se nuk ka ditë që nuk jep fleta lavdërimi dhe që shpërndan e akordon dekorata gjithkujt dhe githfarëshe, duke ia kaluar edhe kohës së diktaturës e cila shpërndante dekorata besnikëve të partisë komuniste dhe për merita socialiste.

Edhe sot në demokraci dhënia e dekorarave bëhet për merita preferenciale partiako-politike nga presidentët politiko-partiakë, por jo se nuk edhe shiten dhe nuk bëhet edhe korrupsion me to.

Aq shumë është ekspozuar në publik kjo veprimtari “patriotike” prsidenciale e Metës sa që edhe ata të cilët me të vërtetë i meritojnë mirënjohjet shtetërore sikur nuk emocionohen kur merr ndonjëri prej tyre dekoratë nga Presidenti ,pasi thonë se: ja more se edhe filani apo fisteku është dekoruar pa asnjë meritë.

Po kështu ka vepruar edhe ishPresideti i Kosovës HashimThaçi, por dhe prandaj shumë kush në Kosovë Hashimit edhe ia kanë refuzuar mirënjohjet dhe dekoratat e akorduara prej tij..

Edhe veteranët e vërtetë të UÇK-së nuk e ndjejnë veten mirë kur mësojnë se edhe shumë e shumë individë të tjerë pa asnjë kontribut për luftën janë shpallur veteranë.

Tani le të shohim se si do të sillet Presidentja Vjosa Osmani në respekt të atyre që kanë kontribuar realisht , me të vërtetë dhe sinqerisht për Kosovën dhe për të mirën publike e kombëtare, ndaj atyre të cilët ishët e pushtetit e të politikës në Kosovë janë treguar indiferentë djallëzorë e pse jo edhe deri amoralisht të paturp e të paskrupullt, arrogantë dhe mosmirënjohës të mëdhenj.

Nuk besoj se Znj. Osmani do akordojë dekorata nisur nga preference personale e politikisht të korruptuara si paraardhësi i saj.

Por nuk qëndron pas as Kryeministri Edi Rama, por i cili ka nja dy tre specifika në lidhje me atë se cfarë atij i pëlqen dhe kur e kë e sheh të arsyeshme që ta lavdërojë e t’i thur ndonjë konsideratë, pavarësisht se e ka shumë të vështirë që të tregojë respekt e mirënjohje për talentin dhe për dhuntinë e të tjerëve,pasi ai shquhet se e urren suksesin e të tjerëve.

Dhe ashtu si pothuajse edhe paraardhësit e tij , edhe kryeministri i sotëm Edi Rama i cili është kampion i manipulimeve mediatike dhe publike , i cili është kampion i dukjeve, retorikave dhe publicitetit e reklamave qeveritare te aktiviteteve boshe e pa rezultat por vetëm sa për simbolika pseudopatriotike sic ka bërë edhe me të famshmet mbledhje te të dy qeverive shqiptare. Nga këto mbledhje simbolikash ndërqeveritare Shqipëri-Kosovë as nuk u prodhua dhe as nuk rezultoi ndonjë gje me rëndësi, ashtu sikurse edhe pati deklaruar se do jipte edhe nja 50 mije euro për një spital në Preshevë.

Kryeministrit shqiptar Edi Rama i pëlqen vetëm vetja e tij, është egoist dhe urren talentin e dhuntinë e të tjerëve, vuan nga deliri dhe nga sëmundja e inferioritetit.

Ai shquhet për arrogancë dhe për përdorim edhe të fjalorit banal kundër të tjerëve e madje edhe në mjedise mediatike e publike. Edhe batutat i ka dhe i përdor djallëzisht me qëllim për të tallur, përbuzur e përqeshur të tjerët.

Ai, si i tillë tashmë është i dalë boje dhe nuk ua vë askush veshin edhe kur përdor e thotë ndonjë lëvdatë apo konsideratë të thatë për të tjerët, pasi edhe ato i bën se ia imponon rasti e momenti për interes e për dukje “inteligjente” dhe për hipokrizira politiko-patriotike.

Me të njëjtin avaz e hipokrizi manipulative e deklarative mashtruese Kryeministri i Shqipërisë, Edi Rama ka “lavdëruar” Lipën, Krasniqin e Gjakovën për sukseset e tyre si këngëtare dhe si fituese e Medaljeve të Arta në Lojrat Olimpike në Japoni.

Por ky lavdërim nuk është bindës,por është një farë maske mashtrimi pseudopatriotizmi me anë të së cilës ai don të tregohet sikur është njeri që ka respekt për Kosovën, pasi detyrimisht as Rama nuk mund të qëndrojë “indiferent”pa lavdëruar, pasi artistëve dhe sportistëve që kanë bërë dhe bëjnë epokë u është mirënjohës i gjithë opinioni publik e gjithkombëtar.

Nëse Rama ka respekt pë sportin dhe sportistët ai duhet që t’i mbështesë financiarisht sportet në Shqipëri nga buxheti i shtetit, pasi jo vetëm të gjejë e t’ua mbushë xhepat PPP-ve.

Edi Rama se sa pro Kosovë është, e kanë treguar “veprat” e tij, e tregoi me vendosjen e Taksës gjobitëse për shqiptarët e Kosovës të “Rrugës së Kombit”; se sa proKosovë e tregon fakti se cfarë lobimi ka bërë deri me sot Edi Rama për njohjet ndërkombëtrare të Kosovës prej shteteve dhe organizmave ndërkombëtarë; se sa ai, ia dëshiron të mirën Kosovës Edi Rama e ka treguar fakti se ai ka qenë dhe mbetet aleat i projektit serb për ndarjen e coptimin e Kosovës, dhe kulmi është se ai është edhe bashkëideator me Presidentin e Serbisë për Minishengenin Ballkanik, i cili është dhe ka një prapavijë thellësisht antiKosovë.

Pra me këtë veprim të tij të fundit ai dakordësohet me Serbinë e cila nuk e njeh shtetin e Kosovës, duke i bërë thirrje por edhe presion sa mundet që Kosova të hyjë në një organizim ballkanik ku lider i saj është Serbia e cila nuk e njeh shtetin e Kosovës.

Pra, këto janë disa veprime të cilat nuk kanë nevojë për koment, ashtu sikurse edhe tjetra, ajo që po ta shikosh hollë-hollë, pothuajse asnjë shqiptar me origjinë nga Kosova që në Shqipëri janë mbi 200 mijë, nuk e gjen deputet, as në Këshillat vendor Bashkiak e rrallë rastësisht ndoshta e gjen ndonjë në administratën e tij.

Sa të vlefshme dhe sa të mirëpritura publikisht janë p.sh. lavdërimet dhe mirënjohjet për familjet e dëshmorëve, herojve si dhe për sportistët e artistët shqiptarë kur ato bëhen nga personalitete dhe burrështetas si Albin KURTI e Vjosa OSMANI.

Edhe familja jonë, familja e Sadri KAPITIT, që kemi kontribuar aq shumë për Kosovën gjatë luftës në vitet 1998-1999, dhe e meritojmë një dekoratë nga Kryeministri dhe Presidenti i Kosovës pasi një propozim të tillë e kanë bërë personalitete, intelektualë e shoqata patriotike, dhe do të ndjeheshim shumë e shumë herë më mirë e krenar që këtë dekoratë ta merrnim nga Z. Kurti, Znj. Osmani dhe nga Z. Konjufca dhe jo nga paraardhësit e tyre.

Lista e zezë/ Elvis Naçit i ndalohet hyrja në Amerikë?

No Comments Aktualitet Lajme

NGA BLEDI MANE

Vapë e nxehtë ishte edhe atëherë, fiks 5 vjet më parë një seri publikimesh të mia pataksën miletin. Vajza e ish kryeprokurorit shqiptar bënte një jetë super luksoze ku binin në sy shumë salltanete por më tepër dy makina Range Rover 70 mijë euro secila e deri te ora Cartier e larë në flori 32 mijë euro me gurë të çmuar.

Kryeprokurori Adriatik Llalla filloi fushatë linçimi dhe kërcënimesh ndaj meje, ashtu siç po bën edhe imami bamirës Elvis Naçi. Qysh pardje Elvisi i Urës së Tabakëve ka mobilizuar hordhi taborësh virtualë duke komentuar me fyerje dhe kërcënime një gazetar që ua ka pirë lëngun betejave të tilla virtuale. Fati i Adriatik Llallës tashmë dihet por mua më shqetëson fati i këtij personazhit tjetër.

Unë e di shumë mirë që ti Elvis Naçi je kodosh në raportet me mediat dhe gazetarët e nëse nuk të funksionojnë joshjet financiare, fillon kërcënimet dhe hakmarrjen por në këtë mesele unë nuk trembem nga ty. Trembem për ty se shoh nervozizëm dhe çorientim e kjo më duket si kënga e fundit e mjellmës.

Ti e di tashmë që laku i abuzimeve të tua financiare po ngushtohet, raportet e auditit të fondacionit tënd nuk janë publikuar kurrë, transparenca e lekëve të bamirësisë nuk kalon as pragun e dhomës tënde të gjumit, Edi Ramës nuk i duhesh më, Argita Berisha nuk merret më me ty se ka hallin e babait të saj plak, Ambasada Amerikane dhe Britanike disa herë të kanë refuzuar vizat përkatëse dhe ti e di mirë këtë, Spak-u do ta fusë emrin tënd pa radhë në hetimet e vjeshtës ndërkohë ti ysht ndjekësit e tu renegatë të kërcënojnë e fyejnë gazetarët.

Një hoxhë bamirës si ty me emër protestant e mbiemër ortodoks, një klerik fetar që mban shapka plazhi Diesel, vesh bluza me xixa Philip Plein dhe syza dielli me koka luanësh Versace nuk duhet të kërcënojë gazetarët por duhet të kopsitë mirë letra e dokumente, duhet të bëjë transparencë financiare, duhet të jetë i gatshëm në çdo kohë të ballafaqohet me ligjin se kur hidhen prangat e SPAK-ut në duar të përlyera nga krimi nuk bëjnë dot derman sharjet apo kërcënimet në Facebook që shkruajnë eunukët e tu.

Burimi/shkoder.info/

Enver Bytyci – Ka vite qe shkruaj per domosdoshmerine e nje aleance strategjike te Shqiperise dhe Kosoves me Kroacine!

No Comments Lajme Opinion

Ne fakt kam nis ta artikuloj kete lidhje te natyrshme sidomos mbas krijimit te marredhenieve vllazerore midis presidentit te Serbise dhe kryeministrit te Shqiperise.
Por perkujdesja e shtetit kroat ne rastin e aksidentit me dhjete viktima nga Kosova ne kete vend, jo vetem e perforcon kete kerkese, por e ben imediate dhe te pakontestueshme! Kosova dhe Shqiperia duhet te lidhen me nje traktat miqesie e bashkepunimi politik, ekonomik e ushtarak me status te vecante me Kroacine!
Nuk ka ndodhur ndonjehere qe kryeministri i ndonje vendi tjeter, vec kryeministrit kroat, qe te harroje cdo angazhim tjeter shteteror e familjar, e te merret vete eskluzivisht ne perkujdesje te te lenduarve nga ai aksident! Nuk kemi pare kurre nje solidaritet kaq te ngushte me vuajtjet e familjeve te shqiptareve te Kosoves, si ai solidaritet qe shfaqi qeveria, presidenti, instiotucionet dhe qytetaret e Kroacise ne ndihme te perballimit te kesaj tragjedie. Askund nuk eshte trajtuar ndonje aksident ose fatkeqesi e shqiptareve si ne shtetin kroat!
Prandaj eshte jo vetem e natyrshme, por edhe pergjegjesi e klases politike te te dy shteteve tona te rithemelojne nje aleance strategjike, politike, ekonomike e ushtarake, pse jo edhe kulturore, me Zagrebin. Ate qe nisi Mbreti Zog I ne fillim te viteve 1930, duhet ta vazhdojne Vjosa Osmani e Albin Kurti ne Kosove! Ndersa sa i perket kryeministrit te Shqiperise, eshte krejt e kote t’ia kerkosh kete ndryshim kursi nga Beogradi. Ai tashme nuk mund te terhiqet nga aleanca e ngushte me Serbine, edhe sikur te donte vete! Ai eshte peng i Soros e me pas edhe i Aleksander Vucic!

Burimi/Facebook

Lëkundje tërmeti! Ja epiqendra dhe sa ishte magnituda

No Comments Aktualitet Lajme

Lëkundje tërmeti janë ndjerë mbrëmjen e sotme në veri të vendit.

Sipas të dhënave të fundit, epiqendra e tërmetit është 11 km në veri-perëndim të Lezhës.

Magnituda e lëkundjeve ishte 4.2 e Shkallës Rihter ndërsa është regjistruar në thellësinë 1 km.

Tërmeti është ndjerë dhe në qytetin e Durrësit por në një intensitet më të ulët.

Burimi/Tpz.al

GJUKANOVIQ: SERBIA PO MUNDOHET TË DËSHMOJË SE MALAZEZËT JANË SERB E MALI I ZI ËSHTË SERBI

No Comments Aktualitet Lajme

Presidenti malazes Millo Gjukanoviç ka deklaruar se nuk ka dyshim se Mali i Zi do të mbetet i pavarur dhe i qëndrueshëm në rrugën e BE,përcjell rtvpresheva.com

Ai është i bindur se Mali i Zi do të jetë anëtari i parë i ardhshëm i BE-së, sepse kemi përparuar më shumë në procesin e negociatave. Presidenti i Malit të Zi gjithashtu tregon se Serbia po përpiqet të provojë se Mali i Zi është një shtet serb.

Duke folur në lidhje me marrëdhëniet midis Malit të Zi dhe Serbisë, Gjukanoviç tha se vizioni i tij është që ata të kenë një marrëdhënie si Republika Çeke dhe Sllovakia dhe shtoi se Mali i Zi po përpiqet të ruajë shansin për një marrëdhënie të tillë në të ardhmen. Fatkeqësisht, problemi është në Beograd i cili, thotë ai, ka vazhduar me shekuj.

“Serbia po përpiqet të provojë që Mali i Zi është një shtet serb, se malazezët në të vërtetë janë serbë, se nuk ka kishë, kulturë malazeze … kjo është një përpjekje e përhershme shekullore nga Serbia, e artikuluar nga nacionalizmi i Serbisë së Madhe për të përvetësuar Malin e Zi dhe mundohen ta bëjnë atë pjesë të identitetit kombëtar dhe kulturor të shtetit serb, kjo është arsyeja pse ata ishin kundër pavarësisë së Malit të Zi, “tha Gjukanoviç në një intervistë për mediumin sllovak TA3.

Ai shtoi se është më lehtë të merresh me nacionalizmin e Serbisë së Madhe deri sa ai vjen nga disa qarqe akademike ose qarqe të tjera. Problemi, thotë ai, është kur ai nacionalizëm gjenë përkrahje në politikën shtetërore të Serbisë. E tillë është situata sot, thekson Gjukanoviq.

“Sot, Serbia po vë në dyshim pavarësinë e Malit të Zi përmes politikës së saj shtetërore. Ata nuk e thonë këtë, por me atë që po bëjnë, ata po vënë në dyshim pavarësinë e Malit të Zi. Kjo është arsyeja pse është shumë e rëndësishme t’i jepet fund iluzionit se është e mundur të ndryshohen kufijtë në Ballkanin perëndimorë. Kur Serbia të heq dorë nga aspiratat e saja drejt Malit të Zi, besoj se do të jemi në gjendje të përdorim përvojën e bashkëpunimit midis Republikës Çeke dhe Sllovakisë “, tha Presidenti i Malit të Zi.

Burimi/rtvpresheva.com/

Ben-Meir: Kosova të ketë kujdes nga agjenda islamike e Erdoganit

No Comments Intervista Lajme

Profesori amerikan, njëherësh ekspert i çështjeve të Ballkanit Perëndimor, Alon Ben-Meir në një intervistë për Radion Evropa e Lirë thotë se institucionet e Kosovës duhet të tregohen të kujdesshme me iniciativën e presidentit të Turqisë, Recep Tayyip Erdogan, i cili ditë më parë tha se së bashku me presidentin amerikan, Joe Biden, do të angazhohet që të sigurojë njohje të reja për Kosovën.

Ben-Meir, që është profesor pranë Qendrës për Çështje Globale në Universitetin e Nju Jorkut, thotë se është në rregull që Kosova të ketë raporte të mira me Turqinë, por sipas tij Qeveria e Kosovës nuk duhet t’i nënshtrohet agjendës së këtij shteti si dhe agjendës islamike të Erdoganit.

Profesori Ben-Meir në këtë intervistë flet edhe për dialogun në mes të Kosovës dhe Serbisë, për të cilin proces nuk është shumë optimist se shpejt mund të përfundojë me një marrëveshje finale.

Pos tjerash, Ben-Meir është një ekspert në çështjet e Lindjes së Mesme, negociatat ndërkombëtare dhe zgjidhjen e konflikteve. Një pjesë të konsiderueshme të karrierës së tij e ka kaluar duke u marrë me konfliktin izraelito-palestinez.

Radio Evropa e Lirë: Janë bërë 13 vjet prej se Kosova shpalli pavarësinë. Po ashtu më 22 korrik janë bërë 11 vjet prej se Gjykata Ndërkombëtare e Drejtësisë (GJND) vendosi se shpallja e pavarësisë së Kosovës nuk binte ndesh me të drejtën ndërkombëtare. Por, përkundër kësaj Kosova vazhdon të jetë e pafuqishme në forcimin e subjektivitetit të saj ndërkombëtar. Mungojnë njohje si nuk është e anëtarësuar në organizatat kryesor e ndërkombëtare. Pse e kemi këtë situatë?

Alon Ben-Meir: Problemi kryesor është se ne nuk kemi pasur një rezolutë të Këshillit të Sigurimit të OKB-së për ta njohur pavarësinë e Kosovës. Kështu që ne kemi stagnuar në OKB dhe ky është problemi kryesor. Problemi i dytë është fakti se që Serbia dhe Kosova ende nuk i kanë normalizuar raportet, pra Kosovës i duhet njohja e Serbisë, si dhe anasjelltas. Pa njohjen e Serbisë është duke u bërë më e vështirë edhe për Bashkimin Evropian që të provojë që ta integrojë Kosovën.

Derisa OKB-ja nuk e njeh Kosovën dhe përderisa Serbia vazhdon të mohojë pavarësinë e Kosovës do të marrë kohë që shtete të reja të njohin Kosovën. Por, një gjë dua them, se pjesa më e madhe e vendeve të BE-së, po ashtu SHBA-ja si dhe shtete të tjera të rëndësishme, e kanë njohur Kosovën. Pra duhet ta kujtojmë faktin se janë mbi 100 shtete dhe janë disa nga shtetet më të rëndësishme në botë.

Radio Evropa e Lirë: Pesë shtete të Bashkimit Evropian vazhdojnë të mos e njohin Kosovën, por mungojnë njohje edhe nga shtete të tjera të rëndësishme. Çka duhet të bëjë Kosova që të sigurojë njohje të reja dhe që të anëtarësohet në organizata ndërkombëtare?

Alon Ben-Meir: Të jesh pjesë e organizatave ndërkombëtare sigurisht se është e rëndësishme, por ne gjithashtu duhet të dimë se Kosova ka një qeveri e cila duhet të fokusohet në zhvillimin e shtetit, zhvillimin ekonomik, reforma politike, luftimin e korrupsionit, pra të gjitha këto. Kjo mund të ndihmojë Kosovën duke dërguar një mesazh te komuniteti ndërkombëtar se ne nuk jemi të pavarur vetëm nga definicioni, por shikoni se çfarë kemi arritur brenda vendit. Kosova duhet të forcojë pozicionin e saj nga brenda, në çdo mënyrë. Kështu do të marrë më shumë vëmendje dhe më shumë njohje nga komuniteti ndërkombëtar.

Radio Evropa e Lirë: Para pak ditësh presidenti i Turqisë, Recep Tayyip Erdogan ka deklaruar se do të fillojë një iniciativë që së bashku me presidentin amerikan, Joe Biden, të sigurojnë njohje të reja për Kosovën. Pse beson se erdhi deri te kjo iniciativë dhe pse pikërisht tani?

Alon Ben-Meir: Çdokush që e mbështet apo që bën fushatë për t’i shtyrë shtetet e tjera që të njohin Kosovën, është i mirëseardhur. Por, sido që të jetë, unë kam dyshime serioze sa i takon synimeve të (Recep Tayyip) Erdogan dhe Turqisë. Presidenti Erdogan është një narcizist, egocentrik, nacionalist islamik dhe ndoshta çfarë dëshiron të bëjë është që të promovojë agjendën e tij dhe krejt çfarë mund t’i them popullit të Kosovës është se është shumë në rregull të kesh raporte të mira me Turqinë, por Qeveria e Kosovës nuk duhet t’i nënshtrohet agjendës së Erdoganit si dhe agjendës së tij islamike. Ky do të ishte gabim. Kjo është ajo që Turqia po bën sot, duke u përpjekur të tregojë që e mbështetë Kosovën, por në të njëjtën kohë Erdogani dëshiron të marrë diçka nga Kosova. Këtu i këshillojë njerëzit që të jenë të kujdesshëm sesa mund t’i besohet Erdoganit.

Erdogan të lobojë te Rusia për njohjen e Kosovës
Radio Evropa e Lirë: A është kjo një çështje me prioritet për SHBA-në dhe në të vërtetë, a mund të punojë SHBA-ja me Turqinë në sigurimin e njohjeve për Kosovën?

Alon Ben-Meir: Nëse Recep Tayyip Erdogan do të dëshironte që më shumë shtete ta njohin Kosovën, ai do të duhej që të përdorte raportet e tij të tërthorta dhe të bisedonte me Rusinë sepse Rusia është kundër faktit që Serbia ta njohë Kosovën. Pra, ai do të mund të përdorte këtë anë të tij, si një mik i presidentit të Rusisë, Vladimir Putin, që të kërkojë nga Serbia që ta njohë Kosovën. Ky do të duhej të ishte angazhimi i tij përpara se të mundohet që t’i bindë disa shtete që të njohin Kosovën. Këtu esenciale është njohja nga OKB-ja dhe njohja nga Serbia, dhe ky duhet të jetë fokusi. Çdo ndihmë që vjen nga kushdo është e mirëseardhur, edhe pse unë kam dyshime dhe jam dyshues sa i takon qëllimeve personale të Erdoganit dhe se çfarë në të vërtetë dëshiron të promovojë.

Radio Evropa e Lirë: Në të kaluarën kemi parë raporte të tensionuara në mes të SHBA-së dhe Turqisë, por kanë qenë lidhjet personale mes ish-presidentit Donald Trump dhe presidentit, Recep Tayyip Erdogan që kanë mbajtur larg tensionet. Tani me presidentin Biden në detyrë dhe problemet globale që kërkojnë zgjidhje më të shpejt, a mund të shihet iniciativa e presidentit turk si një përpjekje për t’u afruar me administratën Biden apo mund të qëndrojë diçka tjetër pas kësaj?

Alon Ben-Meir: Deri në një masë mund të themi se është kështu. Administrata Biden është shumë, shumë mbështetëse e Kosovës, e dimë këtë, dhe kjo është shumë e rëndësishme. Sikur Erdogan do të dëshironte të tregojë se edhe ai e mbështetë Kosovën dhe se në këtë apo në një mënyrë tjetër dëshiron të punojë së bashku me presidentin amerikan, Joe Biden, nuk do të kishte gjë të keqe këtu. Por, ajo që dua të ju them është se Erdogani gjithmonë ka agjendat e tij politike dhe ai nuk bën asgjë që t’i ndihmojë Kosovës apo ndonjë shteti tjetër, përderisa kjo nuk i ndihmon vetes së tij apo Turqisë. Kështu që çdo qeveri e Kosovës duhet të jetë shumë e kujdesshme me Turqinë pasi atij (Erdoganit) nuk mund t’i besohet.

Radio Evropa e Lirë: Kosova prej vitesh po përballet me një fushatë të Serbisë që kërkon tërheqjen e njohjeve të shtetit të Kosovës. Në anën tjetër e dimë se presidenti i Turqisë, Recep Tayyip Erdogan ka krijuar raporte shumë të mira me Serbinë dhe presidentin serb, Aleksandar Vuçiq. Mund të ketë tensionim raportesh?

Alon Ben-Meir: Nëse Erdogan dëshiron të ndihmojë Kosovën ai duhet të ndërmjetësojë, ai definitivisht është në një pozitë që të ndërmjetësojë sinqerisht ndërmjet Kosovës dhe Serbisë, nëse dëshiron, kuptohet. Por, ai dëshiron të përfitojë gjithmonë diçka. Unë nuk po them se ai mund të bindë Serbinë që të njohë Kosovën, por ai mund të luajë një rol mbështetës. Kjo do të duhej të ishte çështja në të cilën ai do të duhej të fokusohej në vend që të përpiqet që të takohet me presidentin Biden dhe që ta bëjë të duket si gjë e madhe fushatën për njohje të Kosovës.

Radio Evropa e Lirë: Siç e dini, në shtator të vitit të kaluar, Kosova dhe Serbia nënshkruan një marrëveshje në Uashington për normalizim ekonomik. Kjo marrëveshje po komentohet ndryshe në Kosovë e ndryshe në Serbi. Duket se asnjëra palë nuk dëshiron ta zbatojë. Çfarë duhet të ndodhë me zotimet që palët i kanë dhënë duke nënshkruar dokumentin në Shtëpinë e Bardhë?

Alon Ben-Meir: E gjithë ajo shfaqje që ish-presidenti, Donld Trump dëshironte ta kishte nuk ishte për Kosovën apo për Serbinë, ishte vetëm për vetveten e tij. Ai bëri atë vetëm se dëshironte të tregonte se është një lider dhe se mund të arrijë paqe në mes armiqsh dhe gjëra të tilla. Por, nëse e shihni me kujdes dokumentin e shihni se nuk ka asgjë të vlefshme.

Normalizimi “jo në llogari të pavarësisë së Kosovës”
Radio Evropa e Lirë: Serbia dhe Kosova vazhdojnë të mos pajtohen për një marrëveshje përfundimtare për paqe. Dialogu në Bruksel po vazhdon, por pa rezultat. A mendoni se është koha për të nënshkruar një marrëveshje përfundimtare?

Alon Ben-Meir: Nuk mund të them se do të ndodhë shumë shpejt, për një, dy apo tre vjet me shumë gjasë nuk do të ndodhë. Por, është më rëndësi që për të shtyrë përpara këtë proces të bëhet një lloj presioni mbi Serbinë. Për shembull komuniteti ndërkombëtar do të mund të punonte më shumë me Kosovën, më shumë sesa që janë duke punuar tani, që të ndihmojnë Kosovën që ta pastrojë shtëpinë e saj, që të ndihmojnë në zhvillim ekonomik, zhvillim institucional dhe zhvillim të demokracisë. Këtë do të duhej bërë në mënyrë që ta ofrojnë më shumë me kulturën dhe vlerat evropiane, në mënyrë që të jetë e gatshme për integrim në një pikë të caktuar.

Kjo qasje e BE-së me Kosovën mund të vendosë presion indirekt mbi Serbinë dhe Serbia do të shohë se Kosova është duke u ofruar çdo ditë e më shumë me BE-në. BE-ja po ashtu nuk duhet të ndalet kurrë duke adresuar një pikë: çdo çështje është e rëndësishme në negociatat në mes të Kosovës dhe Serbisë dhe është i mirëpritur çfarëdolloj normalizimi, por nuk mund të jetë në llogari të pavarësisë së Kosovës.

Radio Evropa e Lirë: A besoni se presidenti amerikan, Joe Biden do të përfshihet më shumë në gjetjen e një kompromisi në mes të Kosovës dhe Serbisë, kur e dimë faktin se ai ka një raport pak më personal me shtetin e Kosovës?

Alon Ben-Meir: Sinqerisht më duhet të ju them se unë kam qenë i përfshirë në konfliktin izraelito-palestinez për tri dekada dhe tani njerëzit me pyesin se cila është perspektiva dhe unë them se duhet një proces i pajtimit.

Kjo i nevojitet Kosovës dhe Serbisë, proces pajtimi. Serbia duhet t’i pranojë para botës krimet që i ka kryer ndaj kosovarëve. Kjo është fundamentale. Nuk mund të ketë normalizim marrëdhëniesh kur ke këtë të kaluar historike e cila nuk është adresuar plotësisht. Mendoj se është shumë kritike për SHBA-në dhe BE-në që të vendosin këtë lloj presioni mbi Serbinë që të ballafaqohet me realitetin, të ballafaqohet me të kaluarën e saj. Kjo është tepër me rëndësi në procesin e pajtimit sepse ndryshe pavarësisht sesa ke shkëmbime tregtare e kulturore e të tjera, përderisa ajo tragjedi historike nuk është adresuar, do të ketë gjithmonë njerëz që do të rezistojnë normalizimin e plotë të raporteve në mes të të dyja vendeve.

Radio Evropa e Lirë: Kemi dëgjuar zëra këtu në Prishtinë që thonë se për të arritur një marrëveshje finale është i nevojshëm një i dërguar special i presidentit amerikan për bisedimet Kosovë-Serbi. A mendoni se kështu mund t’i jepet një shtytje dialogut?

Alon Ben-Meir: Mendoj se për aq gjatë se SHBA-ja është një fuqi dhe partner i rëndësishëm në hemisferën perëndimore, SHBA-ja, sidomos tani e përfaqësuar nga presidenti, Joe Biden që krahasuar me ish-presidentin, Donald Trump, çfarë mund të them?! Presidenti Biden është një njeri fisnik që mund dhe do të bëjë shumë gjëra të mira. Pra të kemi një përfaqësues të tij në këtë dialog, gjithmonë është një ndihmë. Është mirë të kemi një përfaqësues të tillë dhe me sa kam informacione, do të emërohet një i tillë.

Burimi/evropaelire.org/

Kontrolli i autobusëve të dyshimtë

No Comments Aktualitet Lajme

Çështja e sigurisë rrugore në Kosovë vazhdon të jetë shqetësuese, e sidomos për automjetet e rënda mbi 3.5 tonë, ku përfshihen edhe autobusët që qarkullojnë brenda vendit, vlerëson eksperti për çështje të komunikacionit, Muhamed Krasniqi, drejtor i kolegjit Tempulli.

Siguria në qarkullimin e autobusëve, sipas tij, varet nga faktorët teknikë dhe faktori njeri.

Por, nga Inspektorati i Ministrisë së Mjedisit, Planifikimit Hapësinor dhe Infrastrukturës, thonë se megjithatë, Kosova ka një flotë të mirë të autobusëve, qoftë në aspektin teknik, qoftë në atë pamor, ndërkohë që Qendrat e Kontrollimit Teknik inspektohen në formë të rregullt, por edhe të jashtëzakonshme.

Megjithatë, edhe ekspertët e komunikacionit, por edhe zyrtarë të Inspektoratit, konsiderojnë që ekzistojnë raste kur në qarkullim ka edhe autobusë që nuk i përmbushin kriteret teknike.

Krasniqi: Gjendja e autobusëve, e pakënaqshme
Eksperti për çështje të komunikacionit, Muhamet Krasniqi, drejtor i kolegjit Tempulli në Prishtinë, thotë për Radion Evropa e Lirë se nga ajo që shihet në komunikacion, jo rrallë lindin dyshime, qoftë për autobusë të caktuar, nëse ata janë në gjendje të rregullt teknike, por edhe për shoferët të caktuar.

“Ne nuk mund të jemi të kënaqur me nivelin, me gjendjen teknike të automjeteve, por njëkohësisht edhe me kompetencën profesionale të shoferëve, si dhe me infrastrukturën rrugore në Kosovë. Këta shoferë, përveç që duhet të kenë kategorinë përkatëse të ngasjes, të bazuar në ligj, ata duhet të mbajnë edhe trajnime të vazhdueshme, në mënyrë që të njoftohen me të rejat dhe me plotësimin eventual të konventave, që janë të dedikuara për atë lloj transporti”, thotë Krasniqi.

Ai shton se bazuar në legjislacionin vendor, por edhe atë ndërkombëtar, automjetet që ofrojnë shërbime në transportin publik, në këtë rast të udhëtarëve, janë të obliguar që përveç kontrollit të rregullt teknik, duhet të kryejnë edhe kontrollin teknik periodik, të paktën dy herë në vit.

Për gjysmë viti, 38 gjoba për Qendrat e Kontrollit Teknik
Kontrolli teknik i automjeteve në Kosovë, bazuar në të dhënat që jep Departamenti i Inspektoratit të Ministrisë së Mjedisit, Planifikimit Hapësinor dhe Infrastrukturës, kryhet në 135 Qendra të Kontrollimit Teknik të Automjeteve, të cilat janë të licencuara nga kjo ministri. Prej këtij numri, 59 qendra të tilla shërbejnë për kontrollin teknik të automjeteve me masë mbi 3.5 tonë, që përfshijnë autobusët, por edhe kamionët për transport të mallrave.

Në Qendrat e Kontrollimit Teknik bëhen tri lloje të kontrollimeve teknike: kontrollimet e rregullta vjetore, të cilat bëhen për të gjitha automjetet; kontrollimet periodike, që bëhen për të gjitha automjetet komerciale, ku hyjnë edhe ato me pesha të rënda, siç janë autobusët, si dhe kontrollimet e jashtëzakonshme, të cilat bëhen me autorizimin e policëve të trafikut ose personave tjerë përgjegjës.

Çerkin Dukolli, udhëheqës i Departamentit të Inspektoratit në këtë ministri, në një bisedë me Radion Evropa e Lirë, thotë se inspektimi i Qendrave të Kontrollit Teknik, për të parë nëse ato e kryejnë drejt punën për të cilën janë licencuar, bëhet katër deri në pesë herë në vit, varësisht nga puna që kanë këto qendra apo edhe nga ankesat, si dhe informacionet që marrin nga terreni.

Vetëm për gjashtë muajt e parë të këtij viti, siç thotë Dukolli, në nivel të vendit janë kryer 261 inspektime me procesverbale.

“I kemi shqiptuar 38 gjoba. Janë kryesisht gjoba mandatore. Prej tyre janë tri ndaj pronarëve të qendrave, ndërsa 35 janë ndaj personave përgjegjës të qendrave. Kemi 16 inicime të procedurës për kundërvajtje në gjykatat themelore, në departamentet e përgjithshme, të cilat punojnë në kuadër të Divizionit për Kundërvajtje. Gjobat janë kryesisht janë dhënë për lëshimet që kanë ndodhur në aspektin administrativ, ndërkaq, lëshime në aspektin e rregullsisë teknike, nuk kemi hasur”, thotë Dukolli.

Ai shton se gjatë vitit 2020 janë kryer 555 inspektime të Qendrave të Kontrollimit Teknik, të cilat kanë rezultuar me 80 sanksione kundërvajtëse apo gjoba mandatore, prej tyre 20 ndaj pronarëve dhe 60 ndaj personave përgjegjës në qendra. Ndërkaq, janë iniciuar nëntë procedura kundërvajtëse në gjykatat themelore në vend. Gjobat janë prej 500 për personat përgjegjës ndërkaq 1000 euro për kompaninë. Çdo sanksion që tejkalon shumën prej 1000 euro, iniciohet për gjykatë.

Demiri: Pas kontrollit teknik, neglizhohet mirëmbajtja e autobusëve
Jusuf Demiri, pronar i kompanisë Professional Ing, që është e licencuar për kontrollimin teknik të automjeteve, përfshirë edhe ato të peshave të rënda mbi 3.5 tonë, thotë se deri më tash asnjëherë nuk ka marrë ndonjë gjobë nga Inspektorati, për shkak se në mënyrë të përpiktë zbaton kontrollet në bazë të ligjit.

Ai thekson se bazuar në ato që shohin edhe qytetarët, ekzistojnë autobusë të caktuar, të cilët janë në qarkullim dhe që për shkak të mosmirëmbajtjes estetike, duken se nuk janë në gjendje të rregullt teknike. Por, sipas tij, operatorët e transportit rrugor, kur dërgojnë autobusët për kontroll teknik, paraprakisht përgatiten.

“Zakonisht kur vijnë për kontrollimin teknik, përgatiten që të kalojnë testin për sipas kushteve dhe kërkesave që i kemi me ligjet në dispozicion. Ndërsa, parregullsitë tjera, ato mund të ndodhin edhe dy apo tri ditë pas, një muaj ose tre muaj pasi që kryhet kontrollimi teknik dhe automjeti të jetë teknikisht jo në rregull pastaj. Bëhet fjalë për mirëmbajtjen, rrugët (jo të mira) dhe të gjitha ato që mund të ndikojnë negativisht. Pjesëtari i policisë mund ta dërgojë automjetin në kontroll të jashtëzakonshëm dhe ka raste që ne i kontrollojmë, si dhe e japim gjendjen reale që e ka automjeti”, thekson Demiri.

Krasniqi: Inspektorati ta bëjë punën e vet
Eksperti për çështje të komunikacionit, Muhamet Krasniqi thotë se pavarësisht nëse në dukje një autobus ngjallë dyshime se mund të mos jetë në rregull teknikisht, në rast se për atë autobus ekziston dokumenti i lëshuar nga ndonjë prej qendrave të licencuara për kontrollim teknik se autobusi i përmbushë kriteret teknike, atëherë detyrimisht ai dokument duhet të besohet.

Por, a zbatohen kontrollimet teknike në mënyrë të përpiktë nga të gjitha Qendrat për Kontrollim Teknik në vend, si dhe a gjejnë mundësi operatorët e transportit rrugor që t’i anashkalojnë këto kontrolle?

“Organi i Inspektoratit e bën punën e vet dhe do të duhej ta bënte punën e vet për vlerësimin e përmbushjes së kushteve të këtyre qendrave (për kontrollim teknik)”, thotë Krasniqi.

Punë për policinë
Por, udhëheqësi i Inspektoratit, Dukolli thotë që automjetet e peshave të rënda kanë obligim ligjor për ta kryer kontrollimin periodik.

“A i kryejnë të gjitha apo jo, këtë përgjigje nuk mund ta them, sepse kjo më tepër i takon inspektimeve policore në rrugë. Ne, brenda vitit kalendarik, gjithmonë e kemi një inspektim të përbashkët në rrugë, të cilën e bëjmë me policinë e trafikut. Aty mund të hasim ndonjë automjet që nuk e ka kryer kontrollimin teknik, qoftë atë të rregullt, qoftë atë periodik. Por, pastaj, kjo tërësisht kalon në pjesën e ndëshkimeve policore, sipas ligjit të trafikut”, shprehet Dukolli.

Nga Policia e Kosovës thanë për Radion Evropa e Lirë se prej 1 janarit deri më 26 korrik të këtij viti, janë shqiptuar gjithsej 1.437 gjoba për kundërvajtje, sipas ligjeve në fuqi për kundërvajtjet siç janë: kontrollimi teknik i jashtëzakonshëm, kontrollimi teknik gjashtëmujor (periodik) dhe largimin e mjeteve nga trafiku.

Bekim Bislimi
Bekim Bislimi është gazetar i Radios Evropa e Lirë në Prishtinë.

Burimi/evropaelire.org