Home

Lajme

Ibrahim Morina – PËRSE JAM NË KRAH TË SALI BERISHËS

No Comments Lajme Opinion

“Përse je në krah të Sali Berishës…?”.
“Po të ishe deputet, a do të ishe me Sali Berishën…?”.
Këto janë dy pyetjet, në të shumtën, që pas rreshtimit tim publik dhe jo vetëm krah Sali Berishës, miq të shumtë, por edhe të njohur e të panjohur më kanë adresuar në një mënyrë, apo në një tjetër.
Po i nis përgjigjet nga pyetja e dytë, me një parantezë.
Jo pak nga ata që më pyesin “Po të ishe deputet, a do të ishe me Sali Berishën…?”, nuk e fshehin një farë skepticizmi… Këtë rreshtimin kundër Lulzim Bashës, kjo kategori skepticistësh e sheh, në disa raste edhe e shpreh, si një hakmarrje timen për mospërfshirjen në listën për deputet i PD-së në Qarkun e Fierit. Nuk besoj se është gjë e keqe të kesh ambicie, synime, objektiva, pse jo edhe kërkesa ndaj vetes dhe të tjerëve. Në këtë kontekst, edhe unë nuk kam pse i fsheh ambiciet, synimet, objektivat, pse jo edhe kërkesat ndaj vetes dhe të tjerëve…, kur të gjithë miqtë e mi e dinë aspiratën time të fortë, për të qenë në mënyrë sfiduese në listën e kandidatëve të PD-së për deputetë të Qarkut të Fierit. Aq më tepër kjo aspiratë, sot më se 6 muaj pas zgjedhjeve, dukshëm bie në sy si e drejtë, sepse përveç mosdëshirës së kryetarit në detyrë të PD-së për moskandidimin tim, lista përfaqësuese e PD-së, për më tepër rezultati i saj për qarkun e Fierit, lë shumë për të dëshiruar.
Por Lulzim Basha nuk deshi të më kandidonte për një arsye të rëndësishme vetëm për atë. Ai nuk mund të më kandidonte sepse nuk mund të krijonte marrëdhënie varësie me mua. Ndërkohë që politika është arti i së mundshmes, i kompromisit dhe i bashkëpunimit. Në këtë kontekst edhe unë nuk kam pse të rreshtohem në krah të një njeriu të dyzuar si Lulëzim Basha, i cili të tjera gjëra artikulon e premton dhe të tjera gjëra bën, i ndikuar nga të tjerët.
Përpos kësaj, le ti kthehemi përgjigjes për pyetjen e dytë…
Po! Edhe po të isha deputet, unë do të isha sot me Sali Berishën…!
Këtë zgjedhje do ta bëja, si shumë deputetë të tjerë, lista e të cilëve shtohet për ditë, duke u rreshtuar në krah të tij.
Këtë do ta bëja edhe për një arsye tjetër, sepse nuk do ti lejoja vetes që kryetari i PD-së apo i grupit parlamentar të saj, të më urdhëronte me SMS se nuk kam alternativë tjetër, veç “abstenimit” apo votimit “pro” buxhetit të qeverisë dhe ca më keq akoma, borxheve miliona dollarësh që ajo merr për luksin e saj.
Partia, si koncept i përgjithshëm, është një bashkim vullnetar njerëzish me ide të njëjta. Por Lulzim Basha, me përvojë të vetme punësimi para katapultimit në politikë, përkthyes në Organizata Jo Fitimprurëse (OJF ) e konsideron PD-në si OJF, dhe deputetët e saj si të punësuar, të cilëve ai po të dojë, u firmos ose jo borderonë. Opozita dhe deputetët e saj, nuk duhet të pranojnë të jenë të punësuar në OJF-në e Lulzim Bashës, por duhet të bëjnë punën e tyre, si kundërshtarët më të fortë dhe më të denjë ndaj qeverisë, me fakte e argumente dhe jo të lejojnë Lulzim Bashën të vetëofrohet për tu bërë patericë e panevojshme e qeverisë. Për ndryshe kjo sjellje e ky qëndrim “mban erë…”.


Jam në krah të Sali Berishës sepse ndaj tij e konsideroj të padrejtë çdo lloj penalizimi, me origjinë nga jashtë kufijve administrative të Shqipërisë, dhe me bekimin dhe investimin e qarqeve të caktuara brenda dhe jashtë vendit.
Që të jem më i qartë dhe më konkret, po shtyhem pak në kohë, në fundvitin 1990. Ishin ditët e porsathemelimit të PD-së dhe zgjedhjes së Sali Berishës, si kryetar i saj. Personalisht mbaj mend mirë dhe e kujtoj jo rrallë sot, se kanë qenë ato ditë kur unë dëgjova për herë të parë të flitej hapur për Kosovën dhe kosovarët, për Çamërinë dhe çamët. Mbaj mend mirë dhe e kujtoj ende sot, se ka qenë Sali Berisha, i cili duke përmendur Kosovën dhe kosovarët, Çamërinë dhe çamët, për herë të parë publikisht çorri perden e zezë, atë të konsiderimit ende si tabu, të të folurit për gjysmën e trojeve dhe gjysmën e kombit shqiptar.
Ndaj e kam bindje, se Sali Berisha ende sot paguan kosto politike si flamurmbajtës i zgjidhjes së këtyre çështjeve me rëndësi të madhe kombëtare.
Goditja më e fundit politike e ardhur nga përtej oqeanit, çuditërisht 8 vjet pasi ai ishte thjesht dhe vetëm një deputet i opozitës dhe po aq çuditërisht tre javë pas zgjedhjeve të 25 prillit, nuk më lëkundin nga bindja ime se penalizimi i Sali Berishës lidhet thjesht dhe vetëm me kundërshtimin e pashembullt të tij, pse jo edhe i vetmi, të idesë së shkëmbimit të territoreve midis Kosovës dhe Serbisë.
Askush nuk ta fal ti heqësh nga duart, qoftë 5 lekë dhe jo 550 milardë dollar, aq sa llogaritet sot pasuria e Trepçës, që mes pazaresh të pista, të tipit koncesion apo PPP-ra të planifikuara, ua hoqi nga duart Serbisë dhe gjithë pazarxhinjve në Tiranë e Beograd… Faktet janë aty por askush veç Sali Berishës nuk ka guximin ti përmend për këtë pasuri përrallore të lakmueshme që nga koha e Hitlerit…, edhe prej vetë Hitlerit.
Duke e konsideruar të pamerituar penalizimin e Sali Berishës për shkak të angazhimit të tij të madh ndaj çështjes kombëtare, e konsideroj po aq paburrëri, për më tepër pabesi, qëndrimin e Lulzim Bashës, jo vetëm ndaj Sali Berishës, por edhe ndaj çështjes së Kosovës. Kur pak më sipër përmenda se Sali Berisha është i vetmi shqiptar që ka kundërshtuar hapur dhe publikisht shkëmbimin e territoreve midis Serbisë dhe Kosovës, sigurisht kam parasysh edhe Lulzim Bashën i cili nuk ka të regjistruar ende asnjë deklaratë të vetme, të artikuluar prej tij, për denoncimin të pazareve të pista midis Tiranës dhe Beogradit. Kaq dhe qoftë edhe vetëm kjo, është kusht i mjaftueshëm dhe i domosdoshëm për mua që të jem në krah të Sali Berishës.


Jam në krah të Sali Berishës sepse “Foltoret” e tij i shoh si mundësia e vetme për rikthimin e PD-së në një forcë politike fituese.
Këtë zgjedhje do ta bëja edhe për një arsye tjetër. Për mua, 8 vjet janë mjaftueshëm që një kryetar partie të shpalosë vizionin e tij dhe ta çojë një parti në fitore. Por Lulzim Basha konsumoi 8 vjet në krye të PD-së dhe jo vetëm nuk ka fituar as një palë zgjedhje, të përgjithshme, apo vendore, por as nuk ngjall shpresë se do t’ia arrijë ndonjëherë ditës së fitores. As ata pak mbështetës të vetëm brenda grupit parlamentar të PD-së nuk e besojnë dhe nuk guxojnë të artikulojnë “garancinë” se Lulzim Basha mund ta çojë PD-në drejt fitores.
Përkundër kësaj Sali Berisha ka treguar se ka shpirtin e fitores, ka treguar se ngjall shpresë te demokratët, pse jo edhe tek pjesa tjetër e votuesve… Për ilustrimin e kësaj fjalie të fundit, që të mos mbetet në kuadrin e një deklarate pompoze, mjafton të sjell si shembull zgjedhjet e vitit 2001. Ishin zgjedhjet e para pas vitit 1997, vit në të cilin Sali Berisha mori goditjen më të madhe të pamerituar. E pra 4 vjet pas vitit 1997, Sali Berisha pësoi ringritjen më të shpejtë dhe më të fuqishme, ndërsa socialistët arritën që vetëm me makinacionet e Dushkut, në Lushnje, pa përmendur mandatet që Fehmi Abdiu, si ish-kreu i Gjykatës Kushtetuese shpërndante pa kurrfarë baze ligjore, për humbësit e PS-së, të mos ia lejonin atij këtë ringritje…, e cila gjithsesi nuk do të vononte në vitin 2005. Kur për Sali Berishën 4 vjet ishin fare pak, për pragpërmbysjen e madhe, për Lulzim Bashën 8 vjet janë shumë…
Po ç’ta zgjas…!
Ka ndonjë nga ju lexuesit e këtyre radhëve që beson se Lulzim Basha mund ta çojë PD-në drejt fitores…?!
Absolutisht jo…!
Asnjë…!
E kundërta qëndron me Sali Berishën i cili, jo vetëm ka dhënë prova, por po e demonstron më së miri ngjalljen e shpresës me këto “Foltore”.
Kur sheh qindra e mijëra njerëz që presin Sali Berishën nëpër qytetet e tyre, nuk ka se si të mos bindesh, se ai burrë, më se 8 vjet pasi nuk ka në dorë asgjë, mbledh rreth vetes ende shumë persona që ju ka humbur shpresa. Ky padurim i njerëzve për të pritur Sali Berishën dëshmon sot, më se 8 vjet pasi ai nuk ka më në dorë asgjë, se për aq kohë sa ka qenë kryeministri i tyre, e ka bërë punën e tij shumë mirë, i ka bërë detyrat ndaj atyre qindra e mijërave të zhgënjyerve shumë mirë, aq sa ata të mos e harrojnë ende më se 8 vjet më pas…, dhe jo vetëm kaq por aq sa ata të mezipresin.
“Në politikë ka pasur një rregull, të cilin nuk e di në se ekziston ende dhe është turp, në se jo: që të ecësh në politikë, duhet të mbash fjalën. Mund të jesh liberal, konservator, radikal apo reaksionar. Mund të jesh edhe kriminel, batakçi, por kur bie dakord për një marrëveshje, respektoje”.
Kjo thënie e ish-kryebashkiakut të New York-ut, Rudolph W. Giuliani nga libri “Udhëheqja”, duket se ka gjetur mishërim te Sali Berisha, aq sa ai më se 8 vjet pa asnjë funksion politik, të mos i zhgënjejë ata njerëz që mbushin “Foltoret”.
Në një situatë të ngjashme, pararendësi i Sali Berishës apo pasrendësi i tij, jam i sigurt se nuk do të mund të kishin ende këtë ndjeshmëri nga zgjedhësit e tyre…, veçanërisht 8 vjet pas mospasjes në dorë asgjë. Sa për Lulzim Bashën, nuk po e përmend në këtë krahasim, sepse ai si kryetar në detyrë i PD-së, nuk guxon të dalë e të ballafaqohet e me anëtarësinë apo zgjedhësit e PD-së, ndërsa për më lart në ekzekutiv, nuk do ta ketë mundësinë për një ballafaqim të tillë të mundshëm…
Ja pse duhet të jemi në krah të Sali Berishës…!

Burimi/Facebook

Sali Berisha – Gjykata ne Paris pranoi padine time ndaj Sekrtarit te Shtetit Blinken per shpifje!

No Comments Aktualitet Lajme

Njoftim shtypi.
Gjykata ne Paris pranoi padine time ndaj Sekrtarit te Shtetit Blinken per shpifje!
Zyra e avoktatit tim, Jean Yves Le Borgne eshte njoftuar se Gjykatesi i gjykates korreksionale te Parisit ka pranuar padine time ndaj sekretarit te shtetit Antony Blinken per shpifje. Une ngrita kete padi pasi Sekretari i Shtetit me daten 19 Maj 2021 njoftoi vendimin e tij te bazuar ne keqinformin nga lobimi korruptiv i kryeministri Edi Rama dhe protektorit te tij George Soros, per shpalljen time dhe familjareve te mi nongrata per “korrupsion sinjifikativ”. Ky vendim eshte i bazuar ne keqinformimin nga lobimi korruptiv i kryeministrit Edi Rama dhe protektor i tij George Soros me te cilin une kam patur kundershti te medha.
Ky vendim pa asnje prove fakt apo dokument, i papritur, puro politik dhe unik ne llojin e tij erdhi 8 vite pasi une kam dhene doreheqje nga çdo pozicion udheheqje, dhe cdo funksion ekzekutiv publik dhe tre jave pasi kandidati qe une mbeshteta humbi zgjedhjet.
Perveç kesaj, ne 30 vite te karrieres time kurre ndonje here nuk jam akuzuar ose ndjekur per ndonje forme korrupsioni dhe asnjeri nuk ka ngritur padi apo provuar ndonje pretendim per korrupsion ne gjykate apo opinion publik ndaj familjareve te mi.
Duke shprehur besimin tim tek gjykata dhe pritur diten e gjyqit, une ftoj sekretarin e shtetit te paraqese ne gjykate çdo prove, fakt apo dokument per te provuar akuzat mbi te cilat ai ka bazur vendimin e tij sine materia per shpalljen time nongrata. sb

Burimi/Facebook

Berisha: Jam përgjegjës për veprimet e fëmijëve të mi, marr përsipër çdo provë nëse ka kundër tyre

No Comments Aktualitet Lajme

Ish-Kryeministri Sali Berisha deklaron se është përgjegjës për çdo veprim të fëmijëve të tij, z.Shkëlzen Berisha dhe znj.Argita Malltezi.

I ftuar në emisionin Zonë e Lirë në Tv Klan, Berisha tha se merr përsipër çdo provë nëse del kundër fëmijëve të tij. Këto deklarata, ish-Kryeministri i bëri duke komentuar lidhur me vendimin e SHBA që e shpalli “non grata” atë dhe familjen e tij.

I pyetur nga Arian Çani nëse del një provë kundër fëmijëve të tij dhe merren të pandehur, Berisha ka shprehur gatishmërinë për të marrë përsipër çdo përgjegjësi.

Arian Çani: Duhet të rifillosh një betejë të fundit.

Sali Berisha: Me një përkushtim të jashtëzakonshëm.

Arian Çani: Po nuk ke frikë?

Sali Berisha: Absolutisht jo! Kam të vërtetën me vete.

Arian Çani: Po kur them frikë nuk e kam fjalën për vete unë, se e di që ti vetë personalisht nuk ke frikë, po për fëmijët e tu, për Shkëlzenin, për Argitën. Ata mund të merren të pandehur.

Sali Berisha: Ata t’i marrin 100 herë të pandehur dhe ata gjer sot…

Arian Çani: Nuk po them për Lirinë sepse Liria është zonjë grua…

Sali Berisha: Dhe atë ta marrin patjetër… I ftoj ta marrin.

Arian Çani: Je duke bërë betejë me Perandorinë.

Sali Berisha: Kam të vërtetën me vete unë. Unë kam deklaruar dhe deklaroj se jam përgjegjës për çdo veprim të fëmijëve të mi. Ke ndonjë politikan tjetër ta ketë deklaruar këtë?

Arian Çani: Pra, në qoftë se Shkëlzeni në një moment ta caktuar ka një provë kundër tij, ti e merr përsipër?

Sali Berisha: Padiskutim! Absolutisht që nesër. Në qoftë se Argita ka një provë, që nesër. Sepse këta kam thënë unë kur kam ardhur në 2005 Kryeministër. U kam thënë shqiptarëve që për çdo veprim të fëmijëve të mi, unë mbaj përgjegjësi. U kam thënë fëmijëve të mi, ka qenë mesazh për qytetarët, që nuk mund të ketë dëme ndaj jush por edhe për fëmijët. I kam detyruar fëmijët që 2 vite para se sa të ndryshonte ligji, të deklaronin njësoj si i ati. Dhe këtë e kanë bërë. Në qoftë se ndokush thotë së fëmijët e mi, djali im e ka të ndaluar veprimtarinë private, pastaj kjo është Koreja e Veriut ose Enver Hoxha. Djali im ka marrë vetëm 3 muaj rrogë në një ndërmarrje publike dhe pastaj ka dalë në sektor privat si këshilltar ligjor, sepse ai ka mbaruar 2 Master për arbitrazh.

Arian Çani: Edhe vajza ndërkohë…

Sali Berisha: Edhe vajza… Vajza ka punuar vetëm një periudhë kohe të shkurtër avokate. Kurse ky është këshilltar ligjor dhe ka aktivitete biznesi, të cilin ja ka kontrolluar Edi Rama me të gjithë instrumentet e tij, dhe të paktën 10 herë i ka ndërsyer autoritetin kundër larjes së parave drejt tyre. Dhe e ftoj t’i ndërsej edhe 100 herë të tjera.

Burimi /tvklan.al