Home

Lajme

Vjosa Osmani denoncon në polici Gjergj Dedajn për kërcënim publik

No Comments Aktualitet Lajme

Presidentja Osmani ka denoncuar në Polici për kërcënim publik ish-ambasadorin e Kosovës në Maqedoninë e Veriut.

Mirëpo siguria e Presidentes së Kosovës siç duket është cenuar së fundmi.

Vjosa Osmani për T7 thotë se me rastin e deklaratës së ish ambasadorit të Kosovës në Maqedoninë e Veriut, Gjergj Degajt, tash po merret Policia e Kosovës.

Por, ky denoncim nuk po i bën përshtypje ish-ambasadorit të Kosovës në Maqedoninë e Veriut.

Gjergj Dedaj deri në mesditë ka thënë se nuk është kontaktuar nga organet e rendit.

Ndërsa, Policia e Kosovës nuk janë përgjigjur zyrtarisht për veprimet e ndërmarra për këtë rast, megjithatë Televizioni mëson se kanë pranuar denoncimin nga zyra e Presidencës.

Gjithë kjo situatë është krijuar nga një deklaratë e ish-ambasadorit Dedaj të dhënë në emisionin “Frontal” në T7.

Burimi/periskopi.com/

Ylli Manjani – Qartësisht vizita e zotit Erdogan në Shqipëri ishte një paradë politike.

No Comments Lajme Opinion

Një biçim demostrimi aleance politike, që sdi të them ndaj kujt!? Ndoshta edhe thjesht masturbim politik rajonal!? Se di!
Por që në Shqipëri nuk besoj ta ketë qethur njeri për këtë demostrim.
Vizita ishte thjesht me natyrë politike. Pa asnjë lidhje protokollare, ku homologu pret homologun.
Ishte një muhabet shokësh politikë, pavarësisht përkatësisë fetare. Vëllai i madh mysliman Rexhep, që takon vëllain e gjatë ortodoksin Edi dhe mirëpriten nga motra e katolike Linditë. I vetmi muhamedan në hierakinë e shtetit, bektashiu Ilir, injorohet.
Së fundi, nuk e di tamam hallin që kanë me Komunitetin Mysliman në Shqipëri, por xhamia e re që është ndërtuar krah SHQUP mua më duket shumë e bukur. Me arkitekturë imponuese dhe e vendosur shumë mirë. Nuk e di pse duhet injoruar ai investim!?
Pa dyshim xhamia e Dem Beut është mrekulli e trashëgimisë sonë kulturore e historike, por ajo nuk ka çtë inagurohet më. Ajo vetëm ruhet e konservohet, duke u përdorur nga besimtarët, si institucion që vetëm i shtohet vlera.
E vetmja që mund të inagurohet është xhamia e re. E reja inagurohet, e vjetra ruhet/përmirsohet…
Nejse, ata e dinë. Por qartësisht dje Tirana ishte nën një paradë politike.
Shpresoj jo kundër perëndimit… Në perëndim i kemi sytë, pavarësisht telenovelave lindore…

Burimi/Facebook

Ylli Manjani – Nuk është asgjë tjetër më e keqe se droga dhe bashkjetesa me të!!!

No Comments Lajme Opinion

Droga more drogaaaaaaa!


E keqja më e madhe që na ka kapluar të gjithëve si shoqëri është droga.
Tashmë droga është çështje e shoqërisë. Jo thjesht e disa trafikantëve apo përdoruesve të saj. E gjithë shoqëria shqiptare është e prekur nga kjo e keqe.
Droga vret!
Vret përdoruesin e trafikantin, por vret edhe një shoqëri të tërë që bashkjeton me ngjarje të rënda vrasjesh të rinjsh e të rejash. Dhe shoqëria që varros rininë dhe pjesën tjetër të saj e çon jashtë për ta shpëtuar, quhet e vdekur.
Droga është iluzion!
Iluzion për përdoruesit, iluzion për ata që bëjnë para me këtë gjë por është iluzion për gjithë shoqërinë që bashkjeton me këtë fenomen. Një shoqëri që gëzon se po ndërtohen kulla dhe ndërkohë jeton në informalitet, dmth pasiguri, është e gjitha në iluzionin se vendi po zhvillohet.
Është një iluzion i patrajtuar që çon shumë kollaj në depresion.☹️
Droga nuk është liri!
Përkundrazi është varësi. Përdoruesit në rritje janë të varur, por e gjithë shoqëria informale varet nga droga. Duhen para që të furnizohen kanalet informale. Kjo para informale vret çdo liri, por edhe çdo nismë të lirë për bisnes.
Droga nuk bën ekonomi!
Në shoqërinë informale konkurrenca është thellësisht e pandershme. Mund të kesh ide bisnesi dhe pak para për ta filluar atë, por të thy n’mes një anonim që sdi ku të çojë paratë. Ky i fundit paguan më shumë, vajos më mirë korrupsionin dhe ecën.
Droga nuk të bën të pasur!
Të varfëron. Të rrënon. Le të kesh sa të duash pasuri. Ato skanë asnjë vlerë. Në shoqërinë e drogës i varfri nuk dallohet kollaj. Sepse vilë ka pasaniku, por vilë me një kat më shumë ka edhe i varfëri që merr dge asistencë papunësie!!!
Droga nuk lejon as ligj e as shtet!
Kudo ku lulzon droga shteti dhe ligji nuk vlejnë. Kjo e bën shoqërinë vulnerabël ndaj çdo akti dhune. Për pasojë shoqëria hesht. Shet lirinë për të blerë sigurinë.
Ligji e shteti i shërbejnë drogës.
Droga sjell vetëm pushtet/sundim!
Aty ku droga është bisnes kombëtar, pushteti është ekstremisht i fortë. Politika shitet e blihet. Opozitat janë fiktive. Pushteti lejon shtinin e drogës që të shtojë iluzionin bollëkut dhe të qënit mirë. Shoqëria nën këtë iluzion voton pushtetin. Dhe kështu mbyllet rrethi vicioz. A nuk jemi dhe ne në këtë derxhe?!
Droga është fatkeqsia jonë më e madhe. Vrasësja e heshtur e një shoqërie.
Kam keqardhje ulëritëse sa herë shoh që shoqëria shqiptare e sotme nuk e sheh këtë fenomen si të keqen më të madhe që e ka kapluar.
Padyshim qeveria dhe politika që e bën këtë gjë është më e keqja e mundshme. Por disi shoqëria duhet të reagojë që të ndahet pushteti e politika (përfshi opozitën) e keqe nga shoqëria. Nëse nuk e bën këtë ndarje shoqëria bashkjeton me të.
Bashkjetesa me këtë të keqe të madhe është mbytëse e çdo fije shprese.😔😔
Nuk është asgjë tjetër më e keqe se droga dhe bashkjetesa me të!!!

Burimi/Facebook

Meta: Më shtohet respekti për Ramiz Alinë kur shoh Bashën! Politikan qoftesh që s’largohet kur humbet! Nëse partitë s’janë gati për zgjedhjet e pjesshme, të dalin kandidatë të pavarur qytetarët

No Comments Aktualitet Lajme

Presidenti Ilir Meta, deklaroi këtë mbrëmje se kur sheh kryetarin e Partisë Demokratike, Lulzim Basha, i shtohet respekti për Ramiz Alinë, pasi kur fitoi pala tjetër iku nga posti dhe i hapi rrugën fituesve. Meta e quajti Bashën politikan qoftesh që çdo gjë e ka marrë dhuratë nga të tjerët dhe qe nuk ikin edhe kur humbet zgjedhjet.

Ka thënë se do shpallet ‘non grata’, Meta ironizon Bashën: Më vjen keq për çdo ambasadë që e merr seriozisht kryememexhiun e Shqipërisë

Presidenti Ilir Meta, deklaroi këtë mbrëmje se kur sheh kryetarin e Partisë Demokratike Lulzim Basha, i shtohet respekti për Ramiz Alinë, pasi kur fitoi pala tjetër iku nga posti dhe i hapi rrugën fituesve. Meta e quajti Bashën politikan qoftesh që çdo gjë e ka marrë dhuratë nga të tjerët dhe qe nuk ikën edhe kur humbet zgjedhjet. Kriza në Partinë Demokratike, sipas Metës, zgjidhet vetëm me votë të lirë.

“Nuk dua të bëj më asnjë koment për z.Basha. Ju a kam thënë dhe po ju them që nuk kam menduar kurrë që Shqipëria do katandisej në këtë derexhe. Kur shoh lidershipin aktual të PD, mua me rritet respekti për Ramiz Alinë, që kur fitoi pala tjetër iku nga posti dhe i hapi rrugën palës fituese. Nuk kam nostalgji fare për Ramiz Alinë sepse une jam student i Dhjetorit ’90, por si nuk mund të kesh respekt për të kur sheh këta politikanët e qofteve që çdo gjë e kanë marrë dhuratë nga të tjerët dhe qe nuk ikin edhe kur humbin.”-tha Meta.

Meta foli edhe për zgjedhjet e pjesshme vendore për bashkitë që janë pa kryetar. Ai deklaroi se nëse partitë nuk janë gati për të hyrë në zgjedhje, le të dalin kandidatë të pavarur dhe çdo qytetar të kandidojë.

“Unë si President jam i detyruar të shpall një datë zgjedhjesh për bashkitë e mbetura pa kryetar. Shpallja e datës së zgjedhjeve të pjesshme vendore, nuk ka lidhje me Bashën dhe as me ndonjë parti tjetër. Nëse partitë nuk janë gati për të hyrë në zgjedhje, atëherë le të dalin kandidatë të pavarur dhe çdo qytetar që do të kandidojë”-tha Meta.

Ndër të tjera Meta deklaroi se do ta çonte në Gjykatën e Strasburgut çështjen e zgjedhjeve vendore të 30 qershorit nëse Gjykata Kushtetuese do i shpallte si kushtetuese. Meta tha se priste që Gjykata Kushtetuese t’i shpallte antikushtetuese, nisur edhe nga raporti i OSBE/ODIHR ndërsa shtoi se ka shmangur një përplasje mes demokratëve e socialistëve.

“Do ta çoja në Gjykatën e Strasburgut, çështjen e zgjedhjeve vendore nëse Gjykata Kushtetuese, do i shpallte si kushtetuese. Unë do zbatoja vendimin e Gjykatës si President, por unë prisja që Gjykata Kushtetuese, t’i shpallte antikushtetuese zgjedhjet e 30 qershorit 2019 nisur dhe nga raporti OSBE/ODIHR, si dhe mos publikimi i dekretit të Presidentit, për datën e zgjedhjeve në Fletoren Zyrtare. Unë si President, këtë vendim kam pritur, që zgjedhjet më pas të bëheshin në të gjithë vendin. Ndaj dhe unë tani kam nisur një procedurë dhe jam i vendosur për të ecur përpara në këtë proces.”-tha Meta.

Presidenti Ilir Meta ka komentuar edhe vizitën e Presidentit turk, Recep Tayyip Erdoğan në Shqipëri. Ai u shpreh se nuk ka ndonjë arsye për të ndjerë keqardhje që nuk u takua me homologun e tij, Erdogan, ndërsa shtoi se ai ka qenë i ftuar i qeverisë dhe është sjellë si i tillë.

“Sot ka qenë një ditë shumë e jashtëzakonshme për mua, i angazhuar në shumë aktivitete për të nderuar kujtimin e paharruar të Heroit tonë Kombëtar, Gjergj Kastrioti Skënderbeu. Nuk kam arsye të kem ndonjë keqardhje që nuk kam takuar zotin Erdogan. Ai ka qenë i ftuar i qeverisë dhe është sjellë si i ftuar i qeverisë. Uroj të ketë kaluar sa më mirë në Shqipëri.”-tha Meta.

Ndër të tjera, Presidenti theksoi se ka pasur një ditë të ngarkuar me disa aktivitete për të nderuar kujtimin e paharruar të Heroit tonë Kombëtar, Gjergj Kastrioti Skënderbeu. Sakaq, kreu i shtetit deklaroi se 17 janari, 2 marsi dhe 28-29 nëntori janë data shumë të rëndësishme për të.

“Nëse do kërkonte një takim sot, do bëja një sforcim për ta takuar sepse kam pasur një agjendë vërtetë shumë të ngarkuar, por nuk ka kërkuar takim. Erdogan nuk ka qenë i ftuar nga unë. Doja të falënderoja më shumë mirënjohje popullin turk për ndihmat bujare që i kanë dhënë popullit shqiptar. Në kalendarin tim, 17 janari, 2 marsi dhe 28-29 nëntori janë data shumë të rëndësishme. S’kam asnjë koment për vizitën e Erdogan sepse jam shumë i lumtur që agjendja ime sot ka qenë plotësish e fokusuar tek përkujtimi i Skënderbeut.”-përfundoi Meta.

Ka thënë se do shpallet ‘non grata’, Meta ironizon Bashën: Më vjen keq për çdo ambasadë që e merr seriozisht kryememexhiun e Shqipërisë

Presidenti Ilir Meta, ironizoi këtë mbrëmje kreun e PD, Lulzim Basha, i cili ka thënë se Meta do të shpallet non grata nga SHBA. Presidenti, teksa e quajti Bashën ‘kryememexhiu’ i Shqipërisë, theksoi se se do t’i vinte keq për çdo ambasadë që do të katandisej në nivelin kur do të merrte Bashën si zëdhënës serioz për të dhënë mesazhe.

“Nëse ka ndonjë palo-ambasadë apo palo-shtet që ka zgjedhur ndonjë palo-politikan për t’i dërguart mesazh Ilir Metës, mua këtu më kanë patur dhe këtu do të më kenë. Më vjen keq për ata amerikanë të korruptuar që kompromenbtojnë vlerat e SHBA-ve. Kur Ilir Meta ka dalë në lëvizjen e Dhjetorit, nuk ka patur ambasadë amerikane në Shqipëri. Unë kam shumë respekt për ambasadat, por kush ka mesazh për Ilir Metën, le të ma thotë direkt, pasi unë nuk do të hezitoj t’ja them kujtdo ashtu siç e meriton. Të marr kryememexhiun e Shqipërisë si zëdhënës serioz, mua më vjen keq për çdo ambasadë që do katandisej në atë nivel”, tha Meta.

Çfarë po paralajmëron Presidenti Meta: Popullin e 2 marsit do e thërras për çështje madhore

Presidenti Ilir Meta, deklaroi këtë mbrëmje se pas përfundimit të mandatit si President më 24 korrik 2022, do të flaës me popullin e 2 marsit. Kreu i shtetit theksoi se popullin e 2 marsit do ta thërrasë vetëm për çështje madhore.

“Zero çështje për Presidentin në Gjykatën Kushtetuese. Deri më 24 korrik 2022 unë do të jem në këtë detyrë dhe në 25 korrik 2022 unë do flas me popullin e 2 marsit. Se çdo ndodhë me të ardhmen time dhe se çfarë do të bëj pas 24 korrikut 2022 unë nuk kam nevojë për zëdhënës tjetër veç Tedi Blushit. Të jeni të bindur se unë popullin e 2 marsit do e thërras për çështje madhore. Une kam vetëm një agjendë sepse kam vetëm një atdhe. Unë do të jem gjithmonë me shqiptarët dhe pranë shqiptarëve sepse fuqia ime është vetëm e vërteta.”-tha Meta.

Meta: Kur shoh Bashën më shtohet respekti për Ramiz Alinë! Kreu i PD, politikan qoftesh që nuk largohet kur humb

Presidenti Ilir Meta tha se nuk ka më asnjë koment për kreun e PD, Lulzim Basha ndërsa e quajti atë politikan qoftesh që çdo gjë e kanë marrë dhuratë nga të tjerët dhe nuk largohen kur humbin. Ndër të tjera Meta theksoi se teksa sheh lidershipin aktual të selisë blu, i rritet respekti për Ramiz Alinë.

“Nuk dua të bëj më asnjë koment për z.Basha. Ju a kam thënë dhe po ju them që nuk kam menduar kurrë që Shqipëria do katandisej në këtë derexhe. Kur shoh lidershipin aktual të PD, mua me rritet respekti për Ramiz Alinë, që kur fitoi pala tjetër iku nga posti dhe i hapi rrugën palës fituese. Nuk kam nostalgji fare për Ramiz Alinë sepse une jam student i Dhjetorit ’90, por si nuk mund të kesh respekt për të kur sheh këta politikanët e qofteve që çdo gjë e kanë marrë dhuratë nga të tjerët dhe qe nuk ikin edhe kur humbin.”-tha Meta.

Meta: Shpallja e zgjedhjeve të pjesshme vendore s’ka lidhje me Bashën! Nëse partitë s’janë gati, të dalin kandidatë të pavarur qytetarët

Presidenti Ilir Meta, deklaroi këtë mbrëmje se shpallja e datës së zgjedhjeve të pjesshme vendore nuk ka lidhje me Lulzim Bashën dhe asnjë parti tjetër. Kreu i shtetit theksoi se nëse partitë nuk janë gati për të hyrë në zgjedhje, le të dalin kandidatë të pavarur dhe çdo qytetar të kandidojë.

Ndër të tjera Meta deklaroi se do ta çonte në Gjykatën e Strasburgut çështjen e zgjedhjeve vendore të 30 qershorit nëse Gjykata Kushtetuese do i shpallte si kushtetuese. Meta tha se priste që Gjykata Kushtetuese t’i shpallte antikushtetuese zgjedhjet lokale të 30 qershorit 2019, nisur edhe nga raporti i OSBE/ODIHR.

“Do ta çoja në Gjykatën e Strasburgut, çështjen e zgjedhjeve vendore nëse Gjykata Kushtetuese, do i shpallte si kushtetuese. Unë do zbatoja vendimin e Gjykatës si President, por unë prisja që Gjykata Kushtetuese, t’i shpallte antikushtetuese zgjedhjet e 30 qershorit 2019 nisur dhe nga raporti OSBE/ODIHR, si dhe mos publikimi i dekretit të Presidentit, për datën e zgjedhjeve në Fletoren Zyrtare. Unë si President, këtë vendim kam pritur, që zgjedhjet më pas të bëheshin në të gjithë vendin. Ndaj dhe unë tani kam nisur një procedurë dhe jam i vendosur për të ecur përpara në këtë proces. Shpallja e datës së zgjedhjeve të pjesshme vendore, nuk ka lidhje me Bashën dhe as me ndonjë parti tjetër. Nëse partitë nuk janë gati për të hyrë në zgjedhje, atëherë le të dalin kandidatë të pavarur dhe çdo qytetar që do të kandidojë”-tha Meta.

Burimi/M.Ç/Shqiptarja.com

Romeo Gurakuqi – Edhe nji herë mbi politikën e jashtme të Shqipnisë

No Comments Lajme Opinion

Në vitin 1991 menduem se Shqipnija jonë e shkundi zgjedhën komuniste dhe së bashku me ate, u largue nga endja e papërcaktueme, duke dalë në dritë për të ba pjesë në radhën e popujve të vetqeverisun, me shtet serioz, qi ka nji rrugë të ardhme të përcaktueme kjartë.
Thamë se shpëtuem, por s’kishte pas qenë e thanun, të jetojmë në qetësi, në liri, në nji vend normal me identitet të shënuem që në lindjen e fëmijeve në tokën tonë dhe të gezojmë ma në fund, frytin e përpjekjevet të të Parvet, të cilët u flijuen për nji copë Shqipni të lirë, qytetare dhe europiane. Pak për indifference e mungese ekspertize të të huejvet ndaj këtij vendi të çuditshëm dhe me vektorë të përkundërt formativë e ma shumë për faj të atyne qi e kanë marrë peng sferën publike në këto dekada, Shqipnija ka pa pak ditë të mira dhe me shpresë orientimi të kjartë, qendrueshmërie e prosperiteti.
E sundueme prej mujsharisë, babëzisë, diletantizimit, servilizmit, demagogjisë të ngritun në kod sjelljeje dhe standard për t’u ndjekun dhe për të ba hajr në politikë dhe drejtim, horizonti i qiellit shqiptar mbeti gjithnji i errësuem, orientimi i popullit i ç’akorduem, sipas interesave të momentit të individëve qi zotnojnë, toka shqiptare nji hapësinë e lirë ku mund të luajnë si u vjen për mbarë, organizatave që s’kanë të bajnë me programin testamentar të Arbnisë.
Së fundmi, kena ardhë në ditën kur urdhnohemi mu në organin Sovran, me ba atë qi nuk e mendojmë dhe e arsyetojmë si te drejte. Madje, përmes të zgjedhunve, detyrohemi të heshtim, kushtëzohemi me traktate të përhershme, imponohemi a priori edhe në strategji dhe aleanca qi nuk ua njohim përmbajtjet dhe thelbet, ndërlikohemi në mënyrë të kushtëzuem edhe në marrëdheniet me fqinjët e drejtpërdrejtë.
Dje, të gjithë së bashku, socialistë, të vetëquajtun sovranistë dhe demokratikas të zyrtarizuem nga qeveria, pjesëtarë të nji faji të kahershëm, “arkitektë” të lanies së vendit pa binarë strategjikë, mëkatarë të lanies të rinisë pa formim kombëtarist dhe albanianist, në ditën e 554 vjetorit të vdekjes së Heroit tonë kombëtarë, u përkulen pa bzá dhe duartrokiten Presidentin e Republikës së Turqisë, tek u jepte urdhnat ultimativë gjatë fjalës së rastit në Parlamentin e Shqipërisë. Nuk mund të ndodhte ndryshe: bashkarisht, dëgjuesit janë autorë të lanies së Shqipërisë pa nji strategji të zbatueshme të politikës së jashtme, pa nji kontroll të strukturuem mbi programin e organizatave të huaja kinse kulturore, pa nji autoritet të mjaftueshëm institucional, qi u lejon zotnive të Lindjes ta nënrendisin vendin e Arbënve, në një satelit të rrotullueshëm sipas interesave të tyne.
Kjo nuk do të thotë se shqiptarët nuk e pranojnë miqësinë dhe ndihmën e ofruar nga populli punetor dhe i urte turk, bashkëpunimin e gjithanshëm në fusha me interes reciprok të Republikës së Turqisë Qemaliste, dorën e shtrirë të mikut që sheh nga e ardhmja, duke lanë pas të kaluemen shkencërisht të pakorigjueshme. Por në asnji rast, në kodin e ekzistencës sonë shtetnore, nuk asht e shkrueme, se vendimarrja mbi Aleancën Strategjike dhe Miqësinë e Përjetshme vjen prej ndonji traktati të fshehtë të nënshkruem ndër darkat e brigjeve të Bosforit, përkundër të drejtave referendare të popullit dhe doktrinës sonë kombëtare të hartueme prej Rilindasve. Askund ndër ne nuk asht e shënueme dhe e lejueme, qi në sferën publike të cënohet laicizmi, qoftë edhe në ligjërim; askund të kodet qi rregullojnë marrëdhaniet ndërkombëtare mes shteteve sovrane, nuk asht e shkrueme qi shtetet e huaja mund të ndërhyjnë në punët e brendshme të njani- tjetrit dhe aq ma pak të vendosin kushte ultimative, afate kohore ndaj “nxanesve” politikane shqiptare.
Asht e kuptueshme qi gradualisht, me kalimin e kohës, te shekullit, ndër vendet normalizueme, modernizueme e perëndimizueme, armiqësitë e dikurshme kalohen në analet e historisë, udhëheqësit shohim nga e ardhmja, bashkëpunojnë edhe me ish shtetet sunduese, korigjojnë sjelljet, përmirësojnë klimen, duke respektue ligjet ndërkombëtare dhe paqen globale. Por gjithsesi, kjo nuk do të thotë që caqet e reciprocitetit dhe sovranitetit të shkelen, kujdeset ndaj forcimit të unitetit të vendit të mos mbahen parasysh, interesat edhe të fqinjëve të tjerë të mos respektohen me shumë kujdes, aq ma teper qe çeshtje te diskutueshme dhe debatueshme jane ne zhvillim e siper.
32 vjet mbas britmave mbarëpopullore për Europën në Shkodër dhe Tiranë , shohim se kapluesit e sferës së drejtimit politik të vendit, ata qi zotnojnë kompetenca kushtetuese për ruajtjen e pozitës së Shqipërisë në sistemin ndërkombëtar, në pajtim me qellimin qi na kanë caktue paraardhësit shteformues, Desidenca Europianiste, janë shndërrue në shkelës së premtimit dhe lajkatarë të buzëqeshun të autoritarëve të Lindjes, qi nuk kanë asgja të përbashkët me lirinë, demokracinë, laicizmin dhe republikanizmin e Ataturkut të madh, krijuesit të vertetë të Turqisë moderne, mikut të popullit shqiptar.
Për fat të keq, ende ndër ne, njilloj si në kohën kur Faik Konica nuk i duronte dot marrëzitë e të paktëve, disa, që gabimisht sot janë udhëheqës dhe aspirantë për udhëheqje, përfaqësues të sovranit, nuk e kanë të zhvillueme mjaftueshëm frymën e indipendencës arbnore, ndjenjën e detyrës dhe përgjegjesisë kombëtare, kapacitetin shtetdrejtues dhe me njëmijë mënyra duan sërish ta shndërrojnë Shqipninë në nji provincë të bindun perandorake, nji liman për ankorim, nji vend për t’u etiketue definitivisht si jo miqësorë nga fqinji ynë e drejtpërdrejtë jugor, Greqia, ku jetojnë, bijtë, bijat dhe vllaznit tone, mbi 1 milion shqiptarë të sodit të trajtuem njerëzisht atje.
Posaçërisht në nji vend si i yni, për shkak të veçantive formative, çdo vendimarrje në fushën e politikës së jashtme do të duhet të kalojnë përmes nji konsensusi të rreptë mes faktorëve kulturorë shtetformues, identifikimi i të cilëve vjen nga përfaqësia reale dhe jo nga të emnuemit e kryetarëve të partive pa anëtarë, qi shpesh herë bien viktimë e ndërhymjeve të aktorëve të jashtëm jomiqësorë, qi operojnë të lirë në vend, sipas raporteve të shërbimit tonë informativ.
Vetëm në Shqipni gjen vendimarrës në politiken e jashtme qi mendojnë, se janë të lirë për me dhanë verdikte themelore, pa respektue kufizimet dhe rregullat e përcaktueme brenda vendit nga konventat e brendshme themelvanëse të shtetit.
Politika e brendshme e një vendi të mbushun në polet e saja partiake me kurthe, intriga, urrejtje, të denja për t’u përshkrue dhe analizue nga shkrimtarët, mbasi ka ndalun integrimin e Shqipërisë në Europë, sot po ban haptas hapa rrënimtarë drejt prishjes së konsensusit mbarëkombëtar në aspektin e politikës së jashtme.
Aspirantë të hartimit dhe implementimit të politikës së jashtme, të rrethuar nga frika e mëkateve, të izoluar nga Europa dhe SHBA, që kushtëzon me lirinë, ligjin dhe drejtësinë, po shohin si të vetmen rrugë shpëtimi, shndërrimin e Shqipërisë si nji zgjatim të shtetit të dikurshëm sundues, duke hapun rrugën të panjohurës dhe prishjes së unitetit tonë të brendshëm. Rama dhe kinse konservatorët, mbase dojnë me e kthye Shqipërinë serish në nji gur rrokullisës në lojën e madhe të tavlles ballkanike, por Shqipnia e jonë e ngratë, populli ynë, arbnorët, nuk kanë asnjë lidhje me frikërat e tyne, nevojat e tyne per vendstrehime dhe botkuptimet e tyne të kufizueme.

Burimi/Facebook

Sina Beqir – Koha Jone(12 years ago) : Mero Baze, liber dhe pozi per Enver Hoxhen

No Comments Aktualitet Lajme

Permalink Mero Baze, sa shume trishtim per vdekjen e Enverit
“C’eshte ky lajm qe token drodhi? Nxin dhe diellin kete here. Po si valle ne ta besojme Qe na la shoku Enver?”. Per Mero Bazen, vdekja e Enver Hoxhes, diktatorit komunist qe sundoi me dore te hekurt per mbi 40 vjet ne Shqiperi, ishte dicka e tmerrshme, e pabesueshme. Mero ishte student kur vdiq Enveri me 11 prill te vitit 1985, dhe lajmi per humbjen e diktatorit, u kthye ne ngjarjen me te tmerrshme te jetes se tij. Kishte humbur “simboli i
lirise” dhe kjo gje nuk mund te besohej. “Vune kujen malet, shpatet, Ku ka shkelur kemb’e Tij. Kujen vuri Shqiperia, po qan djalin e saj trim”.
Mero eshte megjithate i sigurt se Enveri vdiq fizikisht, por jo ne mendjen dhe ne zemren e tij dhe sic thekson, ai nuk vdes kurre sepse eshte “simbol i lirise” dhe “shkelqim i historise”.
Duket e pabesueshme, por eshte e vertete.
Keto rreshta, nuk jane hamendesime, apo nje ironi, jane thjesht vargje te hedhura ne leter, pikerisht nga Mero Baze, analisti “i pavarur” qe sot “shitet”ngado si pene e se vertetes dhe jo e shtirjes.
Por a mund te besohet kjo?
Lexoni te plote kete poezi qe Mero Baze e shkroi pas vdekjes se Enverit, madje e botoi ne nje liber te posacem: BREZAT RRADHE-RRADHE BETOHEN C’eshte ky lajm qe token drodhi? Nxin dhe diellin kete here. Po si valle ne ta besojme Qe na la shoku Enver? Vune kujen malet, shpatet, Ku ka shkelur kemb’e Tij. Kujen vuri Shqiperia, Po qan djalin e saj trim. Por jo s’vdes, Ai do rroje Si simboli i lirise. Koherave u prive nder beteja O shkelqim i historise! Pas loteve te hidherimit Duart me fort shtrengohen. Per rrugen e Enver trimit Rradhe-rradhe brezat betohen. Mero Baze Student, fakulteti Gjeologji-Miniera
Dhe ashtu sic Mero shkruan ne poezine e tij, per Enverin,
“Rradhe-rradhe brezat betohen”. Betimi ketu i perket Meros, qe premton boterisht se “Enveri “nuk vdes, ai do rroje si simboli i lirise”.
RRETH LIBRIT Mero me shoke, “Dhimbje dhe betim” “Dhimbje dhe betim”, eshte libri i botuar ne prill te vitit 1985, me poezite e 34 studenteve qe ne ate kohe perjetuan plot dhimbje vdekjen e diktatorit komunist, Enver Hoxha. Ne fakt, vdekja e Enver Hoxhes, u perjetua keq nga shume njerez atehere, pjesa me e madhe e te
cileve, te “hipnotizuar” nga terrori psikologjik i kohes dhe frika e
ndeshkimit diktatorial. Por mes tyre, kishte dhe njerez si Mero, qe nuk u mjaftoi te benin “detyren” duke shkuar ne homazhet per Enver Hoxhen, sic dallohet dhe Merua ne kete foto, por edhe te shkruaje poezi per te dhe ta botoje ne nje liber te posacem, bashke me 33 persona te tjere, intelektualet e ardhshem
te Shqiperise.
Ja cfare thuhet ne parathenien e librit: “Dhimbja e madhe
per humbjen e udheheqesit te shtrenjte te Partise e te popullit, mesuesit tone te lavdishem, shokut Enver Hoxha, preku thelle edhe zemrat e armates se studenteve, pedagogeve e punonjesve se Universitetit qe sot mban krenar emrin e Tij. Me dhjetera poezi jane shkruar keto dite. Ato jane te thjeshta, por te dala nga zemra. Nje pjese e ketyre poezive i kemi permbledhur ne kete
vellim. Ne cdo strofe, ne cdo varg, krahas dhimbjes se jashtezakonshme ndjehet edhe betimi:
Ne jete te jeteve do te mbajme lart emrin dhe vepren e shokut Enver Hoxha”. “Dhimbje dhe betim” Liber i daktilografuar, me poezi,dhuruar Ramiz Alise me rastin e ceremonise se zhvilluar me 28 prill 1985, me rastin e venies se emrit te Enver Hoxhes, Universitetit te Tiranes.
Lista eshte sipas renditjes se librit 1. Rrapo Zguri, Fakulteti Histori-Filologji

  1. Arben Rruna, Fakulteti i Mjekesise 3. Jolanda Guga, studente, Fakulteti Ekonomik
  2. Mero Baze, student, Fakulteti Gjeologji-Miniera 5. Lindita
    Puto, studente, Fakulteti Ekonomik 6. Sami Kumi, pedagog, Fakulteti Ing. Mekanike 7.
    Petraq Peci, student Fakulteti Ing. Mekanike 8. Roland Kalanderi,student Fakulteti Ing. Mekanike 9. Dionis Papa, student, Fakulteti i Ekonomise 10. Agron Manan, studente Fakulteti Gjeologji-Miniera 11. Edlira Abazi, studente, Fakulteti Shkencat Politike 12. Martina Lleshi, studente, Fakulteti
    Ekonomik
  3. Jorgji Nita, student, Fakulteti Gjeologji-Miniera 14. Kozeta Manaj, studente, Fakulteti Shkencave te Natyres 15. Arben Hamzallari, student Fakulteti Gjeologji-Miniera 16. Mimoza Myrtaraj, studente, Fakulteti Ekonomik 17. Shpresa Aliaj, studente, Fakulteti Histori-Filologji
  4. Mehmet Bakalli, student, Fakulteti Histori-Filologji 19. Qazim Shehu, student, fakulteti Histori-Filologji 20. Myzafer Xhaxhiu, pedagog Fakulteti Histori-Filologji 21. Meleq Beqiri, student, Fakulteti Gjeologji-Miniera 22. Nazmie Behushi, punonjese ne biblioteken shkencore
  5. Mimoza Musaraj, studente, Fakulteti Ekonomise 24. Anthulla Kaftani, studente, Fakulteti i Ekonomise 25. Laureta Petoshati, studente, Fakulteti i Ing. Ndertimit 26. Keti Mullaj, studente, Fakulteti i Ing. Mekanike 27. Fatime Shateli, studente, Fakulteti i Ing. Ndertimit 28. Arian Begaj, student, Fakulteti Gjeologji-Miniera
  6. Elida Mema, pedagoge ne Fakultetin e Ekonomise 30. Valetina Thomai, studente, Fakulteti Ing. Mekanike 31. Luljeta Gurunjaku, studente, Fakulteti i Ekonomise 32. Irma Kurti, studente, Fakulteti Histori-Filologji 33. Vilma Veshi, studente, Fakulteti i Ekonomi

Burimi/Facebook

Bujar Nishani – Akt fyes jo vetëm ndaj të gjithë komunitetit të besimtarëve mysliman në Shqipëri

No Comments Lajme Opinion

Edi Rama kreu një akt skandaloz, të turpshëm dhe fyes dje, duke përjashtuar nga ceremonia në Xhaminë e Et’hem Beut në Kryeqytet, Kryetarin dhe përfaqësues të Komunitetit Mysliman të Shqipërisë.
Akt fyes jo vetëm ndaj të gjithë komunitetit të besimtarëve mysliman në Shqipëri por edhe ndaj të gjithë shqiptarëve, ndaj shtetit shqiptar, ndaj kodeve zakonore dhe atyre shtetërore.
Shqipëria është një shtet laik, ku feja është e ndarë nga shteti dhe politika, por ajo është ndjeshmëri dhe përkatësi e fortë e miliona njerëzve.
Objektet e besimit, xhamitë, kishat, teqetë, sinagogat, etj., nuk janë pronë e shtetit, aq më pak e qeverisë dhe për më tepër e dënueshme në të gjitha dimensionet kur përdhoset me akte politike.
Edi Rama i ka konsumuar në mënyrë të turpshme dje të gjitha dimensionet e një akti fyes, përdhosje e pushtimi, ndaj një vendi të shenjtë, jo politik dhe në pronësi të dikujt tjetër të cilët i përjashtoi e nuk i lejoi të administronin pronën e tyre në një ceremoni të rëndësishme.
Edi Rama nuk ka kurrfarë tagri e asnjë të drejtë elementare të përcaktojë se kush duhet të jetë e kush nuk duhet të jetë drejtues apo përfaqësues të komunitetit Mysliman të Shqipërisë.
Ai nuk ka kurrfarë mundësie apo pushteti të marrë apo administrojë pronat e një komuniteti të caktuar fetar në këtë shtet, të cilin nuk do mundet ta kthejë dot në një karikaturë, siç janë reminishencat e subkoshiencës së tij, për shtetin, shoqërinë, qeverisjen, dinjitetin, integritetin.
Minimalisht, kryeministri i këtij vendi duhet të lexojë dy faqe histori nga Kongresi i parë i atij komuniteti në vitin 1923 për të kuptuar vlerat e respektit, dinjitetit, të drejtës, integritetit dhe deryrat e seicilit prej aktorëve të kësaj shoqërie.
Një nga vlerat më të mëdha jo vetëm të aspektit paqtues shoqëror por edhe të ruajtjes së identitetit tonë kombëtarë ka qenë harmonia dhe respekti i ndërsjelltë midis komuniteteve fetare dhe i shoqërisë në raport me ato komunitete.
Ndoshta nga të pakta dimensione që i ngjit shqiptarët në majën e vlerësimit të hierarkisë botërore.
Me aktin e djeshëm në Xhaminë e Et’hem Beut, Edi Rama i ka dhënë një goditje të pabesë dhe të turpshme këtij dimensioni mbarë kombëtarë dhe një mesazh fyes e refuzimi për t’i konsideruar e respektuar besimtarët mysliman të këtij vendi.
Unë shpresoj shumë dhe uroj që besimtarët e këtij komuniteti ta injorojnë totalisht këtë akt provokator e intrigant të Edi Ramës pasi formimi i tij, morali i tij, modeli i tij, synimi i tij, kënaqësitë e përmbushjet e tij janë veç skandalet.
Vlerat e shoqërisë sonë janë të një dimensioni tjetër.
Ato mund të provokohen, lëndohen e minohen nga akte të tilla si ai i djeshmi, por kurrsesi nuk do të tjetërsohen e aq më pak të zhbëhen. 🇦🇱

Burimi/Facebook

Enver Bytyci – Gjuha kockë nuk ka.

No Comments Lajme Opinion

Blerim Latifi ka thënë se “Me Rugovën Kosova do të kishte përfunduar në autonomi”! Gjuha kockë nuk ka. Me gjuhë njeriu mund të thotë çfarë të dojë. Por ama gjuha ka e duhet të ketë fre. Njësoj si kali. Sepse po nuk e mbajte frenin, atëherë hapron njësoj si kali dhe gjindja tallen me ty!
Unë nuk dua të tallem me Blerim Latifin pse tha që “Me Rugovën Kosova do të kishte përfunduar në autonomi”! Por dua t’i them se gjithë bota e di që Ibrahim Rugova ishte i pari dhe i vetmi përsëriti pa u ndalur opsionin e vetëm : “Nëse nuk na lejoni të jemi shtet i pavarur, atëherë ne do të bashkohemi me Shqipërinë”! Kurrë nuk hoqi dorë nga pavarësia dhe shtetësia e Kosovës! Madje kërkoi që nëse refuzohej kjo, atëherë Kosova të bëhej shteti i 51-të i SHBA-ve! Ai e dinte se kjo nuk mund të ndodhte. Por ua tha këtë amerikanëve për të shprehur vendosmërinë e tij të pashoqe për shtetin e Kosovës!
Kosova, shqiptaria dhe gjithë bota e di se Ibrahim Rugovës ia hëngri kokën pikërisht pavarësia e Kosovës! Sepse, si e thonë të gjitha autoritetet që e kanë njohur “ai ishte kokëfortë dhe nuk bënte lëshime e kompromise me pavarësinë”! Ata që bënin lëshime bënë festë nga shkuarja e Ibrahim Rugovës në amshim! Ne i njohim tashmë këta njerëz. I kemi parë se si morën thikat mbi hartën e Kosovës dhe se si deshën ta zhbëjnë shtetin e Kosovës! I kemi parë të shetisin në liqenin e Ujmanit dhe nga ana tjetër t’ia hapin portat Serbisë për ta bërë zot shtëpie jo vetëm në veri, por edhe në jug të Ibrit!
Ah mor Blerim Latifi dhe latifë të tjerë që mendonjnë si ti! Sikur ta kuptonit Rugovën, sikur të ndiqnit modelin dhe projektin e tij, Kosova sot do të ishte jo vetëm e pavarur, por një Zvicër e Ballkanit! Duhet t’ju vijë turp për ato që thoni në adresë të një personaliteti, të cilin do të donte ta kishte në historinë e vet çdo popull e çdo komb në botë, madje edhe popujt dhe kombet më të civilizuara të globit!

Burimi/Facebook

V.O – Titulli eshte perzgjedhur nga redaksia

Enver Bytyci – Turp për ju!

No Comments Lajme Opinion

Ti që nuk shkove në parlament dhe nuk votove rezolutën për ta ndaluar prezencën e Serbisë në Kosovë, ti e kishe një “hall”! Por halli yt nuk është dhe halli i Kosovës! Qytetarët ta kanë dhënë votën që ta mbrosh Kosovën, por ti nuk e di çfarë do të thotë besim i qytetarit! Ti vlerëson vetëm besimin që i jep e të jep padroni yt, kushdo qoftë ai, shqiptar apo serb!
Edhe ti Driton Selmanaj që abstenove e kishe një “hall”. Ndoshta je marrë peng. Ndoshta urren dhe nga urrejtja që mbart nuk e sheh se kujt ia bën shërbimin e radhës! Cilido të jetë halli yt, ai hall nuk është as i Kosovës, as i Lidhjes demokratike të Kosovës! Qyqar ishe dhe qyqar ngele!
Edhe ju analistë “famëmëdhenj” e kishit një “hall”, kur i kërkonit Albin Kurtit t’i lejojë serbët të votojnë sovranitetin e Serbisë në Kosovë! Halli juaj është xhepi, paraja, luksi, qejfi, udhëtimet e suitat që provoni në hotelet e Serbisë. Por nuk është halli juaj Kosova, as interesat e saj, as shtetësia e sovraniteti i vendit! E provuat veten si “servilë” të atyre shqiptaro-serbëve që donin ta ricopëtonin territorin e Kosovës! Turp për ju!
Të tri palët në këto kategori bashibozukësh duhet të izolohen, të injorohen, të mos lexohen e të mos dëgjohen dhe gradualisht të eleminohen nga prania në politikë e në opinioin publik! Kjo është zgjidhja, nëse këta njerëz të ligj, intrigantë dhe pa asnjë sentiment për atdheun e për kombin, nuk kërkojnë ndjesë dhe nuk fillojnë të punojnë për Kosovën!

Burimi/Facebook

V.O – Titulli eshte perzgjedhur nga redaksia .

Hafiz Shala – A u shëndërrua Quinti në Evropën e 1878-s?!

No Comments Lajme Opinion

A duhet që paqja dhë siguria në rajon dhë më gjérë të kaloj mbi kurrizin e popullit shqiptar?!
Pse ushtrohet presion mbi të dobëtin- viktimën karshi shtetit kriminal e agresaor?!
Këto dhë shumë pyetje tjera mund të shtrohën më të drejtë e pa kufi sepse, po dojnë me na shëndërrua në popull nomad, anipse me shtete, dhë vende më shekuj të banuara, ama, po dojnë më na shpërndaré qe mos te rritemi, zhvillohemi, përparparojmë dhë ta formojmë identitetin tonë i njohur dhë i pranuar, si komb, si popull dhé si legjendë e kulturës, gjuhés dhë historisë të cilën nga gjelozia e frika e rritjës së këtijë kombi i cili, besojë së në rruzullin tokësor, éshtë mbi 20 milion.
Kush dhë pse frikohet nga kjo? Pse po ktheheni ne vitet e 1878-ta kur ishin tendencat e zhdukjës së një kombi? Ku qendronë faji i ynë? Pse jemi shqiptar të Dardanisë, vend dhë njesi e organizuar si shtet para 2000 vjete?
Tani, zotëri të ndëruar, juve po iu hallakatë kur, Presidentja, Kryeparlamentari dhë Kryeministri i vëndit, i dalin në mbrojtje të Kushtetutes së Republikës së Kosovës( pér mua të Dardanisé), fatëbardhësishtë e përkrahur edhe nga ende, një pjese të opozités qe po ia arritë vlerën dhë besimin e tyre para sovranit, dhashtë zoti nuk e kanë me sherr që si rast i mirë pér ta “ rrëxue Qeverinë”, qe do të ishte rrëxim dhë rrenim i shtetit në ndërtim dhë vetëvrasje e opozitës.
Zotëri, ju, nuk e quani provokim shtrirjën e flamurit serb në një gjatësi prej 300 metrave në qendrën e qytetit si provokim ndaj një shteti i cili derdhi gjak pér t’u qliruar, dhë kjo nuk,po ua vretë as syrin, veshin dhë ndërgjegjjën.
Nuk po u pengojnë juve, pérmendoret e lapidaret të kasapeve të shqiptaréve në pjesën veriore të qytetit të ndarë për qka nuk e ngritet zërin po po na kércënoni më largim, heqje dorë nga ne nese nuk iu ndegjojmë qofshin ato edhe propozime të dëmshme pér neve.
Pse zotëri delni kundër parimeve tuaja nga shtetet të cilat i prezentoni kur éshtë fjala për zbatimin e Kushtetutës? Pse zotëri heshtni ndaj këtyre dukurive dhë e përkrahni një shtet i cili nën direktivat e Rusisë me përkrahjën edhe të Kinës, duan ta destabilizojnë, Ballkanin, rajonin dhë më gjérë? A është kjo, nenshtrimi i juaj ndaj kércënineve ruse apo, e keni gjetë si zgjedhje më të lehtë qe, duke i nenshtruar, poshtëruar, mohuar pavarësinë e një shteti në të cilin investuat, ama, ndoshta edhe për hirë të situatës në Ukrainë, zgjidhja më e lehtë është t’i nenshtrojmë shqiptarët e pafuqishëm të cilëve mund t’iu imponojmë qka të dojmë sepse, i kemi qlirue. Dmth. duhet të bëhëmi kurban?!
Zotëri, nese na keni qlirua për të na lënë në robëri dhë diktatin serb, athere, kurrë fal mos iu qofshim sepse po na sjellni nga një robëri në tjetrën dhë, térhjekne atë qe na e keni ndihmue nese jeni pendue dhë na lereni të qetë dhë mjerimin tonë në të cilin na ka sjellë Evropa KURVË, e tani, fatëkeqësishtë, për hirë të “ një unitetit” për interesa gjeostrategjike, e pa besueshme për neve se edhe Amerika po donë mevra në kétë grackë apo, kushtimishtë do ta hajë atë mollë sherti të kalbur e të fëlliqur të Evropës.
Disa (b)analista e gazetaruc/ce, duke e arësyetuar kaparin e shumave marraméndése të pagave pér ta kundërshtuar e penguar shtetin të Dardanisë, hajn mut( më falni né shprehje),duke i sulmuar udhëheqjën e shtetit e zgjedhur nga populli për herë të parë në historinë e Dardanisë me mbi 50% të votuesve.
Dhë, ajo votë ishte mu për këtë pér qka ata po angaxhohën dhë deklarohën, respektimin e Kushtetutés dhë vullnetin e popullit.
Kryeminisri, qendrimin e tijë e bëri publik në mënyrën më transparente e tani e kérkonë qendrimin e Parlamentit mé të zgjedhurit e popullit, që është shumë normal rreth kësajë qeshtje. Ose, rrëxojeni Qeverinë e sjellni ata të cilët na kanë que Dardaninë deri të kjo deregje duke u treguar servil- tradhëtar ndaj vendit të tyre. Opozita e ka shansin ideal ta marr pushtetin dhë ta vazhdojë rrugën e ishave, tani nepër burgje pér krime, korrupcion, pasurim të jashtëligjéshëm e qka jo tjetër.
Po pse zotéri, nuk u brengosët” pér paragrafin kustetues të Serbisë ku Dardania( Kosova) figuronë si pjesë e sajë e që të gjithakëto veprime ajo i bënë pér të iu “ bind” juve pér këté, e kuptojmë se është periudhë parazgjedhore në Serbi, ama, une e kamë frikën se e gjithë kjo ëdhtë preludë e qeshtjës së Asociacionit të komunave më shumice serbe me kompetenca egzekutive qe i bie, nje ndarje të pjesës veriore, jo sot por neser, te cilën populli shqiptar i Dardanisë asesi dhë qdo kushtë nukguxonë ta pranojë po ashtu edhe qeshtjen e Manastirit të Deçanit dhë manastireve dhë kishave, siq i quajne ata por e juve uka hyré në tru si kisha e manastire serbe e që në të vertetë janë shqptare.
Nuk ka eksteritorialitet nga njështet tjetër në një shtet tjetër.
Këta, pra, serbet, edhe heroin tonë kombëtar, mbrojtëdin e krishterimit pra të kishave që sot janë në dardani si kisha shqiptare, duan ta përvetësojnë si të tyre.
Përfaqësues të shteteve të Quintit, ju lutem mos e mbështeteni udhëheqjën dhë popullin shqiptar të Dardanisë për muri, duke e marrë anën e armikut tonë shekullor, Serbinë e cila ushtrojë gjenocid ndaj këtijë populli dhe ju ende nuk po keni forcë, gucim dhë gadishmëri për t’ia thanë troq se kush është Serbia dhë kush éshtë Vuqiqi, një Millosheviq të dytë.
Kam frikë se do të bini pre e gënjeshtrave të tijë, pra Vuqiqit i cili, mund edhe të ju këtë premtue se nese edhe njëhere rizgjidhet, do t’i kryejë obligimet dhe do ta njef Dardaniné. Do té zhgënjehi ndërsa neve do të na merrni në qafë.
Mos na leni në gojë te ujkut sepse, nuk do të pajtohemi.
Hafiz Shala
New York

Burimi/Facebook