Home

Lajme

Cili test është më i mirë për COVID-19? Mësojeni para se ta bëni

No Comments Teknologji

Me kërkesë te shumë pacientëve dhe qytetareve ne vijim një shkrim i marrë nga revista ‘Harvard Health Publishing’, i datës 10 Gusht 2020.

Tani kur jemi disa muaj në pandeminë COVID-19, hapat që duhet të ndërmarrim për të kontrolluar në mënyrë efektive shpërthimin janë bërë të qarta: Larja e duarve dhe distanca, testimi i gjerë dhe shpejtësia e prodhimit rezultateve dhe gjurmimet e rasteve të kontaktit. Asnjë nga këto nuk është e lehtë të mirëmbahet dhe vazhdohet për një periudhë të gjatë.

Por të kombinuara, ato janë shanset tona më të mira ndërsa presin trajtime më të mira dhe një vaksinë efektive.

Pra, cilat teste jane në funksion për t’u përdorur?

Shumë lloje të testeve në dispozicion po mbjellin konfuzion në mënyrë të konsiderueshme. Fatkeqësisht, për shkak se ky koronavirus i ri është me të vërtetë i çuditshëm dhe është një sëmundje e re, informacioni rreth këtyre testeve është i paplotë dhe opsionet për testime vazhdojnë të ndryshojnë. Por ja çfarë dimë tani në lidhje me testet e dizajnuara për të diagnostikuar infeksionin aktual dhe ato që tregojnë nëse keni pasur më parë virus.

Testet diagnostikuese për infeksionin aktual

Nëse doni të dini nëse jeni të infektuar aktualisht me virusin COVID-19, ekzistojnë dy lloje të testeve: teste molekulare dhe teste antigjenesh.

Teste molekulare (quhen edhe teste PCR, teste ARN virale, teste acidi nukleik)Si bëhen? Nëpërmjet vrimave të hundës, strishot e fytit dhe testet e pështymës ose lëngjeve të tjera trupore.

Çfarë kërkon testi? Testet molekulare kërkojnë një material gjenetik që vjen vetëm nga virusi.

Sa kohë duhet për të marrë rezultate? Kjo gjë varet nga aftësia e laboratorit. Rezultatet mund të jenë gati në të njëjtën ditë, por zakonisht zgjasin të paktën një ose dy ditë.

Testi mokular që përdor një strisho të thellë të hundës është zakonisht alternativa më e mirë për detektimin Covid-19, pasi që ka efikasitet më të lartë sesa metodat e tjera diagnostikuese ose mostrat nga tampon në fyt ose pështymë.

Testet e antigjenit

Si bëhet? Përmes tamponit të hundës ose i fytit.

Ku mund t’i merrni këto teste? Në zyrën e një spitali ose mjeku.

Çfarë kërkon testi? Ky test identifikon fragmente proteine (antigjene) nga virusi.

Sa kohë duhet për të marrë rezultate? Teknologjia e përfshirë është e ngjashme me një test shtatzënie, me rezultate të disponueshme në minuta.

Po në lidhje me saktësinë? Shkalla e raportuar e mungesës së efikasitetit është e lartë – 50%, kjo është arsyeja pse testet e antigjenit nuk favorizohen nga FDA. Sidoqoftë, për shkak se testimi i antigjenit është më i shpejtë, më pak i kushtueshëm dhe kërkon teknologji më pak komplekse për të kryer sesa testimin molekular, disa ekspertë rekomandojnë testimin e përsëritur të antigjenit si një strategji të arsyeshme.

Testet për infeksionin e kaluar

Testet e antitrupave (i quajtur edhe testimi serologjik)

Si bëhet? Merret një mostër gjaku.

Ku mund t’i merrni këto teste? Në zyrën e mjekut, laboratorin e testimit të gjakut ose në spital.

Çfarë kërkon testi? Këto teste gjaku identifikojnë antitrupa që sistemi imunitar i trupit ka prodhuar në përgjigje të infeksionit.

Sa kohë duhet për të marrë rezultate? Rezultatet zakonisht janë në dispozicion brenda disa ditësh.

Po në lidhje me saktësinë? Një test i antitrupave i kryer herët mund të çojë në rezultate false . Kjo ndodh pasi që duhen një javë ose dy pas infektimit, në mënyrë që sistemi juaj imunitar të prodhojë antitrupa.

Hulumtimet sugjerojnë që nivelet e antitrupave mund të veniten vetëm për disa muaj.

Saktësia e vërtetë e testeve për COVID-19 është e pasigurt!

Fatkeqësisht, nuk është e qartë saktësisht se sa i saktë është secili prej këtyre testeve.

Burimi/Info Atdheu

Internet i sigurt? Ja hapat konkrete që mund të ndiqen nga të gjithë

No Comments Teknologji

Kejvi Mici iu përgjigjet disa pyetjeve kryesore për këtë cështje.
Cili është raporti që të rinjtë kane me internetin dhe kush jane problematikat me kryesore qe ju keni hasur ne takimet qe ju keni bere?
Pothuajse të gjithë pa përjashtim jemi përdorues të internetit, kush më shumë e kush me pak. Qasja në internet në vendin tonë është tepër e lartë. Për të rinjtë interneti është një bote pakufi, falë të cilit ata përfitojnë komunikim,aftësi, përvojë dhe njohuri të reja, por e mira do ishte që të gjithë të jenë të vetëdijshëm për ekzistimin e këtyre rreziqeve që vijnë si pasojë e lundrimit në internet, si dhe të mbrohen nga këto rreziqe, që është shumë e rëndësishme. Kudo që ka akses në internet, sidomos në “internet caffe” nuk ka mbikëqyrje, monitorim apo filtrim të materialeve të cilat janë të pa përshtatshme për këdo që kërkon, dëshiron të marr apo të japë informacion.
Kohët e fundit në përdorimin gjithmonë e më të madh, janë bërë të dukshme edhe rreziqet si: vjedhjes së identitetit, bulizmit, kërcënimeve, mashtrimeve, pedofilisë, etj. Disa të rinj nuk arrijnë dot të kuptojnë pasojat e gjërave që postojnë. Rekomandohet vendosja e një balance midis jetës reale dhe virtuale , pasi është një sukses më vete.Duhet theksuar gjithçka që postohet online, ngelet online.
Le të bëhemi më konkret duke marr një shembull: Ndonjëherë informacionet e tepërta, komentet dhe fotografitë jo të hijshme mund të pasqyrohen më vonë tek një punëdhënës që bën kërkime për ty, duke prishur gjithë pritshmëritë. Prandaj gjithmonë duhet të tregohet kujdes i madh në ato gjëra që të rinjtë publikojnë.
Pavarësisht çdo gjëje: Interneti nuk cilësohet si armiku jonë. Thjesht telashet vijnë si pasojë e pakujdesisë dhe përdorimit jo të zgjuar të tij.
Krijimi i këtij komuniteti, ka ardhur si pasojë e një eksperience tuajën të mëparshme apo thjesht është një ide e lindur rishtazi?
Të flasësh për veten asnjëherë nuk është e thjeshtë. Personalisht që i vogël jam munduar të jem pjesë e projekteve rinore, sociale, kulturore, që eksperiencat që do të merrja të ishin sa më të vlefshme vit pas viti. Jam munduar që qëllimet t’i kisha sa më objektive e të kohës në mënyrë të tillë që finalizimi të ishte një “histori suksesi”. Sot jo vetëm i realizuar (si ideator, drejtues dhe organizator), por edhe me ide të qarta në çdo iniciativë që ndërmarr. Mendoj që nëse njeriu e dëshiron më së tepërmi diçka e arrin dhe motoja që më ka shoqëruar ka qenë dhe është: “Puno fort për qëllimet e tua…asgjë nuk është e pamundur”.
Instikti, kreativiteti, pasioni,puna e palodhur e intesive, eksperiencat në shumë fusha më kanë dhënë një përparësi në iniciativat që kam marr përsipër. Për të realizuar një projekt, cilido qoftë ai, parimisht do shumë punë, do guxim,durim, energji dhe besim hap pas hapi. Ky komunitet së bashku me projektet e tij u u ideua me miqtë e mi e shumë shpejt u implementua në realitet, për t’i ardhur në ndihmë të rinjve. Dhe themelimi i komunitetit Egos nuk erdhi rishtazi, por kushdo në fushën që trajtonte kishte aftësitë e vyrtytet e nevojshme që vazhdimësia të ishte e shpejtë. Plot mund të them rreth 2 vite suksesi. Historitë e bukura dhe me vlera do vazhdojnë. Në një kohë të shkurtër që të rinjtë u njohën me objektivat e komunitetit morëm një kënaqësi të plotë, mbështetje të vazhdueshme nga kushdo që e dëgjonte për herë të parë. Fillimi i mbarë është gjysma e punës, por duhet të jemi me këmbë në tokë. Sfida të reja na presin…!
Çfarë këshillash ju jepni ju të rinjve?
Disa prej këshillave të përgjithshme janë:
-Të mundohen kohë pas kohe të kenë informacione lidhur me sigurinë dhe privatësinë në internet, pasi sa më shumë avancon teknologjia aq më shumë probleme serioze dalin.
-Ta përdorin internetin me kohë të reduktuar , pasi është një botë që hyn dhe e vështirë të dalësh nga larmishmëria e gjërave që ka(marrin dhe në këtë rast fjalitë e të rinjve duke kaluar ,që pa internet nuk jetohet).
-Informacionet personale të jenë sa më të reduktuara, sepse informacioni i tepërt është “sinjal” për keqëdashësit.
-Duhet të kenë kujdes të madh nga ftesat nga njerëz të panjohur, se asnjëherë nuk dihet qëllimi apo misioni që ata mund të kenë karshi jush.
– Kujdes i radhës qëndron dhe ndaj shit/blerjeve online. Para se të jepen të dhënat e kartës tuaj të kreditit duhet që të siguroheni dhe të zgjidhni ato “Top Site” që janë më të popullarizuara dhe kanë njëfarë sigurie. Jo të fusim të dhënat tona në një faqe të pa-verifikueshme, ku nuk dihet cfarë bëhet me të dhënat tona, por në fund jeni ju ata që e paguani(marrim rastin e shumave të humbura vetëm nga një neglizhencë).
– E njëjta gjë edhe për linqet.
Duhet të klikojmë ato linqe që minimalisht kanë një sens llogjike, jo të biejmë pre e të tillave mashtrime ,pasi krijohen enkas që të rinjtë të bien pre. Këshillat janë të shumta e janë të nevojshme në çdo kohë, ne jemi munduar që t’i bëjmë të thjeshta dhe të kuptueshme, pasi ka dhe këshilla akoma më teknike që kushdo mund të na kontaktoj në mënyrat që i kemi vënë në dispozicion për çdo problematik. Nëse je adoleshent mundohu qē rrjetet sociale ti përdorësh në funksionin tënd dhe jo ato të të përdorin ty! Çfarë nuk duhet të bësh në një rrjet social për të mos rënë pre e lojërave të tilla? – Së pari duhet dhënë sa më pak informacion rreth vetes (emër, mbiemër, datëlindje ) mjaftohu me kaq pasi çdo informacion i shtuar do të të bëjë më publik. – Kurrë mos shkruaj gjëra që do t’i realizosh në një të ardhme të afërt apo të largët, shfaqi ato vetëm pasi t’i kesh bërë dhe këtë bëjeni në mënyrë sa më të përmbledhur. – Mos prano në asnjë moment persona te huaj ne shoqërinë tënde virtuale (janë një kërcënim për privatësinë tënde, pasi nuk dihet qellimi që ata kanë). – Mos publiko foto provokuese (në plazh, në pishina, etj), foto nga jeta private ,me pjestarët e familjes, shoqërinë që të rrethon, etj. – Mos trego se cfarë po bën (nuk të ndihmon ta bësh më mirë). – Ruaje me fanatizëm jetën private. – Mos krijo varësi ne jetën virtuale, duke harruar që ti vete po jeton një jetë reale. Mos e humb produktivitetin tend ! Nuk ka dallim person publik ose jo kur bëhet fjalë për rrezik? Nuk është se ka një ndarje person publik ose jo ,kur bëhet fjalë për sigurinë dhe privatësinë tënde në internet. Perkundrazi faktet kanë treguar që dhe personat publike kanë rënë pre e mashtrimeve. Duke filluar nga informacionet e shumta publike, linqet e ndryshme që klikojnë, faqet e pa-autorizuara që kanë dhënë informatat e tyre, fotot e pamenduara e shumë peripeci të tjera, që kanë qenë në çdo kohë burim i menjehershem i keqbërësve. Por nuk duhet krijuar panik, thjesht personat publik duhet të jenë të përgjegjëshëm ndaj veprimeve që bëjnë e ndërkohë të ndërgjegjësohen. Në mënyrë të tillë qe mundesite për gabime të jenë të vogla, por edhe për kulturë personale, që dhe personaliteti i tij/i saj të jetë sa më i kuruar.Si perfundim une do doja tju ftoja të beheshit pjesë e komunitetit tone në rrjetet sociale (facebook, instagram) me emrin Egos, por dhe ne ose në youtube channel Egos Albania, ku të gjithë mund të gjeni antarësimin online, hapësirë për të shkruar mbi problematikat që ju të gjithë keni, por edhe të na kontaktoni. Për të punuar të gjithë së bashku ndaj çdolloj problematike, që do na dali me kohen.

Nga Era Cela

Policia njofton se janë rritur krimet kibernetike, udhëzon si të mbroheni

No Comments Teknologji

Policia e Kosovës ka njoftuar se edhe në Kosovë është rritur numri i rasteve të krimit kibernetik.

Përmes një komunikate policia ka bërë të ditur se cilat janë format më të shpeshta të sulmeve dhe udhëzimi se si duhet mbrojtur nga to,transmeton IndeksOnline.

“Vlen të theksohet se nga fillimi i shfaqjes së pandemisë COVID-19 është vërejtur një rritje e profileve të rrejshme në rrjete sociale, përmes të cilave keqbërësit kibernetikë kanë tentuar të përfitojnë duke dezinformuar me lajme të rrejshme. Gjithashtu, vërehet një rritje e lehtë në rastet që kanë të bëjnë me veprat penale ‘Hyrje në sistemet kompjuterike’ dhe ‘vjedhje e identitetit’, ku kryesisht keqbërësit kanë tentuar në mënyra të ndryshme të përfitojnë”, thuhet në kumtesë.

Njoftimi i plotë:

“Gjatë kësaj krize të paparë, Qeveria dhe institucionet tjera relevante në të gjithë Republikën e Kosovës po intensifikojnë përpjekjet e tyre për të luftuar përhapjen e koronavirusit COVID-19 duke miratuar masa të ndryshme për të mbështetur sistemet e shëndetit publik, për të mbrojtur ekonominë dhe për të ofruar siguri për të gjithë qytetarët e vendit.

Fatkeqësisht, kjo situatë e krijuar po shfrytëzohet nga persona keqbërës, të cilët keqpërdorin mundësitë teknologjike dhe internetin, me qëllim përfitimi material, por edhe qëllime tjera të paligjshme.

Në rang botëror vërehet dukshëm se janë rritur kërkesat për mallra, pajisje mbrojtëse dhe produkte farmaceutike. Pastaj ka rritje të ndjeshme të përdorimit të internetit për komunikim, arsimim, kryerja e punëve online etj. Situatë e ngjashme është edhe në Republikën e Kosovës.

Nga këndvështrimi i INTERPOL-it dhe EUROPOL-it vërehet se situata me COVID-19 ka ndikuar që krimet kibernetike të shpërfaqen edhe më shumë dhe kanë për cak individët dhe institucionet e ndryshme. Janë evidentuar mashtrime përmes thirrjeve telefonike dhe e-mail-ave duke përdorur emra të individëve dhe institucioneve reale, apo duke u thirrur në institucione shëndetsore të ndryshme. Mashtrimi kompjuterik ka të bëjë me kërkesat për pagesa gjoja për shërimin e pacientëve me COVID-19, pastaj marrja e të dhënave personale përmes e-mail-ave të cilët kanë të bashkëngjitur virus kompjuterik të mbuluar me ndonjë dokument dhe link.

Edhe në vendin tonë, në kuadër të parandalimit dhe luftimit të krimit kibernetik, Policia e Kosovës ka hasur në disa kërcënime ndaj të cilave qytetarët tanë janë të ekspozuar, sidomos këto ditë kur shumica e aktiviteteve ditore janë orientuar nga interneti.

Vlen të theksohet se nga fillimi i shfaqjes së pandemisë COVID-19 është vërejtur një rritje e profileve të rrejshme në rrjete sociale, përmes të cilave keqbërësit kibernetikë kanë tentuar të përfitojnë duke dezinformuar me lajme të rrejshme. Gjithashtu, vërehet një rritje e lehtë në rastet që kanë të bëjnë me veprat penale ‘Hyrje në sistemet kompjuterike’ dhe ‘vjedhje e identitetit’, ku kryesisht keqbërësit kanë tentuar në mënyra të ndryshme të përfitojnë.

Në vijim paraqesim disa prej këtyre kërcënimeve si dhe rekomandime se si mund t’i identifikoni dhe të mbroheni nga to:

Viruset kompjuterike – Ransomëare
Një ndër mënyrat më të shpeshta të infektimit me virus kompjuterik është ajo përmes dërgimit të e-mailave të cilët në vete përmbajnë ndonjë dokument në formate të ndryshme (si Ëord, Excel, PDF, foto etj.) ose ndonjë link (URL) të ndryshëm, që mund të pranohet si formë e lajmeve apo kërkesave të ndryshme, në emër të institucioneve publike apo private si p.sh: njoftim nga banka për përditësim të të dhënave, oferta të ndryshme biznesore etj.

Nëse i hapni dokumentet e dyshimta apo klikohen linqet e dyshimta, të dhënat kompjuterike do të bëhen të paqasshme (enkriptohen). Pastaj, keqbërësit do të kërkojnë që të paguani një shumë të parave që t’iu lirohen të dhënat. Por, edhe në rast se paguani nuk ka ndonjë garancion se të dhënat do të lirohen.

Mashtrimet e bizneseve përmes internetit
Keqbërësit kibernetikë fillimisht arrijnë të kenë qasje në kompjuterin e biznesit (pronarit apo ndonjë kompjuteri që posedon të dhëna për transaksionet financiare), monitorojnë dhe njihen me aktivitetet, pastaj në momentin kur fillon të realizohet transaksioni i të hollave ata ndërhyjnë duke ndryshuar të dhënat e xhirollogarisë bankare. Në këtë mënyrë paratë përfundojnë në një bankë tjetër dhe nga aty bëhet tërheqja e tyre nga keqbërësit.

Mashtrimet në ueb-faqe dhe rrjete sociale
Keqbërësit kibernetikë janë duke e shfrytëzuar këtë situatë pandemie për të krijuar dhe për të shpërndarë lajme të ndryshme që nuk vijnë nga persona dhe institucione të besueshme, me qëllim të dezinformimit dhe krijimit të frikës tek popullata.

Gjithashtu, keqbërësit duke shfrytëzuar këtë situatë, shpërndajnë lajme me të cilat reklamohen barna të ndryshme për përdorim gjoja për shërimin e COVID-19.

Pastaj, krijimi i faqeve të rrejshme, sidomos të atyre për blerje online dhe atyre bankare (e-banking). Përdoruesit e internetit duke menduar se janë kyçur në një ueb-faqe të vërtetë për të blerë online, ofrojnë të dhënat personale bankare si dhe të dhëna tjera, ku keqbërësit pas sigurimit të këtyre të dhënave bankare dhe personale i shesin në tregjet e zeza si dhe i shfrytëzojnë që të bëjnë pagesa apo blerje të ndryshme.

Vërehet se në këtë kohë kur njerëzit kanë nevojë për solidaritet dhe ndihmë, keqbërësit kbernetikë mundohen të përfitojnë duke mashtruar përmes platformave të ndryshme të donacionit.

Me qëllim që të minimizojmë kërcënimet e lartcekura dhe qytetarët të mos bien viktimë e tyre, Policia e Kosovës iu bën thirrje të gjithë qytetarëve që të kenë kujdes të shtuar gjatë përdorimit të internetit. Në vijim janë disa rekomandime të cilat ndihmojnë në mbrojtjen prej kërcënimeve nga interneti:

Verifikoni me kujdes e-mail-at që pranoni dhe mos iu përgjigjni e-mail-ave të dyshimtë!
Mos klikoni në linqe të dyshimta dhe mos hapni dokumente të dyshimta!
Bizneset të shtojnë kujdesin gjatë komunikimit dhe transaksioneve financiare përmes internetit. Verifikoni xhirollogaritë bankare dhe të dhënat tjera të partnerit biznesor dhe binduni se transaksioni financiar është duke u bërë në adresën e duhur.
Kujdes të shtuar gjatë blerjeve online. Verifikoni ueb-faqet që ofrojnë produkte online (a kanë të dhëna kontaktuese – persona kontaktues, e-mail adresë, telefon, adresë fizike, a ka përdorues, vlerësimet dhe komentet e blerësve etj.).
Verifikoni lajmet që lexoni! Janë duke qarkulluar në internet lajme të paqëndrueshme dhe qëllimkëqija, ju duhet t’iu shmangeni këtyre lajmeve dhe mos i shpërndani ato nëse nuk vijnë nga burime zyrtare.
Lidhur me lajmet për trajtim dhe shërim të COVID-19 por edhe të sëmundjeve tjera, rekomandojmë që çdo informatë lidhur me trajtimin dhe përdorimin e barnave t’i merrni nga institucionet shëndetësore të vendit.
Kujdes të shtuar gjatë dhënies së donacioneve online, verifikoni disa herë nëse iniciativa është ligjore dhe legjitime dhe se kush qëndron prapa tyre.
Shmangni lojërat shpërblyese në internet apo “ndihmën duke klikuar” ndaj ndonjë miku për të fituar ndonjë shpërblim në lojëra në internet.
Kujdes maksimal kur jepni të dhëna personale dhe bankare në internet!”.

Burimi/indeksonline.net/

MICROSOFT DO TË MBYLLË APLIKACIONIN CORTANA PËR ANDROID DHE IOS

No Comments Lajme Teknologji

Nuk dihet se çfarë do të bëhet me asistentin virtual që Microsoft bëri aq shumë përpjekje për të rritur adoptimin e tij. Aplikacioni gjithashtu do të largohet nga Microsoft Launcher në Android.

Microsoft zbuloi se ka vendosur të “vrasë” aplikacionin Cortana për Android dhe iOS në Janar. Prodhuesi i softuerit ka postuar një artikull të ri për përdoruesit e Cortana ku thotë se në Britani, Kanada dhe Australi do të hiqet nga dyqanet e aplikacioneve të Android dhe iOS.

Nuk dihet se çfarë do të bëhet me asistentin virtual që Microsoft bëri aq shumë përpjekje për të rritur adoptimin e tij. Aplikacioni gjithashtu do të largohet nga Microsoft Launcher në Android.

Microsoft lançoi Cortana në iOS dhe Android në Dhjetor të 2015 dhe ishte dizajnuar për të lidhur kompjuterët Windows 10 me telefonët mobil. Pavarësisht një ridizajnimi të madh Microsoft dështoi ta bënte asistentin konkurrues me rivalët si Google Assistant dhe Apple Siri.

Vetë CEO Satya Nadella tha se nuk e sheh asistentin si konkurrent të Alexa, Siri apo Google Assistant.

Kompania tashmë është e fokusuar në integrimin e Cortana në Microsoft 365. Asistenti në mënyrë indirekte është integruar edhe në aplikacionin Outlook për iOS dhe Android dhe mund të lexojë e-mail-et me zë të lartë.

Burimi/insajderi.com

Shpëtimi i mushkërisë së planetit, Leonardo DiCaprio dhuron pesë milionë dollarë për Amazonën

No Comments Lajme Teknologji

Organizata mjedisore, “Amazon Forest”, e drejtuar nga Leonardo DiCaprio ka vënë në dispozicion pesë milion dollarë per t’i ardhur në ndihmë Amazonës për shuarjen e zjarrit.

Sipas BBC aktori i njohur, DiCaprio ka depozituar 5 milionë dollarë në një fond emergjent të Amazon Forest, të nisur nga Earth Alliance, një organizatë mjedisore që ai vetë e themeloi.

“Amazon Forest Fund” po kërkon fonde për të mbrojtur biodiversitetin e jetës së Amazon ndërsa zjarret kanë përfshirë të gjithë rajonin.

Amazona ka shumë nevojë për burime për të luftuar zjarret që kanë përfshirë pyjet masive tropikale.

Jo vetëm që Amazona është një burim kritik për komunitetet autoktonë që jetojnë brenda dhe përreth tij, por është edhe një nga ekosistemet më të mëdhenj në planet, i cili luan një rol të madh në stabilizimin e klimës globale.

Burimi/.tpz.al/

Dëmet e mëdha të rrjeteve sociale

No Comments Lajme Teknologji

Dëmet nga përdorimi i rrjeteve sociale janë të shumta. Sipas studimit të fundit që mbërrin nga institucionet londineze, janë një sërë simptomash që lidhen me shëndetin mendor, ndër të cilat renditen ankth, pagjumësi, stres kronik, inferioriteti ndaj vetës, mungesë e aktivitetit sportiv dhe depresion. Dhe kjo është më e dukshme dhe ndikuese tek adoleshentët që i përdorin në mënyrë konstante rrjetet sociale.

Në kërkimin studimor janë analizuar 10 mijë adoleshentë të moshave nga 13-16 vjeç dhe sjelljet e tyre në lidhje me to. Rezulton se janë vajzat ato që vuajnë më tepër këto simptoma dhe 60% e tyre kanë një impakt psikologjik negativ që mbërrin nga niveli i lartë i ekspozimit, me pasojë bullizmin dhe mungesën e aktiviteteve të shëndetshme.

Ndërsa në radhët e djemve, vetëm 12% e tyre ngarkohen negativisht në anën psikologjike si pasojë e përdorimit të rrjeteve sociale.

Klan Plus

Nga erdhi emri celular?

No Comments Lajme Teknologji

E keni vrarë mendjen nga erdhi emri celular dhe kush e bëri bisedën e parë me një telefon të tillë?
E keni vrarë mendjen nga erdhi emri celular dhe kush e bëri bisedën e parë me një telefon të tillë?
Deri në vitet 70 fjala celular nuk kishte fare të bënte me elektronikën apo telefoninë.
Mes përdorimeve të zakonshme, përveç atyre referuar qelizave (biologjike), ishte ai i furgonit të policisë për transportin e të burgosurve.
Fjala filloi të përdorej për telefonin e lëvizshëm në 1979, kur “The Bell System Technical Journal”, një revistë që shkruante për zhvillimet teknologjike, publikoi një artikull të titulluar “Koncepti i celularit” nga V.H. MacDonald. MacDonald.
Aty përshkruhet skema e një rrjeti telefonik të lëvizshëm që përbëhet nga qeliza, me mekanizmat elektronikë të vendosur në një distancë precize nga njëri-tjetri.
Në këtë mënyrë sinjali qëndronte konstant edhe kur telefoni lëvizte.
Por shpikja e skemës kishte ndodhur më parë.
Që në 1947 Douglas H. Ring dhe W. Rae Young, inxhinierë në “Bell Labs” dizajnuan një rrjetë me mekanizma elektronikë që e quajtën “skema celular”, sepse çdo mekanizëm elektronik me zonën e vet të mbulimit i ngjante një qelize biologjike.
Një rrjet i konceptuar kaq mirë, në praktikë, lejonte që telefonatat të zhvendoseshin nga një qelizë të tjetra, duke ndenjur në të njëjtin kanal.
Kjo është arsyeja se përse në fund, telefonat e lëvizshëm që përdorin rrjetë pa tela, u quajtën celularë.
Telefonata e parë me celular u bë në rrugët e Nju Jorkut më 3 prill të 1973-it, nga Martin Cooper (në foto), shpikësi i telefonit të lëvizshëm “AT & T”.
Fjalët e para të asaj bisede ishin: “Joel, po të telefonoj nga një telefon celular, një telefon i vërtetë celular, një pajisje e lëvizshme që mbahet në dorë, një telefon celular prej vërteti”.
Për të bërë atë telefonatë që hyri në histori përdori një aparat “Dyna-Tac” të peshës 1,3 kg, i pajisur me një bateri që mbante vetëm 30 minuta.

Si të keni shumë ndjekës në rrjete sociale

No Comments Lajme Teknologji

Të gjithë e dimë sa e fuqishme është loja e Instagramit – për një LIKE më shumë. Po si mund të kesh më shumë ndjekës? Mund të kesh dëgjuar edhe nga kushëriri i vogël 12-vjeҫar që njerëzit paguajnë për të pasur më shumë ndjekës në rrjetet sociale. Por nuk është kjo ajo që do të bësh. Në varësi të faqes së Instagramit që ke për të menaxhuar, ka disa hapa që të sigurosh më shumë ndjekës – falas.
Bëhu një pëlqyes besnik
Kjo është një pikë shumë e rëndësishme – një fillim i mirë. Jo vetëm të pëlqesh fotot apo komentet e fotove që ke postuar në profilin tënd, por të ndash dashuri edhe me njerëzit që jo domosdoshmërish janë ndjekësit e tu. Po ashtu mund të pëlqesh edhe fotot apo postimet e miqve që nuk i njeh edhe aq mirë. Thjeshtë shiko dhe shumë shpejt, gjithҫka do të të kthehet mbrapsht.
Zgjidhi hashtag-ët me menҫuri
Në profilet sociale, është shumë e rëndësishme edhe zgjedhja e hashtag-ëve. Një zgjedhje e mirë e tyre përkthehet në më shumë pëlqime në mediat sociale dhe rrjedhimisht edhe më shumë ndjekës. Kështu, ndërsa zgjedh të përdorësh një hashtag, merr parasysh që të ketë një lloj “kodi”për të tërhequr fansa. (#FF + Follow Friday, #LB = like back, #l4l = like for like), por edhe më populloret (#love, #instagood), të cilat përdoren më shumë në Instagram (do të shihen nga shumë njerëz që e përdorin Instagramin).

Rriten çmimet për makinat e Teslas

No Comments Lajme Teknologji

Tashmë që kanë arritur një pëlqyeshmëri të lartë kompania e makinave elektrike Tesla ka dalë në vendimin për të rritur çmimin e makinave.

Tesla kishte deklaruar më herët gjatë këtij muaji se do ta bëjë mbylljen e një numri të pacaktuar të dyqaneve për ta mbuluar uljen e çmimit të veturës “Model 3” në 35 mijë dollarë. Tash kompania do t’i mbyllë vetëm gjysmën e dyqaneve që ishin planifikuar më herët.

Ky prodhues, i themeluar nga Elon Musk, ka thënë se mbajtja e dyqaneve hapur shtron nevojën për rritje të çmimit të veturave për mesatarisht 3 për qind në tërë botën.

Kjo kompani i ka 378 dyqane dhe qendra të shërbimit në botë, por nuk ka dhënë informata se cilat prej tyre do të mbyllen.

“Gjatë dy javëve të fundit e kemi analizuar secilin dyqan të Teslas dhe tashmë kemi vendosur që ta mbyllim një numër më të vogël të dyqaneve sesa ishte planifikuar më parë”, thuhet në deklaratën e kompanisë.

Tesla është duke punuar që të realizojë shitje “online”, duke thënë se blerësit do të informohen në dyqanet e kompanisë se si ta porosisin blerjen e një veture përmes telefonit. Sipas zyrtarëve të kësaj kompanie, procesi i blerjes së veturës përmes internetit do të zgjasë vetëm disa minuta, shkruan “BBC”.

© SYRI.net

Facebook ndryshon rrënjësisht, ja vendimi

No Comments Lajme Teknologji

Skandalet e shumta që përfshinë Facebook vitin e kaluar ka bërë që drejtuesit të ndërmarrin ndryshime të mëdha.

Është skandali i publikimit të të dhënave të 87 milion përdoruesve bëri që gjigandi social të bëjë një kthesë të rëndësishme.

“Përgjatë 15 viteve të fundit, Facebook dhe Instagram kanë ndihmuar njerëzit të lidhen me miq, bashkësi e interesa, në sheshin e qytetit dixhital. Por njerëzit gjithnjë e më shumë kërkojnë të lidhen privatisht në dhomën e tyre digjitale. Kur mendoj për të ardhmen e internetit, besoj se platformat e komunikimit të fokusuara drejt privatësisë do të jetë më të rëndësishme se platformat e hapura që janë sot”, tha Zuckerberg.

Zuckerberg zotëron edhe aplikacionet Messenger e Ëhatsapp, ku mesazhet e kriptuara nuk i lejojnë Facebookut të përfitojë nga fushata publicitare.

Ekspertët teknologjikë shpjegojnë se këto ndryshime do të përbëjnë një drejtim krejtësisht të ri të politikave të Facebook. Një nga misionet e gjigantit teknologjik është shkëmbimi i informacioneve të caktuara dhe fshirja e tyre pas një kohe të shkurtër, si në rastin e aplikacionit Snapchat, të cilin Zuckerberg ka tentuar disa herë ta blejë.

© SYRI.net