Home

Lajme

Tonin Nikolli – KЁSHILLA POETIKE PЁR FЁMIJЁ NGA 1 – 1000 MUAJ

No Comments Argëtim Letersi

  1. PЁR JETЁN

Mos i numëro ditët e jetës!
Do të të mungojnë
ato të vërtetat…


Jetoni bashkë!
Një dru, fiket në furrë.
Dy, ndizen dhe jashtë…


Jeto pa stres!
Çdo gjë që lind normale,
normalisht, vdes…

  1. PЁR RRUGЁN

Ndiq udhën tënde!
Nëse mendon të rikthehesh,
mos harro, të lësh shenja…


Mos ki frikë!
Rrugën, macja e zezë, mund të ta presë.
Bëj pak durim, sa të ikë…


Bëj kujdes!
Ndoshta, të takon të hapësh rrugë të re.
Bëje të mire, të të ndjekin njerëz…

  1. PЁR DASHURINЁ

Mos i mungo puthjet!
Janë tela korenti,
në lidhje të shkurtër…


Duaje shtratin e përnatëshëm!
Eshtë e vetmja shtrojë,
ku t´bien brinjtë rehatshëm…


Mos e harro dritaren hapur!
Në mos dalësh ti,
dikush futet natën…

Burimi/Facebook